| e-texts navigator |
| Wylie |
420a1 དཔལ་བཟང་པོས། སྐད་གཉིས་སྨྲ་བ་རྣམས་ཀྱི་གདན་ས་གཙུག་ལག་ཁང་ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། །ས་སྟེང
420a2 དུ་ཉི་མ་དང་། ཟླ་བ་ལྟར་གྱུར་ཅིག|་།།བྱམས་པ་བསྒོམ་པའི་མདོ། རྒྱ་གར་སྐད་དུ། མཻ་ཏྲི་བྷཱ་བན་སཱུ་ཏྲ། བོད་སྐད་དུ། བྱམས་པ་བསྒོམ་པའི་མདོ། འཕགས་པ་དཀོན་མཆོག་གསུམ
420a3 ལ་གུས་པས་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན
420a4 བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་བོས་ནས། དགེ་སློང་དག་བཙུན་པ་བཅོམ་ལྡན་འདས་ཀྱི་སྦྱན་སྔར་སོ་སོར་འོངས་པ་ལ། བཅོམ་ལྡན་འདས
420a5 ཀྱིས་ཀྱང་འདི་སྐད་ཅེས་བཀའ་སྩལ་ཏོ། །སེམས་རྣམ་པར་གྲོལ་བར་བྱ་བའི་ཕྱིར་བྱམས་པ་བསྒོམ་པར་བྱའོ། །བསམ་པ་བརྟན་པར་བྱ་བའི་ཕྱིར་རོ། །མང་དུ་བྱེད་པ་དང་།
420a6 ཞི་བར་བྱེད་པ་དང་། གཞིར་བྱེད་པ་དང་། རྗེས་སུ་གནས་པར་བྱེད་པ་དང་། འདིས་པར་བྱ་བ་དང་། ཤིན་ཏུ་བཙུན་པར་བྱའོ། །ཕན་ཡོན་བཅུ་གཅིག་པོ་སོ་སོར་བཤད་པར
420a7 བྱའོ། །བཅུ་གཅིག་གང་ཞེ་ན། བདེ་བར་ཉལ་བ་དང་། བདེ་བར་སད་པ་དང་། སྡིག་པའི་རྨི་ལམ་མི་མཐོང་བ་དང་། དེ་ལ་མི་རྣམས་དགའ་བ་དང་། མི་མ་ཡིན་རྣམས
iiif viewer powered by OpenSeadragon
