| e-texts navigator |
| Wylie |
24b1 འགྱུར་རོ།། དངོས་གྲུབ་ཐམས་ཅད་ཐོབ་པར་འགྱུར་རོ།། སེམས་ཅན་ཐམས་ཅད་དབང་དུ་འགྱུ་རོ།། དཀར་པོའི་ཚེས་བརྒྱད་དམ་བཅོ་ལྔ་ལ་འཕགས་མ་སྒོལས་ལ
24b2 མཆོད་པ་ཆེན་པོ་བྱས་ཏེ། སྒྲོལ་མ་མངོན་སུམ་དུ་མཐོང་གི་བར་དེ་ཙམ་དུ་བཟླས་པ་བྱའོ།། གང་འདོད་པ་དེ་སྦྱིན་ནོ།། མཆོག་ཐམས་ཅད་སྟེར་རོ།། མ་བྱིན་ན་བདག་གིས
24b3 མཚམས་མེད་པ་ལྔ་བྱས་སོ།། གཞན་ཡང་ཕན་ཡོན་དཔག་ཏུ་མེད་པ་འབྱུང་བར་འགྱུར་རོ།། རྡོ་རྗེ་མཆོག་གི་རྒྱུད་ལས་བཏུས་པ། འཕགས་མ་སྒྲོལ་མ་རང་གི་དམ་བཅས
24b4 པའི་གཟུངས་རྫོགས་སྷོ།། །། རྒྱ་གར་སྐད་དུ།། ཨརྱ་ཏཱ་ར་ཨཥྚ་གྷོ་རེ་ཏཱ་སྭི་སུ་ཏྲ། བོད་སྐད་དུ།། འཕགས་མ་སྒྲོལ་མ་འཇིགས་པ་བརྒྱད་ལས་སྐྱོབ
24b5 པའི་མདོ།། དཀོན་མཆོག་གསུམ་ལ་ཕྱག་འཚལ་ལོ།། རྗེ་བཙུན་མ་སྒྲོལ་མ་ལ་ཕྱག་འཚལ་ལོ།། བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ལོ།། འདི་སྐད
24b6 བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་རབ་ཀྱི་སྟེང་ལྷའི་གནས་ན་བཞུགས་ཏེ། དེ་ཉིད་དུ་འཁོར་རྣམས་ཀྱི་ནང་ནས་ལྷ་མོ་སྒྲོལ་མས་འདི་སྐད་ཅེས
24b7 སྨྲས་སོ།། མཐོ་རིས་རིན་ཆེན་ལྟ་བུ་འདི་ཐོབ་ནས།། ལས་དང་ལས་ཀྱི་འབྲས་བུ་ཤེས་པར་བྱོས།། བཟང་པོ་བསྟེན་ཅིང་ངན་པ་སྤང་བར་བགྱི།། གང་དག་སྡིག་པའི
24b8 ལས་རྣམས་སྤྱོད་བྱེད་པ།། འཇིག་རྟེན་ཕ་རོལ་ཐུར་དུ་འབབ་འགྱུར་ཏེ།། དུད་འགྲོ་གླེན་ལྐུགས་གཅིག་ལ་གཅིག་ཟ་དང་། གྱེན་ཐུར་འཛེག་ག་ཡང་ས་ངལ་བའི་ལ།།
iiif viewer powered by OpenSeadragon
