| e-texts navigator |
| Wylie |
112b1 དཔལ་བཅོམ་ལྡན་འདས་ཀྱི་གསུངས་པ་ལ་ཡིད་རངས་ཏེ་མངོན་པར་བསྟོད་དོ།། འཕགས་པ་ཚངས་པའི་དཔལ་ལུང་བསྟན་པ་ཞེས་བྱ་བ་ཐེག་པ་ཆེན་པོའི
112b2 མདོ། རྫོགས་སྷོ།། །། རྒྱ་གར་སྐད་དུ།
112b3 ཨཱ་ཡུ་པརྱ་ན་ད་སཱུ་ཏྲམ། བོད་སྐད་དུ།། ཚེའི་མཐའི་མདོ།། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།
112b4 བཅོམ་ལྡན་འདས་གཉེན་ཡོད་ན། རྒྱལ་བུ་རྒྱལ་བྱེད་ཀྱི་འཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་།
112b5 རྣམས་ལ་བཀའ་སྩལ་པ། དགེ་སློང་དག་ཁྱེད་སེམས་ཅན་རྣམས་ཀྱི་ཚེའི་མཐའ་སྟན་པ། བཅོམ་ལྡན་འདས་ལས་ཐོས་ནས། དགེ་སློང་དག་འཛིན་པར་བགྱིད་ལག་སོ།།
112b6 དགེ་སློང་དག་དེའི་ཕྱིར་ལེགས་པར་རབ་ཏུ་ཉོན་ལ་ཟུང་ཤིག་དང་བཤད་དོ།། དགེ་སློང་དག་དམྱལ་བ་རྣམས་ཀྱི་ཚེ་ཚད་ནི། རིང་ན་བསྐལ་པ་གཅིག་ཏེ།། བར་མ་དོར
112b7 མཆི་བ་ནི་ཡོད་དོ།། དགེ་སློང་དག་དུད་འགྲོ་རྣམས་ཀྱི་ཚེ་ཚད་ནི་རིང་ན་བསྐལ་པ་གཅིག་སྟེ། བར་མ་དོར་མཆི་བ་ནི་ཡོད་དོ།། དགེ་སློང་དག་མི་རྣམས་ཀྱི་ཉིན་ཞག་སུམ
112b8 བཅུ་ལ་གང་ཡིན་པ་དེ་ཡིད་བཏགས་རྣམས་ཀྱི་ཉིན་ཞག་གཅིག་གོ། ཉིན་ཞག་སུམ་བཅུ་ལ་ཟླ་བ་ཅིག། ཟླ་བ་བཅུ་གཉིས་ལ་ལོ་ཅིག་སྟེ། ཡི་དགས་རྣམས་ཀྱི་ཚེ
iiif viewer powered by OpenSeadragon
