| e-texts navigator |
| Wylie |
231b1 རྟེན་དཔོག་མི་ནུས། བཅོམ་ལྡན་འདས་དགེས་ཤིང་དེ་སྐད་ཅེས་བཀའ་སྩལ་ཏོ།། ཡུལ་མཉམ་དཀའི་རྒྱལ་པོ་མཁས་ལྡན་གཟུགས་ཅན་སྙིང་པོ་དང་། དགེ་སློང
231b2 དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་མི་དང་ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རང་ཏེ། བཅོམ་ལྡན་འདས་ཀྱིས་གསུངས
231b3 པ་ལ་བངོན་པར་བསྟོད་དོ།། འཕགས་པ་སྲིད་པ་འགྲོ་བ་ཞེས་བྱ་བ་ཐེག་པ་ཆེན་པོའི་མདོ།། རྫོགས་སོ།། བཀྲ་ཤིས་ཤོག
231b4 རྒྱ་གར་སྐད་དུ། ཨཱརྱ་ཏ་ཐཱ་ག་ཏ། པྲ་ཏི་བི་མ་བ། པྲ་ཏིཥྛ་ཨ་ནུ་ཤངས། སམ་པརྣན་ན་མཱ་དྷརྨ་བརྒྱ་ཡ། བོད་སྐད་དུ། འཕགས་པ།
231b5 དེ་བཞིན་གཤེགས་པའི་གཟུགས་བརྙན་གཞག་པའི་ཕན་ཡོན་ཡང་དག་པར་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས། ཐམས་ཅད་མཁྱེན་པ་ལ་ཕྱག་འཚལོ།།
231b6 འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྤྲིན་གྱི་ཀུན་དགའོ་བ་ན་བཞུགསོ།།
231b7 དེའི་ཚེ་དགེ་སློང་རབ་ཏུ་མང་པོ་དག་ཅིག་རིམ་འགྲོའི་གནས་སུ་ལྷགས་ཏེ། འདུས་ནས་བར་སྐབས་དེར་གཏམ་འདི་ལྟ་བུ་ཞིག་གླེངས་སོ།། ཁྱེད་ཅག་ལ་བྲམ
231b8 ཟེའམ། ཁྱིམ་བདག་དད་པ་ཅན་ཐོས་པ་འཛིན་པ་ཟོས་པ་བསགས་པ། དགེ་བ་ཇི་ལྟར་བྱ་ཞེས་ཚོལ། དེ་བཞིན་གཤེགས་པའི་གཟུགས་བརྟན་བྱ་བར་སྤྲོ་བ་སྐྱེད།
iiif viewer powered by OpenSeadragon
