| e-texts navigator |
| Wylie |
50b1 གྱིས་གཞིབས་པ་བཞིན་དུ་དམིགས་ཏེ། རྡོ་རྗེའི་ཚིག་འདི་སྨྲ་ཞིང་། རྡོ་རྗེ་ཕྲ་མོ་སྤྲོས་པས་དེ་དག་གི་ཕུང་པོ་ལྔ་དབང་པོ་ལྔ་མྱུར་དུ་བརླག་པར་འགྱུར་རོ། །ལྷས་སྨྲས་ན་ལྷའི་ཟླ་བ་གཅིག་གམ། ལོ་ལྔ་ན་ལྷ་མ་ཡིན་མགོ་འགས་པར་འགྱུར་རོ། །དགེ་སློང་གིས་སྨྲས་ན་བདུད་ཀྱི
50b2 མཚོན་ཆ་རྣམས་མྱུར་དུ་བཏུལ་བར་འགྱུར་རོ། །མིས་བརྗོད་ན་གང་ལ་དམིགས་པ་དེ་མིའི་ཟླ་བ་གཅིག་གམ། མིའི་ལོ་ལྔ་ན་ངེས་པར་བརླག་པར་འགྱུར་རོ། །བཅོམ་ལྡན་འདས་ཀྱིས་ལག་ན་རྡོ་རྗེ་དང་། བྲམ་ཟེའི་ཁྱེའུ་ལ་ལེགས་སོ་ཞེས་བྱ་བ་བྱིན་ནས་མི་སྣང་བར་གྱུར་ཏོ། །དེ་ནས
50b3 བྲམ་ཟེའི་ཁྱེའུ་དེས་ཚངས་པའི་སྐད་ཕྱུང་སྟེ། རྡོ་རྗེའི་ཚིག་འདི་ལྷ་གནས་གསུམ་པོར་བསྒྲགས་སོ། །རྡོ་རྗེ་ཕྲ་མོ་ཐོགས་པ་མེད་པ་ཞེས་བྱ་བའི་གཟུངས་རྫོགས་།། @#། །རྒྱ་གར་སྐད་དུ། ཨཱརྱ་བཛྲ་བྷཻ་ར་བ་དྷཱ་ར་ཎཱི་ནཱ་མ། བོད
50b4 སྐད་དུ། འཕགས་པ་རྡོ་རྗེ་འཇིགས་བྱེད་ཀྱི་གཟུངས་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །རྒྱལ་བ་སྲས་དང་བཅས་པ། དྲི་མ་མེད་པ། དྲི་མ་སེལ་བ། མཐའ་ཡས་པ། མུ་ཐུག་པ་མེད་པ། དམ་པ་སྦྱིན་པ། ཤིན་ཏུ
50b5 རྒྱ་ཆེ་བ། ཐམས་ཅད་བདག་ལ་མཐུན་པར་རྟག་ཏུ་མཐའ་ཡས་པའི་དམ་པའི་མཆོག་སྩོལ་བར་གྱུར་ཅིག་།དེ་ལ་ངའི་རྡོ་རྗེའི་ཚིག་ནི་འདི་དག་གོ། ། ར་ར། ཨ་ས་མ། ས་མ་ཏཱ། ཨ་ནནྟ་དྷརྨ་ཏྲེ། ཁ་ཎཱ་ཁ་ཎཱ། མ་ཧཱ་བི་རེ། ཙ་ལེས་མ་མ། ཨཱ་ས་ཧཱ། མ་ཧཱ་བ་ལེ། ཀ་ཎ་ཀ་ཎ།
50b6 མ་ཧཱ་བ་ལ་ཨཱ་གྲི་ཧེ། ཧ་ཧ་བཛྲ་བཛྲཱ་ཧཱ་ཡེ། དྷ་ར་དྷ་ར། ཧཱུ~ཾ་ཧཱུ~ཾ་མཎྜ་ལ། ས་མ་པ་ར་ཨ་ཀྲ་བི་ཀྲ་མེ། ཀུ་རུ་ཀུ་རུ། ཏུ་རུ་ཏུ་རུ་སརྦ~ཾ་ཐཱ། སརྦ་ཧི། ཛྭ་ལ་ཛྭ་ལ། ཨ་ཀྲི་ནི་ཕཊ་སྭཱ་ཧཱ། རིག་སྔགས་དང་གསང་སྔགས་ཐམས་ཅད་ཀྱི་སྙིང་པོ་འདི་དེ་བཞིན་གཤེགས་པའི་སྤྱན་སྔར་ལན་སྟོང
50b7 བཟླས་བརྗོད་བྱས་ན། རིག་སྔགས་དང་། གསང་སྔགས་ཐམས་ཅད་ལན་འབུམ་བཟླས་བརྗོད་བྱས་པར་འགྱུར་རོ། །ལས་གཞན་ཐམས་ཅད་ཀྱང་དོན་ཡོད་ཅིང་ཐོགས་པ་མེད་པར་བྱེད་དེ། དམ་ཚིག་གསུམ་པའི་ཆོ་ག་ལས་འབྱུང་བའི་རིག་སྔགས་དང་། གསང་སྔགས་དང་། སྙིང
iiif viewer powered by OpenSeadragon
