| e-texts navigator |
| Wylie |
201b1 རྗེའི་དབང་ཕྱུག་སྐུ་གསུང་ཐུགས། །རྟག་ཏུ་སྦྱོར་བར་བགྱིས་པས་ན། །ཐུགས་རྗེའི་དབང་ཕྱུག་སྤྱན་རས་གཟིགས། །སྲིད་གསུམ་རེ་བའི་གནས་གཅིག་པོ། །ཡོན་ཏན་བསམ་གྱིས་མི་ཁྱབ་པ། །དེ་འདྲར་བདག་ཀྱང་གྲུབ་གྱུར་ཏེ། །སྲིད་གསུམ་རེ་རྫོགས་བགྱིད་གྱུར་ཅིག་།ན་མོ་རཏྣ་ཏྲ་ཡཱ་ཡ། ན་མ
201b2 ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཙཀྲ་བརྟི། ཙིནྟཱ་མ་ཎི་མ་ཧཱ་པདྨེ་རུ་རུ་ཏིཥྛ། ཛྭ་ལ་ཨཱ་ཀཪྵ་ཡ་ཧཱུ~ཾ་ཕཊ་སྭཱ་ཧཱ། རྩ་བའི་སྔགས་རྫོགས་སོ། །ོཾ་པདྨེ་ཙིནྟཱ་མ་ཎི་ཛྭ་ལ་ཧཱུ~ཾ། སྙིང་པོའོ། །ོཾ་བྟ་ར་ཏ་པདྨེ་ཧཱུ~ཾ། ཉེ་བའི་སྙིང་པོའོ། །ོཾ་མ་ཎི་བཛྲེ་ཎི་ཧཱུ~ཾ། །
201b3 བསང་བའི་སྙིང་པོའོ། །སྔགས་སྙིང་བཞི་འབྱུང་བ་དང་། སྨོན་ལམ་དང་ཚིགས་སུ་བཅད་པ་དང་སྔགས་སུ་བཅས་པ་རྫོགས་སོ།། @#། །རྒྱ་གར་སྐད་དུ། མ་ཧཱ་ཀཱ་རུ་ཎི་ཀ་ནཱ་མ་ཨཱརྱ་ཨ་བ་ལོ་ཀི་ཏེ་ཤྭ་ར་དྷཱ་ར་ཎཱི་ཨ་ནུ་ཤཾ་ས་ས་ཧི་ཏ་སཱུ་ཏྲཱཏ་ས~ཾ་གྲ་ཧི་ཧ། བོད་སྐད་དུ། འཕགས་པ་སྤྱན
201b4 རས་གཟིགས་དབང་ཕྱུག་ཐུགས་རྗེ་ཆེན་པོའི་གཟུངས་ཕན་ཡོན་མདོར་བསྡུས་པ་ཞེས་བྱ་བ། འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་བོ་པོ་ཊ་ལ་སྤྱན་རས་གཟིགས་དབང་ཕྱུག་གི
201b5 གནས་ན་བྱང་ཆུབ་སེམས་དཔའ་གྲངས་མེད་དཔག་ཏུ་མེད་པའི་འཁོར་གྱིས་བསྐོར་ནས། དེའི་ཚེ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ནས་ཐལ་མོ་སྦྱར་ཞིང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ང་ལ་འདི་ལྟ་བུའི་གཟུངས་ཡོད་མིང་ནི་ཐུགས་རྗེ་ཆེན་པོ་ཞེས་ཟེར
201b6 སེམས་ཅན་ཀུན་གྱི་མི་དགེ་བའི་སྡིག་པ་ཤིན་ཏུ་ལྕི་བའི་སྒྲིབ་པ་བདུད་དང་འཇིགས་པ་ཐམས་ཅད་ཞི་བར་བྱེད་པ་འདོད་པ་ཐམས་ཅད་རབ་ཏུ་ཚིམ་པར་བྱེད་པའི་ཕྱིར་ངས་བཤད་དོ། །བཅོམ་ལྡན་འདས་ལ་བཤད་པའི་གནང་བ་ཞུས་ནས། དེ་ནས་བཅོམ་ལྡན་འདས་ཀྱིས་རིགས་ཀྱི་བུ་ཁྱོད་ཀྱིས་ཐུགས་རྗེ
201b7 ཆེན་པོའི་སྒོ་ནས་གཟུངས་བཤད་པར་འདོད་པའི་དུས་ལ་བབ་བོ། །མྱུར་བར་བཤད་དུ་གསོལ། ང་དང་སངས་རྒྱས་ཐམས་ཅད་ཀྱིས་ཀྱང་རྗེས་སུ་ཡི་རང་ངོ་། །བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་དགེ་སློང་ངམ། དགེ་སློང
iiif viewer powered by OpenSeadragon
