| e-texts navigator |
| Wylie |
176b1 རྒྱ་གར་གྱི་མཁན་པོ་པྲཛྙཱ་བར་མ་དང་། ཞུ་ཆེན་གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། @#། །རྒྱ་གར་སྐད་དུ། ཨཱརྱ་ཨ་བྷ་ཡ་པྲ་དཱ་ནཱ་མ་ཨ་པ་རཱ་ཛི་ཏ། བོད་སྐད་དུ། འཕགས་པ་གཞན་གྱིས་མི་ཐུབ་པ་མི་འཇིགས་པ་སྦྱིན
176b2 པ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །གྲུབ་པ་ཐམས་ཅད་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན
176b3 པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །སེམས་ཅན་ཐམས་ཅད་ཀྱི་སྡུག་བསྔལ་སེལ་བ་ལ་ཕྱག་འཚལ་ལོ། །སེམས་ཅན་ཐམས་ཅད་ཀྱི་སྡུག་བསྔལ་ལས་གྲོལ་བར་མཛད་པ་ལ་ཕྱག་འཚལ་ལོ། །སེམས་ཅན་ཐམས་ཅད་ཀྱི་འཆིང་བ་གཅོད་པ་ལ
176b4 ཕྱག་འཚལ་ལོ། །སེམས་ཅན་ཐམས་ཅད་ལ་མི་འཇིགས་པ་སྦྱིན་པ་ལ་ཕྱག་འཚལ་ལོ། །དེ་ནས་འཇིགས་པ་མེད་པ་འཕགས་པ་སྤྱན་རས་གཟིགས་དབང་ཕྱུག་གི་གཞན་གྱིས་མི་ཐུབ་པའི་སྙིང་པོ་བརྗོད་པར་བྱའོ། །ལས་ཀུན་བྱེད་པ་དགེ་བ་སྟེ། །འབྱུང་པོ་ཀུན་གྱིས་འཇིགས་པ་མེད། །
176b5 བདུད་རྩི་ལས་ནི་བདུད་རྩི་འབྱུང་། །འདི་ནི་ལས་ཀུན་བྱེད་པ་ཡིན། །དགྲ་ཀུན་འཇིགས་པར་བྱེད་པ་སྟེ། །རྩོད་དང་དེ་བཞིན་འཐབ་པ་དང་། །གཞན་དང་དགྲས་ནི་འཁོར་བ་དང་། །རྩོད་པའི་ནང་དུ་རྩོད་བྱེད་དང་། རྟག་ཏུ་དགྲ་དང་ཕྲད་པ་དང་། །རྨུགས་པར་བྱེད་ཅིང་རེངས་པར་བྱེད། །
176b6 རྨོངས་པར་བྱེད་ཅིང་སྡིག་པ་སེལ། །དུག་དང་མེ་ནི་རེངས་བྱེད་དང་། །རིམས་དང་ཉེས་སྡིག་ཐམས་ཅད་སེལ། །ཆོམ་རྐུན་དང་ནི་ཆུ་དང་སྦྲུལ། །རྨི་ལམ་ངན་པ་ཐམས་ཅད་སེལ། །འབྱུང་པོ་ཐམས་ཅད་ཟློག་པ་ཡིན། །སངས་རྒྱས་བྱང་ཆུབ་འདྲེན་པ་དང་། །ཆོམ་རྐུན་རབ་ཏུ་སྟོན་པ་སྟེ། །
176b7 འདི་ནི་རིག་སྔགས་མཐུ་སྟོབས་ཅན། །གཞན་གྱིས་མི་ཐུབ་སྲིན་པོ་འཇོམས། །གང་ཚེ་རིག་སྔགས་འདི་བཤད་པ། །དེ་ནས་འདི་གཡོ་བར་འགྱུར། །འཇིགས་མེད་ལྡན་པ་ཞེས་བྱ་བའི། །རིག་སྔགས་རྒྱལ་པོ་བླ་ན་མེད། །འཇིག་རྟེན་མགོན་པོས་གསུངས་པ་སྟེ། །འཇིག
iiif viewer powered by OpenSeadragon
