| e-texts navigator |
| Wylie |
171a1 ཐམས་ཅད་དང་། ལོག་པར་འདྲེན་པ་དང་། ཕྱིར་རྒོལ་བ་ཐམས་ཅད་འཇོམས་པར་འགྱུར་རོ། །བསྒོམ་ཉེས་པ་དང་། བྲི་ཉེས་པ་དང་། སྔགས་ནོར་བ་དང་། ཕྱག་རྒྱ་ནོར་བ་དང་། བཤད་ཉེས་པ་དང་། མཉན་པ་ནོར་བ་ཡང་གཟུངས་འདི་བཀླགས་པས་དག་པར་འགྱུར་རོ། །
171a2 གཟུངས་འདིས་སུ་ལ་བསྲུང་བ་བྱས་པ་དང་། ཡོངས་སུ་བསྐྱབ་པ་བྱས་པ་དང་། བསྐྱང་བ་དང་། ཞི་བ་དང་། བདེ་ལེགས་སུ་བྱས་པ་དེ་ལ་མཚོན་དང་། དུག་དང་། དབྱིག་དུག་དང་། བྱད་དང་གཤེད་མ་དང་། རིམས་དང་། གནོད་པ་ཐམས་ཅད་དང་། དུས་མ་ཡིན་པར་འཆི་བས་མི
171a3 ཚུགས་སོ། །གནོད་པར་བྱེད་པ་ཚར་གཅོད་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་འཇམ་དཔལ་དང་། ཉན་ཐོས་ཆེན་པོ་ཤ་ར་དྭ་ཏིའི་བུ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས
171a4 ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྤྱན་རས་གཟིགས་དབང་ཕྱུག་སེང་གེ་སྒྲ་ཞེས་བྱ་བའི་གཟུངས་རྫོགས་སོ།། །།ཁ་ཆེའི་ཡུལ་དུར་ཁྲོད་འབྲིས་ཀ་རང་བྱུང་གི་མཆོད་རྟེན་རྩར། དངོས་གྲུབ་བརྙེས་པའི་རྗེ་བཙུན་མ་རྡོ་རྗེ་སེམས་མ་དང་།
171a5 སྒྲ་བསྒྱུར་གྱི་ལོཙྪ་བ་འགར་ཤེས་རབ་འབྱུང་གནས་ཞེས་བྱ་བས་བསྒྱུར་ཅིང་ཞུས་ཏེ་གཏན་ལ་ཕབ་པ།། @#། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོ~ཾ་ཨ་ཀ་ཊེ། བི་ཀ
171a6 ཊེ། ནི་ཀ་ཊེ། ཀ་ཏཾ་ཀ་ཊེ། ཀ་རོ་ཊེ། ཀ་རོ་ཊ། བཱིརྱེ་སྭཱ་ཧཱ། བཅོམ་ལྡན་འདས་དེའི་སྤྱན་སྔར་བའི་ལྕི་བ་ས་ལ་མ་ལྷུང་བས་སོ་སོར་མཎྜལ་བརྒྱད་བྱས་ལ་མཎྜལ་རེ་རེ་ལ་ལན་བཅུ་གསུམ་གྱི་བར་དུ་བཟླས་ལ། ལྕི་བ་ལྷག་མ་ལ་སྔགས་བཟླས་ཏེ་ནད་པ་ལ་ཉེ་བར་བྱུགས་ན་ནད་ཐམས་ཅད་ཞི་བར
171a7 འགྱུར་རོ། །གལ་ཏེ་ཉི་མ་བདུན་ནམ། བཅུ་གསུམ་མམ། ཉི་ཤུ་རྩ་གཅིག་གིས་འགྲུབ་སྟེ། མཚམས་མེད་པ་ལྔ་བྱས་པ་ནི་མ་ཡིན་ནོ། །དེ་ལྟར་མ་གྲུབ་ན་བདག་གིས་མཚམས་མེད་པ་ལྔ་བྱས་པར་འགྱུར་རོ། །སེང་གེ་སྒྲའི་གཟུངས་རྫོགས་སོ།། །།རྒྱ་གར་གྱི་མཁན
iiif viewer powered by OpenSeadragon
