| e-texts navigator |
| Wylie |
164b1 སོང་སྡུག་བསྔལ་དང་། །མི་ཁོམ་བརྒྱད་ལས་རྣམ་གྲོལ་ཏེ། །ཉན་དང་འཆང་དང་བསྒོམ་པར་འགྱུར། །དྲི་མེད་ནམ་མཁའི་དཀྱིལ་ལྟ་བུའི། །བཅོམ་ལྡན་འདས་ཀྱང་མཐོང་བར་འགྱུར། །ཞེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས
164b2 དབང་ཕྱུག་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་བཏུད་ནས་ལེགས་སོ་ལེགས་སོ་ཞེས་བྱ་བ་གསུངས་ནས་སྟན་ལ་འཁོད་དོ། །བྱང་ཆུབ་སེམས་དཔའ་འབུམ་ཕྲག་ལྔ་སྟོང་དང་ལྷ་དང་མི་དང་། ལྷ་མ་ཡིན་དང་བཅས་པའི་འཇིག་རྟེན་ཡི་རངས་ཏེ་བཅོམ་ལྡན་འདས་ཀྱིས
164b3 གསུངས་པ་ལ་མངོན་པར་བསྟོད་དོ། །པདྨ་ཅོད་པན་ཞེས་བྱ་བའི་རྒྱུད་ལེའུ་བཅུ་གཅིག་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་དྷརྨ་ཤྲཱི་མི་ཏྲ་དང་། བོད་ཀྱི་ལོཙྪ་བ་དགེ་སློང་ཆོས་ཀྱི་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
164b4 @#། །རྒྱ་གར་སྐད་དུ། སིཾ་ཧ་ནཱ་ད་ཏནྟྲ་ནཱ་མ། བོད་སྐད་དུ། སེང་གེ་སྒྲའི་རྒྱུད་ཅེས་བྱ་བ། བཅོམ་ལྡན་འདས་པདྨ་གསུང་གི་ལྷ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་པདྨའི་དབང་ཕྱུག་དུ་བསྒྱུར་ཏེ་རྡོ་རྗེའི་གདན་ལ
164b5 བཞུགས་སོ། །དེ་ནས་གསང་བའི་བདག་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བསོད་ནམས་དང་ཡེ་ཤེས་ཀྱི་ཚོགས་དང་ལམ་རྣམས་ཇི་ལྟར་སྦྱང་། ཨེ་མ་ཧོ་སེམས་ཅན་རྣམས་ལ་སྙིང་བརྩེ་བའི་མཆོག་སྤྱན་རས་གཟིགས་སེང་གེ་སྒྲ་ཞེས་བྱ་བ་ཡོད་དེ། །
164b6 དེ་ཡིས་སྨོན་ལམ་སྦྱང་བ་དང་། བསོད་ནམས་དང་ཡེ་ཤེས་ཀྱི་ཚོགས་བསགས་པར་ཡིད་ལ་བྱས་སོ། །དེ་ནས་བཅོམ་ལྡན་འདས་པདྨའི་དབང་ཕྱུག་ལངས་ཏེ། གསང་སྔགས་ཀྱི་ཚིག་འདི་དག་སྨྲས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ
164b7 སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོ~ཾ་ཨ་ཀ་ཊེ། བི་ཀ་ཊེ། ནི་ཀ་ཊེ། ཀ་ཊཾ་ཀ་ཊེ། ཀ་རོ་ཊེ། ཀ་རོ་ཀཾ་ཊེ། བཱི་རྱཻ་སྭཱ་ཧཱ། ཨོ~ཾ་ཨཱཿཧྲཱིཿསིཾ་ཧ་ནཱ་ད་ཧཱུ~ཾ། བྲུ~ཾ་ཨཱ~ཾ་ཛྲཱིཾ་ཁ~ཾ་ཧཱུ~ཾ། ཨོ~ཾ་ཨཱཿཧཱུ~ཾ། ཨོ~ཾ་བ་ལི་ན་བྷུཉྫ་ཛི་བ་པུཥྤེ་དྷཱུ་པེ་ཧཱུ~ཾ། སརྦ་ཨ་མྲྀ་ཏེ་ཧཱུ~ཾ། ཨོ~ཾ་བ་ཏ་ལི། མ་ཧཱ་བ་ཏ་ལི། ཧཱུ~ཾ
iiif viewer powered by OpenSeadragon
