| e-texts navigator |
| Wylie |
157b1 སྲིད་ལྡན་པ་དང་། །རིན་ཆེན་སྣ་ཚོགས་དག་ཀྱང་ནི། །གཞན་ཡང་རྡོ་རྗེ་སློབ་དཔོན་དབུལ། །རྡོ་རྗེ་སློབ་དཔོན་དགྱེས་གྱུར་པ། །ཐམས་ཅད་རབ་སྦྱིན་དབུལ་བར་བྱ། །འཇིག་རྟེན་དབང་ཕྱུག་གི་རྟོག་པ་རྫོགས་སོ།། །།རྒྱ་གར་གྱི་མཁན་པོ་ཛམ་བྷ་ལ་དང་། བོད་ཀྱི
157b2 ལོཙྪ་བ་དགེ་སློང་པ་རིས་བསྒྱུར་ཅིང་གཏན་ལ་ཕབ་པ། ། @#། །རྒྱ་གར་སྐད་དུ། པདྨ་མུ་ཀུ་ཊནྟྲ་ནཱ་མ། བོད་སྐད་དུ། པདྨ་ཅོད་པན་ཞེས་བྱ་བའི་རྒྱུད། བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །འདི་སྐད་བདག
157b3 གིས་ཐོས་པ་དུས་གཅིག་ན། བཅོམ་ལྡན་འདས་ལྷའི་གཞལ་མེད་ཁང་ན་ལོངས་སྤྱོད་རྫོགས་པའི་སྐུར་སངས་རྒྱས་ནས་བྱང་ཆུབ་སེམས་དཔའི་འཁོར་དཔག་ཏུ་མེད་པ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཐུགས་རྗེ་ཆེན་པོའི་སྒོ་ཀུན་ནས་འཕྲོ་བ་ཞེས་བྱ་བའི་ཏིང
157b4 ངེ་འཛིན་ལ་སྙོམས་པར་ཞུགས་ཏེ། འོད་ཟེར་གྱིས་རྣམ་པར་སྣང་མཛད་གང་ཆེན་མཚོའི་ཞིང་གི་རྡུལ་ལ་རེག་པས་རེག་མ་ཐག་ཏུ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་ལ་མཆོད་ནས། འོད་ཟེར་དེ་བཅོམ་ལྡན་འདས་ཀྱི་དབུའི་གཙུག་ཏུ་ནུབ་བོ། །ནུབ་མ་ཐག་ཏུ་ཐུགས་རྗེ་ཆེན་པོ
157b5 ཕྱག་སྟོང་སྤྱན་སྟོང་དང་ལྡན་པ་སྐུ་མདོག་གངས་ཀྱི་རྩེ་ལ་ཉི་མ་ཤར་བ་ལྟར་དཀར་བ་ཞལ་བཅུ་གཅིག་གི་རྩ་བའི་ཞལ་དཀར་པོ། །སྟེང་ཞལ་སེར་བ། གཡས་ལྗང་གུ། གཡོན་དམར་བ། སྟེང་གི་གསུམ་ནག་པོ། །བཅོམ་ལྡན་འདས་ཀྱི་དབུ་ནི་བྱི་རུ་བཅག་པ་ལྟ་བུར་གྱུར་ཏེ། འཛུམ
157b6 པ་མཛད་ནས་ཐུགས་རྗེ་ཆེན་པོའི་བདག་པོ་འཕགས་པ་སྤྱན་རས་གཟིགས་དབང་ཕྱུག་ལ་གཟིགས་སོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ཐལ་མོ་སྦྱར་ཏེ་བཅོམ་ལྡན་འདས་ལ་གསོལ་པ། སྐུ་དང་སྔགས་དང་ལས་རྣམས་དང་། །ཁྱད་པར
157b7 ཆོ་ག་བསྟན་པར་གྱིས། །ཞེས་གསོལ་བ་བཏབ་ནས། བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ནས་བཀའ་སྩལ་པ། སྐུ་ཡི་རྣམ་པ་འདི་ལྟ་སྟེ། །ཐུགས་རྗེ་དག་པས་ཆུ་ཤེལ་ཏེ། །མཉམ་པར་བཞེངས
iiif viewer powered by OpenSeadragon
