| e-texts navigator |
| Wylie |
132b1 ཕྱིན་པ་ཡང་ཡོངས་སུ་རྫོགས་པར་འགྱུར་རོ། །དགའ་བོ་ཁྱོད་ཀྱིས་འདིའི་རྗེས་སུ་ཆོས་བཞིན་ཡིད་ལ་བྱས་ཏེ། སེམས་ཅན་ཐམས་ཅད་ཀྱིས་མཐོང་ཞིང་ཐོས་པར་བྱ་བའི་ཕྱིར་ཡོངས་སུ་རྒྱས་པར་སྟོན་ཅིག་དང་། བསོད་ནམས་ཚད་མེད་པ་ཐོབ་པར་འགྱུར་རོ། །ཁ
132b2 ནས་མེ་འབར་བ་ལ་སྐྱབས་མཛད་པའི་གཟུངས་རྫོགས་སོ། ། །།@#། །མོ་ཁ་འབར་མ་དབུགས་དབྱུང་བའི་གཏོར་མའི་ཆོ་ག་།དཀོན་མཆོག་གསུམ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ཡུལ་སེར་སྐྱ
132b3 ན་ཤིང་ནྱ་གྲོ་དྷའི་ཀུན་དགའ་ར་བ་ན་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་ཚོགས་ཆེན་པོ་དང་། སེམས་ཅན་གྱི་ཚོགས་ཆེན་པོ་དང་། ཐབས་ཅིག་ཏུ་བཞུགས་ཏེ་ཆོས་སྟོན་ཏོ། །དེ་ནས་ཀུན་དགའ་བོ་དབེན་པར་འདུག་སྟེ། ནང་དུ་ཡང་དག་འཇོག
132b4 ཅིང་རྩེ་གཅིག་ཏུ་ཡིད་ལ་བྱེད་པས་ཆོས་མངོན་སུམ་དུ་བྱེད་པ་ན། མཚན་མོ་ནམ་གྱི་ཆ་སྨད་ལ་དེའི་མདུན་དུ་མོ་ཁ་འབར་མ་འདུག་ནས་སྨྲས་པ། ཀྱེ་ཀུན་དགའ་བོ་ཁྱོད་གནངས་འཆི་བར་འགྱུར་ཏེ། ཀྱི་གནས་འདིར་སྐྱེ་བར་འགྱུར་རོ། །ཀུན་དགའ་བོས
132b5 སྨྲས་པ། བརྟེན་པའི་ཐབས་ཅི་ཡོད། མོས་སྨྲས་པ། ཀུན་དགའ་བོ་གལ་ཏེ་ནང་པར་གང་གཱའི་ཀླུ་བྱེ་བ་ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་ལ་རེ་རེ་ལ་ཡང་ཟས་དང་སྐོམ་ཡུལ་མ་ག་དྷཱའི་བྲེ་བོ་ཆེ་བདུན་བདུན་ཙམ་བྱིན་ཏེ། བྲམ་ཟེའི་དྲང
132b6 སྲོང་འབུམ་ཡང་ཚིམ་པར་བྱས་ལ། བདག་གི་མིང་གིས་དཀོན་མཆོག་གསུམ་ལ་མཆོད་པ་བྱས་ན། དེ་ལྟ་ན་ཁྱོད་ཀྱི་ཚེ་ཡང་ཕྱིར་ནུར་བར་འགྱུར་ལ། བདག་ཀྱང་ཀྱི་འཇིག་རྟེན་ནས་ཤི་འཕོས་ཏེ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་རོ། །དེ་ནས་ཀུན་དགའ་བོས
132b7 མོ་ཁ་འབར་མ་རིད་ཅིང་མདོག་ངན་ལ་ལུས་སྐེམ་པ། ཁ་ནས་མེ་ལྕེ་འབར་བ། ལྟོ་དང་ཁ་སྐོམ་པ། རལ་བའི་ཕུང་པོ་གཡེངས་པ། སྤུ་དང་སེན་མོ་རིང་བ་མཐོང་སྟེ། ཚིག་མི་སྙན་ཅིང་ཡིད་དུ་མི་འོང་བ་དེ་ཐོས་ནས། སྐྲག་ཅིང་དངངས་ཏེ། སྤུ་ཟིང་ཞེས
iiif viewer powered by OpenSeadragon
