| e-texts navigator |
| Wylie |
3b1 སྩལ་པ་དང་། བྱང་ཆུབ་སེམས་དཔའ་ཕྱག་ན་རྡོ་རྗེ་དང་། བདུད་དཔུང་དང་བཅས་པ་རྗེས་སུ་ཡི་རང་སྟེ་བསྟན་པ་ལ་འཁོད་དོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་དྲག་པོ་གསུམ་འདུལ་བ་ཞེས་བྱ་བའི་རྒྱུད་རྫོགས་སོ།། །།བལ་པོའི་པཎ་ཌི་ཏ་དེ་ཝ་པུཎྱ་མ
3b2 ཏི་དང་། ལོ་ཙྪ་བ་དགེ་སློང་ཆོས་ཀྱི་བཟང་པོས་བསྒྱུར་བའོ།། @#། །རྒྱ་གར་སྐད་དུ། བི་བྷངྒ་གུ་ཧྱ་ཏནྟྲ་ཎཱཾ་ཏྲི་རུ་དྲ་ད་མ་ནཾ་ནཱ་མ། བོད་སྐད་དུ། གསང་བའི་རྒྱུད་རྣམས་ཀྱི་རྣམ་པར་འབྱེད་པ་དྲག་པོ་གསུམ་འདུལ་ཞེས་བྱ་བ།
3b3 འཇམ་པའི་རྡོ་རྗེ་ལ་ཕྱག་འཚལ་ལོ། །དེ་ནས་ཕྱག་ན་རྡོ་རྗེ་ཡིས། །གསང་བའི་དོན་འདི་ཡང་དག་ཞུས། །སྒྲུབ་དང་གནས་དང་མཚན་ཉིད་གང་། །རྫོགས་སངས་རྒྱས་ཀྱིས་བཀའ་སྩལ་པ། །ཤེས་རབ་སྙིང་རྗེ་གསང་དབང་ལྡན། །ལྕགས་འདྲའི་རི་དང་བྱ་སྐྱིབས
3b4 དང་། །ནགས་ཚལ་མཐུག་དང་མཆོད་རྟེན་ནང་། །ཞལ་གསུམ་ཕྱག་དྲུག་འཇིགས་པ་ཆེ། །མཆེ་བ་གཙིགས་པ་ནག་པོ་སྟེ། །དཀར་པོ་གཡས་ཏེ་ཁྲོས་པའི་མདོག་།ཧཱུ~ཾ་སྒྲོགས་མེ་ལྕེ་འབར་བའི་དབུགས། །དམར་སེར་གཡོན་ཏེ་བཞད་པའི་ཞལ། །སྤྱན་དམར
3b5 མེ་དཔུང་དང་འདྲ་བ། །ཟླ་བ་རྒྱས་པ་ལྟ་བུའི་ཞལ། །ནོར་རྒྱས་དུང་སྐྱོང་སེར་པོས་དབུ། །དགའ་བོ་ཉེ་དགའ་སྙན་ཆ་དམར། །དཔུང་པ་པད་མ་ཆུ་ལྷ་དཀར། །སེ་རལ་འདབ་རིགས་ལྡན་གནག་།ཚམ་ངམ་རྡོ་རྗེ་སྡིགས་མཛུབ་དང་། །ཐལ་མོས་བདུད་འཇོམས
3b6 སྦྲུལ་ནག་འཛིན། །ཞལ་གསུམ་པ་སྟེ་འཇིགས་པ་ཆེ། །སྐུ་གསུམ་དག་གིས་རབ་ཏུ་མཚན། །ཕོ་ཉ་གསུམ་གྱིས་གདུག་པ་འདུལ། །ཀླུ་ཡི་གཉེན་པོ་གནོད་སྦྱིན་བདག་།བདུད་འདུལ་ཚངས་པའི་ཕོ་ཉ་ནི། །ཟླ་བ་ཉི་མ་དག་གི་སྟེང་། །གླང་ཆེན་ཀར་ཀ་གསེར་གྱི
3b7 གདན། །བརྒྱ་བྱིན་སེར་པོ་རྡོ་རྗེ་འཛིན། །ཚངས་པ་རལ་གྲི་པད་མ་འཛིན། །ཀླུ་འདུལ་སྦྲུལ་ནག་འཛིན་པའོ། །བདུད་འདུལ་དབང་པོ་ཉི་མའི་སྟེང་། །གནོད་སྦྱིན་ཟླ་དང་སྟོབས་ཀྱི་སྟེང་། །ཀླུ་འདུལ་རི་སྟེང་རྒྱ་མཚོའི་ནང་། །སྦྲུལ་ནག་འཁྱིལ་པ་སྟོབས་ལྡན་ཏེ། །
iiif viewer powered by OpenSeadragon
