| e-texts navigator |
| Wylie |
36b1 ལྕག་གིས་བྲབ། །དེ་ནས་བསྐོར་བའི་འཁོར་ལོ་བཅའ། །རྩ་བའི་འཁོར་ལོའི་ལྟེ་བ་ལ། །ཀུ་ཤའི་གཟུགས་གཞག་ཕྱི་རྩིབས་ལ། །རེའུ་མིག་བཅུ་བཞི་ལྡན་པ་ལ། །རྩིབས་ལ་གཟུགས་བྲིས་བོང་ཁྲག་སྦྱར། །རེའུ་མིག་ཆ་ལ་བསྐོར་སྔགས་དགོད། །
36b2 དུ་ཏྲི་པ་ཏྲི་དཀོར་བ་ཁ~ཾ་རྦད། །ཡ་ཏྲི་དཀོར་བ་ཁ~ཾ་རྦད། །ཡུངས་ཀར་ཁྲག་སྣ་དུག་སྣས་བྲབ། །ཡང་ན་ཆུ་བོའི་གཞུང་ལ་བསྐུར། །ཡང་ན་ཕུགས་རྡུགས་གྲོག་པོར་གནོན། །དེ་ཚེ་ཞིང་ལྕགས་དྲག་ཏུ་བསྣུན། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ
36b3 ལས་དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་རྫོགས་སོ། ། །།རྒྱ་གར་གྱི་སློབ་དཔོན་ཨ་བ་ཡུག་ཏི་དང་། བོད་ཀྱི་ལོཙྪ་བ་བླ་བན་ཆོས་ཀྱི་བརྩོན་འགྲུས་ཀྱིས་ཞུས་ཏེ་བསྒྱུར་ཅིང་གཏན་ལ་ཕབ་པའོ།། །།
36b4 @#། །རྒྱ་གར་སྐད་དུ། ཤྲཱི་བཛྲ་ཙཎྜ་ཙིཏྟ་གུ་ཧྱ་ཏནྟྲ་ཨུཏྟ་རོཏྟ་ར། བོད་སྐད་དུ། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ། བཅོམ་ལྡན་འདས་དཔལ་རྡོ་རྗེ་གཏུམ་པོ་ལ་ཕྱག་འཚལ་ལོ། །དེ་ནས་འཁོར་དེ་ན་གནོད་སྦྱིན་ལག་ན་རྡོ་རྗེ་གཏུམ
36b5 པོ་ཞེས་བྱ་བ་འཁོད་པ་སྟན་ལས་ལངས་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་མིག་འཛུམས་དང་བཅས་པས་རང་གི་སྤྱོད་པ་ལས་ཤིན་ཏུ་སྤ་གོང་བར་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱཻ་བཅོམ་ལྡན་འདས་སླད་མའི་དུས་ན།
36b6 གདུག་པ་ཅན་གྱི་སེམས་ཅན་ལ་རྣམ་པར་འཚེ་ཞིང་རྣམ་པ་གསུམ་གྱིས་སེམས་ཅན་མ་རུངས་པར་བགྱིད་དེ། རེག་པའི་དུག་གིས་ཀྱང་རབ་ཏུ་ཡང་གཟིར་བར་བགྱིད་དོ། །ཁ་རླངས་ཀྱི་དུག་གིས་ནི་རབ་ཏུ་མྱོས་ཤིང་ཤིན་ཏུ་ཡང་ལྕི་བར་བགྱིད་དོ། །མཐོང་བའི་དུག
36b7 གིས་ནི་ཟ་ཞིང་འཕྲུག་ཅིང་ཚ་བར་བྱེད་དོ། །འཕྲོ་བ་ཁ་རླངས་ཀྱི་དུག་ཅན་དང་། རེག་པ་ལུས་ཀྱི་དུག་རྣམས་ཀྱི་གདུང་བ་བསལ་བའི་སླད་དུ་བཅོམ་ལྡན་འདས་ཀྱིས་བཤད་དུ་གསོལ་ཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་གནོད
iiif viewer powered by OpenSeadragon
