| e-texts navigator |
| Wylie |
27a1 ཁྱོད་ལ་དམ་པའི་དངོས་སྟོན་ན། །བདག་གིས་གང་ལ་ཡང་མི་སྟོན། །འདི་ནི་གསང་ཆེན་དམ་པ་ཡིན། །ཡིད་དག་ཀུན་གྱི་བདག་ལ་གནས། །བྱང་ཆུབ་སེམས་དཔའ་མ་ཤེས་ཏེ། །གཟུགས་མེད་སྟོང་པ་མི་འགྱུར་བས། །དེ་ན་དེ་ཉིད་རིག་ཆེན་པོ། །རྡོ་རྗེ་སྤྱི་གཙུག་ནོར
27a2 བུར་འདོད། །ཤིན་ཏུ་གསང་ནས་གཟུངས་ལྷ་མོ། །ཕ་དང་བུ་ལའང་བསྟན་མི་བྱ། །གལ་ཏེ་དངོས་གྲུབ་མཆོག་འདོད་ན། །གདན་དུ་གསང་བ་བསྟན་པ་དང་། །བླ་མ་ལ་ཆགས་བརྟུལ་ཞུགས་བརྟན། །དེ་ལ་སྦྱིན་ནས་དེ་ཉིད་བསྟན། །རྡོ་རྗེ་བདུད་རྩི་རྒྱུད་འདི་ནི། །བདེ་འགྲུབ་ཤིན
27a3 ཏུ་ཐོབ་དཀའ་བ། །ཡང་དག་རྫོགས་པས་སྐལ་བཟང་ཞི། །སྙིང་པོ་ཡེ་ཤེས་འདུས་པ་ཡིན། །རྡོ་རྗེ་བདུད་རྩི་རྒྱུད་ཆེན་ལས། །སྒྲུབ་པ་པོ་གང་དབང་བསྐུར་བ། །སངས་རྒྱས་བྱང་ཆུབ་སེམས་རྣམས་ཀྱིས། །དེ་ལ་ཀུན་གྱིས་ཕྱག་བྱེད་དེ། །ཕྱག་ནི་ལན་གསུམ་བྱས་ནས་སུ། །
27a4 རྡོ་རྗེ་སློབ་དཔོན་སྐལ་བཟང་མཆོག་།དེ་ཉིད་སེམས་ཅན་ཐམས་ཅད་ཀྱི། །འཁོར་བ་ལས་འདྲེན་གཙོ་ཞེས་གསུངས། །རྡོ་རྗེ་བདུད་རྩི་བདེ་ཆེན་པོ། །བཅོམ་ལྡན་རྡོ་རྗེས་དེ་གསུངས་སོ། །རྡོ་རྗེ་བདུད་རྩི་རྒྱུད་ཆེན་པོ། །སྟོན་པས་དགའ་མ་ལ་བསྟན་ནས། །ཕྲ་མོའི་གཟུགས་སུ
27a5 རྡོ་རྗེ་ཅན། །དེ་ནས་བྷ་གར་ཆེར་བཞུགས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྒྱུད་ལས་བདུད་རྩི་ལྔ་སྒྲུབ་པའི་ཐབས་བསྟན་པ་ཞེས་བྱ་བའི་ལེའུ་སྟེ་བཅུ་གཅིག་པ་རྫོགས་།། །།རྡོ་རྗེ་བདུད
27a6 རྩིའི་རྒྱུད་ལོ་ཙཱ་བ་གྱི་ཅོ་ཟླ་བའི་འོད་ཟེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། ། @##། །རྒྱ་གར་སྐད་དུ། ཀུ་ལ་ལོ་ཀ་ནཱ་ཐ་པཉྩ་ད་ཤ་ཀ་ནཱ་མ། བོད་སྐད་དུ། རིགས་ཀྱི་འཇིག་རྟེན་མགོན་པོ་ལྔ་བཅུ་པ་ཞེས་བྱ་བ།
27a7 དཔལ་ལྡན་རིགས་ཀྱི་འཇིག་རྟེན་མགོན་པོ་ལ་ཕྱག་འཚལ་ལོ། །དེ་ནས་འདི་ནི་མཆོག་ཏུ་གསང་། །འཇིག་རྟེན་ཡང་དག་རྨོངས་པའི་མཆོག་།རིགས་དང་རིགས་བྱུང་མངོན་བརྗོད་པས། །གཉིས་མེད་སྔགས་ནི་རབ་བཤད་བྱ། །དམ་ཚིག་སྤྱོད་པ་ངེས་པར་གྲོལ། །བྱ་བ་དུས་ཚོད
iiif viewer powered by OpenSeadragon
