| e-texts navigator |
| Wylie |
242b1 ཡིན་ཏེ། །རང་རིག་ཡེ་ཤེས་གཟུགས་བརྙན་ནི། །གཟུགས་བརྙན་དཀྱིལ་འཁོར་བསྒོམ་པ་མིན། །རྡུལ་ཚོན་ལ་སོགས་བྲི་བ་མིན། །སྤོས་ལ་སོགས་པས་མཆོད་པ་མིན། །རྡོ་ཤིང་ལྷ་ལ་ཕྱག་མི་བྱ། །རང་བཞིན་གནས་པའི་སངས་རྒྱས་ལ། །རང་བཞིན་མཆོད་པས་རྟག
242b2 ཏུ་མཆོད། །སྐུ་ནི་དགུན་དུས་རང་བཞིན་ཏེ། །འབྱུང་བའི་སྐུ་གསུམ་ཟླ་བ་གསུམ། །གསུང་ནི་དཔྱིད་དུས་ངོ་བོ་སྟེ། །འཇུག་པའི་སྐུ་གསུམ་ཟླ་བ་གསུམ། །ཐུགས་ནི་དབྱར་དུས་ངོ་བོ་སྟེ། །གནས་པ་སྐུ་གསུམ་ཟླ་བ་གསུམ། །ཡེ་ཤེས་སྟོན་གྱི་དུས་ཡིན་ཏེ། །སྐུ་གསུང་ཐུགས་ནི
242b3 ཟླ་བ་གསུམ། །དང་པོ་རྒྱུ་ཡི་ས་པ་ཡིན། །འཁོར་ལོ་ཆགས་པ་དམར་པོ་ལ། །ཡི་གེ་རྣམས་ནི་དཀར་པོས་གནས། །ལམ་གྱིས་པ་རྣམ་པ་གཉིས། །རིང་བ་དང་ནི་ཉེ་བའོ། །དེ་ནས་འབྲས་བུའི་ས་པ་ཡིན། །འཁོར་ལོ་ཡང་དག་གནས་པ་སྟེ། །འཁོར་ལོ་དེ་རྣམས་ལྷ་རྣམས་ཀྱང་། །
242b4 སྐུ་མདོག་ཕྱག་མཚན་ཀུན་དང་བྲལ། །རང་བཞིན་གསལ་བ་དྲི་མ་མེད། །ཤེལ་ལྟར་གསལ་བ་དྲི་མ་མེད། །མི་མཐོང་མཐོང་བའི་ངོ་བོ་ཅན། །ཟབ་ཅིང་ཕྲ་བའི་རང་བཞིན་ཅན། །ཕྱི་རུ་སྐུ་མདོག་ཕྱག་མཚན་ལྷ། །ནང་གི་ཤིན་ཏུ་ཕྲ་བའི་གཟུགས། །གསང་བའི་བདེ་བ་ལྷ་རུ་ངེས། །
242b5 དེ་ལས་བཟློག་པ་བཞི་པའི་ལྷ། །ལུས་ལས་བྱུང་ཕྱིར་ལྷ་ཞེའམ། །རྒྱུད་རྣམས་དག་བྱེད་ཕྱིར་ན་ལྷ། །ཆགས་པའི་ཕྱིར་ན་ལྷ་ཡིན་ཏེ། །རྒྱལ་པོ་ཤེས་རབ་རང་བཞིན་ཏེ། །ཐབས་དང་ཤེས་རབ་རང་བཞིན་གྱི། །ཆགས་པ་ཆེན་པོའི་རྒྱུད་གསུངས་སོ། །དེ་ནས་ས་ཆེན་པོ་ཡང་ཆེར
242b6 གཡོས་པར་གྱུར་ཏེ། །མཆོད་པའི་སྤྲིན་གྱི་ཆར་ཆེན་པོ་ཡང་བབས་པར་གྱུར་ཏོ། །དེ་ནས་དཔའ་བོ་དང་མཁའ་འགྲོ་མ་རྣམས་ཀྱང་རྒྱུད་ཀྱི་དོན་ལ་དགའ་ཞིང་མགུ་སྟེ་རྗེས་སུ་ཡི་རངས་ནས་མི་སྣང་བར་གྱུར་ཏོ། །དཔལ་ཆགས་པའི་རྒྱལ་པོའི་རྒྱུད་ཀྱི་རྒྱལ་པོ་རྫོགས་སོ།། །།
242b7 རྣལ་འབྱོར་མ་ཙནྡྲ་མཱ་ལ་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @##། །རྒྱ་གར་སྐད་དུ། ཤྲཱི་ཌཱ་ཀི་ནཱི་སཾ་བ་ར་ཏནྟྲ་རཱ་ཛ་ན་མ། བོད་སྐད་དུ། དཔལ་མཁའ་འགྲོ་མའི་སྡོམ་པའི་རྒྱུད་ཀྱི་རྒྱལ་པོ་ཞེས
iiif viewer powered by OpenSeadragon
