| e-texts navigator |
| Wylie |
223a1 རླུང་། །གཞན་ཡང་ལམ་བརྒྱད་རླུང་རྣམས་དག་།དང་པོ་ཉིད་དུ་བསྡམས་བྱས་ན། །ཟིན་པར་འདི་ལ་ཐེ་ཙོམ་མེད། །དབྱེ་བ་བསྡམ་པའི་མན་ངག་གོ། །བྱེད་པ་སྤེལ་མར་སོང་གྱུར་ན། །མི་ཟིན་པ་ལ་ཐེ་ཙོམ་མེད། །གནས་གསུམ་དག་ཏུ་ཀྵ་བསམས་ཏེ། །
223a2 དབུགས་གསུམ་པ་ཡིས་ཡར་དྲངས་ཏེ། །ལྟེ་བའི་གྱེན་ལ་དྲངས་ཀྱང་ཟིན། །འདི་ནི་གང་ཟག་མཆོག་གིས་ཡིན། །མཛེས་པའི་སྤྱི་བོ་དེ་ཉིད་ལ། །གྱེན་དུ་བཀན་དང་ཐུར་དུ་བཀན། །དྲང་པོར་གཡས་གཡོན་བཙན་ཐབས་ལ། །ཀ་ཏིའི་གཟེར་ནི་བཙན་ཐབས་གཅིག་།སྦོམ
223a3 པོ་ཁྲོ་མོས་མནན་པ་སྟེ། །བླ་མའི་ཞལ་ནས་མ་བླངས་ན། །ལུས་ཀྱི་ནད་བཞི་ཀུན་ནས་སྐྱེ། །ཆུ་འགགས་ཆུ་སོ་སྐྲངས་ལ་སོགས། །ལུས་སྨད་ནད་སྣ་ཉི་ཤུ་འབྱུང་། །གཞན་ཡང་བཙན་ཐབས་བཅུ་གཉིས་ནི། །བླ་མའི་ཞལ་ནས་ཤེས་པར་བྱ། །བླ་མ་མཉེས
223a4 པར་བྱ་བའི་ཕྱིར། །ལུས་སྲོག་ལོངས་སྤྱོད་ཐམས་ཅད་ཀྱིས། །དུས་གསུམ་མཎྜལ་དང་བཅས་མཆོད། །ལུས་སྲོག་བཏང་བར་ཕངས་པ་བས། །མན་ངག་དམ་པ་དེ་བས་ཕངས། །དེ་བས་བཙན་ཐབས་ལེགས་པར་སྦ། །མན་ངག་ཆུ་བོའི་རྒྱུན་འདྲ་བས། །དེ་ཉིད་རྒྱུད་དུ་ཤེས
223a5 པར་བྱ། །ཟབ་མོའི་དོན་སྟོན་རྒྱལ་པོར་གསུངས། །རྡོ་རྗེ་ཕག་མོ་ལ་སོགས་རྣམས། །གསང་བའི་གསང་བ་རྨད་བྱུང་འདི། །ཁྱོད་ལ་གཏད་དོ་དམ་དུ་སྔོས། །ཀུན་ལ་སྤེལ་ན་དམ་ཚིག་ཉམས། །ཀྱེ་མ་རྒྱུད་ཀྱི་དོན་འདི་ལ། །ཕྱོགས་བཅུའི་འཇིག་རྟེན་ཁམས་བཞུགས་པའི། །
223a6 དཔའ་བོ་མཁའ་འགྲོ་མ་ཡི་ཚོགས། །ཐམས་ཅད་ངོ་མཚར་ཆེར་སྐྱེས་ཏེ། །དགའ་ཞིང་མགུ་ནས་ཡི་རང་ངོ་། །དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་མཁའ་འགྲོ་མའི་གསང་བ་ལས་ཀྱང་ཆེར་གསང་བ་རྨད་དུ་བྱུང་བ་རྫོགས་སོ།། །།སིང་གྷ་ལའི་གླིང་གི་རྣལ་འབྱོར
223a7 མ་ཙནྡ་མཱ་ལ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @##། །རྒྱ་གར་སྐད་དུ། ཤྲཱི་ཙནྡྲ་མཱ་ལ་ཏནྟྲ་རཱ་ཛ། བོད་སྐད་དུ། དཔལ་ཟླ་བའི་ཕྲེང་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག
iiif viewer powered by OpenSeadragon
