| e-texts navigator |
| Wylie |
158b1 ཐུགས་ཀྱི་རྡོ་རྗེ་ཡིས། །རྟག་པ་རུ་ནི་བསྒོམ་པར་བྱ། །འདོད་ཆགས་ཞེ་སྡང་གཏི་མུག་དང་། །སྲེད་པ་དང་ནི་འདུ་བྱེད་འཕེལ། །འདི་ལྔ་ཐུབ་པའི་རྒྱལ་པོས་གསུངས། །བཤང་གཅི་ཁུ་བ་བད་ཀན་དང་། །ཁྲག་དང་ཡོངས་སུ་འཛག་པ་རྣམས། །འབྱུང་བ
158b2 བཞི་ནི་ཡོངས་གཟུང་ནས། །བློ་ཡིས་རྫོགས་པ་ཡོངས་བསྒོམས་པས། །གང་ཞིག་དམ་ཚིག་བསྟན་པར་བྱ། །ཐམས་ཅད་དུ་ནི་ཟོས་པས་འབྱུང་། །དཔེར་ན་བུད་མེད་བྱིས་པ་ཡིས། །གཏམ་ལ་རྗེས་མོས་སྨྲ་བ་ཡི། །འདུ་བའི་གཏམ་ནི་བརྗོད་པ་སྟེ། །ལམ
158b3 ཡང་འཆིང་བ་མེད་པར་བརྗོད། །དེ་ལྟའི་ཆོ་གས་རྣལ་འབྱོར་པའི། །ལེགས་པའི་ལམ་ནི་སྟོན་པའོ། །དེ་ནས་རྣལ་འབྱོར་པ་དང་། རྣལ་འབྱོར་མ་དང་། མཁའ་འགྲོ་མ་དང་། མཁའ་འགྲོ་བྱེ་བ་ཕྲག་བརྒྱད་ཅུ་དང་། བྱང་ཆུབ་སེམས་དཔའ་དང་། དེ་བཞིན་གཤེགས
158b4 པའི་དགེ་འདུན་དུ་མའི་འཁོར་ཐམས་ཅད་དགའ་ཞིང་མགུ་བའི་སེམས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཐམས་ཅད་ཀྱིས་ཐོབ་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོ་ལ་སོགས་པ་ཐམས་ཅད་དང་། ལྷ་དང་།
158b5 ཀླུ་དང་། གནོད་སྦྱིན་དང་། དྲི་ཟ་དང་། ཐམས་ཅད་དང་ལྡན་པའི་འཁོར་དེ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའོ། །རྒྱུད་ཐམས་ཅད་ཀྱི་གླེང་གཞི་དཔལ་ཡང་དག་པར་སྦྱོར་བ་ལས་བྱུང་བ་དེ་ཁོ་ན་ཉིད་ཐམས་ཅད་ཀྱི་གླེང་གཞི་བརྟག
158b6 པའི་རྒྱལ་པོ་ཆེན་པོ་སྟེ་བཅུ་པ་རྫོགས་སོ། ། །།རྒྱུད་ཀྱི་རྒྱལ་པོ་འདི་ནི་པཎྜི་ཏ་གཱ་ཡ་དྷ་ར་དང་། བདག་ཉིད་ཆེན་པོ་འབྲོག་མི་ཤཱཀྱ་ཡེ་ཤེས་ཀྱིས་བསྒྱུར་བ་ལས། སླད་ཀྱིས་ཐམས་ཅད་མཁྱེན་པ་བུ་སྟོན་ཞབས་ཀྱིས་རྒྱ་དཔེ་རྩ་འགྲེལ་དང་བསྟུན་ནས་ཧོར
158b7 ཀོང་བས་བས་ཤིང་འགྱུར་བཅོས་ལེགས་པར་མཛད་པ་ལས་བྲིས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོ་ལ་སོགས་པས་ཡང་མཆོད་པ་བྱས་ནས་ཕྱག་འཚལ་ཏེ་འདི་སྐད་ཅེས་གསོལ་ཏོ། །ཐིག་ལེར
iiif viewer powered by OpenSeadragon
