| e-texts navigator |
| བོད་ཡིག |
265a1 las langs te sems can gyi don byas nas yang dag pa'i mtha' nyid du 'jug par byed do/ / de nas byams pa la sogs pa byang chub sems dpa' chen po rnams dga' zhi
265a2 mgu la yi rangs te dga' ba dang yid bde ba skyes nas cang mi smra bar gyur to/ / ye shes rdo rje kun las btus pa zhes bya ba rnal 'byor chen po'i rgyud las/ bde ba chen po'i le'u ste rim par phye ba
265a3 gnyis pa'o/ / rdzogs so// / rgya gar gyi mkhan po dz+nyA na ka ra'i zhal snga nas dang / zhu chen gyi lo tsa ba khu ston dngos grub kyis bsgyur/ spang nas bla ma de nyid
265a4 dang / dge slong tshul khrims rgyal bas zhus shing gtan la phab pa'o// ye shes rdo rje kun las btus// rnal 'byor chen po'i gsal byed yin// ye shes rang bzhin 'khor ba dang // mya ngan 'das
265a5 pa'i ngo bo'o/ / de gnyis dbyer med rdo rje ste// kun 'dir 'dus pas kun las btus// de ston pa la der brtags nas// gzhung la'ang ming don 'tshams pa yin// /
265a6 rgya gar skad du/ shrI badz+ra hri da ya a laM kA ra tan+t+ra nA ma/ bod skad du/ dpal rdo rje snying po rgyan gyi rgyud ces bya ba/ dpal rdo rje sems dpa' la phyag 'tshal lo// 'di skad bdag gi
265a7 thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs kyi snying po bud med bcu'i dkyil na cha shas lnga pa'i tshul du bzhugs so// brjod du med
iiif viewer powered by OpenSeadragon
Texts on this page
S412 - ye shes rdo rje kun las btus pa zhes bya ba'i rgyud
S413 - dpal rdo rje snying po rgyan gyi rgyud ces bya ba