| e-texts navigator |
| བོད་ཡིག |
278a1 gyur to/ / kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag kyang 'di lta ste/ zag pa
278a2 rnams zad pas zag pa med cing mngon par 'dus ma byas pa rnam par grol ba'i stong pa nyid la 'jug pa bla na med pa 'di nyid skus mngon sum du mdzad nas bsgrubs te bzhugs par 'gyur ro/ / kun dga' bo da ltar de bzhin
278a3 gshegs pa dgra bcom pa yang dag par rdzogs pa'i sangs rgyas nga da ltar byung ba'i dus na 'di lta ste/ zag pa rnams zad pas zag pa med cing 'dus ma byas pa/ rnam par grol ba'i stong pa nyid la 'jug pa bla na med pa 'di nyid
278a4 skus mngon sum du mdzad nas bsgrubs te bzhugs so/ / kun dga' bo de lta bas na 'di lta ste/ zag pa rnams zad pas zag pa med cing mngon par 'dus ma byas pa/ rnam par grol ba'i stong pa nyid la 'jug pa bla na med
278a5 ba gang yin pa de nyid lus kyis mngon sum du byas nas bsgrubs te gnas par bya'o zhes de ltar bslab par bya ste/ kun dga' bo khyod kyis kyang de bzhin du bslab par bya'o// de nas tshe dang ldan pa kun dga' bos/ bcom
278a6 ldan 'das kyis bka' stsal pa la mngon par bstod cing rjes su yid rang bar byas nas/ bcom ldan 'das kyi zhabs la mgo bos phyag 'tshal te/ bcom ldan 'das kyi spyan snga nas phyir song ngo // mdo chen po stong pa nyid
278a7 ces bya ba rdzogs s+ho/ / // rgya gar gyi mkhan po 'dzin mi tra dang / pradz+nyA ba ra ma dang / zhu chen gyi lo tsA ba ban d+he ye shes sde la sogs pas bsgyur cing zhus te gtan la phab pa//
278a8 rgya gar skad du/ ma hA shUn+ya tA nA ma ma hA su tram/ bod skad du/ mdo chen po stong pa nyid chen po zhes bya ba/ dkon mchog gsum la phyag 'tshal lo// 'di skad bdag gis thos pa dus cig na/ bcom ldan 'das
iiif viewer powered by OpenSeadragon
Texts on this page
Q956 - mdo chen po stong pa nyid ces bya ba
Q957 - mdo chen po stong pa nyid chen po zhes bya ba