rKTs

e-texts navigator

Volume

Page

283b₁ yig 'chus pa la ni skud pa sngon po bya'o// nor 'dod pa la ni zhag gcig bsnyung bar 'dug ste spos kyis bdug na rmi lam du dge ba dang mi dge ba'i don thams cad ston no// mchod rten sku gdung dang ldan pa'i drung du me tog
283b₂ sngon po la sogs pas mchod la sngags stong bzlas nas gsol ba btab na gser gyi dong tshe bdun stong sbyin par byed do/ / rgyas btab pa 'grol bar 'dod na thal bas bya'o// sgo lcags dbye bar 'dod na yungs kar gyis
283b₃ bya'o/ / 'jigs pa thams cad las bsrung ba la ni rtsi mar snying po dang thal ba dang nyungs dkar gyis bya'o// nad kyi 'jigs pa thams cad la ni skud pa sngon po la bsrung ba'i mdud pa byas te mgul du btags na bsrung ba'i
283b₄ mchog du 'gyu ro/ / byis pa gdon gyis nyen pas thams cad la ni tshen sna lnga'i skud pa mgul du btags na bsrung ba'i mchog du 'gyu ro// chom rkun bzlog par 'dod nasas bya'o// dug la ni rtsa ku shas byab par bya'o// dag
283b₅ bsrung ba la ni yid kyis sam chus bya'o/ / gzhan bsrung ba la ni skud pa sngon pos bya'o// las de dag thams cad la sngags brjod pa ni gcig gam gsum mam/ lan bcu bzhi'am// nyi shu rtsa gcig gam// brgya rtsa brgyad bzlas
283b₆ na 'grub par 'gyur ro/ / bcom ldan 'das kyis de skad ces bka' stsal nas// byang chub sems dpa' phyag na rdo rje dang // bdud dpung dang bcas pa rje su yid rang ste bstan pa la 'khod do// 'phags pa lag na rdo rje gos sngon po can
283b₇ drag po gsum 'dul ba zhes bya ba'i rgyud rdzogs s+ho/ / // bal po'i pa Na Di ti de ba pur t+ya ma ti dang / lo tsA ba dge slong chos kyi bzang pos bsgyur ba'o// // rgya gar skad du/ ru dra tri tan tra gu h+ya bi wa ri ti ba ni ya n+t+ra
283b₈ ma bod skad du/ gsang ba'i rgyud rnams kyi rnam par 'byed pa drag po gsum 'dul zhes bya ba/ 'jam pa'i rdo rje la phyag 'tshal lo// de nas phyag na rdo rje yis// gsang ba'i don 'di yang dag zhus// sgrub dang gnas dang mtshan

_{iiif viewer powered by OpenSeadragon}

283a - 284a

Texts on this page