| e-texts navigator |
| བོད་ཡིག |
300a1 'das legs so legs so/ / de bzhin gshegs pa thams cad kyi dbang phyug gis bdag gis bdag cag byin gyis brlab pa mdzad du gsol// de bzhin gshegs pa thams cad kyi gsang ba thun mong ma
300a2 yin pa bstan cing rnam pa thams cad kyi dbang phyug gis bdag cag byin gyis brlab par mdzad du gsol/ / de nas de bzhin gshegs pa thams cad kyi dbang phyug gis rdo rje mkha' 'grod de dag gis gsol ba btab pa mkhyen nas
300a3 sems dpa' thams cad byin gyis rlob pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi sku dang gsung dang thugs kyi gsang ba bsdus pa zhes bya ba'i snying po rang rang gizugs las
300a4 byung ngo / / oM AHhUM sa ma ya badz+ra/ de nas phyung ma thag tu de'i 'od zer gyis rdo rje mkha' 'gro'i 'khor de dag thams cad bsdus nas rang gi snying khar btsud nas bud med kyi dkyilan thams cad brgyal ba ltar gnas so// de nas
300a5 de bzhin gshegs pa thams cad kyi dbang phyug gi de bslang ba'i phyir mkha' 'gro thams cad 'byung ba zhes bya ba'i ting nge 'dzin la snyoms par zhugs so/ / snyoms par zhugs ma thag tu de dag dran pa slar thob cing ji lta ba bzhin
300a6 du gnas so/ / de nas de bzhin gshegs pa thams cad kyi dbang phyug gi 'khor lo rnam par dgod pa zhes bya ba'i ting nge 'dzin la snyoms par zhugs nas/ snyoms par zhugs ma thag tu rdo rje mkha' 'gro de dag thams cad rang rang
300a7 gi gnas ji lta ba bzhin du 'khod par gyur to/ / de'i tshe bcom ldan 'das rdo rje 'dzin pa chen po'i byin gyis rlabs kyis nam mkha'i dbyings na gnas pa ji snyed pa de dag thams cad kyang bde ba dang yid bde ba myong bar gyur to//
300a8 de nas bcom ldan 'das de bzhin gshegs pa thams cad kyi dbang phyugis rdo rje snying po rgyan gyi rgyud 'byung ba zhes bya ba'i ting nge 'dzin la snyoms par zhugs nas sems can gyi khams thams cad mnyam pa nyid du dmigs te/
iiif viewer powered by OpenSeadragon
Texts on this page
Q113 - gsang ba rnal 'byor chen po'i rgyud rdo rje rtse mo
Q86 - dpal rdo rje snying po rgyan gyi rgyud ces bya ba