rKTs

e-texts navigator

Volume

Page

291b₁ kur rdzob tu mngon gsum du skyes pa'i gzugs dang lha'i tshogs dang mtshan ma dang rdo rje'i brda'i// sems las byung ba las sems te/ zla ba'i snang ba dang shin tu gsal ba'i chu'i zla ba lta bu'o// rang bzhin de 'dod cha gradang
291b₂ bra ba la sogs pa'o/ / kun rdzob tu ni mngon sum gyi bud med dang b+ha ga dang pad ma dang lha po'i tshogs kyi brda'o// rdo rje dang pad ma yang dag par sbyor ba las shes rab kyi ye shes byung ba las rang gi rdo rje'i 'bad pa las me'o//
291b₃ me las nus te/ nur nur po'i rnam pa dang de las mer mer po dang nar nar po dang gor gor po dag go// de nas 'dod chags dang bral ba'i snang ba la khrag gi gong bu mkhrang gyur rnams so// de khu ba dang khrag dag gis skye ba'o//
291b₄ de nas dbang po gnyis mnyam par sbyor ba las 'dod chags so// 'dod chags las 'dod chags dang bral ba dang / bar ma'i 'dod chags rab tu shes par bya ste/ de'i phyir lus te// lus las byung ba'i dkyil dkrung bcing ba
291b₅ la sogs pa dang / gsung gi phyag rgya'i thabs su gyur pa/ a li ka li las yang dag par byung ba'i sngags dang / sems kyi phyag rgya'i thabs su gyur pa sa bon dang mtshan ma las ltar dmigs pa'o// gzugs la sogs pa'i yul ni
291b₆ dbang po gnyis snyoms par zhugs pa'i thabs su gyur pa'o/ / rdo rje dang pad ma yang dag par sbyor ba ni sems dang sems las byung ba dag gi thabs su gyur pa'o// sems dang sems las byung ba mnyam par sbyar ba ni bde
291b₇ chen pa'i ting nge 'dzin gyi thabs su gyur pa'o/ / dbu ma'i dpes nye bar mtshan pa ste// de'i phyir sangs rgyas kyi zhing gang gA'i klung gi bye ma snyed kyi bzhin gshegs pa rnams ni rnam la bu dang chu zla dang mig sed dang sdig tu/
291b₈ dang zil pa dang sgra brnyad dang dri za'i grong khyer dang / mig 'phrul dang dbang po'i gzhu dang glog dang chu bur dang / me long gi gzugs brnyan lta bu ste/ sgyu ma'i dpe bcu gnyis kyi bde ba chen po'i ting nge 'dzin nye bar mtshon par byed pa

_{iiif viewer powered by OpenSeadragon}

291a - 292a

Texts on this page