rKTs

e-texts navigator

Volume

Page

172b₁ nas brtsams te bdag brad du/ / gtse bas bdag ni mchod pa bzhes// de lta'i rnam pas mnyes nas ni// bdag nyid kun gyis bla ma mchod// bla ma'i ngo bo rdo rje 'chang // de phyir yang dag bla ma mchod// de nas bcom ldan yum bya ba
172b₂ rgya/ yang dag mchod nas bsten par bya// bsten pa las ni gang byung ba// ltung ba skal bzang ba la ni// sbom po lta thag sbyor ba yis// yang dag par ni longs spyod bya// de las skyes pa'i ye shes ni// bde ba chen po rang rig pa/
172b₃ 'byung rngub pa ni ro gcig cing // rab tu dga' bas mchod par bya// hUM phaT sngags kyi nor bu'i sgor// bkod de rdo rje rab bskyod bya// dga' rnams ji lta ba bzhin du// skad cig de la skyes gyur pa// dga' ba'i sems kyis bde ba la/
172b₄ rdo rje btsun mo'i kha nas brjod// de yang slob ma'i lag tu ni// gtad nas gsal bar 'di skad brjod// ji ltar pad mchod bya ba ni// byis la a ba mchog gi gdong // gang phyir rdo rje dbyings dbang phyug/ rang nyid 'di yi snying la zhugs/
172b₅ thabs gzhan gyis ni sangs rgyas nyid// rnal 'byor pa yis thob mi 'gyur// shin tu phra ba'i dngos de yang // bde chen rnal 'byor pa yis rtogs// rab tu 'bad pas bstan par gyis// lhan cig skyes dka'i mtshan nyid ni// dbang
172b₆ bskur gang por gyur pas na/ / thams cad ji lta ba bzhin thob// rnal 'byor chen po'i rgyud dpal rdo rje phreng ba mngon par rtogs pa las slob dpon dang slob ma brtag pa dang dbang bskur ba'i le'u ste gnyis pa'o//
172b₇ de nas de nyid gzhan yang nyon// rdo rje 'phreng ba'i don gsal ba// rgyud rnams kun tu sbas pa ni// dri ba gzhan la brjod mi bya// rdo rje 'phreng ba zhes bya'i ming // de yang sa ni bcu gsum pa// dga' ba bzhi yi don gyi gnas// thams
172b₈ cang stong pa dga' ba ste/ / ngag gi spyod yul rnams las 'das// gnyis pa thams cad rnam par spangs// skal babang rnal 'byor kun gyi mtha'// rnal 'byor ma yi dag gi yul// stong nyid ye shes rdo rje dang // rdo rje phreng ba zhes

_{iiif viewer powered by OpenSeadragon}

172a - 173a

Texts on this page