| e-texts navigator |
| བོད་ཡིག |
80a1 par bshad/ / 'di rnams don ni rtogs pa yis// sangs rgyas kun gyi bdag nyid 'gyur// dpal bde ba dam pa rtogs par byed pa dang ldan pa zhes bya ba'i rgyud byin gyis brlab pa'i rim pa chen po
80a2 mkha' 'gro ma dra ba sdom pa'i brtag pa rnyog pa med pa zhes bya ba rdzogs so/ / / ye d+harmA he tra prab+ha bA he tun teShAn ta thA ga toH bdut+ta/ teSh+Thany+tsa yon rod a ba b+ha dI mad+hA shra ma NaH/ rgya gar gyi mkhan po ga Na
80a3 ya d+hA ra dang / bod kyi lo tsA ba dge slong shAkya ye shes kyis bsgyur ba'o// / rgya gar skad du/ shri saM ba ra kha sa ma tan tra rA dza nA ma/ bod skad du// dpal bde mchog nam mkha'
80a4 dang mnyam pa'i rgyud kyi rgyal po zhes bya ba/ 'jam dpal ye shes sems dpa' la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku
80a5 dang gsung dang thugs rdo rje btsun mo'i b+ha ga la bzhugs so/ / de nas de bzhin gshegs pa thams cad kyi byin gyis brlabs kyis rdo rje snying pos gsol pa// kye bcom ldan 'das gsang ba bas kyang ches
80a6 gsang ba/ gsang ba chen po de bshad du gsol// bcom ldan 'das kyis bka' stsal pa/ rdo rje snying po khyod nyon cig/ srog dang lnga pa de bzhin du// lam dang 'bras bu nyid yin no// rdo rje snying pos gsol pa/
80a7 bcom ldan 'das srog gang lags/ bcom ldan 'das kyis bka' stsal pa/ srog ni 'dzin par byed pa ste// sngags dang rlung dang rten nyid do// rdo rje snying pos gsol pa/ bcom ldan 'das lnga pa gang
80a8 lags/ / bcom ldan 'das kyis bka' stsal pa/ sangs rgyas lnga dang 'byung ba lnga// lnga pa yang ni gcig nyid do// rdo rje snying pos gsol pa/ bcom ldan 'das lam gang lags/ bcom ldan 'das/
iiif viewer powered by OpenSeadragon
Texts on this page
Q58 - rgyud kyi rgyal po rnyog pa med pa zhes bya ba
Q59 - dpal bde mchog nam mkha' dang mnyam pa'i rgyud kyi rgyal po zhes bya ba