| e-texts navigator |
| བོད་ཡིག |
161b1 gsum mtshan lan gsum bsam zhing / de bzhin gshegs pa rtse gcig tu yid la byas la/ bcom ldan 'das la spos dang / me tog dang / mar me dang / bdug spos kyis mchod na sangs rgyas bcom ldan 'das pad ma'i
161b2 snying po'i seng ge'i khri la bzhugs shing chos kyang ston pa bcwa lnga mthong bar 'gyur ro/ /gzungs rab tu thob par 'gyur/ dran pa dang ldan par 'gyur/ blo gros dang ldan par 'gyur/ rtogs pa dang ldan par 'gyur/ blo dang ldan par
161b3 'gyur/ yongs su mya ngan las 'da' ba'i bar du tshe rabs dran par 'gyur ro/ /thos pa thams cad dang / bstan bcos thams cad dang / bzo thams cad dang / las thams cad rab tu shes par 'gyur/ ting nge 'dzin thams cad kyang de'i
161b4 sems las rnam par dag par 'gyur te/ 'phags pa'i bden pa bzhi ni ma gtogs so/ /de ci'i phyir zhe na/ chos de dag ni zag pa med par gtogs pa'i phyir ro/ /bcom ldan 'das kyis de skad ces bka' stsal nas/ byang chub
161b5 sems dpa' sems dpa' chen po seng ge rnam par rtse dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs
161b6 pa la mngon par bstod do/ /'phags pa me tog brtsegs pa zhes bya ba'i gzungs/ rdzogs s+ho// // rgya gar skad du/ Ar+ya ma hI marden dra nA ma d+hA ra NI/ bod skad du/ 'phags pa sa'i dbang po chen po zhes bya ba'i gzungs/ sangs rgyas
161b7 dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yang dag par rdzogs pa'i sangs rgyas kun du 'od bram ze sa'i dbang po chen po shing sa la chen
161b8 po lta bu'i gnas lha dang ldan pa na bzhugs te/ de nas bram ze sa'i dbang po chen po shing sa la chen po lta bu bcom ldan 'das yang dag par rdzogs pa'i sangs rgyas kun du 'od ga la ba der song ste phyin nas/ bcom ldan
iiif viewer powered by OpenSeadragon
Texts on this page
J804 - 'phags pa me tog brtsegs pa zhes bya ba'i gzungs
J805 - 'phags pa sa'i dbang po chen po zhes bya ba'i gzungs