| e-texts navigator |
| བོད་ཡིག |
244b1 zas dang / skom gyi yo byad la lan nyi shu rtsa gcig bzlas brjod byas la/ sangs rgyas dang chos dang dge 'dun la dbul bar bya'o/ /de ltar byas na rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen
244b2 nam/ dge bsnyen ma des phyogs bcu'i de bzhin gshegs pa thams cad kyi sangs rgyas kyi zhing gi sangs rgyas dang / chos dang dge 'dun la lha'i mchod pa dang / de bzhin gshegs pa'i mchod pa'i mchog gis mchod pa byas par
244b3 'gyur ro/ /bla mar byas/ ri mor byas par 'gyur ro/ /de bzhin gshegs pa thams cad kyis dgongs shing lung bstan pa dang / lha thams cad kyis kun du bsrung bar yang 'gyur ro/ /kun dga' bo song la ngo lon yang gyis
244b4 shig / sems can thams cad la yang yang dag par ston cig /dge ba'i rtsa ba'i tshogs thams cad kyang gyis shig /ces nga smra'o/ /yi dags mo kha 'bar ma dbugs dbyung ba'i gtor ma'i cho ga rdzogs s+ho// //
244b5 @#/ /rgya gar skad du/ pre ta mu kha ag+ni dz+wa la ya sha ra kA ra nA ma d+hA ra NI/ bod skad du/ yi dags kha nas me 'bar ba la skyabs mdzad pa zhes bya ba'i gzungs/ de'i tshe bcom ldan 'das yul ser skya na dge 'dun
244b6 gyi gnas na/ dge slong gi dge 'dun dang / byang chub sems dpa' grangs med pas yongs su bskor pa la chos ston to/ /de'i tshe na tshe dang ldan pa dga' bo bas mtha' zhig na/ chos yid la byed cing dran pa mngon du bzhag nas
244b7 'dug la/ /de'i nub mo nam gyi cha smad la yi dags kha nas me 'bar ba zhes bya ba gzugs byad mi sdug pa/ shin tu rid cing skems pa/ kha nas me 'bar ba/ mgrin pa mo khab tsam du phra ba/ skra 'dzings pa/ sen mo dang
244b8 mche ba ring ba rno ba shin tu 'jigs su rung ba zhig dga' bo'i drung du 'ongs nas/ dga' bo la 'di skad ces smras so/ /khyod da ste zhag bdun na tshe'i dus byas te yi dags kyi khams su skye bar 'gyur ro zhes smras so/ /
iiif viewer powered by OpenSeadragon
Texts on this page
J671 - yi dwags mo kha 'bar ma dbugs dbyung ba'i gtor ma'i cho ga
J672 - yi dwags kha nas me 'bar ba la skyabs mdzad pa zhes bya ba'i gzungs