| e-texts navigator |
| བོད་ཡིག |
285b1 rgya gar gyi mkhan po sarba dz+nyA de ba dang / zhu chen gyi lo ts+tsha ba ban de dpal brtsegs la sogs pas bsgyur cing zhus te gtan la phab pa/ / @##/ /rgya gar skad du/ Ar+ya nan di ka sU tra/ bod skad du/ 'phags pa
285b2 dga' ba can gyi mdo/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong stong nyis brgya lnga bcu'i dge slong gi dge
285b3 'dun chen pos yongs su bskor cing mdun gyis bltas te/ thabs gcig tu bzhugs nas chos ston te/ thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su
285b4 rdzogs pa/ yongs su dag pa/ yongs su byang ba/ tshangs par spyod pa yang dag par rab tu ston to/ /de nas yang de'i tshe dge bsnyen dga' ba can 'khor dge bsnyen lnga brgya dang rgyal po'i khab kyi grong khyer chen po nas byung ste/
285b5 bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te phyogs gcig tu 'dug go/ /de nas dge bsnyen
285b6 lnga brgya po de dag gis kyang bcom ldan 'das kyi zhabs la phyag 'tshal nas phyogs gcig tu 'khod do/ /phyogs gcig tu 'khod nas dge bsnyen dga' ba can gyis bcom ldan 'das la 'di skad ces gsol
285b7 to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pas dge bsnyen gyi bslab pa'i gzhi lnga po gang dag bcas pa de dag las 'da' bar bgyid
285b8 pa de'i rnam par smin pa ji lta bur 'gyur/ de skad ces gsol pa dang / bcom ldan 'das kyis dge bsnyen dga' ba can la 'di skad ces bka' stsal to/ /dga' ba can khyod de bzhin gshegs pa la don 'di
iiif viewer powered by OpenSeadragon
Texts on this page
J273 - 'phags pa gnas 'jog pa'i mdo zhes bya ba
J274 - 'phags pa dga' ba can gyi mdo