rKTs

e-texts navigator

Volume

Page

49b₁ grangs 'di nyan par byed na/ de ni de dag las mchog tu bkrabs pa'o/ /gang zhig bskal pa stong du shes rab kyi pha rol tu phyin pa ma gtogs par pha rol tu phyin pa lnga la spyod par byed la/ gang zhig chos kyi rnam grangs 'di nyan par byed
49b₂ na 'di ni de dag las mchog tu bkrabs pa'o/ /gang zhig sangs rgyas stong la snga dro dang / nyi ma phyed dang / phyem red kyi dus su bsnyen bkur byed/ gus par byed/ rjed par byed/ mchod par byed la/ gang zhig chos kyi rnam
49b₃ grangs 'di nyan par byed na/ 'di ni de dag las mchog tu btu ba'o/ /rigs kyi bu dag de lta bas na chos kyi rnam grangs 'di bsrung ba dang / bcang ba dang / bklag pa dang / bstan pa dang / yi ger bri bar bya ba'i phyir khyed
49b₄ cag la gtad kyis/ nga'i bstan pa 'di lus dang srog yongs su gtang ba dang yang bsdo zhing yongs su bsrung bar bya'o/ /bcom ldan 'das kyis de skad ces bka' stsal nas/ byang chub sems dpa' bag tsha ba med par gnas pa dang /
49b₅ byang chub sems dpa' de dag dang / dge slong de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /
49b₆ 'phags pa sangs rgyas mi spang ba zhes bya ba theg pa chen po'i mdo rdzogs so// // rgya gar gyi mkhan po dzi na mi tra dang / pradz+nyA barma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ /
49b₇ @#/ /rgya gar skad du/ Ar+ya aSh+Ta maN Da la kan nA ma ma hA yA na sU tra/ bod skad du/ / 'phags pa dkyil 'khor brgyad pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /
49b₈ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong lnga brgya tsam gyi dge slong gi dge 'dun chen po dang thabs gcig tu

_{iiif viewer powered by OpenSeadragon}

49a - 50a

Texts on this page