rKTs

e-texts navigator

Volume

Page

257b₁ dpa'i spyod pa la sems bskyed do/ /'di ni ma 'ongs pa'i sems can bye ma snyed dag lung ston pa sprin chen po'i mdo tsheg bar brgyad par sbyar ba'i le'u 'bum pa las lung bstan pa'i rgyud yin no/ /
257b₂ bcom ldan 'das kyis de skad ces bka' stsal nas/ sprin chen snying po la sogs pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto
257b₃ 'phye chen po dang / mi dang mi ma yin pa rnams yi rangs te/ bcom ldan 'das kyis gsungs pa la mngon par bstod do/ /'phags pa sprin chen po zhes bya ba theg pa chen po'i mdo rdzogs so// //
257b₄ rgya gar gyi mkhan po su ren dra bo d+hi dang / zhu chen gyi lo ts+tsha ba ban de ye shes sdes zhus te gtan la phab pa/ / @#/ /rgya gar skad du/ Ar+ya ma hA me g+ha sU trA da da sha dig bo d+hi sa twa sA mu twa san ni ma ti ma hA+od sa ba krI Di ta
257b₅ nA ma pa ri brta/ bod skad du/ 'phags pa sprin chen po'i mdo las phyogs bcu'i byang chub sems dpa' rgya mtsho 'dus pa'i dga' ston chen po la rtse ba zhes bya ba'i le'u/ sangs rgyas dang / byang chub sems dpa' thams cad la phyag
257b₆ 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la 'od srung chen po la sogs pa dge slong gi dge 'dun chen po sa ya phrag brgyad dang / skye dgu'i bdag mo chen mo la
257b₇ sogs pa dge slong ma sa ya phrag drug dang lnga 'bum dang / byang chub sems dpa' sprin chen snying po la sogs pa byang chub sems dpa' sa ya phrag drug dang / brgyad 'bum dang / seng ge la sogs pa lid tsa bi gzhon nu sa ya phrag lnga dang /
257b₈ brgyad 'bum dang thabs gcig tu bzhugs so/ /de'i tshe rgyal po chen po 'phags skyes po la sogs pa rgyal chen bzhi pa'i lha'i bu 'bum phrag tshad med/ grangs med pa dag bcom ldan 'das ga la ba der dong ste lhags

_{iiif viewer powered by OpenSeadragon}

257a - 258a

Texts on this page