rKTs

e-texts navigator

Volume

Page

295b₁ dri zar bcas pa'i 'jig rten bcom ldan 'das kyis gsungs pa la yid rangs te mngon par bstod do/ /de bzhin gshegs pa bgro ba zhes bya ba theg pa chen po'i mdo rdzogs s+ho// // rgya gar gyi mkhan po dz+nya na gar b+ha dang / lo tsa ba
295b₂ ban de dpal gyi dbyangs kyis bsgyur cing / zhu chen gyi lo tsa ba ban de dpal brtsegs kyis zhus te gtan la phab pa/ /@#/ / rgya gar skad du/ ma hA sa na ni pA tA ra ma hA yA na sU trA na ta thA ga ta shrI sa ma ya nA ma ma hA yA na sU tra/
295b₃ bod skad du/ 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /
295b₄ 'di skad bdag gis thos pa dus gcig na/ bcom ldan 'das tshangs pa chen po'i phur bu mtha' yas mu med pa lung bstan pa/ drang srong rnams kyi gnas thub pa'i rten ri ther sgra la nyan thos kyi dge 'dun chen po la 'di lta ste/ bcom ldan
295b₅ 'das kyi nyan thos bgrang ba las 'das pa dag dang / byang chub sems dpa'i dge 'dun chen po 'di lta ste/ phyogs bcu'i sangs rgyas kyi zhing thams cad nas der 'dus pa'i byang chub sems dpa' sems dpa' chen po bgrang ba las
295b₆ 'das pa dag dang thabs gcig tu bzhugs so/ /de'i tshe 'khor 'dus pa chen po de na dpal lha mo chen mo chos nyan pa'i phyir/ bcom ldan 'das kyi spyan sngar thag mi ring ba zhig na 'dug go/ /de nas dpal lha mo chen mo stan las langs
295b₇ te/ bcom ldan 'das ga la ba de logs su thal mo basbyar ba btud nas bcom ldan 'das la 'di skad ces gsol to/ /btsun pa bcom ldan 'das 'di ni sbyin pa las byung ba'i bsod nams bgyi ba'i dngos po'i gzings kyis skye
295b₈ ba'i rgya mtsho las sgrol bar mi bgyid pa dag mchis lags so/ /de ci'i slad du zhe na/ sangs rgyas kyi zhing nyon mongs pa can snyigs ma lnga dang ldan pa 'di na sems can bsod nams su gdags pa dang bral ba dag phal che lags te/

_{iiif viewer powered by OpenSeadragon}

295a - 296a

Texts on this page