| e-texts navigator |
| བོད་ཡིག |
127a1 po 'di rnam pa drug tu g.yos te/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/
127a2 dbus mtho na mtha' dma'/ mtha' mtho na dbus dma' bar gyur to/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/
127a3 bdag gis ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di bdud rtsi'i rnga zhes bya bar zung shig /sgra chen po zhes bya bar yang zung shig /de nas tshe dang
127a4 ldan pa kun dga' bo bcom ldan 'das kyis gsungs pa la mngon par bstod de rjes su yi rang nas bcom ldan 'das kyi zhabs la phyag 'tshal te/ bcom ldan 'das la lan gsum bskor ba byas nas/ bcom
127a5 ldan 'das kyi spyan snga nas song ngo / /'phags pa sgra chen po zhes bya ba theg pa chen po'i mdo rdzogs so// // rgya gar gyi mkhan po bi shud d+ha sing ha dang / lo ts+tsha ba ban d+he dge ba dpal
127a6 gyis bsgyur/ rgya gar gyi mkhan po bid d+yA ka ra sing ha dang / zhu chen gyi lo ts+tsha ba ban d+he de ba tsan dras zhus te gtan la phab pa/ / @#/ /rgya gar skad du/ Ar+ya sing ha nA di ka nA ma ma hA yA na sU tra/
127a7 bod skad du/ 'phags pa seng ge'i sgra bsgrags pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/
127a8 bcom ldan 'das nyi zla'i gnas rnam par rgyal byed kyi khang bzangs kyi nang na dge slong gi dge 'dun chen po dang / dgra bcom pa bye ba khrag khrig brgya stong phrag dgu bcu rtsa dgu dang thabs gcig tu bzhugs so/ /de'i tshe
iiif viewer powered by OpenSeadragon
Texts on this page
J151 - 'phags pa sgra chen po zhes bya ba theg pa chen po'i mdo
J152 - 'phags pa seng ge'i sgra bsgrags pa zhes bya ba theg pa chen po'i mdo