| e-texts navigator |
| བོད་ཡིག |
124a1 rnam grangs 'di la mos pa de dag glang po'i rtsal dang / glang po chen po'i rtsal gyis gnon par 'gyur/ kun dga' bo gang chos kyi rnam grangs 'di la mos pa de dag seng ge'i 'gros dang / khyu mchog gi 'gros su 'gro
124a2 bar 'gyur ro/ /kun dga' bo chos kyi rnam grangs 'di byang chub sems dpa' rnams rab tu dga' ba dang / byang chub sems dpa' 'byung bar byed par 'gyur ro/ /nga 'das pa'i phyi na byang chub sems dpa'i lag tu 'ong bar 'gyur
124a3 ro/ /byang chub sems dpa'i glegs bam du 'ong ba dang / byang chub sems dpa'i sgrom du 'ong bar 'gyur ro/ /byang chub sems dpa' gdol pa rnams kyi lag tu 'ong bar mi 'gyur/ glegs bam du 'ong ba dang / sgrom du
124a4 'ong bar mi 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di de bzhin gshegs pas ji skad bshad pa bzhin du bdag gis gzung
124a5 ngo / /bcom ldan 'das kyis bka' stsal pa/ kun dga' bo chos kyi rnam grangs 'di ji ltar zin pa bzhin du gang dag la byin pa'i sems can de dag la khyod ston pa'i bya ba byed pa legs so/ /legs so/ /bcom ldan 'das
124a6 kyis de skad ces bka' stsal pa dang / tshe dang ldan pa kun dga' bo dang / tshe dang ldan pa shA ri'i bu dang / 'jam dpal gzhon nur gyur pa dang / lha dang / mi dang / lha ma yin dang / dri zar bcas pa'i 'jig rten rnams yid
124a7 dga' ste/ bcom ldan 'das kyis bka' stsal pa la mngon par bstod do/ /glang po'i rtsal zhes bya ba theg pa chen po'i mdo rdzogs so// // @#/ /rgya gar skad du/ Ar+ya ma
124a8 hA ra Na nA ma ma hA yA na sU tra/ bod skad du/ 'phags pa sgra chen po zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig
iiif viewer powered by OpenSeadragon
Texts on this page
J150 - glang po'i rtsal zhes bya ba theg pa chen po'i mdo
J151 - 'phags pa sgra chen po zhes bya ba theg pa chen po'i mdo