| e-texts navigator |
| བོད་ཡིག |
287a1 bstod do/ /'phags pa srid pa 'pho ba zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na shI la dang /
287a2 zhu chen gyi lo tsA ba ban+d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa/ rgya gar skad du/ AR+ya sarba bi da l+ya saM gra ha nA ma mahA
287a3 yA na sU tra/ bod skad du/ 'phags pa rnam par 'thag pa thams cad bsdus pa zhes bya ba theg pa chen po'i mdo/ sangs rgyas dang / byang chub sems dpa' thams cad
287a4 la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong drug khri nyis stong gi dge slong gi dge
287a5 'dun chen po dang / byang chub sems dpa' bye ba phrag brgyad cu dang / lha drug khri dang / dge bsnyen stong phrag mang po dang thabs cig tu bzhugs te/ de'i tshe bcom ldan
287a6 'das yongs su mya ngan las 'da' ba'i dus la bab ste/ 'di ni/ bcom ldan 'das rgyal po'i kha ba na dbyar gnas shing bzhugs pa'i tha ma yin no/ /de nas bcom
287a7 ldan 'das kyis ting nge 'dzin rnam pa ji lta bus stong gsum gyi stong chen po'i 'jig rten gyi khams 'di dar gyi lda ldi bres pas brgyan pa dang / pog por gyis brgyan cing bdug
iiif viewer powered by OpenSeadragon
Texts on this page
H227 - 'phags pa srid pa 'pho ba zhes bya ba theg pa chen po'i mdo
H228 - 'phags pa rnam par 'thag pa thams cad bsdus pa zhes bya ba theg pa chen po'i mdo