| e-texts navigator |
| བོད་ཡིག |
27b1 sngags gtsad par byed pa'i sngags so/ /rig pa'i rgyal po bla med ni/ /gsang chen 'di las 'byung bar 'gyur/ /gsang chen rgyud 'di ngo mtshar te/ /rmad byung bas ches rmad du byung / /bstan pa'i snying po gsang chen 'di/ /gsungs pa'i de ma thag tu ni/ phyogs
27b2 bcu'i rig sngags 'chang ba rnams/ /ngo mtshar bskyed nas thal mo sbyar/ /bde ba'i snying po shin tu legs/ /legs so legs so rdo rje 'dzin/ /gang la bde bskyed dpal thob byed/ /bdag cag rnams la thugs rje yis/ /rgyud kyi snying po 'di bshad pa/ /rje
27b3 chen legs so ngo mtshar che/ /'phags ma rdo rje lu gu rgyud kyi rtog pa las sbyin sreg gi le'u ste bzhi ba'o/ /'phags ma rdo rje lu gu rgyud kyi rtog pa oT+ya na nas 'byung ba rdzogs // //paN+Di ta a tu la da sa badzra la zhus nas/ bod kyi lo tswa nga mar pa
27b4 chos kyi dbang phyug grags pas bsgyur ba'o/ / @##/ /rgya gar skad du/ badzra tuN+Da nA ma nA ga sa ma ya/ bod skad du/ rdo rje mchu zhes bya ba klu'i dam tshig go/ /thams cad mkhyen pa la phyag 'tshal
27b5 lo/ /de nas bcom ldan 'das grong khyer chen po g.yog 'dor na bzhugs te/ 'khor 'dus pa chen po 'jog po la sogs pa klu'i 'khor dang / lha dang mi'i tshogs kyi 'khor chen po la sems can rnams kyi don chen po'i phyir te/ bsam pa dang re ba thams cad
27b6 yongs su skong ba bde bar byed pa'i chos ston to/ /de nas grong khyer de nas bram ze'i khye'u khyab ma spyan zhes bya ba phyug pa nor che ba/ longs spyod che ba/ rdzas dang yo byad mang po phun sum tshogs pa/ rig byed dang rig byed kyi yan lag gi pha rol tu phyin pa/ sngags
27b7 la 'jug pa/ sngags grub pa zhig 'dug ste de yang yang dang yang du klu 'gugs shing me'i sbyin sreg byed do/ /bram ze de'i lo tog smin kar char chad par gyur nas/ /des nga rgyal gyi sgras sngags brjod pa dang mthun pas 'di skad ces bdag gis char pa'i
iiif viewer powered by OpenSeadragon
Texts on this page
D758 - 'phags ma rdo rje lu gu rgyud ma'i rgyud kyi rtog pa
D759 - rdo rje mchu zhes bya ba klu'i dam tshig go