rKTs

e-texts navigator

Volume

Page

173a₁ zhig 'phags pa spyan ras gzigs dbang phyug la mtshan brgya rtsa brgyad kyis bstod pa byas pa de'i mtshams med pa lnga byas pa'i las kyi sgrib pa yongs su byang bar 'gyur ro/ /dkyil 'khor thams cad du 'jug par 'gyur ro/ /sngags thams cad kyang 'grub par 'gyur ro/ /bskal
173a₂ pa stong gi bar du yang ngan 'gror mi skye'o/ /mnar med par mi ltung ngo / /su zhig nang par langs nas/ klog gam klog tu 'jug pa dang / kha ton du byed pa de'i lus la mdze dang shu ba dang glo na ba dang dbugs mi bde ba la sogs pa nad thams cad dang bral bar 'gyur ro/ /skyes so cog tu skye ba dran par 'gyur ro/ /
173a₃ lha'i sras po dang 'dra'o/ /'chi ba'i dus kyi tshe na yang 'jig rten gyi khams bde ba can du skye bar 'gyur ro/ /gar skyes gar gnas kyang 'phags pa spyan ras gzigs dbang phyug dang mi 'bral bar 'gyur ro/ /rtag tu bzlas brjod byas na yid gzhungs par 'gyur ro/ /sems dpa' bar
173a₄ 'gyur ro/ /dbyangs snyan par 'gyur ro/ /skal ba bzang por 'gyur ro/ /gtsug lag thams cad la mkhas par 'gyur ro/ /tshig btsun par 'gyur ro/ /bstod pa 'dis bstod na sangs rgyas bcom ldan 'das gang gA'i klung drug cu rtsa gnyis snyed kyi bye ma snyed dag la mchod pa byas
173a₅ par 'gyur te/ rnam par smin pa 'dra bas na bye brag med do/ /rgyal ba thams cad kyi ring bsrel rin po che za ma tog ces bya ba/ 'phags pa spyan ras gzigs dbang phyug gi mtshan brgya rtsa brgyad pa rdzogs so// //
173a₆ @#/ /rgya gar skad du/ Ar+yA ba lo ki te shwa ra s+ya nA ma aSh+Ta sha ta ka /bod skad du/ 'phags pa spyan ras gzigs dbang phyug gi mtshan brgya rtsa brgyad pa zhes bya ba/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos
173a₇ pa dus gcig na/ bcom ldan 'das 'phags pa spyan ras gzigs dbang phyug gi gnas/ ri gru 'dzin gyi rtse mo me tog dri zhim po sna tshogs bkram pa/ 'dzam bu chu bo'i gser kha dog bzang po ltar snang ba/ rin po che sna tshogs snang ba'i sa phyogs na bzhugs te/ lha dang /

_{iiif viewer powered by OpenSeadragon}

172b - 173b

Texts on this page