rKTs

e-texts navigator

Volume

Page

165b₁ pa'i sems can de dag la rgyal chen bzhi'i lha dang / sum cu rtsa gsum gyi lha dang / tshangs pa'i bu dang / tshangs chen rnams kyis bsrung ba dang / bskyab pa dang / sba ba dang / kun tu rjes su 'brang bar byed de/ de bas ches lhag pa'i sangs rgyas dang byang chub sems dpa' thams cad
165b₂ bu la mas srung ba bzhin du bsrung bar 'gyur ro/ /bdud kyi bar du gcad par mi nus so/ /gang shi 'phos nas nub phyogs bde ba can du pad+mo las skye bar 'gyur ro/ /mngal gyi sdug bsngal las thar bar 'gyur ro/ /tshe 'dir me dang chu'i 'jigs pa las thar bar 'gyur
165b₃ ro/ /'dir ni mdo tsam smos su zad kyi/ de ma yin pa gang 'dod pa thams cad bsam pa yid bzhin du 'grub par 'gyur ro/ /gang rgyud 'di la gnod pa dang / 'tshe ba dang / tshul bzhin ma yin pa yid la byed na/ de la lha'i bu dang / klu'i bu khyed rnams kyis bsrung bar gyis shig
165b₄ ces bka' stsal to/ /de nas gsang ba'i bdag po dang / tshangs ris kyi lha'i bu de dag rab tu dga' nas tshul bzhin du khas blang bar byas so/ /de nas gzhan bsrung ba'i phyir bdag sa dkar po la lan du mar bsngags na bar chad thams cad zhi bar 'gyur ro/ /seng ge sgra'i rgyud
165b₅ ces bya ba rdzogs so/ / //rgya gar gyi mkhan po paN+Di ta pradz+nyA kA ra dang / bod kyi lots+tsha ba 'gos khug pa lhas btsas kyis zhus shing bsgyur te gtan la phab pa// @#/ /rgya gar skad du/ Ar+yA ba lo ki te shwa rA ya sid+ha nA da na ma d+hA ra NI/
165b₆ bod skad du/ 'phags pa spyan ras gzigs dbang phyug seng ge sgra'i gzungs zhes bya ba/ bcom ldan 'das rdo rje 'chang la phyag 'tshal lo/ /'di skad bdag gis thos pa dus gcig na/ bcom ldan 'das 'phags pa spyan ras gzigs dbang phyug gi pho brang ri po Ta la'i
165b₇ rtse mo na/ rin po che'i khang rin po che dang / mu tig dang / nor bu dpag med kyis spras pa/ 'od kyis stong gsum khyab pa/ me tog dri zhim po sna tshogs kyis kun nas brgyan pa'i sa phyogs de na byams pa la sogs pa'i byang chub sems dpa' dpag tu

_{iiif viewer powered by OpenSeadragon}

165a - 166a

Texts on this page