| e-texts navigator |
| བོད་ཡིག |
165b1 pa'i rdzas kyis gser lta bu byugs shing ser ba'i me'i lha legs par brgyan pa'i gnas par bsams la nye bar mkho ba thams cad ser po ni rgyas pa la dran par bya'o/ /yang dbang la ni gru gsum byang chub kyi shing gi 'dab ma lta bu'i thab khung de'i dbus su yang pad+ma byang chub kyi shing
165b2 gi lo ma lta bu de'i steng du rdo rje rtse gsum pa/ kha khyer la rdo rje lcags kyu'i phreng bas rnam par brgyan pa/ byang chub kyi shing gis yam shing byas la til dang / tshwa dang / ske tshe'i rdzas dang gos dmar po dang phreng ba dmar po dang / tsan+dan dmar po dang / ka ma to zhes bya ba'i
165b3 me lta ban+du ka dang / dzA ma'i me tog lta bu la dmar po bsam mo/ /mngon spyod la ni zla phyed kyi rnam pa lta bu'i thab khung kha khyer la rdo rje'i phreng bas brgyan pa/ dbus su rdo rje kha phye ba'o/ /ro bsregs pa'i shing dang gtum mo'i me la mi sha dang / mi'i rus pa'i phye ma dang /
165b4 mi'i tshil dang bsres pa'i rdzas ni mngon spyod la lta ste/ kro d+ha na zhes bya ba'i me lha nag po gos nag po 'chang ba mche ba gtsigs pa'i zhal 'jigs par byed pa/ 'jig par byed pa'i bskal pa'i me lta bu langs pa'i rang bzhin no/ /sgyu ma 'od zer can 'byung ba'i rgyud las
165b5 phyung ba rtog pa'i rgyal po yang dag pa rnam par snang mdzad kyis gsungs pa ji lta ba bzhin du ji snyed pa rdzogs so/ / @##/ /rgya gar skad du/ Ar+yA mA rI ts+yai maN+Da la bi d+hi mA rI ts+yai dzA ta dwA da shasta srA dut+t+h+r-i taM kalpa hr-i da ya sa p+ta sha ta nA
165b6 ma/ bod skad du/ 'phags ma 'od zer can gyi dkyil 'khor gyi cho ga 'od zer can 'byung ba'i rgyud stong phrag bcu gnyis pa las phyung ba'i rtog pa'i snying po bdun brgya pa zhes bya ba/ lha mo 'od zer can la phyag 'tshal lo/ /sgyu ma'i ming lha mo 'od zer can 'byung ba zhes bya ba'i rgyud
165b7 las 'od zer can 'byung ba'i dkyil 'khor yang dag par rgyal bas gsungs pa brjod par bya ste/ sangs rgyas kun gyis byin brlabs pa'i/ /lha rdzas dkyil 'khor 'di nyid ni/ /gru bzhi pa la sgo bzhi pa/ /rta babs bzhi yis rnam brgyan cing / /dra ba dra ba phyed kyis spras/ /
iiif viewer powered by OpenSeadragon
Texts on this page
D565 - sgyu ma'i 'od zer can 'byung ba'i rgyud las 'byung ba'i rtog pa'i rgyal po zhes bya ba
D566 - 'phags ma 'od zer can gyi dkyil 'khor gyi cho ga 'od zer can 'byung ba'i rgyud stong phrag bcu gnyis pa las phyung ba'i rtog pa'i snying po bdun brgya pa zhes bya ba