| e-texts navigator |
| བོད་ཡིག |
90b1 'khor thams cad kyis mchod pas mchod cing bstod pas bstod de/ gsang ba mngon par bstan pa'i rgyud kyi rgyal po gsungs pa legs so legs so/ /zhes mngon par mgrin gcig tu ched du brjod pa ched du brjod de/ rdo rje 'chang chen pos gsungs pa la mngon par
90b2 dga' nas yi rangs te mngon par bstod par gyur to/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las/ rgyud ji ltar bstan cing sba ba dang rjes su yi rang ba'i le'u ste nyi shu rtsa gcig pa'o// //bcom ldan 'das phyag na rdo rje
90b3 gsang ba mngon par bstan pa'i rgyud kyi rgyal po zhes bya ba rdzogs so/ / //rgya gar gyi mkhan po wa la tsan+d+ra gu ru chen po dang / bod kyi lo ts+tsha ba glan chung dar ma tshul khrims kyis byang phyogs sham+b+ha la'i dpe dang bstun te bsgyur ba'o/ /slad kyis yul dbus kyi dpe
90b4 dang / kha che nas byung ba dang bstun nas legs par gtan la phab pa'o/ /@##/ /rgya gar skad du/ badzra su kha kro d+ha tan+t+ra rA dza/ bod skad du/ rdo rje bde khros rgyud kyi rgyal po/ sangs rgyas dang byang chub sems dpa' thams cad la
90b5 phyag 'tshal lo/ /'di skad bdag gis thos pa dus gcig na/ bcom ldan 'das bdud las rnam par rgyal ba zhes bya ba 'og min gyi gnas gzhan 'phrul dbang byed kyi pho brang na bzhugs so/ /de'i tshe 'dus pa rnams kyi dang po sems dpa' chen po yid cher g.yos te/
90b6 gus pas bkur sti dang / rim gro dang / phu dud dang / bsti stang du byas te/ e ma'o byams mgon thugs rje can/ /'gro ba'i sems can thams cad kun/ /me yis tshig cing mtshon gyis phog /mun par 'khyams nas ri yis non/ /rlung gis khyer ba snying
90b7 re rje/ /skyabs kyi dam pa bka' stsal 'tshal/ /zhes zhus pas/ der ni mgon pos sku bstan te/ /zhal gyi pad+ma rab phye nas/ /spyan gyi gzi mdangs kun la gzigs/ /ljags kyi dkyil nas bka' stsal pa/ /skyob pa'i dam pa 'di yin gyis/ /rdo rje bde
iiif viewer powered by OpenSeadragon
Texts on this page
D464 - bcom ldan 'das phyag na rdo rje gsang ba mngon par bstan pa'i rgyud kyi rgyal po zhes bya ba
D465 - rdo rje bde khros rgyud kyi rgyal po