rKTs

e-texts navigator

Volume

Page

103a₁ @##/ /rgya gar skad du/ shrI sarba ta thA ga tagu h+ya tan+t+ra yo ga ma hA rA dzA dwa ya sa ma tA bi dza ya nA ma badzra shrI wa ra ma hA kalpA di/ bod skad du/ dpal de bzhin gshegs pa thams cad kyi gsang ba rnal 'byor chen po rnam par rgyal ba zhes bya ba mnyam pa nyid
103a₂ gnyis su med pa'i rgyud kyi rgyal po rdo rje dpal mchog chen po brtag pa dang po'o/ /de bzhin gshegs pa thams cad kyi bdag nyid dpal rdo rje sems dpa' la phyag 'tshal lo/ /'di skad bdag gis thos pa yi/ /dus gcig tshe na bcom ldan 'das/ /de bzhin
103a₃ gshegs pa thams cad kyi/ /sku dang gsung dang thugs rdo rje/ /rdo rje btsun mo rnams kyi ni/ /b+ha ga la ni snyoms par zhugs/ /gsang ba las kyang ches gsang ba/ /gsang ba chen po 'di lta ste/ /de nas ston pa rdo rje 'dzin/ /de bzhin gshegs pa kun gyi
103a₄ bdag / gsang ba pa rnams ma lus pa'i/ /sku dang gsung dang thugs rdo rje/ /byang chub sems kyi snying po che/ /chos kun mnyam pa nyid dgongs pa'i/ /mnyam nyid gnyis su med pa'i gnas/ /spyod pa mnyam pa zhes bya ba'i/ /ting nge 'dzin la snyoms
103a₅ zhugs te/ /de nyid ngang la gnas pa yis/ /'khor gyi dkyil 'khor dpag med la/ /gzigs shing mi phyed rdo rje las/ /ma g.yos lham me lhang nger gnas/ /mi 'gyur gsang ba 'dus pa'o/ /sangs rgyas byang chub sems dpa' dang / /rig pa'i
103a₆ lha mo rdzu 'phrul can/ /sna tshogs 'khor rnams 'dus pa ste/ /rnal 'byor dbang phyug tshogs rnams las/ /byang chub sems dpa' sems dpa' che/ /kun tu bzang pos gsol ba btab/ /rang gi stan las langs nas ni/ /bla gos phrag bar gzar
103a₇ gyur pas/ /pus mo sa la btsugs nas ni/ /thal mo sbyar te spyis btud nas/ /gsang ba zhes ni gang la bya/ /ches gsang ba ni ji lta bu/ /gsang ba chen po ji ltar lags/ /bcom ldan 'das kyis gsung du gsol/ /de nas ston pa rdo rje 'dzin/ /

_{iiif viewer powered by OpenSeadragon}

102b - 103b

Texts on this page