| e-texts navigator |
| བོད་ཡིག |
22a1 'jig rten du ni 'di gsungs so/ /rdzu 'phrul rgya che 'di dag dang / /ngo mtshar 'di dag thos gyur na/ /mkhas dang nag po'i rigs skyes pa'ang / /su zhig dad par byed mi 'gyur/ /de phyir bdag la legs 'dod cing / /bdag nyid chen po 'dod pas
22a2 'dir/ /sangs rgyas bstan pa dran byas la/ /dam pa'i chos ni bla mar bya/ /dge slong dag de bas na dam pa'i chos la bkur sti bya'o/ /bla mar bya'o/ /rim gror bya'o/ /mchod par bya'o zhes de ltar bslab par bya'o/ /dge slong dag dam pa'i chos la bkur sti byed/ bla mar
22a3 byed/ rim gro byed/ mchod pa byed cing brten te gnas par bya'o zhes de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do/ /bsod nams stobs kyi rtogs
22a4 pa brjod pa rdzogs so/ / //rgya gar gyi mkhan po dzi na mi tra dang zhu chen gyi lots+tsha ba ban de de ba tsan dras bsgyur te gtan la phab pa// @##/ /rgya gar skad du/ tsan+d+ra pra b+ha a ba dA naM/ bod skad du/ zla
22a5 'od kyi rtogs pa brjod pa/ sangs rgyas dang byang chub sems dpa' thams cad la phyag 'tshal lo/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs te/ gang gi tshe tshe dang ldan pa dge slong shA ri'i bu dang / maud gal gyi bu gnyis phung po'i
22a6 lhag ma med pa'i mya ngan las 'das pa'i dbyings su yongs su mya ngan las 'das pa de'i tshe/ dge slong rnams the tshom skyes nas the tshom thams cad gcod par mdzad pa'i sangs rgyas bcom ldan 'das la zhus pa/ btsun pa gang dge slong shA ri'i bu dang maud gal gyi bu gnyis gtso bo de
22a7 mya ngan las 'das pa 'di ma bzod nas sangs rgyas la sogs pa/ dge slong gi dge 'dun bzhugs pa'i thog mar yongs su mya ngan las 'das pa ni ngo mtshar che'o/ /bcom ldan 'das kyis bka' stsal pa/ dge slong dag gang dge slong shA ri'i bu dang / maud gal
iiif viewer powered by OpenSeadragon
Texts on this page
D347 - bsod nams kyi stobs kyi rtogs pa brjod pa
D348 - zla 'od kyi rtogs pa brjod pa