rKTs

e-texts navigator

Volume

Page

253b₁ bcom ldan 'das kyi zhabs la mgo bos phyag 'tshal te/ bcom ldan 'das kyi spyan snga nas phyir song ngo / /mdo chen po stong pa nyid ces bya ba rdzogs so// //rgya gar gyi mkhan po dzi na mi tra dang / pradz+nyA warma dang / zhu chen gyi lots+tsha ba ban de ye shes sde la sogs pas
253b₂ bsgyur cing zhus te gtan la phab pa/ / @##/ /rgya gar skad du/ ma hA shU n+ya tA nA ma ma hA sU traM/ bod skad du/ mdo chen po stong pa nyid chen po zhes bya ba/ dkon mchog gsum la phyag 'tshal lo/ /'di skad bdag gis
253b₃ thos pa dus gcig na/ bcom ldan 'das ser skya'i gnas na shing n+ya gro d+ha'i kun dga' ra ba na bzhugs so/ /de nas bcom ldan 'das snga dro sham thabs dang chos gos gsol te/ lhung bzed bsnams nas bsod snyoms kyi phyir ser skya'i gnas su zhugs so/ /ser skya'i gnas
253b₄ nas bsod snyoms bzhes te/ zhal zas kyi bya ba mdzad cing / zas phyis len pa'i zhal zas spangs nas/ lhung bzed dang chos gos bzhag ste/ zhabs bsil nas shAkya dus bde'i gtsug lag khang ga la ba der gshegs so/ /de'i tshe na dge slong rab tu mang po dag gis
253b₅ shAkya dus bde'i gtsug lag khang du bla gab med par stan rab tu mang po dag bting ste dong ngo / /de nas bcom ldan 'das gtsug lag khang gi phyi rol du zhabs bsil nas nang du yang dag 'jog gi slad du gtsug lag khang du bzhugs so/ /de nas bcom ldan 'das phyem red nang du yang dag
253b₆ 'jog las bzhengs nas shAkya ltag pa ri'i gtsug lag khang ga la ba der gshegs so/ /de'i tshe na tshe dang ldan pa kun dga' bo dge slong rab tu mang po dag dang lhan cig tu shAkya ltag pa'i ri'i gtsug lag khang du 'di lta ste/ chos gos kyi las la 'dus te 'dug par gyur to/ /tshe dang ldan pa
253b₇ kun dga' bos rgyang ring po nas bcom ldan 'das mthong ngo / /mthong nas kyang stan las langs te bcom ldan 'das kyi gdan bshams nas 'di skad ces kyang gsol to/ /bcom ldan 'das tshur gshegs su gsol/ bcom ldan 'das legs par gshegs lags so/ /bcom ldan

_{iiif viewer powered by OpenSeadragon}

253a - 254a

Texts on this page