| e-texts navigator |
| བོད་ཡིག |
27b1 dpas 'dus byas kyang spang bar mi bya ste/ 'dus byas su gtogs pa'i nyon mongs pa rnams dang yang 'grogs par mi bya'o/ /'dus ma byas la yang brtag par bya ste/ skyon med par yang 'jug par mi bya'o/ /'dus byas dang 'dus ma byas gcig pa'i mtshan nyid dang ldan
27b2 pa'i shes rab kyis byang chub kyi snying por mnyam pa nyid du mngon par rdzogs par sangs rgyas par bya ste de ni tshul lo/ /tshul gyi tshig 'di dag bstan pa'i tshe lha'i bu brgyad stong ni byang chub tu sems bskyed par gyur to/ /byang chub sems dpa' lnga brgya ni mi skye ba'i chos
27b3 la bzod pa thob par gyur to/ /bcom ldan 'das kyis de skad ces bka' stsal nas/ byang chub sems dpa' sems dpa' chen po rab tu mang po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs
27b4 pa la mngon par bstod do/ / //'phags pa chos kyi tshul zhes bya ba theg pa chen po'i mdo rdzogs so// //rgya gar gyi mkhan po pradz+nyA bar ma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa// //
27b5 @##/ /rgya gar skad du/ Ar+ya d+harma skan d+ho nA ma ma hA yA na sU tra/ bod skad du/ 'phags pa chos kyi phung po zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom
27b6 ldan 'das ser skya'i gnas na shing n+ya gro d+ha'i kun dga' ra ba na/ dge slong lnga brgya tham pa'i dge slong gi dge 'dun chen po dang thabs cig tu bzhugs te/ de nas tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa 'od srung chen po dang / tshe dang
27b7 ldan pa kun dga' bo dang / tshe dang ldan pa sgra gcan zin bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa shA ri'i bus bcom ldan 'das la 'di skad
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo
D245 - 'phags pa chos kyi phung po zhes bya ba theg pa chen po'i mdo