| e-texts navigator |
| བོད་ཡིག |
177a1 so/ /bcom ldan 'das kyis de skad ces bka' stsal nas/ yul ma ga d+hA'i rgyal po bzo sbyangs gzugs can snying po dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig
177a2 rten yi rangs te/ bcom ldan 'das kyis gsungs pa la mngon par bstod do// //'phags pa srid pa 'pho ba zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes
177a3 sdes bsgyur cing zhus te/ skad gsar chad kyis kyang bcos nas gtan la phab pa// @#/ /rgya gar skad du/ Ar+ya sarba bi da l+ya saMgra ha nA ma ma hA yA na sU tra/ bod skad du/ 'phags pa rnam par 'thag pa
177a4 thams cad bsdus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong drug khri nyis stong gi dge slong gi dge
177a5 'dun chen po dang / byang chub sems dpa' bye ba phrag brgyad cu dang / lha drug khri dang / dge bsnyen stong phrag mang po dang thabs cig tu bzhugs te/ de'i tshe bcom ldan 'das yongs su mya ngan las 'da' ba'i dus la bab ste/ 'di ni bcom ldan 'das rgyal po'i khab na dbyar
177a6 gnas shing bzhugs pa'i tha ma yin no/ /de nas bcom ldan 'das kyis ting nge 'dzin rnam pa ji lta bus stong gsum gyi stong chen po'i 'jig rten gyi khams 'di dar gyi lda ldi bres pas brgyan pa dang / pog phor gyis brgyan cing bdug pas bdugs pa dang / me tog sil mas chal
177a7 par gang ba dang / pad ma 'dab ma stong phrag brgya pas khebs par gyur pa de lta bu'i ting nge 'dzin la snyoms par zhugs so/ /stong gsum gyi stong chen po'i 'jig rten gyi khams 'di na tshangs pa bye ba phrag stong ji snyed yod pa'i tshangs pa de dag re re zhing yang g.yog 'khor bye ba phrag stong dang /
iiif viewer powered by OpenSeadragon
Texts on this page
D226 - 'phags pa srid pa 'pho ba zhes bya ba theg pa chen po'i mdo
D227 - 'phags pa rnam par 'thag pa thams cad bsdus pa zhes bya ba theg pa chen po'i mdo