rKTs

e-texts navigator

Volume

Page

111b₁ bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu dag dang ldan te/ tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i
111b₂ ye shes gzigs pa dpag tu med pa dang ldan pa'i phyir ro/ /kun dga' bo 'di ltar de bzhin gshegs pa dgra bcom pa yang dag par rdzogs pa'i sangs rgyas rnams dpag tu med pa'i chos rnams dang ldan pa de'i phyir de la mchod pa'i rnam par smin pa yang de ltar dpag tu med
111b₃ par shes par bya'o/ /chos kyi rnam grangs 'di bshad pa'i tshes chen po 'di rnam pa drug tu g.yos te/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ dbus mtho
111b₄ na mtha' dma'/ mtha' mtho na dbus dma' bar gyur to/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ bdag gis ji ltar gzung bar bgyi/ bcom ldan 'das kyis
111b₅ bka' stsal pa/ kun dga' bo de'i phyir chos kyi rnam grangs 'di bdud rtsi'i rnga zhes bya bar zung shig /sgra chen po zhes bya bar yang zung shig /de nas tshe dang ldan pa kun dga' bo bcom ldan 'das kyis gsungs pa la mngon par bstod de rjes su yi rangs nas bcom ldan 'das kyi
111b₆ zhabs la phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan snga nas song ngo / /'phags pa sgra chen po zhes bya ba theg pa chen po'i mdo rdzogs so// //rgya gar gyi mkhan po bi shud d+ha sing ha dang / lo ts+tsha ba ban de dge ba
111b₇ dpal gyis bsgyur/ rgya gar gyi mkhan po bir+yA kar sing ha dang / zhu chen gyi lo ts+tsha ba ban de de btsan dras zhus te gtan la phab pa// @##/ /rgya gar skad du/ Ar+ya sing ha nA di ka na nA ma ma hA yA na sU tra/

_{iiif viewer powered by OpenSeadragon}

111a - 112a

Texts on this page