rKTs

e-texts navigator

Volume

Page

224b₁ pa kun dga' bo la bka' stsal pa/ kun dga' bo chos kyi rnam grangs 'di zung la gzhan dag la yang rgyas par yang dag par ston cig /gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/
224b₂ kun dga' bo de'i phyir chos kyi rnam grangs 'di khyod kyis spobs pa bkod pa'i rgyan ces bya bar zung shig /bud med 'gyur ba lung bstan pa zhes bya bar yang zung shig /bcom ldan 'das kyis de skad ces bka' stsal nas/ byang chub sems dpa' sems dpa' chen po bud med
224b₃ 'gyur ba 'khor dang bcas pa dang / tshe dang ldan pa kun dga' bo dang / nyan thos chen po de dag dang / byang chub sems dpa' de dag dang / lha dang / klu dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par
224b₄ bstod do/ / //'phags pa bud med 'gyur ba lung bstan pa zhes bya ba theg pa chen po'i mdo rdzogs so// //rgya gar gyi mkhan po pradz+nyA barma dang / shI len+d+ra bo d+hi dang / zhu chen gyi lo ts+tsha ba ban de ye shes sde la pas bsgyur cing zhus te gtan la phab pa// sh+lau ka drug
224b₅ brgya/ bam po gnyis pa'o// @##/ /rgya gar skad du/ Ar+ya tsan drot+ta rA dA ri kA byA ka ra Na nA ma ma hA yA na sU tra/ bod skad du/ 'phags pa bu mo zla mchog lung bstan pa
224b₆ zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa can na tshal chen po'i khang pa brtsegs pa'i gnas na/ dgra bcom pa lnga brgya tsam gyi dge slong
224b₇ gi dge 'dun chen po thams cad kyang cang shes kyi sems dang ldan pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad

_{iiif viewer powered by OpenSeadragon}

224a - 225a

Texts on this page