| e-texts navigator |
| བོད་ཡིག |
10b1 ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis 'di tshangs pas zhus pa zhes bya bar zung shig /dran pa nye bar gzhag pa'i tshul bstan pa zhes bya bar yang zung shig /bag yod pa'i tshul
10b2 bstan pa zhes bya bar yang zung shig / bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma
10b3 yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa tshangs pas zhus pa zhes bya ba theg pa chen po'i mdo rdzogs so/ /rgya gar gyi mkhan po dzi na mi tra dang / zhu zhen gyi lo tswa ba ban+de
10b4 ye shes sdes bsgyur cing zhus te gtan la phab pa/ / @##/ /rgya gar skad du/ Ar+ya brah+ma dat+ta pa ri pr-its+tshA nA ma ma hA yA na sU tra/ bod skad du/ 'phags pa tshangs pas byin gyis zhus pa zhes bya
10b5 ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge
10b6 slong gi dge 'dun chen po dang / byang chub sems dpa' sems dpa' chen po rab tu mang po thams cad kyang mngon par shes pa mngon par shes pa'i byang chub sems dpa' mngon par shes pa thob pa/ gzungs thob pa/ ting nge 'dzin thob pa/ chags pa med pa'i gzungs thob pa/
10b7 sgo mtha' yas pa'i phyag rgya bsgrub pa'i gzungs la mkhas pa/ stong pa nyid la gnas pa/ mtshan ma med pa'i spyod yul ba ma brtags pa'i smon lam can/ mi skye ba'i chos la bzod pa thob pa sha stag dang / thabs cig tu bzhugs te/ de nas byang chub sems dpa' mthong
iiif viewer powered by OpenSeadragon
Texts on this page
D158 - 'phags pa tshangs pas zhus pa zhes bya ba theg pa chen po'i mdo
D159 - 'phags pa tshangs pas byin gyis zhus pa zhes bya ba theg pa chen po'i mdo