Wylie

e-texts based on the ACIP/ALL Input

།?་བར་རྟོག་པ་རྣམ་བར་དབྱེད་པ་བཞུགས།། རྒྱ་གར་སྐད་དུ། ཨ་བྷི་སོ་མ་ཡ་བི་བྷི་ག་ནཱ་མ། བོད་སྐད་དུ། མདོན་པར་རྟོགས་པ་རྣམ་པར་འབྱེད་པ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འཇིག་དུས་བསྐལ ་པའི་མེ་ལྟར་འབར། །དག་པ་རྣམ་པ་བཅུ་གཉིས་ལྡན། །བདེན་དོན་རྣམ་པ་བཅུ་གཉིས་ལྡན། །ཧེ་རུ་ཀ་དཔལ་དེ་ལ་འདུད། །གང་གི་དྲིན་གྱི་བདེ་ཆེན་གནས། །སྐད་ཅིག་གིས་ནི་ཐོབ་གྱུར་པ། །བླ་མ་རིན་ཆེན་ལྟ་བུ་ཡི། །རྡོ་རྗེ་ཅན ་ཞབས་པར?་ལ་འདུབ། །མིང་གི་རྒྱུད་ནི་འབུམ་སྟེ་ལ། །སྡོམ་པ་བཏུད་པར་གྱུར་པ་ཡིན། །ནམ་མཁའ་དང་ནི་མཉམ་པའི་རྒྱུད། །འབུམ་གཅིག་ནང་ནས་དེ་སྐད་བཤད། །ངེས་དོན་ཟབ་མོ་རིམ་ཕྱེ་ཡང། །མིག་བྲལ་ངེས་པ་མ་རྙེད་པ། །ངེས ་བརྗོད་མངོན་འབྱུང་མཁའ་འགྲོ་ལས། །སྙིང་པོ་བསྡུས་པ་བདག་གིས་བཤད། །དེ་ལ་འདིར་བཤད་བྱ་ནམ་མཁའ་དང་མཉམ་པའི་རྒྱུད་ཆེན་པོ་དང། །འཆང་བྱེད་རྒྱུད་བཞི་དང་ལྡན་པའི་རྣལ་འབྱོར་མའི་རྒྱུད་རྣམས་ཀྱིས་བརྗོད་བྱ་ངེས་དོན ་ལམ་གྱི་རིམ་པ་ནི། ལྟ་བ་དང། བསྒོམ་པ་དང། སྤྱོད་པ་རྣམ་པར་དག་པ་དང། སྒྲུབ་བྱེད་དབང་དང། གང་གིས་སྒྲུབ་པ་དང། གང་ལ་བསྒྲུབ་པའོ། །ཤེས་རབ་ལ་གཉིས་ཏེ། དམིགས་པ་དང་བཅས་པའི་ཤེས་རབ་དང། དམིཌ ་པ་མེད་པའོ། །ཤེས་རབ་གཉིས་ཀྱི་མཐོད་པ་དང། མཐུན་པར་དེ་ལ་བློ་འཇོག་པ་དང། བཞི་པས་གཉིས་མེད་ཟུང་འཇུག་ཏུ་རྟོགས་པ་བསྒྲུབ་པའོ། །དེ་ཡང་བླ་མ་ལ་རག་ལས་པས་དེ་མཉེས་པ་ལས་ཐོབ་པའི་ཕྱིར་རོ། །དེ་ལྟར་བསྒྲུབ་པས་སྒྲུབ་པ་པོའི ་གསར་བ་མངོན་དུ་སོང་བའི་ཤེས་རབ་ཡེ་ཤེས་ཀྱིས་དོན་དམ་པ་དང། བཞི་པས་གཉིས་མེད་ཟུང་འཇུག་ཏུ་རྟོགས་པ་བསྒྲུབ་པའོ། །དེ་ཡང་བླ་མ་ལ་རག་ལས་པས་དེ་མཉེས་པ་ལས་ཐོབ་པའི་ཕྱིར་རོ། །དེ་ལྟར་བསྒྲུབ་པས་སྒྲུབ་པ་པོའི ་མཚན་ཉིད་དུ་གྱུར་པ་ནི། དང་པོ་སྙིང་རྗེའི་སྟོབས་ལས་བྱུང། །རྫོགས་པའི་བྱང་ཆུབ་སེམས་བརྟན་བྱས། །བུམ་པ་གསང་སོགས་དབང་བསྐུར་བ། །བླ་མའི་དྲིན་གྱིས་ཡང་དག་ཐོབ། །ཅེས་པ་ལ་སོགས་པའོ། །དེ་ཡང་སྒྲུབ་པའི ་གནས་དང་།གྲོགས་དང། ཡན་ལག་དང། ཚུལ་ཇི་ལྟར་བསྒྲུབ་པའོ། །གནས་ནི་དུར་ཁྲོད་ལ་སོགས་པའོ། །གྲོགས་ནི་ལེའུ་བཅུ་གསུམ་པ་ལས། ལྡབང་གི་ལྷ་མོ་མཆོད་བྱ་སྟེ། །དཔའ་བོའི་ལྷ་མོ་བཀའ་བསྒོ་སྐྱེས། ལོངས་སྤྱོད་ཡན ་ལག་ཀུན་སྤྱོད་མ། །འཁོར་བ་ལས་སྒྲོལ་གཙོ་བོ་ཡིན། །ཞེས་གསུངས་པའི་ཕྱིར། སྒྲུབ་པའི་ཡན་ལག་བསྟན་པའི་ཕྱིར། །དང་པོ་རེ་ཞིག་ཅེས་བྱ་བ་ལ་སོགས་པའོ། །ཚུལ་ཇི་ལྟར་བསྒྲུབ་པ་ནི་སྐྱེ་བ་མེད་པར ་ཤེས་པའི་ཚུལ་གྱིས་ཏེ། དེ་ཡང་རྡོ་རྗེ་མཁའ་འགྲོ་ལས། །གང་ཡང་ལས་རྣམས་ཐམས་ཅད་ལ། །ཤེས་རབ་དང་ནི་སྦྱར་བྱ་སྟེ། །དེ་ཡང་སྟོང་པའི་གནས་སུ་སྦྱར། །ཞེས་གསུངས་པས། ལས་རྣམས་ནི་འདིར་ཚངས་པའི་གནས ་བཞི་བསྒོམ་པ་ལ་སོགས་པའོ། །ཤེས་རབ་དང་སྦྱར་བ་ནི་ཤེས་རབ་ཀྱི་མིག་གིས་བལྟ་བའི་ཡུལ་ཡིན་པའི་ཕྱིར་རོ། །དེ་ཡང་སྟོང་པའི་གནས་ཏེ་བློ་གང་གིས་རྣམ་པར་སྐྱེ་བ་དེ་རྟེན་འབྲེལ་ཡིན་པའི་ཕྱིར། །སྟོང་པ་ཉིད་དུ་ཤེས་པའི ་ཚུལ་གྱིས་བསྒོམ་པའོ། །དང་པོར་རེ་ཞིག་ནི་རྣལ་འབྱོར་པས་བྱ་བའི་རིམ་པ་བསྟན་པའོ། །རྣལ་འབྱོར་པའི་དབང་ཕྱུག་ནི་དབང་བཞིས་སྣོད་དུ་བྱས་པའོ། །ཚངས་པའི་གནས་བཞི་ནི་བྱམས་པ་ལ་སོགས་པའོ། །བསྒོམ་པ་ནི་སེམS ་ཅན་ཐམས་ཅད་བདེ་བ་དང་ལྡན་པར་འདོད་པ་དང། གང་དག་སྡུག་བསྔལ་བ་ལ་དམིགས་ནས་དེ་དང་བྲལ་བར་འདོད་པ་དང། ཧེ་རུ་ཀའི་གོ་འཕང་ལ་དགོད་པར་འདོད་པ་དང། མི་དགེ་བའི་ཕྱོགས་མ་ལུས་པ་ཟད་པར་བྱ་བའི་འཇིག ་རྟེན་དང་འཇིག་རྟེན་ལས་འདས་པའི་དགེ་བ་མ་ལུས་པ་ལ་དགོད་པར་འདོད་པའོ། །ད་ནི་འདིར་རྣལ་འབྱོར་བསྲུང་བ་སྟེ། རྣལ་འབྱོར་ནི་འདིར་སྙིང་རྗེ་དང་སྟོང་པ་གཉིས་མེད་ཡིན་པར་དགོངས་སོ། །གང་ལས་བསྲུང་ཞེ་ན། མི་མཐུན་པའི་ཕྱོགས ་ཏེ། གནོད་སེམས་དང། རྣམ་པར་འཚེ་བ་དང། ཐེག་པ་དམན་པ་ལ་འདོད་པ་དང། དགེ་བའི་རྩ་བ་ཐམས་ཅད་ཟད་ཅིང་མི་འཕེལ་བའོ། །ཇི་སྲིད་དེ་ཡོད་པ་དེ་སྲིད་དུ་སྔར་བྱས་པ་འཇིག་ཅིང་ཕྱིས་མི་སྐྱེ་བ་དང། ཐེག་པ་ཆེན་པོའི་གནས ་ལས་ཉམས་པ་དང། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་མི་འགྱུར་བའི་ཕྱིར་རོ། །དེ་ནས་ཕུང་པོ་ལྔའི་ང་རྒྱལ་བསྐྱེད་པར་བྱ་སྟེ་ཞེས་བྱ་བ་ལ། འདི་ལྟར་བདག་ཏུ་མངོན་པར་ཞེན་པ་ལ་བརྟེན་ནས་པར་འཛིན་པ་འབྱུང་ལ། བདག ་གི་མངོན་པར་ཞེན་པ་ལ་བརྟེན་ནས་ང་ཡིར་འཛིན་པར་འགྱུར་བས། གང་གི་ཕྱིར་བདག་ཏུ་ཞེན་པ་མེད་ན་དེའི་ཕྱིར་ངར་འཛིན་མེད་ལ། བདག་གིར་ཞེན་པ་མེད་ན་དེའི་ཕྱིར་ང་ཡིར་འཛིན་པ་མེད་པར་འགྱུར་རོ། །དེར་ཞེན་པའི་གཞི་བསྒྱུར་བའི ་ཕྱིར་གཟུགས་ཀྱི་ཕུང་པོའི་རྡུལ་ཕྲ་རབ་རྣམས་རྣམ་པར་སྣང་མཛད་ཀྱིས་སྦྱངས་ཏེ། དེ་ཡང་ཞལ་གཅིག་པ་ཕྱག་གཉིས་པ་པདྨ་དང་ཟླ་བ་དང་སེངྒེའི་གདན་ལ་བཞུགས་པ། གཡས་འཁོར་ལོ་གཡོན་དྲིལ་བུ་དགུ་ལ་བརྟེན་པའོ། །དེ་བཞིན་དུ ་ཕུང་པོ་བཞིའི་ཚོགས་ལ་རྡོ་རྗེ་ཉི་མ། པདྨ་གར་དབང། རྡོ་རྗེ་རྒྱལ་པོ། རྡོ་རྗེ་སེམས་དཔའ་སྟེ། ཞལ་གཅིག་པ། ཕྱག་གཉིས་པ། གཡས་རྣམས་ནི་རང་རང་གི་མཚན་མ་འཛིན་པ། གཡོན་པ་ཐམས་ཅད་ན་དྲིལ་བུ་དཀུར་བརྟེན་པ། རྟ ་དང་རྨ་བྱ་དང། ནམ་མཁའ་ལྡིང་དང། གླང་པོ་དང། པདྨ་དང། ཉི་མའི་གདན་ལ་བཞུགས་པའོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་དུ་གྱུར་པ་ནི་དཔལ་ཧེ་རུ་ཀའོ་ཞེས་པ་ལ་རོའི་གདན་ལ་བཞུགས་པ་སྐུ་མདོག་ནག་པོ ་རྡོ་རྗེ་དྲིལ་བུ་ཅན་ནོ། །འདིར་རིགས་ལྔ་ནི་ཕུང་པོ་ལྔ་ལ་སོགས་པ་བྱེ་བྲག་གི་དག་པ་ཡིན་ལ། ཧེ་རུ་ཀ་ནི་སྤྱིའི་དག་པའོ། །གཟུགས་ལ་སོགས་པ་ཀུན་རྫོབ་ཏུ་སྒྱུ་མ་ལྟ་བུའི་ལྷར་དག་ལ། དོན་དམ་སྐྱེ་མེད་དུ་དག་པ་དཔལ་ཧེ་རུ་ཀའི། །དེ་ཡང ་ཧེ་ནི་རྒྱུ་ཚོགས་རྣམ་པར་སྤངས། །རུ་ནི་ཚོགས་དང་བྲལ་བ་ཉིད། །ཀ་ནི་གང་དཱུང་མི་གནས་པའོ་ཞེས་གསུངས་པས། རྒྱུ་ལ་སོགས་པ་ནི། བདག་དང་གཞན་དང་གཉིས་ཀ་ལས་སྐྱེ་བ་དང་རྒྱུ་མེད་པ་ལས་སྐྱེ་བ་སྤངས་པའོ། །ཚོགས་ནི ་གནས་པ་དང་འཇིག་པའི་ཚོགས་དང་བྲལ་བའོ། །སྐྱེ་བ་ལ་སོགས་པ་དང་བྲལ་བའི་ཕྱིར་མི་གནས་པའི་མྱ་ངན་ལས་འདས་པའོ། །དེ་བཞིན་དུ་རྡོ་རྗེ་མཁའ་འགྲོ་ལས་ཀྱང་གཟུགས་འདི་ཐམས་ཅད་སྟོང ་པ་ཉིད། །སྟོད་པའི་ཚུལ་གྱིས་མིག་གིས་ནི། །དོགས་པ་མེད་པར་བསྒོམ་པའི་མཆོག་།རྣམ་པར་མི་རྟོག་པ་ཡིས་བལྟ་ཞེས་གསུངས་པས། ཕུང་པོ་དང་ཁམས་དང་སྐྱེ་མཆེད་རྣམས་ཀུན་རྫོབ་ཏུ་སྒྱུ་མ་ལྟ་བུའི་ལྟར་བསྒོམ ་ལ། །དོན་དམ་པར་སྟོང་པ་ཉིད་དོ། །དེ་བཞིན་དུ་མིག་ལ་སོགས་པར་གཏི་མུག་རྡོ་རྗེ་དང། ཞེ་སྡང་རྡོ་རྗེ་དང། །སེར་སྣ་རྡོ་རྗེ་དང། འདོད་ཆགས་རྡོ་རྗེ་དང། ཕྲག་དོག་རྡོ་རྗེ་དང། །དབང་ཕྱུག་རྡོ་རྗེ་སྟེ། །དཀར་པོ་དང། ནག་པོ་དང། ་སེར་པོ་དང། དམར་པོ་དང། ལྗང་གུ་དང། ཡང་དཀར་པོ་སྟེ། ཕྱག་མཚན་ནི་བདག་པོ་དང་མཐུན་ནོ། །ཡང་ས་ལ་སོགས་པའི་ཁམས་ལ་ལྟུང་བྱེད་མ་དང། །གསོད་བྱེད་མ་དང། འགུགས་བྱེད་མ་དང། གར་གྱི་དབང ་ཕྱུག་མ་དང། པདྨའི་དྲ་བ་ཅན་ཏེ། སེར་མོ་དང། ནག་མོ་དང། དམར་སེར་དང། དམར་མོ་དང་སྔོན་མོ་སྟེ། རང་རང་གི་དཀྱིལ་འཁོར་ལ་བཞུགས་པ། ཞལ་གཅིག་པ། ཕྱག་བཞི་པ། གཡས་ཀྱི་དང་པོ་རྣམས་ན་འཁོར་ལོ་དང། ་རྡོ་རྗེ་དང། པདྨ་དང། རལ་གྲིའོ། །ཐ་མ་རྣམས་ནི་གྲི་གུག་གོ་།གཡོན་ན་ཐོད་པ་དང་ཁ་ཊཝཱཾ་གའོ། །པདྨའི་དྲ་བ་ཅན་ཉི་མ་ལ་བཞུགས་པ་ཞལ་གསུམ་པ་ཕྱག་དྲུག་པ་སྟེ། གཡས་པ་གསུམ་ན་ཐོད་པ་དང། །བ་ཊཝཱཾ་ག་དང། ་ཞགས་བའོ། །གཡོན་ན་ལྕགས་ཀྱུ་དང། ཚངས་པའི་མགོ་དང། གྲི་གུག་གོ་།དེ་ལྟར་ན་མ་རིག་པ་ལ་སོགས་པའི་ཉོན་མོངས་པ་འབྱིན་པར་བྱེད་པ་དང། སྤྲོས་པ་གསོད་པ་དང། ལྷ་ཅིག་སྐྱེས་པའི་བདེ་པ་འདོན་པ་དང། མི་དམིཌ ་པའི་སྙིང་རྗེས་སེམས་ཅན་གྱི་དོན་བྱེད་པའོ། །དབྱིངས་དང་ཡེ་ཤེས་དང་ཐབས་དང་ཤེས་རབ་དབྱེར་མེད་པའི་བྱང་ཆུབ་ཀྱི་སེམས་ལས་ལྷའི་འཁོར་ལོ་རྫོགས་པར་བྱེད་པའི་ཕྱིར་རོ། །དེ་ལྟར་ཞེས་བྱ་བ་ལ་སོགས་པ་ལ། །གང་དག་པ་ཕུང་པོ་ལ ་སོགས་པ་དང། །གང་གི་རང་བཞིན་དུ་དག་པ་སྒྱུ་མ་ལྟ་བུའི་ལྷ་དང། ཇི་ལྟར་དག་པ་སྐྱེ་མེད་དུ་དག་པའོ། །བདག་གིར་འཛིན་པ་དག་པར་བྱ་བའི་ཕྱིར། །དེ་ནས་རྡོ་རྗེའི་ར་བ་བསམ་པར་བྱ་སྟེ། ཞེས་བྱ་བ་ལ་སོགས་པ་ལ། བདག ་གི་སྙིང་གར་ཉི་མ་ལ་གནས་པའི་ཧཱུཾ་འོད་ཟེར་གྱི་ཕྲེང་བ་འཕྲོ་བ་བསམས་ལ། དེ་ལས་འོད་ཟེར་སྣ་ཚོགས་འཕྲོས་པས་བདག་དང་ཁམས་གསུམ་པའི་དངོས་པོ་ཐམས་ཅད་སྒྱུ་མ་ལྟར་སྐྱེ་མེད་དུ་ཤེས་པར་བྱས་ནས། །ཚུར་འདུས་པས ་བདག་ཁམས་གསུམ་རྣམ་རྒྱལ་དུ་བསམས་པ་སྟེ། །བདག་གིར་ཞེན་པ་ལས་རྣམ་པར་རྒྱལ་བའི་ཕྱིར་རོ། །དེ་ལྟར་བདག་མེད་པའི་ཤེས་རབ་དེའི་ལས་དང་མཚན་ཉིད་བསྟན་པའི་ཕྱིར་ར་བ་ལ་སོགས་པ་བསམས་པ་སྟེ། དེ་ཡང ་ཨོཾ་སུམ་བྷ་ལ་སོགས་པའི་སྔགས་བཞི་ཕྱོགས་བཞིར་བསམ་དེ་ལས་རྡོ་རྗེའི་ར་བ་གྲུ་བཞི་པ་བསམ་པར་བྱའོ། །ས་གཞི་ནི་ཧཱུཾ་ལས་སྣ་ཚོགས་རྡོ་རྗེར་བསམས་ལ། དེའི་འོད་ཀྱི་སྣང་བས་བླ་རེ་དང། གུར་དང། མདའི་བྲ་བ་དང། ་མེའི་རབ་བསམ་པར་བྱའོ། །དེ་ནས་རྡོ་རྗེའི་ར་བ་དང་མེའི་ར་བའི་བར་དུ་ཤར་དུ་ཁྭ་གདོང་།བྱང་དུ་འུག་གདོང། ནུབ་ཏུ་ཁྱི་གདོང། ལྷོར་ཕྱག་གདོང་མ་བཞི། མཚམས་རྣམས་སུ་མཚམས་མ་བཞི། སྟེང་ཁྭ་གདོང་དང་འོག་ཁྱི ་གདོང་ཅན་བསྒོམ་པར་བྱའོ། །དེ་ཡང་ལེའུ་བཅུ་འདུན་པ་ལས། །ཁྲོ་བོ་རྣམ་རྒྱལ་ལ་སོགས་པ། སྒོ་དང་མཛའ་ཡི་མཚམས་རྣམས་སུ། །སྣ་ཚོགས་འདུལ་པའི་ཐབས་ཅན་གྱིས་།སེམས་ཅན་དོན་ལ་བརྩོན་པར་མཛད། ཅེས་པས ་སྣ་ཚོགས་འདུལ་བའི་ཐབས་ནི་བུད་མེད་ཀྱི་འདུལ་པ་རྣམས་ལ་བཀའ་བསྒོ་རྣམས་སུ་སྤྲུལ་པའི་ཕྱིར་རོ། །དེ་རྣམས་ཀྱི་ཕྱག་ན་ཁྲོ་བོའི་ཕུར་པ་བསྣམས་པར་བསམས་ལ། ཡང་སྔགས་མཚན་བཞི་བརྗོད ་པ་དང། ཧཱུཾ་གི་འོད་ཟེར་གྱི་སྒོ་ལས་ཁྲོ་བོ་ཞགས་པ་དང་ལྕགས་ཀྱུ་བསྣམས་པ་རྣམས་ཀྱིས་ཕྱོགས་བཅུ་ནས་བགེགས་ཐམས་ཅད་བཀུག་པ་ལ་ཕུར་བུ་གདབ་པ་སྟེ། ཨོཾ་གྷ:གྷ(རྒྱུད་འགྲེལ་བརྡུང་བར་བྱའོ། །དེ་ལྟར་ན་ཤེས་རབ་དེ་ཉིད་ཀྱི་ལས་དང་མཚན་ཉིད་མ་ཕྱེད་ཅིང་འབྱེད་པ་དང། རྟོག་པ་དང། ལྷན་ཅིག་མི་གནས་པ་དང། དེ་ཉིད་བསྲེག་པའི་ཕྱིར་རྡོ་རྗེ་ར་བ་དང། ཁྲོ་བོའི་ར་བ་དང། མེའི་ར་པའོ། །ཞེ་སྡང་གིས ་བསླར?་བའི་བརྡེག་པ་ནི་མ་ཡིན་ནོ། །འོ་ན་ཀུན་རྫོབ་ཏུ་གནོད་བྱ་གནོད་བྱེད་མེད་དོ་ཞེ་ན་ནི་རྒྱུ་འབྲས་ལ་སྐུར་པ་ཡང་ཡིན་ལ། ཡང་ན་ནི་ཐ་དང་ཀྱི་ཚུལ་གྱིས་བཟློག་པ་ལ་འགལ་བ་མེད་དོ་ཞེ་ན། ཀུན་རྫོབ་ཏུ་རྒྱུ་འབྲས་མེད་པ་མ ་ཡིན་གྱི། འོན་ཀྱང་ཞེ་སྡང་གིས་བསླད་པའི་སྦྱོར་པས་བཟློག་པར་བྱ་བ་མ་ཡིན་ཏེ། ཀུན་རྫོབ་ཉིད་དུ་ཡང་བྱམས་པ་ལ་སོགས་པའི་གོ་ཆ་དང་དོན་དམ་པར་སྐྱེ་མེད་དུ་ཤེས་པས་སོ། །དེ་ཡང་ཅི་ཞེ་ན། ཀུན་རྫོབ་ཏུ་ཆོས ་ཐམས་ཅད་སེམས་ཙམ་ལས་གཞན་མ་ཡིན་ཏེ། དེ་བས་ན་སེམས་ལ་སོགས་པར་གཡོ་བ་ཉིད་བདུང་དང་བགེགས་ཡིན་ནོ། །དེ་ཡང་ངན་སོང་སྦྱོང་བའི་རྒྱུད་ལས། ཇི་སྲིད་ཡིད་ཀྱི་ལོ་ག་གཡོ་བ་དེ་སྲིད་བདུད་ཀྱི་སྤྱོད་ཡུལ ་ལོ། ཞེས་གསུངས་སོ། །སེམས་གཉེན་པོ་ལས་འཁྱར་བ་ཉིད་བདུད་ལ་སོགས་པ་ཡིན་ནོ། །འོ་ན་སངས་རྒྱས་ལས་ཆེས་མཁས་པ་ཡོད་པ་མ་ཡིན་པ་ན་ཐམས་ཅད་ལ་གྲགས་པ་ཡིན་ལ། དེ་རྒྱུད་ལས་བཤད་པ་ཅི་ཞེ་ན། ་དེ?་ནི་བདེན་མོད་ཀྱི་རང་དོན་དུ་གནས་པ་གང་ཡང་མེད་དོ། །དེའི་ཕྱིར་ངེས་བརྗོད་ལས། མི་གསོད་གསོད་པ་མེད་པ་ཡིན། །གང་གིས་རང་སེམས་ཐུལ་བ་ཡིས། །བདག་གི་སེམས་ནི་བཅིངས་པ་ཡིན། །གང་ལ་གང་གིས་གསོད་པ ་ཡོད། ཅེས་པ་དང། ཡང་བྱམས་པའི་གོ་ཆ་བགོས་པ་དང། །སྙིང་རྗེ་ཆོས་ཀྱི་གོ་ཆ་ཡིན། །ཤེས་རབ་མཚོན་ཆར་ལྡན་པ་ཡིས། །ཉོན་མོངས་བདུད་རྣམས་བཟློག་པར་བྱ། །བཀའ་ཡིས་འཁོར་ལོ་བསྲུང་བ་ཆེ། །ཕུར་བུས་བགེགས ་མེད་དངོས་གྲུབ་འགྱུར། །བསྲུང་བའི་ཆོ་ག་འདི་དག་གིས། །བསྒྲུབ་པ་པོ་ལ་བྱང་ཆུབ་སྩོལ། །གཙོ་བོའི་བཀའ་ནི་བླང་བར་བགྱི། །རྣལ་འབྱོར་པར་ནི་གར་གནས་པར། །བགེགས་རྣམས་ཐམས་ཅད་མེད་པར་མཐོང་ཞེས་གསུངས་པའི ་ཕྱིར་རོ། །དེ་ལྟར་མ་ཡིན་པར་བཀའ་ལ་ལོབ་པར་རྟོགས་ཏེ་ངན་པའི་ལས་དང་ལྡན་པ་ངོ་བོ་ཉིད་ཀྱིས་འོག་ཏུ་འགྲོ?་བ་ལ་ཕྱོགས་པ་ཉོན་མོངས་པ་ལ་སོགས་པའི་ཞགས་པས་བཅིངས་པ་ཞོ་ཆུན་ལྟར་འཁོར་བ་རྣམས་དང་ཁྱད་པར་མེད ་པས་ལམ་ལ་གནས་པའི་རྣལ་འབྱོར་པ་ཡང་མ་ཡིན་ནོ། །དེ་ལྟར་བདག་མེད་པའི་ཤེས་རབ་དང་ལྡན་པའི་རྣལ་འབྱོར་པ་ལ་ཁྱད་པར་ཅན་གྱི་ཚོགས་སྐྱེ་བས་དེ་ནས་ཤེས་བྱ་བ་ལ་སོགས་པ་ལ། དེ་ཡང་ཡུལ་གང་ལ་བརྟེན་ནས་རྫོཌ ་པ་ནི་ལྷ་དང་བླ་མ་ལས་ཏེ། དེ་ནས་ཤེས་པ་ནི་ཁམས་གསུམ་རྣམ་རྒྱལ་ཧེ་རུ་ཀར་བསྒྱུར་ལ། དེའི་སྙིང་གར་ཨ་ལས་ཟླ་བ་དེའི་སྟེང་དུ་ཧཱུཾ་འོད་ཟེར་སྣ་ཚོགས་འཕྲོ་བ་བསམ་པའོ། ཧཱུཾ་དེའི་འོད་ཀྱི་སྣང་བས་ཡང་དག་པར་རྫོགས་པའི་སངས ་རྒྱས་མིང?་པ་ལ་ཧེ་རུ་ཀའི་དཀྱིལ་འཁོར་སུམ་ཅུ་རྩ་བདུན་ནོ། །བླ་མ་ནི་དེར་དབང་བཞི་བསྐུར་བའོ། །སོགས་པ་ནི་བླ་མ་གཞན་དང་མགྲན་གྱི་ལྷ་སངས་རྒྱས་དང་བྱང་ཆུབ་སེམས་དཔའ་ཨོ། །བལྟས་ལ་ཞེས་པ་ནི། ཐ་མི་དད་པར་བལྟ་སྟེ། ་དེ་ཡང་སྙིང་གའི་འོད་ཟེར་གྱིས་བླ་མའི་དྲིན་དྲན་པའི་ཚུལ་གྱིས། བཞུ་ལ་ཧེ་རུ་ཀའི་དཀྱིལ་འཁོར་ལ་བསྟིམ། དེ་ལྟར་ལྷ་དང་བླ་མ་ཐ་དད་མེད་པ་ལ་མཆོད་པ་ལ་སོགས་བྱའོ། །གང་གི་དོན་དུ་ཞེ་ན། སྡུག་བསྔལ ་གྱི་མེ་འབར་བ་རྣམས་ཀྱི་དོན་དུའོ། །ཚུལ་ཇི་ལྟར་རྫོགས་ཞེ་ན། སྐྱེ་མེད་དུ་ཤེས་པའི་ཚུལ་གྱིས་སོ། །དེ་ལྟར་བསོད་ནམས་ཀྱི་ཚོགས་དང་ལྡན་པ་ལ་ཡེ་ཤེས་ཀྱི་ཚོགས་སྐྱེ་བས། དེ་ནས་ཞེས་བྱ་བ་ལ་སོགས་པ་ལ། ཨོཾ་སྭ་བྷཱ་བ་ཤུད་དྷ: ་སྟེ་རང་བཞིན་དག་པའོ། །གང་དག་ཅེ་ན། སརྦ་དྷརྨམཱ(རྒྱུད་འགྲེལ་པར་བྱས་པའི་བག་ཆགས་ཀྱིས་བསྒོས་པའི་རང་གིའི་སེམས་སྣང་བ་རྨི་ལམ་ལ་སོགས་པ་དང། ཁམས་གསུམ་པོ་འདི་དག་ཁྱད་པར་མེད་པར་བཏགས་ལ། སྣང་བ་ཙམ་པོ་དེ་ཡང་སྟོང་པ་ཉིད་དུ་བསམ་པའི་ཕྱིར་ཡང་ནི་སྟོང་པ་ཉིད ་བསམ་བྱ་སྟེ། ཞེས་པ་ལ་སོགས་པ་ལ་ཡང་གི་སྒྲ་ནི་སྔར་སྒྱུ་མ་ལྟ་བུར་བསྒོམ་པ་ལས་ལྟོས་སོ། །གང་སྟོང་པ་ཉིད་དུ་བསྒོམ་ཞེ་ན། བྱང་ཆུབ་ཀྱི་ཚོགས་ལ་སོགས་པ་སྟེ། ཀུན་ནས་ཉོན་མོངས་པའི་ཆོས་ཐམས་ཅད་དང། རྣམ་པར ་བྱང་བ་བསོད་ནམས་ཀྱི་ཚོགས་ནི་བྱང་ཆུབ་ཀྱི་ཚོགས་སོ། །དེ་ཡང་རང་གི་སེམས་ཙམ་ལས་གཞན་མིན་ལ་དེ་ཉིད་ཡོར་ལྟར་སྣང་བའོ། །དེ་ཉིད་ནི་སྒྱུ་མ་ལྟ་བུའི་ཏིང་ངེ་འཛིན་ནོ། །དེ་ནས་ཨོཾ་ཤཱུ་ནྱ་ལ་སོགས་པའི་སྔགས་བརྗོད་པ་སྔོན ་དུ་འགྲོ་བས་བརྫུན་པའི་རྣམ་པར་རྟོག་པ་གོམས་པའི་དབང་གིས་རང་གི་སེམས་སྒྱུ་མ་མཁན་གྱིས་སྤྲུལ་པའི་སྣོད་བཅུད་ཀྱིས་འཇིག་རྟེན་དུ་རྣམ་པར་འཁྲུལ་པའི་དྲི་མ་སྦྱང་བའི་ཕྱིར་ཇི་ལྟར་ནམ་མཁའ་སྒྲིབ་གཡོགས་ནི། རྡུལ་དང། ཁུག་རྣ ་དང། དུ་བ་དང། ཁ་བ་དང་སྤྲིན་དང་བྲལ་བའི་སྟོན་ཀའི་ཉི་མ་བྱེད་ཀྱི་དཀྱིལ་ལྟར། འཇིག་རྟེན་གསུམ་པོ་མ་ལུས་པ་ཐམས་ཅད་སྟོང་པ་འོད་གསལ་པའི་རང་བཞིན་དུ་བསྒོམ་པ་ནི་ནམ་མཁའ་རྡོ་རྗེའི་ཏིང་ངེ་འཛིན་དང། ཨེའི་ཆ་བྱད་བཟང་པོའོ། །དེ་ལྟར ་སྔགས་རྣམ་པ་གཉིས་ལན་གསུམ་བརྗོད་པ་ནི། སྟོང་པ་ཉིད་རྟོགས་ནུས་པ་དང། སྟོང་པ་ཉིད་ཀྱི་དྲན་པ་གསོ་བ་དང། གནས་པ་བརྟན་པ་དང། ཡེ་ཤེས་ཀྱི་ཚོགས་རྫོགས་པ་དང། ཐ་མལ་པའི་ལུས་ངག་ཡིད་གསུམ་སྤོང་བ་དང། ་རྟེན་དང་བརྟེན་པ་ཐམས་ཅད་སྟོང་པ་ཉིད་ཀྱི་རྣམ་འཕྲུལ་དུ་རྟོགས་པའི་ཕྱིར་རོ། །ད་ནི་ཨེའི་ཆ་བྱད་ལ་དབུས་སུ་ལཾ་གིས་བརྒྱན་པའི་ཕྱིར། དེ་ནས་ལངས་ལ་ཞེས་བྱ་བ་ལ་སོགས་པ་ལ། འབྱུང་བ་བཞི་དང་རི་རབ་བསྐྱེད་པ་ནི་གོ་སླའོ། །དེ་ནས ་རྟེན་དང་བརྟེན་པར་བཅས་པའི་ལྷ་བསྐྱེད་པའི་ཕྱིར། དེའི་དབུས་སུ་ཨཱ་ལི་ཀཱ་ལི་སྦྱོར་བ་ཞེས་བྱ་བ་ལ་སོགས་པ་ལ། ཨཱ་ལི་བཅུ་དྲུག་ཤེས་རབ་ཀྱི་རང་བཞིན་ཡོངས་སུ་གྱུར་པ་ཟླ་བའི་དཀྱིལ་འཁོར་དང། ཀཱ་ལི་སུམ་ཅུ་རྩ་བཞི་ཐབས་ཀྱི་རང་བཞིན ་ཡོངས་སུ་གྱུར་པ་ཉི་མའི་དཀྱིལ་འཁོར་བསམ་པར་བྱའོ། །དེའི་དབུས་སུ་ཤེས་བྱ་བ་ནི་ཉི་ཟླའི་བར་དུ་ཧཱུཾ་ལས་རྡོ་རྗེ་རྩེ་ལྔ་པ་རྡོ་རྗེ་སེམས་དཔའ་ཨི་རང་བཞིན་ཅན་དེའི་ལྟེ་བ་ལ་ཡི་གེ་ཧཱུཾ་འོད་ཟེར་གྱི་ཕྲེང་བ་འཕྲོ་པར་བསམ་པར་བྱའོ། །དེའི་འོད་ཟེར་གྱི་འགྲོ ་བ་ཐམས་ཅད་གྱི་ཟག་བཅས་ཀྱི་ཕུང་པོ་ཐམས་ཅད་སྦྱངས་ནས། ཟག་མེད་དཔལ་ཧེ་རུ་ཀའི་དཀྱིལ་འཁོར་དུ་བྱས་ཏེ་སླར་བསྡུས་ལ། དེ་ཡོངས་སུ་གྱུར་པ་ནི་དེ་རྣམས་ལས་དཔལ་ཧེ་རུ་ཀའི་དཀྱིལ་འཁོར་གྱི་ལྷ་རྟེན་དང་བརྟེན་པར་བཅས ་པ་བསམ་པར་བྱའོ། །ཟླ་བ་ལ་མེ་ལོང་ལྟ་བུའི་ཡེ་ཤེས་དང་ཉི་མ་ལ་མཉམ་པ་ཉིད་ཀྱི་ཡེ་ཤེས་དང་ཧཱུཾ་འོད་ཟེར་གྱི་ཕྲེང་བ་སོ་སོར་རྟོག་པའི་ཡེ་ཤེས་དང། འོད་ཟེར་གྱིས་གཞན་དོན་བྱས་པ་བྱ་བ་གྲུབ་པའི་ཡེ་ཤེས་དང་རྫོགས་པ་ཆོས ་ཀྱི་དབྱིངས་རྣམ་པར་དག་པའི་ཡེ་ཤེས་ལས་བྱང་ཆུབ་པའོ། །ཟླ་བ་ལ་ཆོས་ལྔ་སྟེ། དཀར་བ་དང། ཆ་བཅུ་དྲུག་པ་དང། མུན་པ་སེལ་བ་དང། ཚ་བའི་གདུང་བཞི་པར་བྱེད་པ་དང། འཇིག་རྟེན་གྱིས་མཐོང ་ན་དགའ་བའོ། །དེ་བཞིན་དུ་ཀུན་རྫོབ་བྱང་ཆུབ་ཀྱི་སེམས་ཀྱང་དཀར་བ་དང། ཆ་བཅུ་དྲུག་པ་དང། ལྷན་ཅིག་སྐྱེས་པའི་ཡེ་ཤེས་གསལ་བར་བྱེད་པ་དང། ཉོན་མོངས་པ་འདོད་ཆགས་ཀྱི་གདུང་བ་ཞི་བར་བྱེད་པ་དང། སེམས་ཅན་དགའ་བ ་བསྐྱེད་པའོ། །དེ་བཞིན་དུ་དོན་དམ་པ་བྱང་ཆུབ་ཀྱི་སེམས་ཀྱང། ཉེས་པའི་སྐྱོན་མེད་པས་དཀར་བ་དང། ནང་ལ་སོགས་པ་སྟོང་པ་ཉིད་བཅུ་དྲུག་སྟོན་པས་ཆ་བཅུ་དྲུག་དང། མ་རིག་པའི་མུན་པ་སེལ་བ་དང། ཉོན་མོངས་པའི་གདུང་བ་ཞི ་བར་བྱེད་པ་དང། འོད་གསལ་མཐོང་བས་དགའ་བ་བསྐྱེད་པའོ། །ཉི་མ་ལ་ཆོས་གསུམ་སྟེ། དམར་བ་དང། འདམ་རྫབ་སྐེམས་པ་དང། མྱུ་གུ་ལ་སོགས་པ་སྨིན་པར་བྱེད་པའོ། །དེ་བཞིན་དུ་ཀུན་རྫོབ་བྱང་ཆུབ་ཀྱི་སེམས་ཀྱང། ཐིག་ལེ་དམར་བ ་དང། འདོད་ཆགས་ལ་སོགས་པ་ཞི་བར་བྱེད་པ་དང། བུ་ཚ་ལ་སོགས་པ་འཕེལ་བར་བྱེད་པའོ། །དེ་བཞིན་དུ་སྙིང་རྗེས་སེམས་ཅན་ལ་ཆགས་པས་དམར་བར་ཆོས་མཐུན་པ་དང། ཉོན་མོངས་པའི་འདམ་རྫབ་སྐེམས་པ་དང། ་ཐབས་དགེ་པའི་མྱུ་གུ་ལ་སོགས་པ་སྨིན་པར་བྱེད་པའོ། །རྡོ་རྗེ་སེམས་དཔའ་ཨི་རང་བཞིན་ལ། རྒྱུ་འབྲས་བྱང་ཆུབ་ཀྱི་སེམས་ཆ་གཉིས་སྟོན་པས་ཆ་གཉིས་དང། གདུལ་བྱའི་རྒྱུད་ལ་འཕྲོ་བས་འཁོར་ལོ་དང། སྤྲོས་པའི་མཛའ་བརྒྱད ་དང་བྲལ་བས་རྩིབས་བརྒྱད་དང། མིའི་སེངྒེར་གྱུར་པས་སེང་ཐོད་དང། གདུལ་བྱ་འདུལ་བས་ཁྲོ་ཞལ་དང། སེམས་ཅན་སྨིན་པར་བྱེད་པ་ལ་ཆགས་པས་པདྨ་དང། ཐབས་དང་ཤེས་རབ་གཉིས་སུ་མེད་པས་ཉི་ཟླ་དང། སྙིང་རྗེས་སེམས ་ཅན་མི་གཏོང་བས་ཆུ་སྲིན་གྱི་ཁམས་བྱུང་བའོ། །ཐུགས་རྗེས་ཁྱབ་པའི་ཕྱིར་ཁ་གྱེས་པ་དང། ཡེ་ཤེས་བཞི་ཆོས་ཀྱི་དབྱེར་སུ་འདུས་པས་རྩེ་མོ་ནང་དུ་འདུས་པའོ། །བྱང་ཆུབ་སེམས་དཔས་ཆོས་ཉིད་དངོས་སུ་མ་བྱས་པས་ནི་ཅུང་ཟད་ཁ་གྱེས་པའོ། །དེ ་བཞིན་གཤེགས་པས་ཆོས་ཀྱི་དབྱིངས་ཇི་ལྟ་པར་ཐུགས་སུ་ཆུད་པས་རྡོ་རྗེ་རྩེ་མོ་འདུས་པའོ། །སེམས་ཅན་དང་སངས་རྒྱས་རང་བཞིན་མི་མཉམ་པ་མེད་པས་དབུས་རྩེ་མོ་ཐལ་བྱུང་དུ་བྱུང་པའོ། །ལུས་ངག་ཡིད་གསུམ་ཡོངས་སུ་དག་པས་ཆ་གསུམ་པའི ་ཆ་གཟུངས་དང་ལྡན་པའོ། །འོད་ཟེར་སྤྲོ་བསྡུ་ལ་ཆོས་བཞི་དང་ལྡན་པས་ཆོས་མཐུན་བཞི་ཡིན་ཏེ། །ནམ་མཁའ་ལས་འབྱུང་བ་དང། རང་གཞན་གསལ་བར་བྱེད་པ་དང། མུན་པ་འཛོམས་པ་དང། ཐམས་ཅད་ལ་ཁྱབ་པའོ། །དེ་བཞིན་དུ ་སྤྲོ་བསྡུས་འགྲོ་དོན་བྱེད་པ་ཡང། རྒྱུ་སྟོང་པ་ཉིད་ལས་བྱུང་བ་དང། འོད་ཟེར་ལྔ་དང་ལྡན་པ་དང། ཉོན་མོངས་པ་ལྔ་འཛོམས་པ་དང། །སེམས་ཅན་རང་གི་འདོད་པའི་ལྷར་གྱུར་པའི་ཕྱིར་ཁྱབ་པའོ། །ང་ནི་ཆོས་ཀྱི་དབྱིངས་རྣམ་པར་དག ་པའི་ཡེ་ཤེས་ལས་བྱང་ཆུབ་པའི་མཚན་ཉིད་བསྟན་པའི་ཕྱིར། དཔལ་ཧེའུ་ཀ་ཉི་མ་ལ་བཞུགས་ཤིང་དཀྱིལ་འཁོར་གྱི་འཁོར་ལོ་དང་བཅས་པ། དུར་ཁྲོད་བརྒྱད་ཀྱིས་བརྒྱན་པའོ་ཞེས་བྱ་བ་ལ། དུར་ཁྲོད་བརྒྱད་ནི་གཏུམ་དྲག་དང། ཚང ་ཆིང་དང་འབར་བས་ཁྱབ་པ་དང། རྐེང་རུས་ཅན་འཇིགས་སུ་རུང་བའོ། །ཧ་ཧ་རྒོད་དང། དཔལ་འཛིན་དང། མུན་ཆེན་དང། །ཅ་ཅོ་སྒྲོགས་པའོ། །ཞིང་སྐྱོང་བརྒྱད་ནི། སེངྒེའི་གདོད་ཅན་སེར་པོ། །ཅེ་སྦྱང་གི་གདོད་ཅན་དཀར་པོ་དང། ཁྱིའི ་གདོང་ཅན་དམར་པོ་དང། སྟག་གི་གདོང་ཅན་ལྗང་གུ་དང། ཁྭའི་གདོང་ཅན་སེར་པོ་དང། །ལྕུང?་ཀའི་གདོང་ཅན་སྔོན་པོ་དང། ཁྱུ་མཆོག་གི་གདོང་ཅན་སེར་པོ་དང། ཨུག་ཤུད་ཀྱི་གདོང་ཅན་སེར་པོའོ། །དེ་དག་མའི་གཟུགས་ཅན་ཤིང་ ་ལས་རོ་སྟོང་བྱུང་བའོ། །དེ་ལ་ཞིང་སྐྱོང་བརྒྱད་ནི། སངས་རྒྱས་རབས་བདུན་དང་བྱམས་པ་སྟེ་བརྒྱད་དོ། །གདུལ་བྱ་ལ་གདོང་ཐ་དད་པར་བསྟན་པའོ། །བྱང་ཆུབ་ཀྱི་ཤིང་བརྒྱད་དང། ཀླུ་བརྒྱད་དང་ཉོན་མོངས་པ་བརྒྱད ་དང། སྤྲིན་བརྒྱད་དང་ཡེ་ཤེས་བརྒྱད་དང། འཇིག་རྟེན་སྐྱོང་བ་བརྒྱད་ཐུགས་རྗེ་ཆེན་པོའོ། །དེ་ལ་རྣལ་འབྱོར་བ་དུར་ཁྲོད་བརྒྱད་ཀྱིས་དབེན་པར་གནས་པ་ནི། ངེས་འབྱུང་གི་ཡན་ལག་མི་རྟག་པ་དང། སྡུག་བསྔལ་རྟོགས་པར་བྱེད་པ ་དང། འཇིག་རྟེན་གྱི་ཆོས་ལ་ཆགས་པ་སྤོང་པའི་ཕྱིར་རོ། །དེ་ལ་བརྟེན་ནས་ངེས་འབྱུང་གི་ལམ་སྐྱེ་མེད་རྟོགས་པའི་ཕྱིར་དཔལ་ཧེ་རུ་ཀའི་དཀྱིལ་འཁོར་ནང་དུ་གནས་པའོ། །དེ་བས་ན་མི་རྟག་པ་དང། སྡུག་བསྔལ་རྟོགS་པ་ལ ་བརྟེན་ནས། རང་གི་མཚན་ཉིད་སྐྱེ་མེད་རྟོགས་པས་དེ་གཉིས་ཕྱི་ནང་དུ་གནས་པའོ། །ལམ་དེ་དུས་གསུམ་གྱི་སངས་རྒྱས་རྣམས་ཀྱིས་བྱང་བརྟེན་ཅིང་སྤྱད་ལ་སངས་རྒྱས་པས་སངས་རྒྱས་ཀྱི་བསྟན་པའི་གོ་རིམ་དང་ཆོས་འདྲེའོ། ། ་ཞལ་བཞི་ནི་རྣམ་པར་ཐར་པའི་སྒོ་བཞིའོ། །དུས་གསུམ་མཁྱེན་པས་སྤྱན་གསུམ་དང། སྲིད་པའི་ཡན་ལག་བཅུ་གཉིས་དག་པ་ནི་ཕྱག་བཅུ་གཉིས་སོ། །འཁོར་བ་དག་པས་ཞབས་གཡས་བརྐྱང་བ་དང། འདོད་ཆགས་དང་ཞི་སྡང་དག ་པས་མི་གནས་པའི་མྱ་ངན་ལས་འདས་པ་ནི། འཇིགས་བྱེད་དང་དུས་མཚན་མནན་པའོ། །ཐབས་ཀྱིས་དགེ་བའི་ཆོས་མཛའ་དག་སྡུད་པ་ནི་རྡོ་རྗེའོ། །ཤེས་རབ་ཀྱིས་དེའི་མི་མཐུན་པའི་ཕྱོགས་གཅོད་པས་དྲིལ་བུའོ། །དེ་ཡང་བྱང་ཆུབ ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །ཞེས་པའི་ཕྱིར་རོ། །ཐབས་ཤེས་རབ་གཉིས་སུ་མེད་པའི་ཚུལ་གྱིས་དགེ་བའི་ཆོས་ཐམས་ཅད་རྫོགས་པར་བྱེད་པ་ལ་གཉིས་སུ་འཛིན་པ་རྣམ་རྟོག་གི་གདོན་ཡིན་པས་དེ་གསད་ནས་གཉིས ་སུ་མེད་པའི་ཚུལ་གྱི་དགེ་བའི་ཆོས་ཐམས་ཅད་རྫོགས་པར་བྱེད་པ་ནི། གླང་པོའི་པགས་པ་སྟེ། དེ་ཡང་རྣམ་པར་རྟོག་པ་གདོན་ཆེན་པོ། །འཁོར་བའི་རྒྱ་མཚོད་ལྟུང་བྱེད་ཡིན། །མི་རྟོག་ཏིང་འཛིན་ལ་གནས་ན། །མཁའ་བཞིན་དྲི་མ ་མེད་པར་འགྱུར། ཞེས་སོ། །དངོས་པོ་ཐམས་ཅད་རྟེན་འབྲེལ་ཡིན་པའི་ཕྱིར་སྐྱེ་བ་མེད་ལ། གང་དེ་མ་ཡིན་དུ་རྟོག་པ་ལ་སྟོང་ཉིད་ཀྱི་སྒྲ་སྒྲོགས་པ་ནི་རྡེའུ་ཆུང་ངོ། །དེ་ཡང་ཤེས་རབ་ཌ་མ་རུའི་སྒྲ་ཞེས་པས་སོ། །དངོས་པོ་ཐམས་ཅད་སྐད་ཅིག་མ ་དང་མི་རྟག་པ་ལ་གང་དེ་མ་ཡིན་དུ་རྟོག་པ་གཅོད་པ་ནི་དགྲ་སྟའོ། །དེ་ཡང་རྟོག་པ་གཅོད་ཕྱིར་དགྲ་སྟའོ་ཞེས་སོ། །འཇིག་རྟེན་པའི་སེམས་བརྒྱ་དྲུག་ཅུ་མེད་པའི་དངོས་པོ་ལ་བརྟགས་ནས་སེམས་ལ་ཉོན་མོངས་མེད་པར་བྱེད་པ་ལ་དེ་གཅོད་པ་ནི ་གྲི་གུག་གོ་།དེ་ཡང་ང་རྒྱལ་ལ་སོགས་སྐྱོན་དྲུག་རྣམས། །གཅོད་པས་གྲི་གུག་ཅེས་བྱའོ། །ཞེས་པས་སོ། །ཉོན་མོངས་པ་གསུམ་བཅོམ་ནས་བཟོད་པ་གསུམ་དང་ལྡན་པ་ནི་རྩེ་གསུམ་མོ། །དེ་ཡང་ཉོན་མོངས་འཇོམས་ཕྱིར་རྩེ ་གསུམ་མོ་ཞེས་པས་སོ། །གཉིས་མེད་ཟུང་འཇུག་དུ་རྟོགས་པས་ཤེས་རབ་གཉིས་མེད་དང་ངེས་དུས་ལུས་ངག་ཡིད་གསུམ་དག་པ་ནི་ཁ་ཊཝཱཾ་གའོ། །དེ་ལྟར་མ་རྟོགས་ཤིང་ལོག་པར་རྟོགས་པ་ལ་རྒྱུ་མི་རྟག་པ་དང། འབྲས་བུ་སྡུག་བསྔལ ་དང་ལྡན་པ་ལ་དམིགས་ཏེ། དེ་དང་བྲལ་བར་འདོད་པ་ནི་སྙིང་རྗེ་གཉིས་ནི་ཁྲག་གིས་བཀང་བའི་ཐོད་པ་དང་ཞགས་པའོ། །དེ་ལྟར་ལམ་རྒྱུད་ལ་སྐྱེས་ཀྱང་རློམ་པ་མེད་པ་ནི་ཚངས་པའི་མགོ་བོའོ། །འདོད་ཆགས་ལ་དགའ་བ་ཉིད་ལ་འཛད་པས ་རབ་ལ་དང། དྲག་པོ་ལ་སོགས་པས་མི་ཐུབ་པས་ཅོད་པན་གྱིས་བརྒྱན་པ་དང། རིགས་ལྔའི་རྒྱ་དང་ལྡན་པ་ཐོད་པའི་ཕྲེང་བ་དང། བྱང་ཆུབ་ཀྱི་སེམས་དང། དེས་འཕངས་པའི་ལས་སྣ་ཚོགས་མཚོན་པའི་ནི་ཟླ་བ་ཕྱེད་པ་དང། སྣ་ཚོགས ་རྡོ་རྗེའོ། །མ་རུངས་བ་སྐྲག་པར་མཛད་པས་ཞལ་རྣམ་པར་འགྱུར་བའོ། །མ་རུངས་པ་དང་ཉོན་མོངས་པ་འཇོམས་པས་མཆེ་བ་གཙིགས་པའོ། །སྒེག་པ་ལ་སོགས་པའི་ཉམས་དགུ་ནི་སྒེག་པ་ནི་ཕྱག་གཉིས ་ཤེས་རབ་ལ་འཁྱུད་དེ་འགྱིང་བག་དང་བཅས་པ་སྟེ། དེ་ནི་ཐབས་ཤེས་རབ་མི་ཕྱེད་བའི་བརྡའོ། །ཞབས་གཡས་བརྐྱང་པས་བདུད་དང། སྒྲིབ་གཉིས་དང། མྱ་ངན་ལས་འདས་པ་དམན་པ་གཉིས་ལ་རྒྱལ་པ་ནི་དཔའ་བའ་ཨོ། །ལོག ་པར་ལྟ་བ་ལ་མ་རུངས་པས་བཞིན་མི་སྡུག་པ་དང་།ངོ་བོ་མེད་པའི་འདུག་སྟངས་ནི་མི་སྡུག་པའོ། །རྔམ་པའི་སྒྲས་འགྲོ་བ་འདུལ་བ་ནི་རྒོད་པའོ། །སྨིན་མ་གཉེར་བ་དང་མཆེ་བ་གཙིགས་པ་ལ་སོགས་པས་ཉོན་མོངས་པ་སྐྲག་པར ་མཛོད་པ་ནི་ཁྲོ་བའོ། །མི་སྡུག་པ་དང་མ་རུངས་པའི་ཐོད་པའི་ཕྲེང་བ་དང་སྟག་གི་ལྤགས་པ་ལ་སོགས་པ་ནི་འཇིགས་སུ་རུང་བའོ། །དེ་ནི་ཤེས་རབ་ཀྱིས་དངོས་པོར་རྟོག་པ་གཅོད་པའི་ཕྱིར་རོ། །འཇིགས་བྱེད་དང་དུས་མཚན་མནན་ཡང་མ་ཤི ་བ་ནི་སྙིང་རྗེའོ། །འགལ་བའི་ཆོས་དང་ལྡན་པས་རྔམ་པ་སྟེ། འདོད་ཆགས་ཀྱིས་འཁྱུད་ལ་ཞེ་སྡང་གིས་མཚོན་བསྣམས་པ་སྟེ། འགལ་བའི་ཆོས་འཆང་བའོ། །སྐུ་དྲང་བ་དང་དང་བ་དང། སྣུམ་པ་དང། བརྟགས་ན་ཞི་བ་སྟེ? ་མདོར་ན་སྤྲོས་པའི་མཛའ་བརྒྱད་དང་བྲལ་པའོ། །བྱམས་པའི་ཐུགས་དང་ཆོས་ཉིད་མི་འགྱུར་བས་སྐུ་མདོག་མཐིང་གའོ། །རྣམ་རྟོག་བཅོམ་པས་སྟག་གི་པགས་པའོ། །འཇིག་རྟེན་པའི་སེམས་རྣམས་བཅོམ་པས་ཐོད་རློན་གྱི་ཕྲེང་བའི ་རྣ་ཆ་ནི་བཟོད་པའོ། །གདུ་བུ་ནི་ཚུལ་ཁྲིམས། མགུལ་རྒྱན་ནི་བརྩོན་འགྲུས། སྤྱི་གཙུག་གི་ནོར་བུ་ནི་སྦྱིན་པའོ། །མཆོད་ཕྱར་ཐོགས་ནི་བསམ་གཏན་ནོ། །ཐལ་བའི་རྒྱ་ནི་ཤེས་རབ་བོ། །གཅེར་བུ་ཐབས་ཤེས་རབ་གཉིས་མེད་དེ་སྒྲིབ་པ་ལ ་སོགས་པ་དང་ལྷན་ཅིག་མི་གནས་པའོ། །དེའི་སྤྱན་སྔར་བཅོམ་ལྡན་འདས་མ་སྐུ་མདོག་དམར་མོ་ཞེས་བྱ་བ་ལ་སོགས་པ་ལ། སྟོང་པ་ཉིད་ལ་ཡེ་ཤེས་སྐྱེར་འཇུག་པས་སྐུ་མདོག་དམར་པོའོ། །ཆོས་ཐམས་ཅད་དོན་དམ་པའི་བདེན་པར་རོ་གཅིག ་པས་ཞལ་གཅིག་པའོ། །ཤེས་རབ་ཀྱི་ཐབས་དབང་དུ་བྱས་པས་ཕྱག་གཉིས་པའོ། །ཆོས་ཀྱི་དབྱིངས་ལ་ཡེ་ཤེས་སྐྱེར་འཇུག་པས་སྐྲ་གྲོལ་བའོ། །གསུང་རབ་བཅུ་གཉིས་ཀྱི་ཆོས་སྟོན་པས་དུམ་བུའི་སྐ་རགས་སོ། །སྙིང་རྗེ་དང་སྟོང་པ་མཚོན་པའི ་ཕྱིར་ཁྲག་གིས་བཀང་པའི་ཐོད་པའོ། །སྤྲོས་པས་བསྡིགས་པས་བསྡིགས་མཛུབ་དང། སྤྲོས་པ་གཅོད་པས་གྲི་གུག་གོ་།སྟོང་པ་ཉིད་ཀྱིས་དངོས་པོ་ཐམས་ཅད་བསྲེག་པས་བསྐལ་པའི་མེ་ལྟ་བུའི་གཟི་བརྗིད་དང་ལྡན་པའོ། །འཁོར་བ་བཙོམ་ཞིང ་སྤངས་པས་ཁྲག་ལ་དགྱེས་ཤིང་འཛག་པའོ། །ཐབས་ཤེས་རབ་མཉམ་པའི་བསམ་གཏན་དང་ལྡན་པས་བྱིན་པ་གཉིས་འཁྱུད་པས་བདེ་བ་ཆེན་པོའོ། །དཔལ་ཧེ་རུ་ཀ་དང་ཕག་མོ་གཉིས་ཁ་སྦྱར་དུ་བཞུགས་པ་ནི་འདོད་ཆགས་དང་ཞེ་སྡང་ཕན་ཚུན ་འཕྲོག་ལའོ། །མཁའ་འགྲོ་མ་ལ་སོགས་པ་བཞི་ཡང་སྒྲུབ་ཐབས་ཇི་ལྟ་བ་བཞིན་དུ་དམིགས་པར་བྱའོ། །དེ་བཞིན་དུ་འཁོར་ལོ་གསུམ་དང་བཀའ་བསྒོ་རྣམས་ཀྱང་སྐུ་མདོག་ལ་སོགས་པ་སྒྲུབ་ཐབས་ལས། བཤད་པ་ལྟར་དམིགས་ཏེ་གོ་སླའོ། །འཁོར ་བ་དང་མྱ་ངན་ལས་འདས་པའི་གཟུགས་གཉིས་དང། ཐབས་དང་ཤེས་རབ་ཀྱི་རང་བཞིན་ཡིན་པས་གཟུགས་གཉིས་སོ། །འཆི་བ་བསྲེག་པ་དང། འཆིང་མི་སྟེར་བ་དང། འཆི་བ་ཟོས་པ་དང། འཆི་པ་གཏན་བཅོམ་པ་སྟེ། འཆི་བ་ནི་འདིར་རྟོག ་པའི་འཚོ?་བ་དང། མྱ་ངན་ལས་འདས་པའི་འཆི་བའོ། །གཉིས་སུ་མེད་པའི་ཡེ་ཤེས་དང། རིགས་དྲན་པའི་ཕྱིར་དཔལ་བར་རྡོ་རྗེའི་ཕྲེང་བའོ། །དེ་ནས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷ་དང་སྦྱར་བ་ནི། དཔལ་ཧེ་རུ་ཀའི་ལྷ་རྣམས་ཆོས ་ཀྱི་སྐུའི་རང་བཞིན་དུ་བསྟན་པ་དང་། དེར་ཞེན་པ་བཟློག་པ་དང། སྒྱུ་མ་དང་སྟོང་པ་གཉིས་མེད་མཚོན་པ་དང། ཅིག་ཆར་ལམ་དུ་བྱས་པས་ཐེག་པའི་ཁྱད་པར་རོ། །འདིར་རྣལ་འབྱོར་པས་ཕུང་པོ་ལྔ་སྒྱུ་མ་ལྟར ་སྐྱེ་མེད་དུ་ཤེས་ལ། ?་དོན་མ་བརྗེད་པ་ནི་དྲན་པ་ཉེ་བར་གཞག་པ་སྟེ། དེ་ཉིད་མཁའ་འགྲོ་མ་བཞིའོ། །ཤེས་རབ་དེ་བརྩོན་འགྲུས་ཀྱི་གྲོགས་དང་བཅས་པས་ནི་དགེ་བའི་ཆོས་མ་སྐྱེས་པ་བསྐྱེད་ལ། སྐྱེས་པ་བསྲུང་པ་དང། མི་དགེ་བའི ་ཆོས་སྐྱེས་བ་སྤོང་བ་དང། མ་སྐྱེས་པ་མི་བསྐྱེད་པ་སྟེ་དེ་ནི་མཚམས་བཞིའོ། །ཤེས་རབ་དེ་ཏིང་ངེ་འཛིན་གྱིས་གྲོགས་བྱས་པས་རྫུ་འཕྲུལ་གྱི་རྐང་པ་བཞི་སྟེ། རབ་གཏུམ་མོ་ལ་སོགས་པའོ། །སྙིང་རྗེ་ཤེས་རབ་དབྱེར་མེད་པའི་བྱང་ཆུབ ་ཀྱི་སེམས་དེ་དབང་པོ་ལྔས་དབང་བྱས་པས་བརྟན་པའི་བློ་མ་ལ་སོགས་ལྔ་པའོ། །ལྔ་པོ་དེ་མཐར་ཐུག་པ་ལ་སྟོབས་ཤེས་བྱ་སྟེ། དེ་ནི་འཇིགས་བྱེད་ཆེན་མོ་ལ་སོགས་པ་དེ་མཐར་ཐུག་པའི་འབྲས་བུ་ཏིང་ངེ་འཛིན་རྩེ་གཅིག་པ་ཉིད་བྱང་ཆུབ ་ཀྱི་རྒྱུ་འམ་མཚན་ཉིད་དེ། དེ་ནི་ཧ་ཡ་ཀརྞའོ། །དེ་ལེ་ལོའི་སྐབས་མི་འབྱེད་པ་དང། དགེ་བ་ཡོངས་སུ་འཛིན་པ་དང་།དེ་ལ་སེམས་ལས་སུ་རུང་བ་དང་བདག་མེད་པའི་རང་བཞིན་ངེས་པར་འཛིན་པ་དང། བརྗེད་པ་མེད་པའི་ཏིང་འཛིན ་ལྷུན་གྱིས་གྲུབ་པ་སྟེ། དེ་ནི་ཁ་ག་ན་ལ་སོགས་པའོ། །བྱང་ཆུབ་ཀྱི་སེམས་ཀྱིས་དོན་ཕྱིན་ཅི་མ་ལོག་པར་རྟོགས་པ་དང། བརྩམས་པ་མཐར་ཕྱིན་པར་བྱེད་པ་དང། བརྫུན་དང་བྲལ་བ་དང། དགེ་བ་བཅུ་དང་བྱང་ཆུབ་སེམས ་ལས་མི་འདའ་བར་རིམ་གྱི་སྤྱོད་བ་དང། གཞན་ལ་མཐེ་འཚམ་པ་མེད་པར་འཚོ་བ་དང། བྱང་ཆུབ་སེམས་ལ་རྩོལ་བ་དང། སངས་རྒྱས་ཀྱི་གསུང་རྗེས་སུ་དྲན་པ་དང། དཔལ་ཧེ་རུ་ཀ་ཟུང་འཇུག་གི་སྐུ་ལ་དམིགས་པ་ནི་ཡང་དག ་པའི་ཏིང་འཛིན་ནོ། །དེ་ལྟ་བུའི་བྱང་ཆུབ་ཀྱི་ཆོས་སུམ་ཅུ་རྩ་བདུན་གྱི་རང་བཞིན་ཅན་གྱི་མཁའ་འགྲོ་མ་སུམ་ཅུ་རྩ་བདུན་ནང་ལུས་ཀྱི་དཀྱིལ་འཁོར་ལ་བསྒོམ་པ་བསྟན་པའི་ཕྱིར། སྐུ་ཡི་དཀྱིལ་འཁོར་མཆོག་གྱུར་པ། ཞེས་བྱ་བ་ལ་སོགས་པ ་ལ། སྐུ་ནི་དཔལ་ཧེ་རུ་ཀར་གྱུར་པའི་ལུས་ལ་གནས་པའི་མཁའ་འགྲོ་མ་རྣམས་སོ། །གནས་ཀྱི་རིམ་པ་ནི་ཉི་ཤུ་རྩ་བཞིའོ། །ས་བཅུ་ནི་གོ་བར་ཟད་དོ། །མགོ་པོ་ལ་སོགས་པའི་གནས་དེ་རྣམས་སུ་མཁའ་འགྲོ་མ་རྣམས་སྐད་ཅིག་གིས་བསྒོ ་པར་བྱའོ། །སེམས་ལ་བརྟེན་མེད་པས་ནམ་མཁའ་ལ་རྒྱུ་བའོ། །ཚོགས་པའི་དངོས་གྲུབ་ལ་བརྟེན་པས་ས་ལ་སྤྱོད་པའོ། །སྤྲུལ་པའི་འཁོར་ལོ་ལ་བརྟེན་པས་ས་འོག་ན་གནས་པའོ། །དེ་ནས་སོ་དང་སེན་མོ་ལ་ནི་ཁ་ཎ་ཌ་ཀ་པཱ་ལའོ། །ཞེས ་བྱ་བ་ལ་སོགས་པས་ཁམས་ཉི་ཤུ་རྩ་བཞིའི་རྡུལ་རྣམས་དཔའ་བོ་ཉི་ཤུ་རྩ་བཞིར་དག་པར་སྐད་ཅིག་གིས་བསམ་པར་བྱའོ། །དཔའ་པོའི་རྩེ་བའི་སྔགས་སོགས་གང་གི་ཀ་ར་ཀར་སྟེ་དེ་ལས་མཆོད་ཕྱིར་ཐོགས་བསམ་པའོ། །དཔའ་བོའི་གོ ་ཆ་ནི་ཨོཾ་ཧ་ལ་སོགས་པ་སྟེ། དེ་ལས་ཕྱག་རྒྱ་དྲུག་བསྐྱེར་པར་བྱའོ། །རྡོ་རྗེ་ཕག་མོ་སྔགས་གང་ནི་སྔགས་རིགས་ཏེ། དེ་ལས་མགུལ་རྒྱན་བསྐྱེད་པར་བྱའོ། །དཔའ་བོའི་སྙིང་པོའི་སྔགས་ནི་ཡི་གེ་ཉི་ཤུ་རྩ་གཉིས་པ་སྟེ། ང་ལས ་ཐོད་པའི་ཕྲེང་བ་བསྐྱེད་པར་བྱའོ། །གསང་སྔགས་ཡི་གེ་བདུན་ནི་ཨོཾ་ཧྲཱི(རྒྱུད་འགྲེལ་བྱའོ། རྣལ་འབྱོར་མ་དྲུག་གི་སྔགས་ནི་ཨོཾ་བཾ་ལ་སོགས་པ་སྟེ་དེས་སྐ་རགས་བསྐྱེད་པར་བྱའོ། །འཁོར་ལོ་ཀུན་གྱི་རྣལ་འབྱོར་མ་ནི་སུམ་ཅུ་རྩ་བདུན་ནོ། །སྔགས་ནི་ཨོཾ་པྲ་ཙ་ཎ་ཌེ་ལ་སོགས་པ་སྟེ། དེས་མཁའ་འགྲོ་མ་རྣམས་ཀྱི ་ཕྱག་གི་ཐོད་པ་བསྐྱེད་པར་བྱའོ། །བཻ་རོ་ཙ་ནའི་སྔགས་ཨོཾ་བཛྲ་བཾ་རོ་ལ་སོགས་པ་སྟེ་ངེས་ཐོད་པའི་ཕྲེང་བ་བསྐྱེད་པར་བྱའོ། །དེ་ལྟར་སྔགས་རྣམས་ལས་རྒྱན་བསམ་པ་ནི། རྣལ་འབྱོར་པ་དེའི་ཡིད་ལོག་པར ་གཡོ་བ་ལས་སྐྱོབ་པ་དང། སྔགས་དང་ལྷ་རྒྱུ་འབྲས་ཐ་མི་དང་པ་དང་ལྷའི་ང་རྒྱལ་བརྟན་པར་བྱ་བའི་ཕྱིར་རོ། །རྣལ་འབྱོར་མ་རྣམས་ཀྱི་སྔགས་ལ་ཕྱག་གི་ཐོད་པ་བསྐྱེད་པ་ནི་ལྷ་དེ་ཐམས་ཅད་བདག་མེད་པར་བསྟན་པ་དང། ལྷན་ཅིག ་སྐྱེས་པའི་རང་བཞིན་དུ་བསྟན་པའི་ཕྱིར་རོ། །ད་ནི་བསྐྱེད་པཱི་རཾ?་པ་དེ་དག་གི་བསྡུ་བའི་མན་ངག་བསྟན་པའི་ཕྱིར། སྐད་ཅིག་གིས་ནི་སྐུ་གཅིག་འགྱུར་ཞེས་བྱ་བ་ལ་སོགས་པ་ལ། སྐད་ཅིག་གིས་ནི་སྐུ་གཅིག་འགྱུར་ནི་སྟོང་པ་ཉིད་སྔོན་དུ ་སོང་བའི་བྱང་ཆུབ་པ་ལྔ་བས་རྟེན་དང་རྟེན་པའི་ལྷ་དུས་གཅིག་ལ་གྲུབ་པའོ། །སྐད་ཅིག་ཙམ་གྱིས་རྣལ་འབྱོར་བདག་ནི་དཔལ་ཧེ་རུ་ཀའི་མཚན་ཉིད་ཚང་པར་དམིགས་པའོ། །སྐད་ཅིག་ཕྱག་རྒྱའི་ནམ་པ་ཅན་ནི་ཡུམ་གསལ་པར་དམིགས ་པའོ། །སྐད་ཅིག་གིས་ནི་སྐུ་འཆང་ཞིང་ཞེས་པ་ནི་ཡེ་ཤེས་སེམས་དཔའ་དང། ཀུན་ནས་ཀུན་ཏུ་སྐད་ཅིག་ནི་ཏིང་ངེ་འཛིན་སེམས་དཔའ་ཨོ། །སྐད་ཅིག་གིས་ནི་གསང་སྔགས་འདོན་པ་ནི། སྐུ་གསུང་ཐུགས་ལ་གནས་པའི་ཡེ་གེ་གསུམ ་སྐད་ཅིག་ལ་གྲུབ་པའོ། །མགོ་པོ་དང། ལྐོག་མ་དང། སྙིང་གར་ཨོཾ་དཀར་པོ་དང། ཨཱ(རྒྱུད་འགྲེལ་སྔགས་ཀྱིས་དེའི་ང་རྒྱལ་བརྟན་པར་བྱའོ། །དེ་ནས་སྔར་བཞིན་ཕུང་པོ་ལ་སོགས་པ་ལྷར་བསམ་པར་བྱའོ། །དེ་ནི་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ལས་བྱང་ཆུབ་པ་ཞེས་བྱ་སྟེ། དེ་ལས་འདིར་ཆོས་ནི་ཕུང་པོ་ལ་སོགས་པའོ།། ་དབྱིངས་ནི་རྒྱུའི་དོན་ཏེ་རྟོགས་པའི་རྒྱུ་དང། མི་རྟོགས་པའི་རྒྱུའོ། །རྣམ་པར་དག་པ་ནི་ཀུན་རྫོབ་ཀྱི་དག་པ་དང། དོན་དམ་པའི་དག་པའོ། །ཡེ་ཤེས་ལས་ཤེས་བྱ་བ་ནི་ཡེ་ཤེས་ལྔའོ། །བྱང་ཆུབ་ནི་གཟུགས་ཀྱི་སྐུ་རྣམ་པ་ཐམས་ཅད་ཀྱི་མཆོག ་དང་ལྡན་པའི་རང་བཞིན་དུ་སེམས་སྣང་པའོ། །དེ་ནི་དམ་ཚིག་སེམས་དཔའ་བསྐྱེད་པ་ཞེས་བྱ་སྟེ། འདིར་ས་མ་ཡ་སཏྭ་ཡའི་རྐྱེན་མི་སྣང་བར་བྱས་ནས་སམ་ཞེས་བྱ་བའི་སྒྲ་ནི་མཉམ་པ་ལ་འཇུག་སྟེ། ཅིར་མཉམ་ཞེས་ཞེ་ན། བདག་དང་ཁམས ་གསུམ་པ་རྣམས་ཀུན་རྫོབ་ཏུ་ལྷར་མཉམ་ལ། དོན་དམ་པར་སྐྱེ་མེད་དུ་མཉམ་པའོ། །ཡའི་རྐྱེན་བྱིན་ན་འདའ་བར་མི་བྱ་བ་སྟེ། མཉམ་ཉིད་ལས་སོ། །སཏྭ་སྟེ་བདེན་པ་གཉིས་མཉམ་པ་ཉིད་ཀྱི་སེམས་གང་ལ་ཡོད་པའི་རྣལ་འབྱོར་པ་དེ་དམ་ཚིག ་སེམས་དཔའ་། །དེ་ཡང་ལེའུ་བཅུ་གཅིག་པ་ལས་དངོས་པོ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེ་དང་དེ་ཡི་དངོས་འགྱུར་ཏེ། །སྣ་ཚོགས་གཟུགས་ཅན་ནོར་བུ་འདྲ་ཞེས་པ་དང། མཁའ་འགྲོ་ལས་ཀྱང། བདག་ཉིད ་སངས་རྒྱས་ཐམས་ཅད་དང། །དཔའ་བོ་ཐམས་ཅད་ཉིད་ཡིན་ཏེ། །རང་གི་ལྷ་ཡི་སྦྱོར་བ་ཡིས། །བདག་ཉིད་རབ་ཏུ་བསྒྲུབ་པར་བྱ། ཞེས་གསུངས་སོ། །དེའི་ཕྱིར་ཐ་མལ་པའི་རྟོག་པ་སྤོང་བ་དང། ཚོགས་གཉིས་རྫོགས་པ་དང། བར་ཆད་མེད་པ་དང ་བག་མེད་པའི་གནས་ལས་ལྡོག་པ་དང། གོང་ནས་གོང་དུ་ཟབ་པའི་དོན་རྟོགས་པར་བྱ་བའི་ཕྱིར་རོ། །འོ་ན་བདེན་པ་གཉིས་ཀྱི་རྒྱུ་དེ་ཅིས?་མཚོན་ཞེན། དེ་བསྟན་པའི་ཕྱིར། དེ་ནས་གོ་ཆ་གཉིས་ཤེས་ནས་ཤེས་བྱ་བ་ལ་སོགས་པ་ལ། ཨོཾ་ཧ་ལ ་སོགས་པ་དཔའ་བོའི་གོ་ཆ་དྲུག་དང། ཨོཾ་བཾ་ལ་སོགས་པ་དཔའ་མིའི་གོ་ཆ་དྲུག་།དེ་ལ་ལྷ་དང་སྔགས་དབྱེར་མེད་པའི་ཕྱིར་རྣམ་པ་ཡི་གེ་ལ་རང་བཞིན་ལྷའི་ང་རྒྱལ་བྱའོ། །མི་འགྱུར་པའི་དོན་དང། ཤེས་སྐྱོབ་གྱི་ངེས་ཚིག་དང་ལྡན་པའི་ཕྱིར་རོ།། ་གནས་གང་དུ་བསྒོམ་པ་ནི་གོ་སླའོ། །ཡང་ན་བསྔགས་ལས་བསྐྱེད་པའི་ལྷ་བསྒོམ་པ་སྟེ། ཕྱག་མཚན་ལ་སོགས་པ་ནི་མན་ངག་ལས་ཤེས་པར་བྱའོ། །ད་ནི་ཡེ་ཤེས་སེམས་དཔའ་དང་གཉིས་མེད་དུ་བསྲེ་བ་བསྟུན་པའི་ཕྱིར ་ཡེ་ཤེས་འཁོར་ལོ་རྣམ་པར་བསྒོམ། ཞེས་པ་ལ་སྔགས་དང་ཞེས་པས་མདོར་བསྟན་ནས། རྒྱས་པར་བསྟན་པ་ནི་མཛུབ་མོ་མདུད་བྱས་ལ་སོགས་པ་ནི། ལུས་ཀྱི་ཕྱག་རྒྱ་དང། ངག་གི་ཕྱག་རྒྱ་དང། སེམས་ཀྱི་ཕྱག་རྒྱ་དང་ལྡན་པས། སྔོན ་གྱི་སྤྱོད་པས་གྲུབ་པའི་དཔའ་པོ་ཉི་ཤུ་རྩ་ལྔ། དཔའ་མོ་སུམ་ཅུ་རྩ་བདུན་མདུན་དུ་སྤྱན་དྲང་བ་ནི་འགུགས་པའོ། །གང་ནས་ཤེས་ན། ཕྱོགས་བཅུའི་འཇིག་རྟེན་གྱི་ཁམས་ན་བཞུགS་པ་རྣམས་སོ། །ཐབས་ནི་ཕྱག་རྒྱ་གསུམ་གྱིས། །དེ་རྣམས་མངོན ་དུ་བལྟས་ལ་མཆོད་དེ། སྙིང་པོའི་ཕྱག་རྒྱ་བསྟན་ལ། ཛ(རྒྱུད་འགྲེལ་ལ། ཨོཾ་?་ཤུད་དྷ(རྒྱུད་འགྲེལ་རྗེ་ཤེས་རབ་དབྱེར་མེད་པའི་བྱང་ཆུབ་ཀྱི་སེམས་ཀྱི་རང་བཞིན་དུ་དག་གོ་།དེ་ཡང་མཁའ་འགྲོ་ལས། བྱང་ཆུབ་སེམས་ཆེན་རྣལ་འབྱོར་གང། །རྣལ་འབྱོར་དབང་ཕྱུག་རང་ཉིད་གཙོ། །བྱང་ཆུབ་སེམས་འདི་རྡོ་རྗེ་སྟེ། །སངས་རྒྱས་ཀུན་གྱི་རང་བཞིན ་ཞེས་གསུངས་སོ། །ཡེ་ཤེས་སྒྲོན་མིང?་རྒྱུད་ལས་ཀྱང། །རྒྱལ་པའི་ཡེ་ཤེས་འཁོར་ལོ་ནི། །དམ་ཚིག་འཁོར་ལོ་ལ་མྱུར་གཞུག་།སངས་རྒྱས་བྱང་ཆུབ་སེམས་དཔའ་ཉིད། །ཐོབ་པར་འགྱུར་གྱིས་གཞན་དུ་མིན། ཞེས་པ་དང། ཡང་མཁའ་ ་འགྲོ་ལས། འདི་ཡིས་སངས་རྒྱས་ཐམས་ཅད་དང། །དཔའ་བོ་ཐམས་ཅད་ཉིད་དང་ནི། །རྡོ་རྗེ་འཛིན་པའང་ཐམས་ཅད་དུ། །ཚེ་འདི་ཉིད་དུ་འགྲུབ་འགྱུར་ཞེས། །བཅོམ་ལྡན་རྡོ་རྗེ་ཅན་གྱིས་གསུངས་ཤེས་སོ། །དེ་ལྟར་ན་ཐ་དང་ཀྱི་རྟོག་པ་འགག་པ་དང ་ང་རྒྱལ་བརྟན་པ་དང། བྱིན་གྱིས་སློབ་པའོ། །འགྲུབ་བའི་ཡན་ལག་དབང་བསྐུར་བ་བསྟན་པའི་ཕྱིར། ཇི་ལྟར་བལྟམས་པ་ཙམ་གྱིས་ཀྱང། ཞེས་པ་ལ་སོགས་པ་ལ། ཏིང་ངེ་འཛིན་སྨས་དཔའ་ཨི་འོད་ཀྱིས་ལྷ་སུམ་ཅུ་རྩ་བདུན་སྤྱན་དྲངས་ལ་མཆོད་དེ། ་དབང་ལ་གསོལ་བ་བཏབ་པས། བཀའ་བསྒོ་བརྒྱད་ཀྱིས་བགེགས་སྐྲོད་པ་དང། དཔའ་བོ་རྣམས་ཀྱིས་བཀྲ་ཤིས་དང། དཔའ་མོ་རྣམས་ཀྱིས་གླུ་དང་ཡུམ་བཞི་དང། ཕག་མོ་དང་ལྔས་རིན་པོ་ཆེའི་བུམ་པ་བདུད་རྩིས་གང་བ་བསྣམས་པས་བུམ? ་པའི་དབང་དང། ཡུམ་བཞི་རྡོ་རྗེ་ཕག་མོ་ལ་ཐིམ་ནས་སྙོམས་པར་ཞུགས་པའི་གསང་བ་ལྕེ་ལ་ཐིམ་པ་གསང་བའི་དབང་དང། རྡོ་རྗེ་ཕག་མོ་ཕྱག་རྒྱར་གནས་ཏེ་སྙོམས་པར་ཞུགས་པས་བདེ་བ་མྱོང་བ་ཤེས་རབ་ཡེ་ཤེས་དང། དཔལ་ཧེ་རུ་ཀ ་བཞི་པ་བསན་པ་བཞིའོ། །དེ་ནས་དབང་བསྐུར་བའི་ལྷ་རྣམས་བདག་ལ་ཐིམ་པར་བསམ་མོ། །དེ་ཡང་ངེས་བརྗོད་ལས། བདེ་ཆེན་ཡེ་ཤེས་དགྱེས་ནས་ནི། །དམ་ཚིག་དམ་ཚིག་ཅན་ལ་གཞུག་།ཡེ་ཤེས་རོ་གཅིག་བསྒོམས་ནས་ནི་།རོ་གཅིག ་འཁོར་ལོ་དེ་བཞིན་བསྒོམ། །རྡོ་རྗེ་སེམས་དཔའ་ཨི་དབུ་རྒྱན་ཅན་ཞེས་གསུངས་པས་སོ། །དེ་ནས་རྒྱས་གདབ་པ་ནི། འབྲས་བུ་ལ་རྒྱུས་གདབ་པའི་ཕྱིར་མི་བསྐྱོད་པ་དང། ཆོས་ཀྱི་སྐུ་ལ་གཟུགས་ཀྱི་རྒྱུས་རྒྱས་གདབ་པའི་ཕྱིར་རྣམ་པར་སྣང་མཛག? ་ཀྱི་རྒྱུས་རྒྱས་གདབ་པའི་ཕྱིར་རྣམ་པར་སྣང་མཛག?་དང། འབྱུང་ལྡན་དང། འཁོར་ལོ་གསུམ་ལ་མི་བསྐྱོད་པ་དང། སྣང་བ་མཛའ་ཡས་དང། རྣམ་པར་སྣང་མཛད་དང། བཀའ་བསྒོ་ལ་དོན་ཡོད་གྲུབ་པ་བསམ་པར་བྱའོ། །དེ་ལྟར་ ་ན་བགེགས་དང། སྒྲིབ་པ་དང། ཐེག་བ་དམན་པ་སེལ་པ་དང། བཟླས་བསྒོམ་གྱི་སྣོད་དུ་རུང་བ་དང། ལས་རྣམས་ཀྱི་བྱ་བ་ལ་མཐུ་ཡོད་པ་དང། བྱང་ཆུབ་ཀྱི་སེམས་ཉམས་པ་བསྐོངས་པ་དང། དམ་ཚིག་དང་སྡོམ་པ ་ཉམས་པ་བསྐོངས་པ་དང། མ་འོངས་པ་ན་སངས་རྒྱས་ཀྱི་དབང་བསྐུར་བའོ། །དབང་དང་རྗེས་སུ་མཐུན་པའི་དམ་ཚིག་བསྟན་པའི་ཕྱིར། མཆོད་བ་ལ་སོགས་པ་བྱ་སྟེ། བུམ་པའི་དང་འབྲེལ་པ། ཕྱི་དང་ནང་དང། གསང་བ་དང་།དེ་ཁོ ་ནའི་མཆོད་པའོ། །གསང་བ་དང་འབྲེལ་པ་བདུད་རྩི་མྱང་བ་དང། ཤེས་རབ་ཡེ་ཤེས་དང་འབྲེལ་བ་དགའ་བ་བརྩམས་པ་སྟེ། དེ་ཡང་ལེའུ་བརྒྱད་པ་ལས། །ཡི་གེ་དྱཱི?་ན?་སྣ་རྩེར་ཡང་དག་སྦྱོར། །བྱ་ནི་མཚན་ལ་དགོད་པ་སྟེ། ལྟེ་བ ་སྙིང་ག་ཁ་དང་དབྲལ་བ་རུ། སྔགས་དང་བཅས་པས་བྱིན་གྱིས་བརླབ། །ལྟེ་བ་སྙིང་ག་དག་ཏུ་རྣལ་འབྱོར་མ། །སངས་རྒྱས་མཁའ་འགྲོའི་སྔགས་ཀྱིས་ནི། །མ་བ་དྷུའུ་ཏཱི་གཉིས་ནི་དཔལ་བྱིན་བརླབ། །རྣལ་འབྱོར་མ་དང་དཔའ་བོ་གཉིས ་མེད་ཡིན། །དང་པོར་དགའ་བ་དཔའ་བོ་སྟེ། མཆོག་ཏུ་དགའ་བ་རྣལ་འབྱོར་མ། རབ་ཏུ་དགའ་བ་མ་ལུས་ཉིད། །དེ་བདེ་ཐབས་ནི་ཀུན་རིགས་པའོ་ཞེས་བྱ་བ་གསུངས་སོ། །དྱཱ་དང་བྱཱས?་པདྨ་དང་རྡོ་རྗེ་བྱིན་གྱིས་བརླབས་དཔྲལ་བ་དང ་ཁ་ལ་དཔའ་པོའི་སྙིང་པོ་དང་ཉེ་པའི་སྙིང་པོ་དགང་པའོ། །སྙིང་ག་དང་ལྟེ་བ་ལ་ཡུམ་གྱི་སྙིང་པོ་དང་ཉེ་བའི་སྙིང་པོ་དགོད། །དེ་ནས་སྙོམ་པར་ཞུགས་པ་ལས་དགའ་བ་ལ་སོགས་པ་མྱོང་བར་བསམ། །དེ་ལ་འདིར་མན་ངག་ནི་འདི ་ཡིན་ཏེ། དང་པོར་རྣལ་འབྱོར་བས་དུར་ཁྲོད་བརྒྱད་ཀྱི་དབེན་པ་ལ་བརྟེན་ནས་འཁོར་བའི་མཚན་ཉིད་མི་རྟག་པ་དང། སྡུག་བསྔལ་རྟོག་པར་བྱ་སྟེ། དེ་ཡང་མཁའ་འགྲོ་ལས། གང་ཚེ་འདུས་བྱེས་ཚུལ་རྣམས་ནི། །གློག་དང ་ཆུ་བུར་ལྟར་སྨིན་པ། །གང་གིས་ཇི་ལྟར་མཐོང་གྱུར་པ། །དེ་ཚེ་ཤེས་རབ་བསྟེན་པ་མིན། ཞེས་གསུངས་པས། རྣལ་འབྱོར་པ་གང་གིས་འདུས་བྱས་ཏེ། བདག་དང་ཁམས་གསུམ་པ་རྣམས་གློག་ལྟར་མི་རྟག་པ་དང། ཆུ་བུར་ལྟར་སྡུག་བསྔལ ་དུ་མཐོང་བར་བྱས་པ་སྟེ། དེ་ཤེས་རབ་ཀྱི་མིག་གིས་བལྟ་བར་བྱ་བ་ཡིན་བའི་ཕྱིར་རོ། །དེ་ལྟར་མི་རྟག་དང་སྡུག་བསྔལ་དུ་མཐོང་བས་ཁམས་གསུམ་བའི་འགྲོ་བ་རྣམས་ལས་དང་ཉོན་མོངས་བའི་ཞགས་བ་དམ་བོས་ནི་བཅིང། འཁྲུལ་འཁོར ་བསྐོར་པའི་རྣམ་ཤེས་ཀྱིས་ནི་བསྐོར། ?་ཆུན་ལྟར་ནི་འཁོར། འཁོར་བའི་ཁྲོན་པ་གཏིང་རིང་པོར་ནི་ལྷུང། ངོ་བོ་ཉིད་ཀྱིས་འོག་ཏུ་འགོ་བ་ལ་ནི་ཕྱོགས། ཅི་ཞིག་ལྟར་སྟེང་དུ་བྱུང་ཡང་ཤེས་རབ་ཀྱི་མིག་དང་ནི་བྲལ། ཐབས་ཀྱི་རྐང་པ་ནི ་མེད། བརྟེན་པའི་འཁར་བ་བླ་མ་དང་ནི་བྲལ་བའི་དབང་གིས་ཡང་འོག་ཏུ་འགྲོ་བ་རྣམས་ལ་བལྟས་ཏེ། བྱམས་པ་དང་སྙིང་རྗེས་འཕངས་པའི་བྱང་ཆུབ་ཀྱི་སེམས་ལོགས་སུ་བསྒོམ་པར་བྱའོ། །དེ་ལྟར་གཞན་དོན་དུ་དཔལ་ཧེ་རུ་ཀ་འདོད་བའི ་བློ་དང་ལྡན་པའི་རྣལ་འབྱོར་པས། དང་པོ་ཚངས་པའི་གནས་བཞི་བསྒོམས་ཏེ། ཡང་ཤེས་རབ་ཀྱི་མིག་གིས་མཐོང་བ་དེ་རྣམས་ལ་དམིགས་ཏེ་བདེ་བར་འདོད་བའི་བྱམས་པ་དང། སྡུག་བསྔལ་དང་བྲལ་བར་འདོད་པའི་སྙིང་རྗེ་དང། ་དེ་རྣམས་དཔལ་ཧེ་རུ་ཀའི་གོ་འཕང་ལ་དགོད་པར་འདོད་པའི་དགའ་བ་དང། འཇིག་རྟེན་དང་འཇིག་རྟེན་ལས་འདས་པའི་ལམ་ལ་དགོད་པར་འདོད་པའི་བཏང་སྙོམས་བསྒོམས་པར་བྱའོ། །དེ་ནས་བདག་གིས་ཕུང་པོ་ལ་སོགས་པའི་རྡུལ་ཕྲ་རབ ་ལ་དམིགས་ཏེ། རྣམ་བར་སྣང་མཛད་ལ་སོགས་པ་རིགས་ལྔ་དང། ཧེ་རུ་ཀ་དང་དྲུག། །ཁམས་ལ་ལྷ་མོ་ལྔ་དང་སྐྱེ་མཆེད་རྣམས་བྱང་ཆུབ་སེམས་དཔར་སྐད་ཅིག་གིས་བསྒོམ་བར་བྱའོ། །དེ་ནས་བདག་གི་སྙིང་གར་ཉི་མའི་དཀྱིལ་འཁོར་གྱི ་སྟེང་དུ་ཧཱུཾ་འོད་ཟེར་གྱི་ཕྲེང་བ་འཕྲོ་བར་བསམས་ལ། དེའི་འོད་ཀྱི་བགེགས་ཐམས་ཅད་བསྐྲད་བར་བྱ་སྟེ། བདག་དང་ཁམས་གསུམ་པའི་དངོས་པོ་ཐམས་ཅད་སྒྱུ་མ་ལ་སོགས་པ་ལྟར་སྣང་བ་ཙམ་དུ་རྟོགས་པར་བྱས་ནS ་ཚུར་འདུས་བདག་ཉིད་ཁམས་གསུམ་རྣམ་རྒྱལ་ཞལ་གསུམ་ཕྱག་དྲུག་པ་བསམ་པར་བྱའོ། །དེ་ནས་ཨོཾ་སུམྦྷ་ནི་སུམྦྷ་ཧུཾ་ཧཱུཾ་ཤར་དུའོ། །ོཾ་གྲིཧྞཱ་ལ་སོགས་བྱང་དུའོ། །ོཾ་གྲིཧྞཱ་པ་ཡ་ལ་སོགས་པ་ནུབ་ཏུའོ། །ོཾ་ཨཱ་ན་ཡ་ལ་སོགས་པ ་ལྷར་རོ། །ས་གཞི་ལ་ཡི་གེ་ཧཱུཾ་ལས་སྣ་ཚོགས་རྡོ་རྗེའོ། །དེའི་འོད་ཀྱིས་རྡོ་རྗེའི་ར་བ་དང། དྲ་བ་དང། བླ་བྲེ་དང། མདའི་དྲ་བ་དང། མེའི་ར་བའོ། །རྡོ་རྗེའི་ར་བ་གྲུ་བཞི་པ་བསམས་པའི་ཤར་ལ་སོགས་པའི་ཕྱོགས་སུ་བཀའ་བསྒོ་བརྒྱད་སྟེང་ཁྭ? ་གདོང་འོག་ཁྱི་གདོང་སྟེ་བཅུའོ། །བསྐལ་པའི་མེ་འབར་བའི་ཀློང་ན་བཞུགས་པ་བུད་མེད་ཀྱི་གཟུགས་ཀྱིས་སྒེག་པ་བསྒོམ་པར་བྱའོ། །དེ་ནས་ཡང་ཨོཾ་སུམྦྷ་ལ་སོགས་པའི་སྔགས་བརྗོད་པ་དང། འདོད་པའི་རྒྱལ་པོ་ལྕགས་ཀྱུ་ཞགས ་པ་ཐོགས་པ་སྤྲོས་པས། ཕྱོགས་སྐྱོང་བཅུ་བཀུག་ལ་བཀའ་བསྒོ་རྣམས་ཀྱིས་མདུན་དུ་གནས་པར་བསམ་མོ། །དེ་ནས་ཨོཾ་གྷ(རྒྱུད་འགྲེལ་བརྡུང་པར་བྱའོ། །དེ་ནས་བདག་ཉིད་སླར་ཧེ་རུ་ཀ་ཞལ་གཅིག་ཕྱག་གཉིས་པར་བསྒྱུར་ལ། དེའི་སྙིང་གར་ཨ་ལས་ཟླ་བ་དེའི་སྟེང་དུ་ཧཱུཾ་འོད་ཀྱི་ཕྲེང་བ་འཕྲོ་བ་བསམས་ལ། དེའི་འོད་ཀྱི་སྣང་བས་དཔལ་ཧེ་རུ་ཀ་དྲུག་ཅུ་རྩ་གཉིས་ཀྱི ་དཀྱིལ་འཁོར་དང་བླ་མ་བསམས་ལ། ཡང་སྙིང་གའི་ཧཱུཾ་ལས་འོད་འཕྲོས་ཏེ་བླ་མའི་དྲིན་དྲན་པའི་ཚུལ་གྱིས་གཞུ་ལ་འོད་ཀྱི་གོང་བུར་བསམ་མོ། །དེ་བཞིན་དུ་ལྟ་ཡང་འོད་ཀྱི་གོང་བུར་བསམས་ལ། དེ་གཉིས་འདྲེས་པས་ལྷ་སུམ ་ཅུ་རྩ་བདུན་གསལ་བར་བསམས་ཏེ། འདོད་པ་དང། དང་བ་དང། ཡིད་ཆེས་པའི་དང་པས། དང་པོར་ཨོཾ་སརྦབ་ཏ་ཐཱ་ག་ཏ་པཱ་ད་བནདཱ་ནཱཾ་ཀ་རོ་མི་ཞེས་པས་ཕྱག་བྱའོ། །དེ་ནས་སྙིང་གའི་ཧཱུཾ་ལས་མེ་ཏོག་མ་དཀར་མོ་དང། བདུག་པ་མ་དུ་པའི་མདོག་ཅན་དང ་མར་མེ་མ་དམར་སེར་དང། བྱུག་པ་མ་ལྗང་གུ་དང། ཞལ་ཟས་མ་སྣ་ཚོགས་པའི་མདོག་ཅན་ཏེ། ཕྱག་བཞིའི་དང་པོ་རྣམས་རྡོ་རྗེ་དང་དྲིལ་བུ་བསྣམས་པ། གཉིས་པ་རྣམས་ནི་རིན་པོ་ཆེའི་སྣོད་རང་རང་གི་མཆོད་པའི་སྤྲིན་གྱིས་བཀང་བ་དང། ་གཟུགས་རྡོ་རྗེ་མ་དཀར་མོ་དང། སྒྲ་རྡོ་རྗེ་མ་སྔོན་མོ་དང། དྲི་རྡོ་རྗེ་མ་དཀར་མོ་དང། རྡོ?་རྡོ་རྗེ་མ་དམར་མོ་དང། རེག་རྡོ་རྗེ་མ་ལྗང་གུ་སྟེ། ཕྱག་བཞི་མ་ཕྱག་དང་པོ་ན་བསྣམས་པ་ན་ཁ་ཊཝཱཾ་ག་དང་ཐོད་པ་དང། གཞན་རྣམས་རང་རང་གི་མཚན་མ་ཐོགས ་པ། གཟུགས་དང། ལང་འཚོ་དང། རྒྱན་ཕུན་སུམ་ཚོགས་པ་བུད་མེད་ཉམས་དང་ལྡན་པས་མཆོད་པར་བྱའོ། །ོཾ་བཛྲ་པུཥཔེ་ཨཱ(རྒྱུད་འགྲེལ་ཨཱ(རྒྱུད་འགྲེལ་པས་མཆོད་པའི་སྔགས་སོ། །ཡང་སྙིང་གའི་ཧཱུཾ་ལས་ལྷ་མོ་བཅུ་གཉིས་སྤྲོས་ཏེ་བདུད་རྩི་ལྔས་མཆོད་པར་བྱའོ། །དེ་རྣམས་ལས་ཡུམ་བཞི་རྡོ་རྗེ་ཕག་མོ་ལ་སྤྲོས་ལ་ཐིམ་པས་བདེ་བའི་མཆོད་པ་བྱའོ། །དེ་ནས་སྔ་མ་ལྟར་དད་པས་སྤྱན་དྲངས ་ཏེ་བྱང་ཆུབ་ཀྱི་སྙིང་པོའི་?་དུ་དཀོན་མཆོག་གསུམ་ལ་སྐྱབས་སུ་འགྲོ་བ་བྱའོ། །དེ་ནས་གང་དག་སྡུག་བསྔལ་རྣམ་པ་སྣ་ཚོགས་ཀྱི་སྡུག་བསྔལ་བ་རྣམས་ལ་དམིགས་ཏེ་སྙིང་རྗེ་ཆེན་པོས་དེ་དག་མྱ་ངན་ལས་འདའ་བའ་ཨི་ཕྱིར་ཡང་དག་པར་རྫོགས ་པའི་བྱང་ཆུབ་ཏུ་སྨོན་པའི་སེམས་བརྟན་པོར་བསྐྱེད་པར་བྱའོ། །དེ་ནས་ལྔའི?་པ་བཤགས་པ་དང། རྗེས་སུ་ཡི་རང་བ་དང། དགེ་བའི་རྩ་བ་རྫོགས་པའི་བྱང་ཆུབ་ཏུ་བསྔོ་བར་བྱའོ། །དེ་ནས་བཟོད་པར་གསོལ་ལ་གཤེགས་སུ་གསོལ་ལོ། ། ་དེ་ནས་ཨོཾ་སྭ་བྷཱ་བ་ཤུདྡྷཱ(རྒྱུད་འགྲེལ་བ་ཙམ་པོ་ལ། དབུས་སུ་བཾ?་ཐབས་ཀྱིས་བརྒྱན་པའི་ཕྱིར་ཡིག་འབྲུ་ཙམ་ལས་འབྱུང་བ་བཞིའི་དཀྱིལ་འཁོར་དང། རི་རབ་མཚན་པའི་ཡི་གེ་དང་བཅས་པར་བསམ་པར་བྱའོ། །དེའི་སྟེང་དུ་པཾ་ལས་སྣ་ཚོགས་པདྨ་དང། རཾ་ལས་ཉི་མ་དང། སྣ་ཚོཌ ་རྡོ་རྗེ་དང། དེའི་སྟེང་དུ་ཉི་མའོ། །དེའི་སྟེང་དུ། ཨ་ཨཱ། ཨི་ཨའི(རྒྱུད་འགྲེལ་ཡ་ར་ལ་ཥ། ཤ་ཥ་ས་ཧ་ཀྵ། ཉི་མའི་དཀྱིལ་འཁོར་ཏེ་མཉམ་པ་ཉིད་ཀྱི་ཡེ་ཤེས་དང། དེ་གཉིས་ཀྱི་བར་དུ་ཧཱུཾ་འོད་ཀྱི་ཕྲེང་བ་འཕྲོ་བ་དེ་ལས་རྡོ་རྗེ་རྩེ་ལྔ་པ་དེའི་ལྟེ་བ་ལ་ཉི་མ་གནས་པའི་ཧཱུཾ་དང་བཅས་པ་སོ་སོར་ཀུན་ཏུ་རྟོག་པའི་ཡེ་ཤེས ་དེ་ལས་འོད་ཟེར་སྤྲོས་པས་ཁམས་གསུམ་བ་རྣམས་ཀྱི་སྒྲིབ་པ་སྦྱངས་ཏེ། ལྷ་སུམ་ཅུ་རྩ་བདུན་དུ་བྱས་ལ། སླར་རྡོ་རྗེ་ལ་ཐིམ་པས་བྱ་བ་གྲུབ་པའི་ཡེ་ཤེས་དང། ཐམས་ཅད་ཡོངས་སུ་གྱུར་པ་ཆོས་ཀྱི་དབྱིངས་དག་པ་ལས་བྱང་ཆུབ ་པ་སྟེ། དཔལ་ཧེ་རུ་ཀ་རྟེན་དང་བརྟེན་པར་བཅས་པ་རྣམས་སྐུ་མདོག་དང། རྒྱན་དང། བཞུགས་ཚུལ་དང། ཕྱག་མཚན་རྣམས་ལེགས་པར་བསམ་པར་བྱའོ། །དེ་ནས་དེ་རྣམས་བྱང་ཆུབ་ཀྱི་ཕྱོགས་ཀྱི་རང་བཞིན་དུ་བསམ་པར ་བྱའོ། །དེ་ནས་ལུས་ཀྱི་དཀྱིལ་འཁོར་བསྡོམས་ཏེ། གསང་བའི་པདྨར་ཕག་མོ། །སྤྱི་གཙུག་ལ་ཧེ་རུ་ཀའོ། །སྙིང་གར་མཁར་འགྲོ་མ། མགྲིན་པར་ལཱ་མ། ལྟེ་བར་ཁཎྜ་རོ་ཧ། དཔྲལ་བར་གཟུགས་ཅན་མ། མགོ་བོ་ལ་སོགས་པ་གནས་ཉི་ཤུ་རྩ ་བཞིར་རབ་ཏུ་གཏུམ་མོ་ལ་སོགས་པ་བསྒོམ་པར་བྱའོ། །ཁ་ལ་ཁྭ་གདོང་མ། སྣ་གཡས་པར་འུག་པའི་གདོང་ཅན། བཤད་ལམ་དུ་ཁྱི་གདོང་མ། སྣ་གཡོན་པར་ཕག་གདོང་མ། རྣ་བ་གཡོན་པར་གཤིན་རྗེ་བརྟན་མ། གཡས་པར་ཕོ་ཉ་མ། མིག ་གཡས་པར་མཆེ་བ་མ། གཡོན་པར་འཇོམས་མ་བསམ་པར་བྱའོ། །དེ་ནས་ཨོཾ་ཀ་ར་ཀ་ར་ལ་སོགས་པ་ལས་མཆོད་ཕྱིར་ཐོགས་པ་བསམ་པར་བྱའོ། །དེ་ནས་ཁམས་ཉི་ཤུ་རྩ་བཞིའི་ཕྲ་རབ་རྣམས་དཔའ་བོ་ཉི་ཤུ་རྩ་བཞིར་བསམ་པར་བྱའོ ་དེ་ནས་ཨོཾ་ཧ་ལ་སོགས་པ་ལས་ཕྱག་རྒྱ་དྲུག་བསྐྱེད་པར་བྱའོ། །རྡོ་རྗེ་ཕག་མོའི་སྔགས་རིངས་ལས་མགུལ་རྒྱན་བསྐྱེད་པར་བྱའོ། ཨོཾ་ཤྲཱི་བཛྲ་ཧེ་ལ་སོགས་པས་ཐོད་པའི་ཕྲེང་བ་བསྐྱེད་པར་བྱའོ། །ཡི་གེ་བདུན་པས་རྣ་རྒྱན་དང། ཡུམ་གྱི་སྙིང ་པོས་ཀླང་པོའི་པགས་པ་དང། དཔའ་མོའི་གོ་ཆའི་སྔགས་ཀྱིས་སྐ་རགས་དང། མཁའ་འགྲོ་མ་རྣམས་སོ་སོའི་སྔགས་ཀྱིས་སོ་སོའི་ཕྱག་གི་ཐོད་པ་དང། ཡུམ་གྱི་ཉེ་བའི་སྙིང་པོས་ཐོད་པའི་དབུ་རྒྱན་དང། དེ་ནས་སྐུ་གསུང་ཐུགས་བྱིན ་གྱིས་བརླབ་པ་དང་ཕུང་པོ་ལ་སོགས་པ་བྱིན་གྱིས་བརླབ་པ་དང། གོ་ཆའི་སྔགས་ཀྱིས་གོ་ཆ་དང། སྙིང་གའི་འོད་ཀྱིས་ཡེ་ཤེས་སེམས་དཔའ་སྤྱན་དྲངས་ལ་མཆོད་དེ་བསྲེ་བ་དང། ཨོཾ་ག་ཤུདྡྷ(རྒྱུད་འགྲེལ་དེ་ནས་ཡང་སུམ་ཅུ་?་བདུན་སྤྱན་དྲངས་ལ་མཆོད་དེ། དེ་ནས་ལྷ་དེ་དག་གིས་ཀྱང་བཀའ་བསྒོ་རྣམས་ཀྱི་བགེགས་བསྐྲད། དཔའ་མོ་རྣམས་ཀྱིས་གླུ་ལེན། དབང་བསྐུར་རོལ་མོའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །དགྱེས ་ཆེན་སྩོལ་བའི་བདེ་ཆེན་པོ། །གསོལ་མཛད་བདེ་བ་ཆེན་པོ་སྟེ། ཨ་ལ་ལ་ཧོ། །མཆོག་ཏུ་གྱུར་པ་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། ། ལ་ལ་ཧོ། ཞེས་པའི་གླུ་དང། དཔའ་བོ་རྣམས་ཀྱིས་བཀྲ་ཤིས་བརྗོད་པ་དང ་ཡུམ་བཞི་ཕག་མོ་དང་ལྔས་ནམ་མཁའ་ནས་ཡེ་ཤེས་ཀྱི་བདུད་རྩིས་གང་པའི་བུམ་པ་བླངས་ནས། ལག་པས་དབང་བསྐུར་བར་བསམ་མོ། །དེ་ནས་ཡུམ་བཞི་ཕག་མོ་ལ་ཐིམ་སྟེ། དཔལ་ཧེ་རུ་ཀ་དང་སྙོམས་པར་བཞུགས་པའི་བྱང་ཆུབ་ཀྱི ་སེམས་ཀྱིས་གསང་བའི་དབང་བསྐུར་བར་བྱའོ། །དེ་ནས་ཧེ་རུ་ཀ་ས་ཕག་མོ་མུ་དྲར་གནང་སྟེ། སྙོམས་པར་ཞུགས་པས་རླུང་ཐིམ། དེ་ལ་བརྟེན་ནས་ལྷན་ཅིག་སྐྱེས་པ་མྱོང་བར་བསམ་མོ། །དེ་ནས་དཔལ་ཧེ་རུ་ཀས་རིགས་ཀྱི་བུ་ཁྱོད་ཀྱིས ་མུ་དྲ་དང་གཉིས་སྤྲོད་པ་ལ་བརྟེན་ནས་མྱོང་བ་སྣང་བ་ཐོབ་པའི་ཤེས་རབ་དེ་འོད་གསལ་བར་བསྒོམས་ཤིག། དེ་ནི་རྣམ་པར་ཤེས་པ་གསུམ་རྣམ་པར་དག་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ལུས་དང་ངག་སེམས་མེད་པ ་ལས་དང། སྐྱེ་བ་ལས་གྲོལ་བ། ཟླ་བ་དང། ཉི་མ་དང། མེ་དང་ནོར་བུ་ལྟར་ཤིན་ཏུ་གསལ་བརྟག་ཏུ་སྣང་བའི་མཚན་ཉིད་ཅན་དོན་དམ་པའི་བདེན་པ་དེ་མཐོང་བ་གཞན་གྱི་ཡུལ་ལས་འདས་པ་སྟེ། ཤེས་རབ་དང་ཡེ་ཤེས ་ཀྱི་མིག་གིས་ལྟོས་ཤིག་།དེ་ལྟར་གང་གིས་ཡང་རང་བཞིན་དུ་མ་མཐོང་པ་དེ་འོད་གསལ་བ་མཐོང་བ་ཡིན་ནོ། །དེ་ལྟར་འོད་གསལ་བ་དེའི་ངོ་ན་རྒྱུ་འབྲས་གང་ཡང་མེད་མོད་ཀྱི། འོན་ཀྱང་ཀུན་རྫོབ་ཏུ་རླུང་དང་སེམས་ཙམ་ལས ་ལྟ་སུམ་ཅུ་རྩ་བདུན་མེ་ལོང་གི་གཟུགས་བརྙན་ལྟར་གསལ་ལ་རྫོགས་པ། འཇའ་ཚོན་ལྟར་ཁ་དོག་དང་བཅས་པ། ཆུ་ཟླ་ལྟར་སྒྲོ་སྐུར་དང་བྲལ་བར་ལྟོས་ཤིག་།དེ་ནི་རྒྱུ་རྐྱེན་ལ་ལྟོས་ནས་སྐྱེས་བས་ཀུན་རྫོབ་བོ་།དེ་ལྟར་བདེན ་གཉིས་མི་ཕྱེད་པ་ཟུང་དུ་འཇུག་པ་ནི་བྱང་ཆུབ་ཀྱི་སེམས་ཆེན་པོ་སྟེ་བཞི་པའོ། །དེ་ནས་དབང་བསྐུར་བའི་ལྷ་རྣམས་བདག་ལ་ཞུགས་པར་བསམས་ལ་སོ་སོར་རྒྱས་གདབ་སྟེ། སྔ་མ་ལྟར་མཆོད་བྱ་མཆོད་བྱེད་མཆོད་བ་རྣམས་སྐྱེ་མེད་དུ་ཤེས་པར་བྱས ་ལ་མཆོད་པར་བྱའོ། །དེ་ནས་བདུད་རྩི་མྱང་སྟེ། ཡཾ་རཾ་ལས་མེ་རླུང་ཨ་ལས་ཐོད་པ་དེའི་ནང་དུ། གོ་ཀུ་ད་ཧ་ན། རྣམས་ལས་ཤ་ལྔ་དང། བི་མུ་ཤུ་ར་མར་རྣམས་ལས་བདུད་རྩི་ལྔའོ། །དེ་རྣམས་ཀྱི་སྟེང་དུ་ཧཱུཾ། ཨོཾ་ཏྲཾ་ཧྲཱི(རྒྱུད་འགྲེལ་ཨ་ལས་བྱུང་པའི་ཟླ་བའི་དཀྱིལ་འཁོར་གྱིས་ཁ་དགབ་པར་བྱའོ། །དེའི་སྟེང་དུ་ཨེཾ་ཨཱ(རྒྱུད་འགྲེལ་དེ་ནས་ཡི་གེས?་ཡིན?་ལས་འོད་འཕྲོས་པས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡེ་ཤེས་ཀྱི་བདུད་རྩི་བཀུག་པ་སོ་སོ་ལ་ཐིམ་པར་བསམ་མོ། །དེ་ནས་རླུང་མེས་བསྐོལ་རྡོ་རྗེས་དཀྲུགས་པས་ཤ་ལ་སོགས་པ་དང་ཟླ་བ་དང་ཡི ་གེ་དང་རྡོ་རྗེ་རྣམས་བཞུ་སྟེ་ཧཱུཾ?་གིས་སྦྱངས། །(རྒྱུད་འགྲེལ་པ་དང། འཁོར་ལོ་བཞི་དང་གཉིས་ལ་ཡི་གེའི་འཁོར་ལོ་བཀོད་དེ། དགའ་བ་བཞི་མྱོང་བར་བསམས་ལ་ང་རྒྱལ་བསྐྱེད་པར་བྱ་སྟེ། ཨོཾ་བཛྲ་ཀཱ་མི་ནི་སརྦབ་བཛྲ་བཀྵ་ཤོ་དྷོ་ཡ་གུ་ཧཡཾ་བཛྲི་ཎི་ཧཱུཾ། ཞེས་བརྗོད་དོ། །དེ་ནས་སྒྱུ་མ་ལྟ་བུའི་ལྷ ་སུམ་ཅུ་རྩ་བདུན་ལ་དམིགས་ཏེ། ཐབས་དང་ཤེས་རབ་གཉིས་སུ་མེད་པར་དཔྱད་ཅིང་བསྒོམ་པར་བྱའོ། །དེ་ཡང་དཔལ་རྡོ་རྗེ་མཁའ་འགྲོ་ལས་ཤེས་རབ་ཐབས་ནི་མ་རྟོགས་པར། །གང་ཚེ་སེམས་གཞན་མི་གཡོན། །དེ་ཚེ་བྱང་ཆུབ་ཆེན་པོ་ནི། །ངེས ་པར་སྟེར་བ་ཉིད་དུ་བཤད། །ཅེས་གསུངས་པས། ཤེས་རབ་ཀྱི་མིག་གིས་ཇི་ལྟར་མཐོང་བ་དེ་ཐབས་དྲན་པ་ལ་སོགས་པས་དབང་དུ་བྱས་ལ་བསྒོམ་པར་བྱའོ། །གང་གི་ཚེ་དབང་པོ་ལྔས་དབང་བྱས་པས་སེམས་གཞན ་ཏེ། འཇིག་རྟེན་པའི་སེམས་རྣམས་སུ་མི་གཡོན། དེའི་ཚེ་རྒྱུ་འབྲས་ཕྱིན་ཅི་མ་ལོག་པས། བྱང་ཆུབ་ཆེན་པོ་ངེས་པར་འཐོབ་ཅེས་བྱའོ། །བརྩོན་འགྲུས་དང་ཏིང་ངེ་འཛིན་བསྟན་པ་ནི་རྣམ་པར་མི་རྟོག་རྗེས་འཇུག་ལ། རྣལ་འབྱོར་པ་ནི་མངོན ་བརྩོན་པ། །ད་ནི་ཐམས་ཅད་འབྱུང?་བ་ཡི། །ཤེས་རབ་ཕ་རོལ་ཕྱིན་པ་ཡིན། ཞེས་བྱ་སྟེ་མི་རྟོག་པ་ནི་ཏིང་ངེ་འཛིན་ནོ། །རྗེས་སུ་འཇུག་པ་ནི་དྲན་པ་དང་དང་པའོ། །མངོན་བརྩོན་ནི་བརྩོན་འགྲུས་ཏེ། ངེས་པའི་བྱ་བ་ལས་བརྩོན་པའོ། །དེ ་ལྟར་ཤེས་རབ་ཀྱི་མིག་གིས་མཐོང་བའི་ཡུལ་དེ་དྲན་ལ་སོགས་པས་དབང་དུ་བྱས་ནས་བསྒོམས་ནས་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཐམས་ཅད་འབྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མོ། །ཤེས་རབ་ཀྱི ་མིག་གིས་གང་བལྟ་ཞེ་ན། གང་ཚེ་འདུས་བྱས་ཚུལ་རྣམས་ནི། །རྣམ་པར་མི་རྟོག་སེམས་ཀྱིས། །མེ་ལོང་ལྟ་བུར་རབ་ཤེས་པ། །དེ་ནི་ཤེས་རབ་བྲན་པ་ཡིན། ཞེས་པ་དང། ཇི་ལར་བལྟ་ཞེ་ན། མེ་ལོང་ནང་གི་གཟུགས་? ་དང། །རྨི་ལམ་མིག་འཕྲུལ་དྲི་ཟའི་གྲོང། །མིག་འཕྲུལ་མཚུངས་པར་གང་གིས་མཐོང། །དེ་ནི་གཙོ་བོ་ཡིན་པར་བརྗོད། ཅེའོ། །འདིར་འདུས་བྱས་ཀྱི་ཚུལ་ནི་གཉིས་ཏེ། ཀུན་ནས་ཉོན་མོངས་པ་དང། རྣམ་པར་བྱུང་བ་ལམ་ལ ་བཞག་པའོ། །དེ་གཉིག་ཡང་གཟུགས་བརྙན་ལ་སོགས་པ་དཔེ་བརྒྱད་ཀྱི་གཏན་ལ་ཕབ་ལ་བསྒོམ་པའོ། །ཡང་དོན་དེ་བསྟན་པ་ནི། རྣམ་པར་མི་རྟོག་སེམས་ཀྱིས་ནི། །ཤེས་རབ་དང་ནི་མཚུངས་གཟུགས་ལ། །དོགས་པ་མེད ་པའི་ཀུན་སྤྱོད་པ། །དེ་ནི་དཀའ་ཐུབ་བདག་ཆེན་ཡིན་ཞེས་བྱ་སྟེ། འདིར་མི་རྟོག་པའི་སེམས་ཀྱིས་འཇིགས་པ་མེད་པར་རྟེན་དང་བརྟེན་པ་ཐམས་ཅད་སྐྱེ་མེད་དུ་ཤེས་པ་ནི་དཀའ་ཐུབ་ཆེན་པོ་ཞེས་བྱའོ། །དེ་ལྟར་སྤྱོད་ཅིང་ཡང་དང་ཡང་དུ་གུས་པ་དང ་རྒྱུན་མི་འཆད་པ་ལ་སོགས་པའི་ཚུལ་གྱིས་རྒྱུན་མ་ཆད་པར་བསྒོམ་པར་བྱའོ། །དེས་ཀྱང་སྐྱོན་སེམས་དབུགས་དབྱུང་བའི་ཕྱིར་བཟླས་པ་བྱ་སྟེ། ཨོཾ་ཤྲཱི་བཛྲ་ཞེས་བྱ་བ་ལ་སོགས་ཏེ། འདིར་སྙིང་བསྐུལ་བར་བྱེད་པས་སྙིང་པོ་སྟེ། སྙིང་རྗེས ་ཤེས་རབ་དང་ཐབས་ཤེས་རབ་དབྱེར་མེད་པའི་བྱང་ཆུབ་ཀྱི་སེམས། །དེ་ལ་སེམས་སྐུལ་བར་བྱེད་པས་སྙིང་པོ་དང། སེམས་ཉེ་བར་བསྐུལ་བས་ཉེ་བའི་སྙིང་པོའོ། །དེ་ཉིད་ཀྱིས་འཇིག་རྟེན་པའི་སེམས་ལས་སྐྱོབ་པས་གསང་སྔགས་ཞེས ་བྱའོ། །དེ་ལྟར་ཡང་དང་ཡང་དུ་བསྐུལ་བས་ཤེས་རབ་ཁྱད་པར་ཅན་སྐྱེ་བས་རིག་སྔགས་སོ། །བྱང་ཆུབ་ཀྱི་སེམས་མི་བརྗེད་པའི་དྲན་པ་སྐབས་གཟུགས་སྔགས་ཞེས་བྱའོ། །དེ་ལྟར་སྔགས་འགྲུབ་པའི་རྒྱུ་དང་མི་འགྲུབ་བའི་རྒྱུ་གཉིས་སུ ་སློབ་དཔོན་དགྲ་ལས་རྣམ་རྒྱལ་གྱིས་བཤད་དེ། ལེ་ལོའི་ཉེས་པ་ཕན་མན་གདམས་ངག་དང། །སྤྲོ་བ་ཉམས་དང་ཡུལ་ལ་ཆགས་པ་དང། །ངད་པ་དང་བྲེལ?་དགེ་བའི་རྩ་བ་ཉམས། །དེ་དག་ཐུབ་པའི་བཀའ་ནི་འགྲུབ་མི་འགྱུར་ཞེS ་སོ། །འདིར་སྨད་པ་དང། སྙོམས་ལས་ཀྱིས་བྱང་ཆུབ་སེམས་ཀྱི་དྲན་པ་ཤོར་བ་དང། འདིའི་འབྲས་བུ་ལ་དམིགས་པས་ཕྱི་མ་ལ་ཕན་པའི་མཚན་ཉིད་དང་མི་ལྡན་པ་དང། ཡུལ་བྱང་ཆུབ་ཀྱི་སེམས་ལ་ཧསྤྲོ་བ་མེད་པ་དང། འཇིག་རྟེན་པའི ་ཆོས་ལ་སེམས་ཤོར་ཏེ་ཆགས་པོ་དང། བྱང་ཆུབ་ཀྱི་སེམས་ལ་འདོད་པ་དང། དད་པ་དང། ཡིད་ཆེས་པ་མེད་པ་དང། དམ་ཚིག་དང། སྡོམ་པ་ཉམས་པ་རྣམས་སོ། །བཟློག་པས་ལེ་ལོ་མེད་པར་བྱང་ཆུབ་ཀྱི་སེམས་མ་བརྗེད་པ་དང་ཕྱི་ ་མའི་འབྲས་བུ་ལ་དམིགས་པ་དང། སྤྲོ་བ་དང་བཅས་པ་དང། ཡུལ་ལ་སེམས་མ་ཤོར་བ་དང། བྱང་ཆུབ་ཀྱི་སེཾས་ལ་དད་པ་དང། སྡོམ་པ་ལ་སོགས་པ་དང་ལྡན་པའོ། །དེ་ལྟར་འགྲུབ་པའི་རྒྱུ་དང་ལྡན་པས་ཇི་སྲིད་མི་སྐྱོབ ་དེ་སྲིད་དུ་བཟླས་པར་བྱའོ། །དྲན་པའི་རྟེན་བཟླས་པའི་ཐབས་དུ་མ་ནི་བློ་དམན་རྣམས་ལ་ཕན་པ་སྟེ་གོ་སླའོ། །དེས་ཀྱང་སྐྱོན་རྐང་པ་བརྒྱད་པའི་གསང་སྔགས་མཆོད་ཅེས་བྱ་སྟེ། སྒྱུ་མ་ལྟ་བུའི་བློ་དང་མ་བྲལ་བར་མཆོད་པ་དང། གླུ?་དང ་བསྟོད་པ་ལ་སོགས་པ་བྱ་སྟེ། དགེ་བའི་རྩ་བ་རྫོགས་པའི་བྱང་ཆུབ་ཏུ་བསྔོ་བ་བྱས་ལ་གཞལ་ཡས་ཁང་ཚུན་ཆད་རིམ་གྱིས་བསྡུས་ལ། ཐ་མ་ཞལ་གཅིག་ཕྱག་གཉིས་པའི་ཡུམ་དང་བཅས་པར་ལངས་པ་སྟེ། དེའི་ཕྱིར་དེ་ལྟར ་བདག་ཉིད་རྣམ་པར་བསམས་ཏེ་ཞེས་བྱའོ། །དེས་ཅི་བྱ་ཞེ་ན། ཚམ་རྔམ་སྔགས་ཀྱིས་ངེས་པར་བསྲུང་ཞེས་བྱ་སྟེ། གོ་ཆའི་སྔགས་དང་ཧཱུཾ་བཞི་པོས་བསྲུང་བར་བྱའོ། །དེ་ཡང་ལེའུ་དགུ་པ་ལས། བསྡུས་པ་སྦྱོང་ཚུལ་ཁྱད་པར་གྱིས། །རྣལ་འབྱོར? ་སྦྱོར་དང་བྲལ་མི་བྱ། །སྤྱོད་པའི་རྣལ་འབྱོར་པ་འདི་ཡིན་ཞེས་གསུངས་པའི་ཕྱིར་རོ།། །།ད་ནི་སྤྱོད་ལམ་གྱི་རྣལ་འབྱོར་བསྟན་པའི་ཕྱིར། ཚངས་པར་སྤྱོད་པ་རྟག་གྱུར་ན། །ཞེས་བྱ་བ་ལ། ཚངས་པའི་སྤྱོད་པ་ནི་བྱང ་ཆུབ་ཀྱི་སེམས་སོ། །རྟག་པ་ནི་དེ་ལ་བློ་བརྟན་པར་གྱུར་པའོ། །དེའི་སྤྱོད་པ་ནི་གཉིས་ཏེ། །སྔགས་ཀྱིས་སྤྱོད་པ་ལམ་དང་མཐུན་པ་དང། ཀུན་ཏུ་སྤྱིད?་པ་ཐོབ་པ་དང་མཐུན་པའོ། །དང་པོ་ནི་རྟེན་གཉིས་ཀས་ཀྱང་ཐེག་པ་ཆེན་པོ་ལས་བྱ་བ་དང ་བྱ་བ་མ་ཡིན་པ་གནང་བ་དང་བཀག་པ་ཇི་ལྟར་བྱ་བ་དང་མཐུན་པར་སྤྱོད་པའོ། །ཇི་ལྟར་སྤྱད་པ་བསྟན་པའི་ཕྱིར། །འཇིགས་སྤ་ཐམས་ཅད་རྣམ་སྤངས་ཏེ། ཞེས་བྱ་བ་ལ་སོགས་པ་ལ། འཇིགས་པ་ནི་དུང་བ་དང་མི་དུང་བ་ལ ་སོགས་པའི་བློ་སྤངས་པའོ། །འོ་ན་ཡེ་མི་སྤྱད་དམ་ཞེ་ན། བློ་ལྡན་སེངྒེ་བཞིན་དུ་བྱ་བར་འབྲེལ་ཏེ། སེངྒེ་དེ་སྩལ་དང་ལྡན་པ་དང། བག་ཚབ་མེད་པ་དང། གཞན་སྐྲག་པར་བྱེད་པའི་ཆོས་དང་ལྡན་པ་སྟེ། དེ་བཞིན་དུ་རྣལ་འབྱོར་པས་ཀྱང་བཟོད ་པའི་གོ་ཆ་དང། ཤེས་རབ་ཀྱི་མཚོན་དང་བརྩོན་འགྲུས་ཀྱི་དཔའ་དང་ལྡན་པས་སྤྱད་དོ། །དེའི་ཕྱིར་དེ་ལྟར་བདག་ཉིད་རྣམ་བསམས་ཏེ། འཁོར་ལོ་བདེ་མཆོག་བདེ་བའི་མཆོག་།བློ་ལྡན་ཆོ་ག་རྣམ་པར་སྤྱོད། །ཅིས་བྱ་སྟེ། ཆོས་གསུམ་དང་ལྡན་པས་སྤྱོད ་པའོ། །རིག་ལྔ་དག་ཏུ་ཀུན་སྤྱོད་པ། །ཞེས་བྱ་བ་ནི་ཐ་མལ་པ་དང། ཕ་རོལ་ཏུ་ཕྱིན་པའི་ལམ་དུ་ཞུགས་པའི་རྣལ་འབྱོར་པ་རྣམས་ནི་རིགས་ཐ་དད་དུ་འཛིན་པ་ལས་མ་ལོག་པར་སྤྱོད་པ་ཡིན་ལ། རྡོ་རྗེ་ཐེག་པའི་རྣལ་འབྱོར་པ་ནི་རིགས་ཐ་དང་ལས་བློ་བཟློས?་སུ? ་གསང་ཆེན་རིགས་གཅིག་ཏུ་ཤེས་པའོ། །དེའི་ཕྱིར་འདོག?་ཡོན་ལ་སྤྱང་དུ་ཡང་གནང་ངོ?། །ཇི་ལྟར་སྤྱད་ཅེ་ན། རྣམ་པར་མི་རྟག་བདག་ཉིད་སེམས། །ཤེས་བྱ་སྟེ། འཇིགས་པ་མེད་དེ་མི་རྟོག་པའི་སེམས་ཀྱིས་སོ། །གང་ལ་ཞེ་ན། འདོད་ཡོན་ལའོ། །ཇི ་ལྟར་སྤྱོད་པའི་དོན་འདི་ཉིད་རྡོ་རྗེ་མཁའ་འགྲོ་ལས། ལས་རྣམས་ཀུན་ལ་ཐབས་བཅས་ཤིང། །དོགས་པ་མེད་པར་གང་སྤྱོད་པ། །རྣམ་པར་མི་རྟོག་བསྒོམས་པ་ནི། །བརྟུལ་ཞུགས་རྣམས་ཀྱི་མཆོག་གི་མཆོག་།ལས་རྣམས་ཀུན་ལ་ཀུན་ཏུ་ནི།། ་རྣམ་པར་མི་རྟོག་སྒོམ་བྱེད་ཅིང། །དོགས་པ་མེད་པར་ཀུན་ཏུ་སྤྱོད། །དེ་ནི་དཀའ་ཐུབ་རྣམས་ཀྱི་མཆོག་།ཐེ་ཚོམ་མེད་པའི་སེམས་ཀྱིས་ནི། །སྐྲ་ཟླ་ལ་སོགས་རྗེས་དངོས་ཀྱི། །ཡུལ་རྣམས་མ་ལུས་བསྟེན་བྱེད་པ་དཀའ་ཐུབ་ཤིན་ཏུ་འདའ་?་? ་ཞེས་གསུངས་པས། དེ་ལ་འདིར་ལས་རྣམས་ནི་ཞི་བ་ལ་སོགས་པ་དང། ཕྱག་དང་མཆོད་པ་ལ་སོགས་པ་རྣམས་སྐྱེ་མེད་དུ་ཤེས་པའི་ཚུལ་གྱིས་སྤྱད་པའོ། །དཔེར་ན་མེ་ཡི་མཚན་ཉིད་དུ་སྐྱེས་ཕན་ཆད་མཚན་ཉིད་ཚ་ཞིང་བྱེད་པ་བསྲེག ་ཁ་དོག་དམར། དེ་བཞིན་དུ་ཕྱི་ནང་གི་དངོས་པོ་ལ་བརྟེན་ནས་ཤེས་རབ་སྐྱེས་ཕན་ཆད་མཚན་ཉིད་སྐྱེ་མེད། བྱེད་པ་ཉོན་མོངས་པ་མི་སྐྱེ་བ་དང། དེ་ཁོ་ན་གསལ་བའོ། །དེའི་ཕྱིར་དོགས་པ་ཐམས་ཅད་ཅེས་བྱ་བ་གོ་བར ་ཟད་དོ། །དེ་ནས་ཡང་ཐུན་མཚམས་སུ་སྔ་མ་ལྟར་མི་རྟག་པ་ནས་བྱང་ཆུབ་ཀྱི་སེམས་ཀྱི་བར་དང། རྟེན་དང་བརྟེན་པ་སྐད་ཅིག་གིས་བསམས་ལ་དབང་དང། མཆོད་པ་དང། བདུད་རྩི་མྱང་བ་དང། དགའ་བ་བརྩམས་པ་བྱས་ལ་སྔ་མ་ལྟར་བསྒོམ་པར ་བྱའོ། །ཐུན་ཐ་མ་ལ་བསྡུ་བའི་ཐབས་ཀྱིས་འོད་གསལ་དུ་མོས་པས་ཉལ་ལ་ནང་པར་དེ་ལས་ལངས་ཏེ་སྔ་མ་ལྟར་བསྒོམ། དེ་ནི་ཀུན་རྫོབ་དང་འདུས་བྱས་དང། སྒྱུ་མ་དང་བསྐྱེད་པའི་རིམ་པ་སྟེ། དམིགས་པ་དང་བཅས་པའི་ཤེས་རབ་དང་དེ་བཞིན ་གཤེགས་པའི་དབུགས་དབྱུང་བསྟན་པའོ།། །།ང་ནི་དམིགས་པ་མེད་པའི་ཤེས་རབ་ཀྱིས་ཡུལ་རྫོགས་པའི་རིམ་པ་བསྟན་པའི་ཕྱིར། ཟླ་བའི་ཞེས་བྱ་བ་ལ་སོགས་པ་ལ། འདིར་ཕོ་ཉའི་ལམ་ནི་བླ་མ་ལས་ཤེས་པར་བྱའོ། ། ་དེ་ལས་གཞན་པའི་དབང་དུ་བྱས་ནས། ཏིང་ངེ་འཛིན་སེམས་དཔའ་ཨི་འོད་ཀྱི་སྣོད་བཅུད་བསྡུས་ཏེ་ཚུར་འདུས་པས་བསྲུང་བའི་འཁོར་ལོ་ལ་སོགས་པ་གཙོ་བོ་ལ་ཐིམ། གཙོ་བོ་ཡབ་ཡུམ་ཡེ་ཤེས་སེམས་དཔའ་ལ་ཐིམ་ནས། དེའི་མཚན་ཉིད ་བསྟན་པའི་ཕྱིར། ཟླ་བའི་དཀྱིལ་འཁོར་ཞེས་བྱ་བ་ལ་དེ་ཡང་ཟླ་བའི་དཀྱིལ་འཁོར་ལ་བཞུགས་པའོ། །ཡི་གེའི་མཆོག་ནི་ཏིང་ངེ་འཛིན་སེམས་དཔའ་ཨོ། །དེ་ལྟ་བུའི་སྐུ་གསུང་ཐུགས་རྡོ་རྗེ་ཅན་ཏེ་ཡེ་ཤེས་སེམས་དཔའ་ཨོ། །དེ ་ཡང་ཡུམ་ཡབ་ལ་ཐིམ། ཡབ་ཡི་གེ་ལ་ཐིམ། ཡི་གེ་ཡང་རིམ་གྱིས་ཐིམ་པར་བསམས་ཤིང། སེམས་གཏང་པར་བྱའོ། །དེ་ནི་གཟུགས་ལས་འདས་པ་ནི་སེམས་སྣང་བ་གསུམ་རིམ་གྱིས་ཐིམ་པར་བསམ་མོ། །དེའི་མཚན ་ཉིད་བསྟན་པའི་ཕྱིར། །དངོས་པོ་མེད་པའི་སེམས་ཉིད་ཡིན་ཞེས་བྱའོ། །དེ་ཡང་བསམ་གྱིས་མི་ཁྱབ་བསམ་ནི་འོད་གསལ་དུ་བསྒོམ་པའོ། །སེམས་ཉིད་བརྟག་པར་མི་བྱའོ་ཞེས་བྱ་བ་ནི། དེ་ལ་སེམས་བཞག་པ་ཐབས་དང་དཔེ་དང་ཉམས་བསྟན་པའོ ་དེ། མན་ངག་ནི་འདི་ཡིན་ཏེ། རྒྱུ་ཀུན་རྫོབ་འབྲས་བུའི་དོན་དམ་པ་ལ་གཞུག་པའི་ཕྱིར་ཏིང་འཛིན་སེམས་དཔའ་ལས་འོད་ཟེར་ལྔ་སྤྲོས་པས་འདུས་བྱས་གྱི་དངོས་པོ་ཐམས་ཅད་འོད་ལྔར་བཞུ་སྟེ། དེ་ཡང་འདུས་པ་ལས། བསྲུང་བའི་འཁོར་ལོ ་ལ་ཐིམ་དེ་གཞལ་ཡས་ཁང་ལ་ཐིམ། དེ་བཀའ་བསྒོ་བརྒྱད་ལ་ཐིམ། དེ་ནས་སྐུ་གསུང་ཐུགས་ལ་རིམ་གྱིས་ཐིམ་པ། མཁའ་འགྲོ་མ་བཞི་ལ་ཐིམ་པར་བསམ་དེ་གཙོ་བོའི་ཞལ་བཞི་ལ་ཐིམ། གཙོ་བོ་ཡབ་ཡུམ་ཡེ་ཤེས་སེམས་དཔའ་ལ ་ཐིམ། དེ་ཏིང་ངེ་འཛིན་སེམས་དཔའ་ལ་ཐིམ། དེ་ཡང་རིམ་གྱིས་ཇེ་ཕྲ་ཇེ་ཕྲ་བསམས་ཏེ། སེམས་བསྒྲིམས་ལ་ཕྲ་བར་གཏད་དེ་བསྒོམ་པར་བྱའོ། །སེམས་དེ་ཡང་འོད་གསལ་བ་རྣམ་པར་ཤེས་པ་གསུམ་དང་བྲལ་བ་ཤེས་རབ་ཀྱི་ཕ་རོལ་ཏུ ་ཕྱིན་པའི་ངོ་བོ་ལུས་དང། ངག་དང་སེམས་མེད་པ། ལས་དང་སྐྱེ་བ་ལས་གྲོལ་བ། ཟླ་བ་དང་ཉི་མ་དང། མེ་དང་ནོར་བུའི་འོད་ལྟར་ཤིན་ཏུ་གསལ་བ། རྟག་ཏུ་གསལ་པའི་མཚན་ཉིད་ཅན། དེ་ལ་བཞག་ཐབས་ལྔ་དང། དཔེ་དང་ཉམས་དང་ལྡན ་པར་བསྒོམ་པར་བྱ་སྟེ། ཞིབ་ཏུ་བླ་མ་ལས་ཤེས་པར་བྱའོ། །དེ་ནས་དོན་དམ་པ་དང་འདུས་མ་བྱས་དང། རྫོགས་པའི་རིམ་པ་དང། རྡོ་རྗེ་འཆང་གི་དབུགས་དབྱུང་དང། དམིགས་མེད་པའི་ཤེས་རབ་ཀྱི་ཡུལ་བསྟན་པའོ། །ང་ནི་གཉིས་སུ་མེད ་པའི་ཕྱག་རྒྱ་ཆེན་པོ་ཟུང་འཇུག་བསྟན་པའི་ཕྱིར། བསམ་གྱིས་མི་ཁྱབ་དེ་བསམས་ནས། ཞེས་བྱ་བ་ལ་སོགས་པ་ལ་བསམ་གྱིས་མི་ཁྱབ་པ་ནི་འོད་གསོལ། །འོད་གསལ་པའི་ངང་ལས། སྔར་གྱི་རྒྱུ་མ་ལྟ་བུའི་ལྷའི་སྐུའི་དྲན་པ་ཐོབ་པ་ལ ་གཟུངས་ཞེས་བྱའོ། །གཟུངས་ཐོབ་པ་ནི་སྒྱུ་མ་ལྟ་བུའི་སྐུ་ལངས་པའོ། །ཁ་ཊཝཱཾ་ག་ནི་ལྷའི་སྐུ་ཞེས་བྱ་བ་ལ་སོགས་པ་ནི་སྤྱོད?་པའི་མན་ངག་བསྟན་པ་སྟེ་རྒྱུད་དུ་ཤེས་པར་བྱའོ། །དེ་ཉིད་རྒྱས་པར་བསྟན་པ་ནི། མྱ་ངན་འདས་བྱུང ་དཔའ་བ་རྣམས། ཞེས་བྱ་བོ་ལ་སོགས་པ་ལ། མྱ་ངན་ལས་འདས་པ་ནི་འོད་གསོལ་ལོ། །དེ་ལས་བྱུང་བའི་དཔའ་བོ་ནི་ཉི་ཤུ་རྩ་ལྔའོ། །བརྡ?་ལག་ནི་དྲུག་ཅུ་སྟེ་ཐབས་ཤེས་རབ་ཀྱི་ལྷ་དྲུག་ཅུ་རྩ་གཉིས་སོ། །དེ་གང་ལ་བརྟེན་ནས་ཞེ་ན། སེམས་གསུམ ་རླུང་དང་བཅས་པ་ལས་སྤྲུལ་པའོ། །དེ་ཡང་དོན་དམ་པའི་བདེན་པའི་སྤྲུལ་པ་ཕག་མོའི་གཟུགས་སུ་བསྟན་ལ། ཀུན་རྫོབ་ཀྱི་བདེན་པ་སྤྲུལ་པ་གཙོ་བོ་ལ་སོགས་པའོ། །དེ་གཉིས་མེད་དུ་བསྟན་པའི་ཕྱིར། །ཤྲཱི་ནི་གཉིས་མེད་ཡེ་ཤེས་ཏེ། ་ཞེས་བྱ་བ་ལ་སོགས་པ་ལ། གཉིས་མེད་ཡེ་ཤེས་ནི་ཟུང་འཇུག་གོ་།སྒྱུ་སོགས་ནི་བདག་དང་གཞན་དང་གཉིས་དང་རྒྱུ་མེད་པ་ལས་སྐྱེ་བ་རྣམ་པར་སྤངས་པའོ། །ཚོགས་ནི་གནས་པ་འཇིག་པའི་ཚོགས་དང་བྲལ་པའོ། །གང་དཱུང་མི་གནས་པ་ནི ་མཛའ་གཉིས་ལ་མི་གནས་པ་སྟེ་ཕྱག་རྒྱ་ཆེན་པོ་ཟུང་འཇུག་གོ་།དེ་ལ་མན་ངག་ནི་འདི་ཡིན་ཏེ། འོད་གསལ་བའི་དང་ལ་སེམས་གནས་པར་ནུས་ཚད་གཏང་དེ་བསྒོམས་ལ་དེའི་ངང་ལ་སྐད་ཅིག་གིས་སྒྱུ་མ་ལྟ་བུའི་ལྷར་ལངས་ལ། དེ་ལ ་ཤེས་རབ་ཀྱིས་དཔྱད་ཅིང་གོམས་པར་བྱའོ།། །།ད་ནི་ཏིང་ངེ་འཛིན་དེའི་ཕན་ཡོན་བསྟན་པའི་ཕྱིར། སེམས་ལ་རྣམ་གནས་རྣལ་འབྱོར་པ། ཞེས་བྱ་བ་ལ། ཕྱག་རྒྱ་ཆེན་པོ་ཟུང་འཇུག་གི་སེམས་ལ་རྣམ་པར་གནས་པའི་རྣལ་འབྱོར ་པ་ལ། མྱ་ངན་ལས་འདས་པ་མི་སྟོན་ཞེས་བྱའོ། །དེ་ལ་རྒྱུ་མཚན་གཉིས་ཏེ། མྱ་ངན་ལས་འདས་པ་སྟེ་འོད་གསལ་འབའ་ཞིག་མི་སྟོན་པ་དང། དོན་དམ་པར་འཆི་བ་མེད་མི་སྟོན་པའོ། །འོད་གསལ་འབའ་ཞིག་མི་སྟོན་པ་ཅི་ཞེ་ན། ་དཔལ་རྡོ་རྗེ་མཁའ་འགྲོ་ལས། གཞན་དུ་གལ་ཏེ་སྦྱོར་བ་ནི། །མཚད་མར་མེ་ལྟ་བུར་འདའ་། ཞེས་གསུངས་པའི་ཕྱིར་རོ། །དེ་ལ་སྐྱོན་ཅི་ཡོང་ཅེ་ན། དེ་ན་མར་མེ་ཤི་བ་ལྟར་རང་བཞིན་གྱི་དོན་གསལ་བ་མེད་པའི་ཕྱིར་རོ། །དེ་བས་ན་བདེན་པ་གཉིས་ཀྱི་ཆུ་ལ ་ལ་གནས་ནས་གཞན་དོན་ཕུན་སུམ་ཚོགས་པ་སྒྲུབ་པའི་ཕྱིར། ཇི་སྲིད་འཁོར་བའི་གནས་སུ་ནི། །མཁས་མཆོག་འདུག་བར་གྱུར་པའི་བར། །དེ་སྲིད་སེམས་ཅན་མཚུངས་མེད་དོན། །མྱ་ངན་ཡི་འདའ་པར་ནི་མཛད། །དེ་ནི་འཇིགས ་པ་སྣ་ཚོགས་པའི་གནས་ཡིན་པའི་ཕྱིར། གནས་མ་ཡིན་ཞེ་ན། གནས་ཀྱང་མི་གནོད་པའི་ཕྱིར། དེ་ལྟར་སེམས་ཅན་དམ་བ་རྣམས། །སྲིད་པའི་ཞགས་པས་འཇིགས་མེད་པར། །མི་སྐྱོ་བར་ནི་བརྩོན་འགྲུས་ཀྱིས། །རྟག་ཏུ་སེམས་ཅན་རྣམས ་དོན་མཛད་ཅེའོ། །དེ་ཡང་ཇི་སྲིད་དུ་ཞེ་ན། ནམ་མཁའ་གནས་པའི་མཐར་ཐུག་པའོ། །ཅི་བྱེད་ཅེན། སྨོན་ལམ་རྣམ་པར་སྦྱོང་བྱེད་པའི། །སེམས་ཅན་དོན་བརྩོན་སེམས་ཀྱིས་ནི། །དཔའ་བོ་སྲིད་པ་སྦྱོར་བར་མཛད་ཅེའོ། །འཆི་བ་མེད་པ་ནི་དེ་ཁོ་ན ་ཉིད་མཐོང་བས་རྟག་ཆད་ལ་སོགས་པའི་ལྟ་བ་འགགས་པའི་ཕྱིར། འཆི་བ་མེད་པ་སྟེ། དེའི་རྒྱུ་དེ་ཡིན་པའི་ཕྱིར་རོ། །འོ་ན་ཀུན་རྫོབ་ཏུ་ཡང་འཆི་བ་མེད་དམ་ཞེན། ཐ་སྙད་དུ་ཡོད་པར་བསྟན་པའི་ཕྱིར། འཕོ་བའི་ཚེ་ན་ཞེས་བྱ་བ་ལ་སོགས་པ ་ལ། ཕུང་པོ་ལ་སོགས་པ་ནི་ཕ་རོལ་ཏུ་མི་འཕྲོ་སྟེ། རྟག་པའི་སྐྱོན་དུ་ཐལ་བའི་ཕྱིར་རོ། །ཕ་རོལ་འཆི་བ་ལས་གཞན་ཡང་ཡིན་ཏེ། རྒྱུ་མེད་པའི་ཉེས་པར་ཐལ་བའི་ཕྱིར་རོ། །འོ་ན་ཅི་ཞེ་ན། དེ་ཉིད་དང་གཞན་དུ་བརྗོད་དུ་མེད་པ་སྟེ། དཔེར་ན་མར ་མེ་ལས་མར་མེ་དང་ཞེས་བྱ་བ་ལ་སོགས་པ་བཞིན་ནོ། །དེ་ཡང་གསེར་འོད་དམ་པ་ལས། །སངས་རྒྱས་མྱ་ངན་མི་འདའ་ཞིང། །ཆོས་ཀྱང་ནུབ་པར་མི་འགྱུར་ཏེ། སེམས་ཅན་རྣམས་ནི་འདུལ་བའི་ཕྱིར། །མྱ་ངན་འདའ་བར་བསྟན་པ་ཡིན། ཞེས ་བ་དང། ལང་ཀར་གཤེགས་པ་ལས་ཀྱང། འདི་ལ་གང་ཡང་རྐྱེན་རྣམས་ཀྱིས། །སྐྱེ་བ་མེད་ཅིང་འགག་པ་མེད། །བརྟགས་པའི་རྐྱེན་རྣམས་ཁོ་ན་ནི། །སྐྱེ་ཞིང་འགག་པར་འགྱུར་པ་ཡིན། །ཞེས་གསུངས་པའི་ཕྱིར། རེ ་ཞིག་འཕོ་རྣམ་པར་དག་པ་བརྗོད་པར་བྱའོ། །འདིར་གོང་མ་ལྟ་བུའི་རྣལ་འབྱོར་པ་དེ་ཁམས་གོང་མ་གཉིས་སུ་ཡིད་ཀྱི་རང་བཞིན་གྱི་ལུས་ཀྱིས་འཕོས་ནས་དོན་བྱེད་པ་སྟེ། དེ་ཡང་རྟག་ཏུ་འདོད་པས་མྱོས་པ་ཡིས། །ལྷ་ཡི་བུ་འདི ་རྣམས་དང་ནི་ཞེས་གསུངས་པའི་ཕྱིར། ཇི་ལྟར་འཕོ་ཞེ་ན། འཕོ་བའི་ཚེ་ན་རྣལ་འབྱོར་པ་ཞེས་བྱ་བ་ནི་རྟེན་འདི་འདོར་བའོ། །གང་ཞེ་ན། བདེན་པ་གཉིས་ལ་གནས་པའི་རྣལ་འབྱོར་པ་སྟེ། གང་གིས་སྤྱན་འདྲན་ཞེ་ན། དཔལ ་ལྡན་ཁྲག་འཐུང་ལ་སོགས་ཏེ། དཔའ་བོ་ཉི་ཤུ་རྩ་ལྔའོ། །རྣལ་འབྱོར་ནི་སུམ་ཅུ་རྩ་བདུན་ནོ། །དེ་རྣམས་ཀྱི་མེ་ཏོག་ལ་སོགས་པའི་མཆོད་པ་དང། རོལ་མོའི་སྒྲ་དང། རྡོ་རྗེའི་གླུ་དང་བཅས་པའི་ཚིག་ཏུ་ཡང། །འཆི་བ་ཞེས་པ་རྣམ་རྟོག ་སྟེ། ཞེས་བརྗོད་ཅིང། མཁའ་སྤྱོད་དུ་སྤྱན་འདྲེན་པར་བྱེད་དོ། །དེར་ཡིད་ཀྱི་ལུས་ཀྱིས་ལྷའི་བུ་ཆགས་པ་ཅན་རྣམས་ཀྱི་དོན་བྱས་ནས། ཡང་འདིར་འོངས་ནས་སྐྱེ་བོ་ཆགས་པ་ཅན་གྱི་འདོད་ཆགས་དག་པར་བྱ་བའི་ཕྱིར་ཡང་སྲིད་པ་ལེན ་པར་བྱེད་དོ། །བདེ་བས་ན། གཞན་ཡང་སྐྱེ་བོ་ཆགས་ཅན་ཕྱིར། །འདོད་ཆགས་ཐམས་ཅད་དག་པར་མཛད་ཅེས་པ་དང། དེའི་ནང་དཱུང་མངོན་ཞེན་དང། །གང་དཱུང་གནས་པ་ཡང་མ་ཡིན་ཞེས་བྱའོ།། །།འོ་ན་ཆོས ་ཐམས་ཅད་བདེན་པ་གཉིས་དང་མི་ཕྱེད་པ་ཟུང་འཇུག་ཏུ་རྟོགས་ནས། དེ་གོམས་པར་བྱེད་པ་ལ་འཇིག་རྟེན་པའི་སེམས་ལ་སོགས་པ་འབྱུང་ངམ་མི་འབྱུང་ཞེ་ན། དེ་ལྟར་ཡང་དག་འབྱུང་མོད་ཀྱི་ཞེས་བྱ་བ་ལ་སོགས?་པ་ལ། ་དེ་ལྟར་ཞེས་བྱ་བ་ནི་འཇིག་རྟེན་ཕལ་པ་ལ་ཇི་ལྟར་འབྱུང་བ་དེ་ལྟར་ཡང་དག་པར་འབྱུང་མོད་ཀྱི་འོན་ཀྱང་འདོད་པར་བྱ་བར་འབྲེལ་ལོ?། །འདོད་པར་བྱ་བ་ཅི་ཞེ་ན། སྒྱུ་མ་ལྟ་བུའི་དངོས་དག་ནི་ཞེས་བྱ་བ་སྒྱུ་མ་ལྟར་སྐྱེ་མེད་དུ་ཤེས་པར་འདོད་པས ་འདོད་པར་བྱ་།ལོངས་སྤྱོད་ཁྱད་འཕགས་སྐྱེ་འགྱུར་བ། ཞེས་བྱ་བ་ནི་སྐྱེ་མེད་དུ་ཤེས་པས་སོ། །བདེ་བའི་ཡོངས་སུ་འགྱུར་བཞིན་པས། ཞེས་བྱ་བ་ནི་ཕལ་པ་ལྟར་སྡུག་བསྔལ་གྱི་རྒྱུར་མི་འགྱུར་བས་སོ། །འབྲས་བུ་ཁྱད་འཕགས་ཐོབ ་འགྱུར་བས་ནི་ཞེས་བྱ་བ་ལ། འབྲས་བུ་ལ་གཉིས་ཏེ་ཤེས་རབ་གསུམ་གྱི་འབྲས་བུ་གོང་ནས་གོང་གི་རྟོགས་པ་ཡིན་ལ། མཐར་ཐུག་གི་འབྲས་བུ་རང་གཞན་གྱི་དོན་ཕུན་སུམ་ཚོགས་པའོ། །དེའི་ཕྱིར་ན་འདོད་པར་བྱ་ཞེས་བྱའོ། །དེའི ་ཕྱིར། དེ་ལྟར་ཡང་དག་འབྱུང་མོད་ཀྱི། །སྒྱུ་མ་ལྟ་བུའི་དངོས་དག་ནི། །ལོངས་སྤྱོད་ཁྱད་འཕགས་སྐྱེ་འགྱུར་བ། །བདེ་བའི་ཡོངས་སུ་འགྱུར་བཞིན་པས། །འབྲས་བུ་ཁྱད་འཕགས་ཐོབ་འགྱུར་བས། །ཅི་ཡི་ཕྱིར་ན་འདོད་མི་བྱ་ཞེས་བྱའོ། ་ད་ནི་ལམ་ཁྱད་པར་ཅན་ལ་གནས་པའི་ཕན་ཡོན་དང། རྒྱུ་འབྲས་ཕྱིན་ཅི་མ་ལོག་པ་ལ་གདམས་པ་བསྟན་པའི་ཕྱིར། མཁའ་འགྲོ་ལས། བསྒོམ་པ་ཁྱད་པར་ཅན་གང་ཞིག་།གོམས་པའི་སྟོབས་ནི་རྫོགས་པ་ན། །ཡིད་འོང་བདེ་བའི ་འབྲས་བུ་ནི། །བླ་མེད་གསལ་བ་བློ་ཡི་མཐུ། ཞེས་པ་ལ། སྒོམ་པ་ཁྱད་པར་ཅན་ནི། མི་མཐུན་པ་དང་གཉེན་པོར་རོ་གཅིག་པར་ཤེས་པའོ། །གོམས་པའི་སྟོབས་ཤེས་རབ་གསུམ་རིམ་གྱིས་གོམས་པའོ། །རྫོགས་པ་ནི་ཁྱད་པར་དུ་གྱུར ་པའོ། །བདེ་བའི་འབྲས་བུ་ནི་གནས་སྐབས་དང་མཐར་ཐུག་གི་འབྲས་བུའོ། །དེ་ལྟ་བུའི་བླ་ན་མེད་པའི་འབྲས་བུ་གསལ་བ་ནི་བློ་སྟེ་ཤེས་རབ་ཀྱི་མཐུའོ། །དེའི་ཕྱིར་བསམ་པ་དང་བསྒོམ་པའི་ཤེས་རབ་ལ་ནན་ཏན་གྱིས་བསྒྲུབས་ཤིག་པའོ། ། ་རྒྱུ་འབྲས་མ་ནོར་བ་ལ་གདམས་པ་ནི། འབྲས་བུ་དོན་གཉེར་རྒྱུ་བསྒྲུབས་ན། །དེར་ནི་ལྷ་མོ་སུ་ཞིག་འགོག་།ཞེས་བྱ་བ་ལ། སངས་རྒྱས་དོན་དུ་གཉེར་བར་རྒྱུ། ཤེས་རབ་གསུམ་ཕྱིན་ཅི་མ་ལོག་པར་བསྒྲུབས་ན་དེར ་འབྲས་བུ་ལ་གེགས་མེད་པའི་ཕྱིར་བཅོམ་ལྡན་འདས་དཔལ་ཧེ་རུ་ཀས་མ་རྡོ་རྗེ་ཕག་མོ་ལ་བོས་ནས་གདམས་པའོ། །དེའི་ཕྱིར། དེ་བས་འབད་པ་ཐམས་ཅད་ཀྱིས། །ཀུན་ཏུ་འགྲོ་མ་མཆོད་པར་བྱ། །ཞེས་བྱ་སྟེ། ཤེས་རབ་གསུམ ་ལ་ནན་ཏན་དུ་གདམས་པའོ། །མཐུན་པའི་རྐྱེན་མ་ཚང་བ་ནི་མི་འགྲུབ་པའི་རྒྱུ་ཡིན་པས། དེའི་ཕྱིར་དཀའ་ཐུབ་སྡོམ་པ་མི་བཟད་པས། །ལུས་ནི་བསྐམས་ཤིང་སྡུག་བསྔལ་འགྱུར། །སྡུག་བསྔལ་གྱིས་ནི་སེམས་གཡེངས་ན། ། ་གཡེངས་པས་དངོས་གྲུབ་གཞན་དུ་འགྱུར། །ལུས་དང་སེམས་ནི་བརྟན་འགྱུར་ན། །བདེ་བ་ཐམས་ཅད་བརྟན་འགྱུར་བ། །སྡུག་བསྔལ་གྱིས་ནི་གཡོ་འགྱུར་བས། །ཤིན་ཏུ་འགོག་པར་འགྲོ་བར་འགྱུར། །དེས་ན་ལུས་དང་ངག ་སེམས་རྣམས། །བརྟན་པར་བྱས་ན་བྱང་ཆུབ་འཐོབ། །གཞན་དུ་དུས་མིན་འཆི་བ་དང། །དམྱལ་བར་ངེས་པར་བསྲེག་པར་འགྱུར། །ཞེས་བཅོམ་ལྡན་རྡོ་རྗེ་ཅན་གྱིས་གསུངས། །ཞེས་བྱ་སྟེ་ཚིག་དོན་ནི་གོ་སླའོ། །ཆོས་ཀྱི་ཕུང་པོ ་བརྒྱད་ཁྲི་དང། །བཞི་སྟོང་གསུངས་པ་གང་ཡིན་པ། །ངེས་དོན་བརྗོད་བྱ་བཀྲོལ་བ་ལ། །འཕགས་དང་མཁའ་འགྲོ་བཟོད་པར་མཛོད། །ངེས་དོན་ཟབ་མོ་བརྒྱུད་པའི་རིམ། །བླ་མའི་ལུང་བཞིན་གསལ་ཕྱེ་བས། །མིག་མེད་ལམ་ནོར ་རྣམས་ཀྱི་ནི། །མིག་འབྱེད་ལམ་རྟོགས་རྒྱུར་གྱུར་ཅིག་།རྣལ་འབྱོར་གྱི་དབང་ཕྱུག་ལཱུ་ཡི་པས་རིགས་དྲུག་པ་ཧེ་རུ་ཀའི་ཐབས་རྩ་བའི་དཀྱིལ་འཁོར་ཆེན་པོ་མཛད་པའི་དོན་རྒྱུད་ལྟར་བཀྲོལ་བ། །མཁས་པ་ཆེན་པོ་དཱི་པཾ་? ་ར་ཤྲཱི་ཛྙཱ?་ནས་མཛད་པ་རྫོགས་སོ།། །།པཎ་ཌི་ཏ་དེ་ཉིད་དང། ལོ་ཙ་བ་དགེ་སློང་ཚུལ་ཁྲིམས་རྒྱལ་པ་མ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། (*། །དཔལ་འཁོར་ལོ་སྔོ་བའི་སྒྲུབ་ཐབས་བཞུགས།)་*། །རྒྱ་གར ་