<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N995: mngon par rtogs pa rnam par 'byed pa zhes bya ba<br><table><tr><td>
<input type="button" onclick="location.href='tcompletep.php?id=N995&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N995&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N995&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">/? bar rtog pa rnam bar dbyed pa bzhugs// rgya gar skad du/ a b+hi so ma ya bi b+hi ga nA ma/ bod skad du/ mdon par rtogs pa rnam par 'byed pa zhes bya ba/ dpal rdo rje mkha' 'gro la phyag 'tshal lo/ /'jig dus bskal
 pa'i me ltar 'bar/ /dag pa rnam pa bcu gnyis ldan/ /bden don rnam pa bcu gnyis ldan/ /he ru ka dpal de la 'dud/ /gang gi drin gyi bde chen gnas/ /skad cig gis ni thob gyur pa/ /bla ma rin chen lta bu yi/ /rdo rje can
 zhabs par? la 'dub/ /ming gi rgyud ni 'bum ste la/ /sdom pa btud par gyur pa yin/ /nam mkha' dang ni mnyam pa'i rgyud/ /'bum gcig nang nas de skad bshad/ /nges don zab mo rim phye yang/ /mig bral nges pa ma rnyed pa/ /nges
 brjod mngon 'byung mkha' 'gro las/ /snying po bsdus pa bdag gis bshad/ /de la 'dir bshad bya nam mkha' dang mnyam pa'i rgyud chen po dang/ /'chang byed rgyud bzhi dang ldan pa'i rnal 'byor ma'i rgyud rnams kyis brjod bya nges don
 lam gyi rim pa ni/ lta ba dang/ bsgom pa dang/ spyod pa rnam par dag pa dang/ sgrub byed dbang dang/ gang gis sgrub pa dang/ gang la bsgrub pa'o/ /shes rab la gnyis te/ dmigs pa dang bcas pa'i shes rab dang/ dmiD
 pa med pa'o/ /shes rab gnyis kyi mthod pa dang/ mthun par de la blo 'jog pa dang/ bzhi pas gnyis med zung 'jug tu rtogs pa bsgrub pa'o/ /de yang bla ma la rag las pas de mnyes pa las thob pa'i phyir ro/ /de ltar bsgrub pas sgrub pa po'i
 gsar ba mngon du song ba'i shes rab ye shes kyis don dam pa dang/ bzhi pas gnyis med zung 'jug tu rtogs pa bsgrub pa'o/ /de yang bla ma la rag las pas de mnyes pa las thob pa'i phyir ro/ /de ltar bsgrub pas sgrub pa po'i
 mtshan nyid du gyur pa ni/ dang po snying rje'i stobs las byung/ /rdzogs pa'i byang chub sems brtan byas/ /bum pa gsang sogs dbang bskur ba/ /bla ma'i drin gyis yang dag thob/ /ces pa la sogs pa'o/ /de yang sgrub pa'i
 gnas dang /grogs dang/ yan lag dang/ tshul ji ltar bsgrub pa'o/ /gnas ni dur khrod la sogs pa'o/ /grogs ni le'u bcu gsum pa las/ ldbang gi lha mo mchod bya ste/ /dpa' bo'i lha mo bka' bsgo skyes/ longs spyod yan
 lag kun spyod ma/ /'khor ba las sgrol gtso bo yin/ /zhes gsungs pa'i phyir/ sgrub pa'i yan lag bstan pa'i phyir/ /dang po re zhig ces bya ba la sogs pa'o/ /tshul ji ltar bsgrub pa ni skye ba med par
 shes pa'i tshul gyis te/ de yang rdo rje mkha' 'gro las/ /gang yang las rnams thams cad la/ /shes rab dang ni sbyar bya ste/ /de yang stong pa'i gnas su sbyar/ /zhes gsungs pas/ las rnams ni 'dir tshangs pa'i gnas
 bzhi bsgom pa la sogs pa'o/ /shes rab dang sbyar ba ni shes rab kyi mig gis blta ba'i yul yin pa'i phyir ro/ /de yang stong pa'i gnas te blo gang gis rnam par skye ba de rten 'brel yin pa'i phyir/ /stong pa nyid du shes pa'i
 tshul gyis bsgom pa'o/ /dang por re zhig ni rnal 'byor pas bya ba'i rim pa bstan pa'o/ /rnal 'byor pa'i dbang phyug ni dbang bzhis snod du byas pa'o/ /tshangs pa'i gnas bzhi ni byams pa la sogs pa'o/ /bsgom pa ni semS
 can thams cad bde ba dang ldan par 'dod pa dang/ gang dag sdug bsngal ba la dmigs nas de dang bral bar 'dod pa dang/ he ru ka'i go 'phang la dgod par 'dod pa dang/ mi dge ba'i phyogs ma lus pa zad par bya ba'i 'jig
 rten dang 'jig rten las 'das pa'i dge ba ma lus pa la dgod par 'dod pa'o/ /da ni 'dir rnal 'byor bsrung ba ste/ rnal 'byor ni 'dir snying rje dang stong pa gnyis med yin par dgongs so/ /gang las bsrung zhe na/ mi mthun pa'i phyogs
 te/ gnod sems dang/ rnam par 'tshe ba dang/ theg pa dman pa la 'dod pa dang/ dge ba'i rtsa ba thams cad zad cing mi 'phel ba'o/ /ji srid de yod pa de srid du sngar byas pa 'jig cing phyis mi skye ba dang/ theg pa chen po'i gnas
 las nyams pa dang/ rnam pa thams cad mkhyen pa nyid du nges par mi 'gyur ba'i phyir ro/ /de nas phung po lnga'i nga rgyal bskyed par bya ste zhes bya ba la/ 'di ltar bdag tu mngon par zhen pa la brten nas par 'dzin pa 'byung la/ bdag
 gi mngon par zhen pa la brten nas nga yir 'dzin par 'gyur bas/ gang gi phyir bdag tu zhen pa med na de'i phyir ngar 'dzin med la/ bdag gir zhen pa med na de'i phyir nga yir 'dzin pa med par 'gyur ro/ /der zhen pa'i gzhi bsgyur ba'i
 phyir gzugs kyi phung po'i rdul phra rab rnams rnam par snang mdzad kyis sbyangs te/ de yang zhal gcig pa phyag gnyis pa pad+ma dang zla ba dang seng+ge'i gdan la bzhugs pa/ g.yas 'khor lo g.yon dril bu dgu la brten pa'o/ /de bzhin du
 phung po bzhi'i tshogs la rdo rje nyi ma/ pad+ma gar dbang/ rdo rje rgyal po/ rdo rje sems dpa' ste/ zhal gcig pa/ phyag gnyis pa/ g.yas rnams ni rang rang gi mtshan ma 'dzin pa/ g.yon pa thams cad na dril bu dkur brten pa/ rta
 dang rma bya dang/ nam mkha' lding dang/ glang po dang/ pad+ma dang/ nyi ma'i gdan la bzhugs pa'o/ /de bzhin gshegs pa thams cad kyi bdag nyid du gyur pa ni dpal he ru ka'o zhes pa la ro'i gdan la bzhugs pa sku mdog nag po
 rdo rje dril bu can no/ /'dir rigs lnga ni phung po lnga la sogs pa bye brag gi dag pa yin la/ he ru ka ni spyi'i dag pa'o/ /gzugs la sogs pa kun rdzob tu sgyu ma lta bu'i lhar dag la/ don dam skye med du dag pa dpal he ru ka'i/ /de yang
 he ni rgyu tshogs rnam par spangs/ /ru ni tshogs dang bral ba nyid/ /ka ni gang duAng mi gnas pa'o zhes gsungs pas/ rgyu la sogs pa ni/ bdag dang gzhan dang gnyis ka las skye ba dang rgyu med pa las skye ba spangs pa'o/ /tshogs ni
 gnas pa dang 'jig pa'i tshogs dang bral ba'o/ /skye ba la sogs pa dang bral ba'i phyir mi gnas pa'i mya ngan las 'das pa'o/ /de bzhin du rdo rje mkha' 'gro las kyang gzugs 'di thams cad stong
 pa nyid/ /stod pa'i tshul gyis mig gis ni/ /dogs pa med par bsgom pa'i mchog /rnam par mi rtog pa yis blta zhes gsungs pas/ phung po dang khams dang skye mched rnams kun rdzob tu sgyu ma lta bu'i ltar bsgom
 la/ /don dam par stong pa nyid do/ /de bzhin du mig la sogs par gti mug rdo rje dang/ zhe sdang rdo rje dang/ /ser sna rdo rje dang/ 'dod chags rdo rje dang/ phrag dog rdo rje dang/ /dbang phyug rdo rje ste/ /dkar po dang/ nag po dang/
 ser po dang/ dmar po dang/ ljang gu dang/ yang dkar po ste/ phyag mtshan ni bdag po dang mthun no/ /yang sa la sogs pa'i khams la ltung byed ma dang/ /gsod byed ma dang/ 'gugs byed ma dang/ gar gyi dbang
 phyug ma dang/ pad+ma'i dra ba can te/ ser mo dang/ nag mo dang/ dmar ser dang/ dmar mo dang sngon mo ste/ rang rang gi dkyil 'khor la bzhugs pa/ zhal gcig pa/ phyag bzhi pa/ g.yas kyi dang po rnams na 'khor lo dang/
 rdo rje dang/ pad+ma dang/ ral gri'o/ /tha ma rnams ni gri gug go /g.yon na thod pa dang kha TwAM ga'o/ /pad+ma'i dra ba can nyi ma la bzhugs pa zhal gsum pa phyag drug pa ste/ g.yas pa gsum na thod pa dang/ /ba TwAM ga dang/
 zhags ba'o/ /g.yon na lcags kyu dang/ tshangs pa'i mgo dang/ gri gug go /de ltar na ma rig pa la sogs pa'i nyon mongs pa 'byin par byed pa dang/ spros pa gsod pa dang/ lha cig skyes pa'i bde pa 'don pa dang/ mi dmiD
 pa'i snying rjes sems can gyi don byed pa'o/ /dbyings dang ye shes dang thabs dang shes rab dbyer med pa'i byang chub kyi sems las lha'i 'khor lo rdzogs par byed pa'i phyir ro/ /de ltar zhes bya ba la sogs pa la/ /gang dag pa phung po la
 sogs pa dang/ /gang gi rang bzhin du dag pa sgyu ma lta bu'i lha dang/ ji ltar dag pa skye med du dag pa'o/ /bdag gir 'dzin pa dag par bya ba'i phyir/ /de nas rdo rje'i ra ba bsam par bya ste/ zhes bya ba la sogs pa la/ bdag
 gi snying gar nyi ma la gnas pa'i hUM 'od zer gyi phreng ba 'phro ba bsams la/ de las 'od zer sna tshogs 'phros pas bdag dang khams gsum pa'i dngos po thams cad sgyu ma ltar skye med du shes par byas nas/ /tshur 'dus pas
 bdag khams gsum rnam rgyal du bsams pa ste/ /bdag gir zhen pa las rnam par rgyal ba'i phyir ro/ /de ltar bdag med pa'i shes rab de'i las dang mtshan nyid bstan pa'i phyir ra ba la sogs pa bsams pa ste/ de yang
 oM sum b+ha la sogs pa'i sngags bzhi phyogs bzhir bsam de las rdo rje'i ra ba gru bzhi pa bsam par bya'o/ /sa gzhi ni hUM las sna tshogs rdo rjer bsams la/ de'i 'od kyi snang bas bla re dang/ gur dang/ mda'i bra ba dang/
 me'i rab bsam par bya'o/ /de nas rdo rje'i ra ba dang me'i ra ba'i bar du shar du khwa gdong /byang du 'ug gdong/ nub tu khyi gdong/ lhor phyag gdong ma bzhi/ mtshams rnams su mtshams ma bzhi/ steng khwa gdong dang 'og khyi
 gdong can bsgom par bya'o/ /de yang le'u bcu 'dun pa las/ /khro bo rnam rgyal la sogs pa/ sgo dang mdza' yi mtshams rnams su/ /sna tshogs 'dul pa'i thabs can gyis /sems can don la brtson par mdzad/ ces pas
 sna tshogs 'dul ba'i thabs ni bud med kyi 'dul pa rnams la bka' bsgo rnams su sprul pa'i phyir ro/ /de rnams kyi phyag na khro bo'i phur pa bsnams par bsams la/ yang sngags mtshan bzhi brjod
 pa dang/ hUM gi 'od zer gyi sgo las khro bo zhags pa dang lcags kyu bsnams pa rnams kyis phyogs bcu nas bgegs thams cad bkug pa la phur bu gdab pa ste/ oM g+ha:g+ha(rgyud 'grel brdung bar bya'o/ /de ltar na shes rab de nyid kyi las dang mtshan nyid ma phyed cing 'byed pa dang/ rtog pa dang/ lhan cig mi gnas pa dang/ de nyid bsreg pa'i phyir rdo rje ra ba dang/ khro bo'i ra ba dang/ me'i ra pa'o/ /zhe sdang gis
 bslar? ba'i brdeg pa ni ma yin no/ /'o na kun rdzob tu gnod bya gnod byed med do zhe na ni rgyu 'bras la skur pa yang yin la/ yang na ni tha dang kyi tshul gyis bzlog pa la 'gal ba med do zhe na/ kun rdzob tu rgyu 'bras med pa ma
 yin gyi/ 'on kyang zhe sdang gis bslad pa'i sbyor pas bzlog par bya ba ma yin te/ kun rdzob nyid du yang byams pa la sogs pa'i go cha dang don dam par skye med du shes pas so/ /de yang ci zhe na/ kun rdzob tu chos
 thams cad sems tsam las gzhan ma yin te/ de bas na sems la sogs par g.yo ba nyid bdung dang bgegs yin no/ /de yang ngan song sbyong ba'i rgyud las/ ji srid yid kyi lo ga g.yo ba de srid bdud kyi spyod yul
 lo/ zhes gsungs so/ /sems gnyen po las 'khyar ba nyid bdud la sogs pa yin no/ /'o na sangs rgyas las ches mkhas pa yod pa ma yin pa na thams cad la grags pa yin la/ de rgyud las bshad pa ci zhe na/
 de? ni bden mod kyi rang don du gnas pa gang yang med do/ /de'i phyir nges brjod las/ mi gsod gsod pa med pa yin/ /gang gis rang sems thul ba yis/ /bdag gi sems ni bcings pa yin/ /gang la gang gis gsod pa
 yod/ ces pa dang/ yang byams pa'i go cha bgos pa dang/ /snying rje chos kyi go cha yin/ /shes rab mtshon char ldan pa yis/ /nyon mongs bdud rnams bzlog par bya/ /bka' yis 'khor lo bsrung ba che/ /phur bus bgegs
 med dngos grub 'gyur/ /bsrung ba'i cho ga 'di dag gis/ /bsgrub pa po la byang chub stsol/ /gtso bo'i bka' ni blang bar bgyi/ /rnal 'byor par ni gar gnas par/ /bgegs rnams thams cad med par mthong zhes gsungs pa'i
 phyir ro/ /de ltar ma yin par bka' la lob par rtogs te ngan pa'i las dang ldan pa ngo bo nyid kyis 'og tu 'gro? ba la phyogs pa nyon mongs pa la sogs pa'i zhags pas bcings pa zho chun ltar 'khor ba rnams dang khyad par med
 pas lam la gnas pa'i rnal 'byor pa yang ma yin no/ /de ltar bdag med pa'i shes rab dang ldan pa'i rnal 'byor pa la khyad par can gyi tshogs skye bas de nas shes bya ba la sogs pa la/ de yang yul gang la brten nas rdzoD
 pa ni lha dang bla ma las te/ de nas shes pa ni khams gsum rnam rgyal he ru kar bsgyur la/ de'i snying gar a las zla ba de'i steng du hUM 'od zer sna tshogs 'phro ba bsam pa'o/ hUM de'i 'od kyi snang bas yang dag par rdzogs pa'i sangs
 rgyas ming? pa la he ru ka'i dkyil 'khor sum cu rtsa bdun no/ /bla ma ni der dbang bzhi bskur ba'o/ /sogs pa ni bla ma gzhan dang mgran gyi lha sangs rgyas dang byang chub sems dpa' o/ /bltas la zhes pa ni/ tha mi dad par blta ste/
 de yang snying ga'i 'od zer gyis bla ma'i drin dran pa'i tshul gyis/ bzhu la he ru ka'i dkyil 'khor la bstim/ de ltar lha dang bla ma tha dad med pa la mchod pa la sogs bya'o/ /gang gi don du zhe na/ sdug bsngal
 gyi me 'bar ba rnams kyi don du'o/ /tshul ji ltar rdzogs zhe na/ skye med du shes pa'i tshul gyis so/ /de ltar bsod nams kyi tshogs dang ldan pa la ye shes kyi tshogs skye bas/ de nas zhes bya ba la sogs pa la/ oM swa b+hA ba shud d+ha:
 ste rang bzhin dag pa'o/ /gang dag ce na/ sarba d+harmmA(rgyud 'grel par byas pa'i bag chags kyis bsgos pa'i rang gi'i sems snang ba rmi lam la sogs pa dang/ khams gsum po 'di dag khyad par med par btags la/ snang ba tsam po de yang stong pa nyid du bsam pa'i phyir yang ni stong pa nyid
 bsam bya ste/ zhes pa la sogs pa la yang gi sgra ni sngar sgyu ma lta bur bsgom pa las ltos so/ /gang stong pa nyid du bsgom zhe na/ byang chub kyi tshogs la sogs pa ste/ kun nas nyon mongs pa'i chos thams cad dang/ rnam par
 byang ba bsod nams kyi tshogs ni byang chub kyi tshogs so/ /de yang rang gi sems tsam las gzhan min la de nyid yor ltar snang ba'o/ /de nyid ni sgyu ma lta bu'i ting nge 'dzin no/ /de nas oM shU n+ya la sogs pa'i sngags brjod pa sngon
 du 'gro bas brdzun pa'i rnam par rtog pa goms pa'i dbang gis rang gi sems sgyu ma mkhan gyis sprul pa'i snod bcud kyis 'jig rten du rnam par 'khrul pa'i dri ma sbyang ba'i phyir ji ltar nam mkha' sgrib g.yogs ni/ rdul dang/ khug rna
 dang/ du ba dang/ kha ba dang sprin dang bral ba'i ston ka'i nyi ma byed kyi dkyil ltar/ 'jig rten gsum po ma lus pa thams cad stong pa 'od gsal pa'i rang bzhin du bsgom pa ni nam mkha' rdo rje'i ting nge 'dzin dang/ e'i cha byad bzang po'o/ /de ltar
 sngags rnam pa gnyis lan gsum brjod pa ni/ stong pa nyid rtogs nus pa dang/ stong pa nyid kyi dran pa gso ba dang/ gnas pa brtan pa dang/ ye shes kyi tshogs rdzogs pa dang/ tha mal pa'i lus ngag yid gsum spong ba dang/
 rten dang brten pa thams cad stong pa nyid kyi rnam 'phrul du rtogs pa'i phyir ro/ /da ni e'i cha byad la dbus su laM gis brgyan pa'i phyir/ de nas langs la zhes bya ba la sogs pa la/ 'byung ba bzhi dang ri rab bskyed pa ni go sla'o/ /de nas
 rten dang brten par bcas pa'i lha bskyed pa'i phyir/ de'i dbus su A li kA li sbyor ba zhes bya ba la sogs pa la/ A li bcu drug shes rab kyi rang bzhin yongs su gyur pa zla ba'i dkyil 'khor dang/ kA li sum cu rtsa bzhi thabs kyi rang bzhin
 yongs su gyur pa nyi ma'i dkyil 'khor bsam par bya'o/ /de'i dbus su shes bya ba ni nyi zla'i bar du hUM las rdo rje rtse lnga pa rdo rje sems dpa' i rang bzhin can de'i lte ba la yi ge hUM 'od zer gyi phreng ba 'phro par bsam par bya'o/ /de'i 'od zer gyi 'gro
 ba thams cad gyi zag bcas kyi phung po thams cad sbyangs nas/ zag med dpal he ru ka'i dkyil 'khor du byas te slar bsdus la/ de yongs su gyur pa ni de rnams las dpal he ru ka'i dkyil 'khor gyi lha rten dang brten par bcas
 pa bsam par bya'o/ /zla ba la me long lta bu'i ye shes dang nyi ma la mnyam pa nyid kyi ye shes dang hUM 'od zer gyi phreng ba so sor rtog pa'i ye shes dang/ 'od zer gyis gzhan don byas pa bya ba grub pa'i ye shes dang rdzogs pa chos
 kyi dbyings rnam par dag pa'i ye shes las byang chub pa'o/ /zla ba la chos lnga ste/ dkar ba dang/ cha bcu drug pa dang/ mun pa sel ba dang/ tsha ba'i gdung bzhi par byed pa dang/ 'jig rten gyis mthong
 na dga' ba'o/ /de bzhin du kun rdzob byang chub kyi sems kyang dkar ba dang/ cha bcu drug pa dang/ lhan cig skyes pa'i ye shes gsal bar byed pa dang/ nyon mongs pa 'dod chags kyi gdung ba zhi bar byed pa dang/ sems can dga' ba
 bskyed pa'o/ /de bzhin du don dam pa byang chub kyi sems kyang/ nyes pa'i skyon med pas dkar ba dang/ nang la sogs pa stong pa nyid bcu drug ston pas cha bcu drug dang/ ma rig pa'i mun pa sel ba dang/ nyon mongs pa'i gdung ba zhi
 bar byed pa dang/ 'od gsal mthong bas dga' ba bskyed pa'o/ /nyi ma la chos gsum ste/ dmar ba dang/ 'dam rdzab skems pa dang/ myu gu la sogs pa smin par byed pa'o/ /de bzhin du kun rdzob byang chub kyi sems kyang/ thig le dmar ba
 dang/ 'dod chags la sogs pa zhi bar byed pa dang/ bu tsha la sogs pa 'phel bar byed pa'o/ /de bzhin du snying rjes sems can la chags pas dmar bar chos mthun pa dang/ nyon mongs pa'i 'dam rdzab skems pa dang/
 thabs dge pa'i myu gu la sogs pa smin par byed pa'o/ /rdo rje sems dpa' i rang bzhin la/ rgyu 'bras byang chub kyi sems cha gnyis ston pas cha gnyis dang/ gdul bya'i rgyud la 'phro bas 'khor lo dang/ spros pa'i mdza' brgyad
 dang bral bas rtsibs brgyad dang/ mi'i seng+ger gyur pas seng thod dang/ gdul bya 'dul bas khro zhal dang/ sems can smin par byed pa la chags pas pad+ma dang/ thabs dang shes rab gnyis su med pas nyi zla dang/ snying rjes sems
 can mi gtong bas chu srin gyi khams byung ba'o/ /thugs rjes khyab pa'i phyir kha gyes pa dang/ ye shes bzhi chos kyi dbyer su 'dus pas rtse mo nang du 'dus pa'o/ /byang chub sems dpas chos nyid dngos su ma byas pas ni cung zad kha gyes pa'o/ /de
 bzhin gshegs pas chos kyi dbyings ji lta par thugs su chud pas rdo rje rtse mo 'dus pa'o/ /sems can dang sangs rgyas rang bzhin mi mnyam pa med pas dbus rtse mo thal byung du byung pa'o/ /lus ngag yid gsum yongs su dag pas cha gsum pa'i
 cha gzungs dang ldan pa'o/ /'od zer spro bsdu la chos bzhi dang ldan pas chos mthun bzhi yin te/ /nam mkha' las 'byung ba dang/ rang gzhan gsal bar byed pa dang/ mun pa 'dzoms pa dang/ thams cad la khyab pa'o/ /de bzhin du
 spro bsdus 'gro don byed pa yang/ rgyu stong pa nyid las byung ba dang/ 'od zer lnga dang ldan pa dang/ nyon mongs pa lnga 'dzoms pa dang/ /sems can rang gi 'dod pa'i lhar gyur pa'i phyir khyab pa'o/ /nga ni chos kyi dbyings rnam par dag
 pa'i ye shes las byang chub pa'i mtshan nyid bstan pa'i phyir/ dpal he'u ka nyi ma la bzhugs shing dkyil 'khor gyi 'khor lo dang bcas pa/ dur khrod brgyad kyis brgyan pa'o zhes bya ba la/ dur khrod brgyad ni gtum drag dang/ tshang
 ching dang 'bar bas khyab pa dang/ rkeng rus can 'jigs su rung ba'o/ /ha ha rgod dang/ dpal 'dzin dang/ mun chen dang/ /ca co sgrogs pa'o/ /zhing skyong brgyad ni/ seng+ge'i gdod can ser po/ /ce sbyang gi gdod can dkar po dang/ khyi'i
 gdong can dmar po dang/ stag gi gdong can ljang gu dang/ khwa'i gdong can ser po dang/ /lcung? ka'i gdong can sngon po dang/ khyu mchog gi gdong can ser po dang/ ug shud kyi gdong can ser po'o/ /de dag ma'i gzugs can shing 
 las ro stong byung ba'o/ /de la zhing skyong brgyad ni/ sangs rgyas rabs bdun dang byams pa ste brgyad do/ /gdul bya la gdong tha dad par bstan pa'o/ /byang chub kyi shing brgyad dang/ klu brgyad dang nyon mongs pa brgyad
 dang/ sprin brgyad dang ye shes brgyad dang/ 'jig rten skyong ba brgyad thugs rje chen po'o/ /de la rnal 'byor ba dur khrod brgyad kyis dben par gnas pa ni/ nges 'byung gi yan lag mi rtag pa dang/ sdug bsngal rtogs par byed pa
 dang/ 'jig rten gyi chos la chags pa spong pa'i phyir ro/ /de la brten nas nges 'byung gi lam skye med rtogs pa'i phyir dpal he ru ka'i dkyil 'khor nang du gnas pa'o/ /de bas na mi rtag pa dang/ sdug bsngal rtogS pa la
 brten nas/ rang gi mtshan nyid skye med rtogs pas de gnyis phyi nang du gnas pa'o/ /lam de dus gsum gyi sangs rgyas rnams kyis byang brten cing spyad la sangs rgyas pas sangs rgyas kyi bstan pa'i go rim dang chos 'dre'o/ /
 zhal bzhi ni rnam par thar pa'i sgo bzhi'o/ /dus gsum mkhyen pas spyan gsum dang/ srid pa'i yan lag bcu gnyis dag pa ni phyag bcu gnyis so/ /'khor ba dag pas zhabs g.yas brkyang ba dang/ 'dod chags dang zhi sdang dag
 pas mi gnas pa'i mya ngan las 'das pa ni/ 'jigs byed dang dus mtshan mnan pa'o/ /thabs kyis dge ba'i chos mdza' dag sdud pa ni rdo rje'o/ /shes rab kyis de'i mi mthun pa'i phyogs gcod pas dril bu'o/ /de yang byang chub
 sems gang de rdo rje/ /shes rab dril bu zhes bshad do/ /zhes pa'i phyir ro/ /thabs shes rab gnyis su med pa'i tshul gyis dge ba'i chos thams cad rdzogs par byed pa la gnyis su 'dzin pa rnam rtog gi gdon yin pas de gsad nas gnyis
 su med pa'i tshul gyi dge ba'i chos thams cad rdzogs par byed pa ni/ glang po'i pags pa ste/ de yang rnam par rtog pa gdon chen po/ /'khor ba'i rgya mtshod ltung byed yin/ /mi rtog ting 'dzin la gnas na/ /mkha' bzhin dri ma
 med par 'gyur/ zhes so/ /dngos po thams cad rten 'brel yin pa'i phyir skye ba med la/ gang de ma yin du rtog pa la stong nyid kyi sgra sgrogs pa ni rde'u chung ngo/ /de yang shes rab Da ma ru'i sgra zhes pas so/ /dngos po thams cad skad cig ma
 dang mi rtag pa la gang de ma yin du rtog pa gcod pa ni dgra sta'o/ /de yang rtog pa gcod phyir dgra sta'o zhes so/ /'jig rten pa'i sems brgya drug cu med pa'i dngos po la brtags nas sems la nyon mongs med par byed pa la de gcod pa ni
 gri gug go /de yang nga rgyal la sogs skyon drug rnams/ /gcod pas gri gug ces bya'o/ /zhes pas so/ /nyon mongs pa gsum bcom nas bzod pa gsum dang ldan pa ni rtse gsum mo/ /de yang nyon mongs 'joms phyir rtse
 gsum mo zhes pas so/ /gnyis med zung 'jug du rtogs pas shes rab gnyis med dang nges dus lus ngag yid gsum dag pa ni kha TwAM ga'o/ /de ltar ma rtogs shing log par rtogs pa la rgyu mi rtag pa dang/ 'bras bu sdug bsngal
 dang ldan pa la dmigs te/ de dang bral bar 'dod pa ni snying rje gnyis ni khrag gis bkang ba'i thod pa dang zhags pa'o/ /de ltar lam rgyud la skyes kyang rlom pa med pa ni tshangs pa'i mgo bo'o/ /'dod chags la dga' ba nyid la 'dzad pas
 rab la dang/ drag po la sogs pas mi thub pas cod pan gyis brgyan pa dang/ rigs lnga'i rgya dang ldan pa thod pa'i phreng ba dang/ byang chub kyi sems dang/ des 'phangs pa'i las sna tshogs mtshon pa'i ni zla ba phyed pa dang/ sna tshogs
 rdo rje'o/ /ma rungs ba skrag par mdzad pas zhal rnam par 'gyur ba'o/ /ma rungs pa dang nyon mongs pa 'joms pas mche ba gtsigs pa'o/ /sgeg pa la sogs pa'i nyams dgu ni sgeg pa ni phyag gnyis
 shes rab la 'khyud de 'gying bag dang bcas pa ste/ de ni thabs shes rab mi phyed ba'i brda'o/ /zhabs g.yas brkyang pas bdud dang/ sgrib gnyis dang/ mya ngan las 'das pa dman pa gnyis la rgyal pa ni dpa' ba' o/ /log
 par lta ba la ma rungs pas bzhin mi sdug pa dang /ngo bo med pa'i 'dug stangs ni mi sdug pa'o/ /rngam pa'i sgras 'gro ba 'dul ba ni rgod pa'o/ /smin ma gnyer ba dang mche ba gtsigs pa la sogs pas nyon mongs pa skrag par
 mdzod pa ni khro ba'o/ /mi sdug pa dang ma rungs pa'i thod pa'i phreng ba dang stag gi lpags pa la sogs pa ni 'jigs su rung ba'o/ /de ni shes rab kyis dngos por rtog pa gcod pa'i phyir ro/ /'jigs byed dang dus mtshan mnan yang ma shi
 ba ni snying rje'o/ /'gal ba'i chos dang ldan pas rngam pa ste/ 'dod chags kyis 'khyud la zhe sdang gis mtshon bsnams pa ste/ 'gal ba'i chos 'chang ba'o/ /sku drang ba dang dang ba dang/ snum pa dang/ brtags na zhi ba ste?
 mdor na spros pa'i mdza' brgyad dang bral pa'o/ /byams pa'i thugs dang chos nyid mi 'gyur bas sku mdog mthing ga'o/ /rnam rtog bcom pas stag gi pags pa'o/ /'jig rten pa'i sems rnams bcom pas thod rlon gyi phreng ba'i
 rna cha ni bzod pa'o/ /gdu bu ni tshul khrims/ mgul rgyan ni brtson 'grus/ spyi gtsug gi nor bu ni sbyin pa'o/ /mchod phyr thogs ni bsam gtan no/ /thal ba'i rgya ni shes rab bo/ /gcer bu thabs shes rab gnyis med de sgrib pa la
 sogs pa dang lhan cig mi gnas pa'o/ /de'i spyan sngar bcom ldan 'das ma sku mdog dmar mo zhes bya ba la sogs pa la/ stong pa nyid la ye shes skyer 'jug pas sku mdog dmar po'o/ /chos thams cad don dam pa'i bden par ro gcig
 pas zhal gcig pa'o/ /shes rab kyi thabs dbang du byas pas phyag gnyis pa'o/ /chos kyi dbyings la ye shes skyer 'jug pas skra grol ba'o/ /gsung rab bcu gnyis kyi chos ston pas dum bu'i ska rags so/ /snying rje dang stong pa mtshon pa'i
 phyir khrag gis bkang pa'i thod pa'o/ /spros pas bsdigs pas bsdigs mdzub dang/ spros pa gcod pas gri gug go /stong pa nyid kyis dngos po thams cad bsreg pas bskal pa'i me lta bu'i gzi brjid dang ldan pa'o/ /'khor ba btsom zhing
 spangs pas khrag la dgyes shing 'dzag pa'o/ /thabs shes rab mnyam pa'i bsam gtan dang ldan pas byin pa gnyis 'khyud pas bde ba chen po'o/ /dpal he ru ka dang phag mo gnyis kha sbyar du bzhugs pa ni 'dod chags dang zhe sdang phan tshun
 'phrog la'o/ /mkha' 'gro ma la sogs pa bzhi yang sgrub thabs ji lta ba bzhin du dmigs par bya'o/ /de bzhin du 'khor lo gsum dang bka' bsgo rnams kyang sku mdog la sogs pa sgrub thabs las/ bshad pa ltar dmigs te go sla'o/ /'khor
 ba dang mya ngan las 'das pa'i gzugs gnyis dang/ thabs dang shes rab kyi rang bzhin yin pas gzugs gnyis so/ /'chi ba bsreg pa dang/ 'ching mi ster ba dang/ 'chi ba zos pa dang/ 'chi pa gtan bcom pa ste/ 'chi ba ni 'dir rtog
 pa'i 'tsho? ba dang/ mya ngan las 'das pa'i 'chi ba'o/ /gnyis su med pa'i ye shes dang/ rigs dran pa'i phyir dpal bar rdo rje'i phreng ba'o/ /de nas byang chub kyi phyogs kyi chos sum cu rtsa bdun lha dang sbyar ba ni/ dpal he ru ka'i lha rnams chos
 kyi sku'i rang bzhin du bstan pa dang / der zhen pa bzlog pa dang/ sgyu ma dang stong pa gnyis med mtshon pa dang/ cig char lam du byas pas theg pa'i khyad par ro/ /'dir rnal 'byor pas phung po lnga sgyu ma ltar
 skye med du shes la/ ? don ma brjed pa ni dran pa nye bar gzhag pa ste/ de nyid mkha' 'gro ma bzhi'o/ /shes rab de brtson 'grus kyi grogs dang bcas pas ni dge ba'i chos ma skyes pa bskyed la/ skyes pa bsrung pa dang/ mi dge ba'i
 chos skyes ba spong ba dang/ ma skyes pa mi bskyed pa ste de ni mtshams bzhi'o/ /shes rab de ting nge 'dzin gyis grogs byas pas rdzu 'phrul gyi rkang pa bzhi ste/ rab gtum mo la sogs pa'o/ /snying rje shes rab dbyer med pa'i byang chub
 kyi sems de dbang po lngas dbang byas pas brtan pa'i blo ma la sogs lnga pa'o/ /lnga po de mthar thug pa la stobs shes bya ste/ de ni 'jigs byed chen mo la sogs pa de mthar thug pa'i 'bras bu ting nge 'dzin rtse gcig pa nyid byang chub
 kyi rgyu 'am mtshan nyid de/ de ni ha ya kar+Na'o/ /de le lo'i skabs mi 'byed pa dang/ dge ba yongs su 'dzin pa dang /de la sems las su rung ba dang bdag med pa'i rang bzhin nges par 'dzin pa dang/ brjed pa med pa'i ting 'dzin
 lhun gyis grub pa ste/ de ni kha ga na la sogs pa'o/ /byang chub kyi sems kyis don phyin ci ma log par rtogs pa dang/ brtsams pa mthar phyin par byed pa dang/ brdzun dang bral ba dang/ dge ba bcu dang byang chub sems
 las mi 'da' bar rim gyi spyod ba dang/ gzhan la mthe 'tsham pa med par 'tsho ba dang/ byang chub sems la rtsol ba dang/ sangs rgyas kyi gsung rjes su dran pa dang/ dpal he ru ka zung 'jug gi sku la dmigs pa ni yang dag
 pa'i ting 'dzin no/ /de lta bu'i byang chub kyi chos sum cu rtsa bdun gyi rang bzhin can gyi mkha' 'gro ma sum cu rtsa bdun nang lus kyi dkyil 'khor la bsgom pa bstan pa'i phyir/ sku yi dkyil 'khor mchog gyur pa/ zhes bya ba la sogs pa
 la/ sku ni dpal he ru kar gyur pa'i lus la gnas pa'i mkha' 'gro ma rnams so/ /gnas kyi rim pa ni nyi shu rtsa bzhi'o/ /sa bcu ni go bar zad do/ /mgo po la sogs pa'i gnas de rnams su mkha' 'gro ma rnams skad cig gis bsgo
 par bya'o/ /sems la brten med pas nam mkha' la rgyu ba'o/ /tshogs pa'i dngos grub la brten pas sa la spyod pa'o/ /sprul pa'i 'khor lo la brten pas sa 'og na gnas pa'o/ /de nas so dang sen mo la ni kha Na Da ka pA la'o/ /zhes
 bya ba la sogs pas khams nyi shu rtsa bzhi'i rdul rnams dpa' bo nyi shu rtsa bzhir dag par skad cig gis bsam par bya'o/ /dpa' po'i rtse ba'i sngags sogs gang gi ka ra kar ste de las mchod phyir thogs bsam pa'o/ /dpa' bo'i go
 cha ni oM ha la sogs pa ste/ de las phyag rgya drug bskyer par bya'o/ /rdo rje phag mo sngags gang ni sngags rigs te/ de las mgul rgyan bskyed par bya'o/ /dpa' bo'i snying po'i sngags ni yi ge nyi shu rtsa gnyis pa ste/ nga las
 thod pa'i phreng ba bskyed par bya'o/ /gsang sngags yi ge bdun ni oM h+rI(rgyud 'grel bya'o/ rnal 'byor ma drug gi sngags ni oM baM la sogs pa ste des ska rags bskyed par bya'o/ /'khor lo kun gyi rnal 'byor ma ni sum cu rtsa bdun no/ /sngags ni oM pra tsa Na De la sogs pa ste/ des mkha' 'gro ma rnams kyi
 phyag gi thod pa bskyed par bya'o/ /bai ro tsa na'i sngags oM badzra baM ro la sogs pa ste nges thod pa'i phreng ba bskyed par bya'o/ /de ltar sngags rnams las rgyan bsam pa ni/ rnal 'byor pa de'i yid log par
 g.yo ba las skyob pa dang/ sngags dang lha rgyu 'bras tha mi dang pa dang lha'i nga rgyal brtan par bya ba'i phyir ro/ /rnal 'byor ma rnams kyi sngags la phyag gi thod pa bskyed pa ni lha de thams cad bdag med par bstan pa dang/ lhan cig
 skyes pa'i rang bzhin du bstan pa'i phyir ro/ /da ni bskyed pI raM? pa de dag gi bsdu ba'i man ngag bstan pa'i phyir/ skad cig gis ni sku gcig 'gyur zhes bya ba la sogs pa la/ skad cig gis ni sku gcig 'gyur ni stong pa nyid sngon du
 song ba'i byang chub pa lnga bas rten dang rten pa'i lha dus gcig la grub pa'o/ /skad cig tsam gyis rnal 'byor bdag ni dpal he ru ka'i mtshan nyid tshang par dmigs pa'o/ /skad cig phyag rgya'i nam pa can ni yum gsal par dmigs
 pa'o/ /skad cig gis ni sku 'chang zhing zhes pa ni ye shes sems dpa' dang/ kun nas kun tu skad cig ni ting nge 'dzin sems dpa' o/ /skad cig gis ni gsang sngags 'don pa ni/ sku gsung thugs la gnas pa'i ye ge gsum
 skad cig la grub pa'o/ /mgo po dang/ lkog ma dang/ snying gar oM dkar po dang/ A(rgyud 'grel sngags kyis de'i nga rgyal brtan par bya'o/ /de nas sngar bzhin phung po la sogs pa lhar bsam par bya'o/ /de ni chos kyi dbyings rnam par dag pa'i ye shes las byang chub pa zhes bya ste/ de las 'dir chos ni phung po la sogs pa'o//
 dbyings ni rgyu'i don te rtogs pa'i rgyu dang/ mi rtogs pa'i rgyu'o/ /rnam par dag pa ni kun rdzob kyi dag pa dang/ don dam pa'i dag pa'o/ /ye shes las shes bya ba ni ye shes lnga'o/ /byang chub ni gzugs kyi sku rnam pa thams cad kyi mchog
 dang ldan pa'i rang bzhin du sems snang pa'o/ /de ni dam tshig sems dpa' bskyed pa zhes bya ste/ 'dir sa ma ya satwa ya'i rkyen mi snang bar byas nas sam zhes bya ba'i sgra ni mnyam pa la 'jug ste/ cir mnyam zhes zhe na/ bdag dang khams
 gsum pa rnams kun rdzob tu lhar mnyam la/ don dam par skye med du mnyam pa'o/ /ya'i rkyen byin na 'da' bar mi bya ba ste/ mnyam nyid las so/ /satwa ste bden pa gnyis mnyam pa nyid kyi sems gang la yod pa'i rnal 'byor pa de dam tshig
 sems dpa' / /de yang le'u bcu gcig pa las dngos po gang dang gang gis ni/ /mi rnams yid ni yang dag sbyor/ /de dang de yi dngos 'gyur te/ /sna tshogs gzugs can nor bu 'dra zhes pa dang/ mkha' 'gro las kyang/ bdag nyid
 sangs rgyas thams cad dang/ /dpa' bo thams cad nyid yin te/ /rang gi lha yi sbyor ba yis/ /bdag nyid rab tu bsgrub par bya/ zhes gsungs so/ /de'i phyir tha mal pa'i rtog pa spong ba dang/ tshogs gnyis rdzogs pa dang/ bar chad med pa dang
 bag med pa'i gnas las ldog pa dang/ gong nas gong du zab pa'i don rtogs par bya ba'i phyir ro/ /'o na bden pa gnyis kyi rgyu de cis? mtshon zhen/ de bstan pa'i phyir/ de nas go cha gnyis shes nas shes bya ba la sogs pa la/ oM ha la
 sogs pa dpa' bo'i go cha drug dang/ oM baM la sogs pa dpa' mi'i go cha drug /de la lha dang sngags dbyer med pa'i phyir rnam pa yi ge la rang bzhin lha'i nga rgyal bya'o/ /mi 'gyur pa'i don dang/ shes skyob gyi nges tshig dang ldan pa'i phyir ro//
 gnas gang du bsgom pa ni go sla'o/ /yang na bsngags las bskyed pa'i lha bsgom pa ste/ phyag mtshan la sogs pa ni man ngag las shes par bya'o/ /da ni ye shes sems dpa' dang gnyis med du bsre ba bstun pa'i phyir
 ye shes 'khor lo rnam par bsgom/ zhes pa la sngags dang zhes pas mdor bstan nas/ rgyas par bstan pa ni mdzub mo mdud byas la sogs pa ni/ lus kyi phyag rgya dang/ ngag gi phyag rgya dang/ sems kyi phyag rgya dang ldan pas/ sngon
 gyi spyod pas grub pa'i dpa' po nyi shu rtsa lnga/ dpa' mo sum cu rtsa bdun mdun du spyan drang ba ni 'gugs pa'o/ /gang nas shes na/ phyogs bcu'i 'jig rten gyi khams na bzhugS pa rnams so/ /thabs ni phyag rgya gsum gyis/ /de rnams mngon
 du bltas la mchod de/ snying po'i phyag rgya bstan la/ dza(rgyud 'grel la/ oM ? shud d+ha(rgyud 'grel rje shes rab dbyer med pa'i byang chub kyi sems kyi rang bzhin du dag go /de yang mkha' 'gro las/ byang chub sems chen rnal 'byor gang/ /rnal 'byor dbang phyug rang nyid gtso/ /byang chub sems 'di rdo rje ste/ /sangs rgyas kun gyi rang bzhin
 zhes gsungs so/ /ye shes sgron ming? rgyud las kyang/ /rgyal pa'i ye shes 'khor lo ni/ /dam tshig 'khor lo la myur gzhug /sangs rgyas byang chub sems dpa' nyid/ /thob par 'gyur gyis gzhan du min/ zhes pa dang/ yang mkha' 
 'gro las/ 'di yis sangs rgyas thams cad dang/ /dpa' bo thams cad nyid dang ni/ /rdo rje 'dzin pa'ang thams cad du/ /tshe 'di nyid du 'grub 'gyur zhes/ /bcom ldan rdo rje can gyis gsungs shes so/ /de ltar na tha dang kyi rtog pa 'gag pa dang
 nga rgyal brtan pa dang/ byin gyis slob pa'o/ /'grub ba'i yan lag dbang bskur ba bstan pa'i phyir/ ji ltar bltams pa tsam gyis kyang/ zhes pa la sogs pa la/ ting nge 'dzin sms dpa' i 'od kyis lha sum cu rtsa bdun spyan drangs la mchod de/
 dbang la gsol ba btab pas/ bka' bsgo brgyad kyis bgegs skrod pa dang/ dpa' bo rnams kyis bkra shis dang/ dpa' mo rnams kyis glu dang yum bzhi dang/ phag mo dang lngas rin po che'i bum pa bdud rtsis gang ba bsnams pas bum?
 pa'i dbang dang/ yum bzhi rdo rje phag mo la thim nas snyoms par zhugs pa'i gsang ba lce la thim pa gsang ba'i dbang dang/ rdo rje phag mo phyag rgyar gnas te snyoms par zhugs pas bde ba myong ba shes rab ye shes dang/ dpal he ru ka
 bzhi pa bsan pa bzhi'o/ /de nas dbang bskur ba'i lha rnams bdag la thim par bsam mo/ /de yang nges brjod las/ bde chen ye shes dgyes nas ni/ /dam tshig dam tshig can la gzhug /ye shes ro gcig bsgoms nas ni /ro gcig
 'khor lo de bzhin bsgom/ /rdo rje sems dpa' i dbu rgyan can zhes gsungs pas so/ /de nas rgyas gdab pa ni/ 'bras bu la rgyus gdab pa'i phyir mi bskyod pa dang/ chos kyi sku la gzugs kyi rgyus rgyas gdab pa'i phyir rnam par snang mdzag?
 kyi rgyus rgyas gdab pa'i phyir rnam par snang mdzag? dang/ 'byung ldan dang/ 'khor lo gsum la mi bskyod pa dang/ snang ba mdza' yas dang/ rnam par snang mdzad dang/ bka' bsgo la don yod grub pa bsam par bya'o/ /de ltar 
 na bgegs dang/ sgrib pa dang/ theg ba dman pa sel pa dang/ bzlas bsgom gyi snod du rung ba dang/ las rnams kyi bya ba la mthu yod pa dang/ byang chub kyi sems nyams pa bskongs pa dang/ dam tshig dang sdom pa
 nyams pa bskongs pa dang/ ma 'ongs pa na sangs rgyas kyi dbang bskur ba'o/ /dbang dang rjes su mthun pa'i dam tshig bstan pa'i phyir/ mchod ba la sogs pa bya ste/ bum pa'i dang 'brel pa/ phyi dang nang dang/ gsang ba dang /de kho
 na'i mchod pa'o/ /gsang ba dang 'brel pa bdud rtsi myang ba dang/ shes rab ye shes dang 'brel ba dga' ba brtsams pa ste/ de yang le'u brgyad pa las/ /yi ge dyI? na? sna rtser yang dag sbyor/ /bya ni mtshan la dgod pa ste/ lte ba
 snying ga kha dang dbral ba ru/ sngags dang bcas pas byin gyis brlab/ /lte ba snying ga dag tu rnal 'byor ma/ /sangs rgyas mkha' 'gro'i sngags kyis ni/ /ma ba d+hu'u tI gnyis ni dpal byin brlab/ /rnal 'byor ma dang dpa' bo gnyis
 med yin/ /dang por dga' ba dpa' bo ste/ mchog tu dga' ba rnal 'byor ma/ rab tu dga' ba ma lus nyid/ /de bde thabs ni kun rigs pa'o zhes bya ba gsungs so/ /dyA dang byAs? pad+ma dang rdo rje byin gyis brlabs dpral ba dang
 kha la dpa' po'i snying po dang nye pa'i snying po dgang pa'o/ /snying ga dang lte ba la yum gyi snying po dang nye ba'i snying po dgod/ /de nas snyom par zhugs pa las dga' ba la sogs pa myong bar bsam/ /de la 'dir man ngag ni 'di
 yin te/ dang por rnal 'byor bas dur khrod brgyad kyi dben pa la brten nas 'khor ba'i mtshan nyid mi rtag pa dang/ sdug bsngal rtog par bya ste/ de yang mkha' 'gro las/ gang tshe 'dus byes tshul rnams ni/ /glog dang
 chu bur ltar smin pa/ /gang gis ji ltar mthong gyur pa/ /de tshe shes rab bsten pa min/ zhes gsungs pas/ rnal 'byor pa gang gis 'dus byas te/ bdag dang khams gsum pa rnams glog ltar mi rtag pa dang/ chu bur ltar sdug bsngal
 du mthong bar byas pa ste/ de shes rab kyi mig gis blta bar bya ba yin ba'i phyir ro/ /de ltar mi rtag dang sdug bsngal du mthong bas khams gsum ba'i 'gro ba rnams las dang nyon mongs ba'i zhags ba dam bos ni bcing/ 'khrul 'khor
 bskor pa'i rnam shes kyis ni bskor/ ? chun ltar ni 'khor/ 'khor ba'i khron pa gting ring por ni lhung/ ngo bo nyid kyis 'og tu 'go ba la ni phyogs/ ci zhig ltar steng du byung yang shes rab kyi mig dang ni bral/ thabs kyi rkang pa ni
 med/ brten pa'i 'khar ba bla ma dang ni bral ba'i dbang gis yang 'og tu 'gro ba rnams la bltas te/ byams pa dang snying rjes 'phangs pa'i byang chub kyi sems logs su bsgom par bya'o/ /de ltar gzhan don du dpal he ru ka 'dod ba'i
 blo dang ldan pa'i rnal 'byor pas/ dang po tshangs pa'i gnas bzhi bsgoms te/ yang shes rab kyi mig gis mthong ba de rnams la dmigs te bde bar 'dod ba'i byams pa dang/ sdug bsngal dang bral bar 'dod pa'i snying rje dang/
 de rnams dpal he ru ka'i go 'phang la dgod par 'dod pa'i dga' ba dang/ 'jig rten dang 'jig rten las 'das pa'i lam la dgod par 'dod pa'i btang snyoms bsgoms par bya'o/ /de nas bdag gis phung po la sogs pa'i rdul phra rab
 la dmigs te/ rnam bar snang mdzad la sogs pa rigs lnga dang/ he ru ka dang drug/ /khams la lha mo lnga dang skye mched rnams byang chub sems dpar skad cig gis bsgom bar bya'o/ /de nas bdag gi snying gar nyi ma'i dkyil 'khor gyi
 steng du hUM 'od zer gyi phreng ba 'phro bar bsams la/ de'i 'od kyi bgegs thams cad bskrad bar bya ste/ bdag dang khams gsum pa'i dngos po thams cad sgyu ma la sogs pa ltar snang ba tsam du rtogs par byas naS
 tshur 'dus bdag nyid khams gsum rnam rgyal zhal gsum phyag drug pa bsam par bya'o/ /de nas oM sum+b+ha ni sum+b+ha huM hUM shar du'o/ /oM grih+NA la sogs byang du'o/ /oM grih+NA pa ya la sogs pa nub tu'o/ /oM A na ya la sogs pa
 lhar ro/ /sa gzhi la yi ge hUM las sna tshogs rdo rje'o/ /de'i 'od kyis rdo rje'i ra ba dang/ dra ba dang/ bla bre dang/ mda'i dra ba dang/ me'i ra ba'o/ /rdo rje'i ra ba gru bzhi pa bsams pa'i shar la sogs pa'i phyogs su bka' bsgo brgyad steng khwa?
 gdong 'og khyi gdong ste bcu'o/ /bskal pa'i me 'bar ba'i klong na bzhugs pa bud med kyi gzugs kyis sgeg pa bsgom par bya'o/ /de nas yang oM sum+b+ha la sogs pa'i sngags brjod pa dang/ 'dod pa'i rgyal po lcags kyu zhags
 pa thogs pa spros pas/ phyogs skyong bcu bkug la bka' bsgo rnams kyis mdun du gnas par bsam mo/ /de nas oM g+ha(rgyud 'grel brdung par bya'o/ /de nas bdag nyid slar he ru ka zhal gcig phyag gnyis par bsgyur la/ de'i snying gar a las zla ba de'i steng du hUM 'od kyi phreng ba 'phro ba bsams la/ de'i 'od kyi snang bas dpal he ru ka drug cu rtsa gnyis kyi
 dkyil 'khor dang bla ma bsams la/ yang snying ga'i hUM las 'od 'phros te bla ma'i drin dran pa'i tshul gyis gzhu la 'od kyi gong bur bsam mo/ /de bzhin du lta yang 'od kyi gong bur bsams la/ de gnyis 'dres pas lha sum
 cu rtsa bdun gsal bar bsams te/ 'dod pa dang/ dang ba dang/ yid ches pa'i dang pas/ dang por oM sarbba ta thA ga ta pA da bandA nAM ka ro mi zhes pas phyag bya'o/ /de nas snying ga'i hUM las me tog ma dkar mo dang/ bdug pa ma du pa'i mdog can dang
 mar me ma dmar ser dang/ byug pa ma ljang gu dang/ zhal zas ma sna tshogs pa'i mdog can te/ phyag bzhi'i dang po rnams rdo rje dang dril bu bsnams pa/ gnyis pa rnams ni rin po che'i snod rang rang gi mchod pa'i sprin gyis bkang ba dang/
 gzugs rdo rje ma dkar mo dang/ sgra rdo rje ma sngon mo dang/ dri rdo rje ma dkar mo dang/ rdo? rdo rje ma dmar mo dang/ reg rdo rje ma ljang gu ste/ phyag bzhi ma phyag dang po na bsnams pa na kha TwAM ga dang thod pa dang/ gzhan rnams rang rang gi mtshan ma thogs
 pa/ gzugs dang/ lang 'tsho dang/ rgyan phun sum tshogs pa bud med nyams dang ldan pas mchod par bya'o/ /oM badzra puShpe A(rgyud 'grel A(rgyud 'grel pas mchod pa'i sngags so/ /yang snying ga'i hUM las lha mo bcu gnyis spros te bdud rtsi lngas mchod par bya'o/ /de rnams las yum bzhi rdo rje phag mo la spros la thim pas bde ba'i mchod pa bya'o/ /de nas snga ma ltar dad pas spyan drangs
 te byang chub kyi snying po'i ? du dkon mchog gsum la skyabs su 'gro ba bya'o/ /de nas gang dag sdug bsngal rnam pa sna tshogs kyi sdug bsngal ba rnams la dmigs te snying rje chen pos de dag mya ngan las 'da' ba' i phyir yang dag par rdzogs
 pa'i byang chub tu smon pa'i sems brtan por bskyed par bya'o/ /de nas lnga'i? pa bshags pa dang/ rjes su yi rang ba dang/ dge ba'i rtsa ba rdzogs pa'i byang chub tu bsngo bar bya'o/ /de nas bzod par gsol la gshegs su gsol lo/ /
 de nas oM swa b+hA ba shud+d+hA(rgyud 'grel ba tsam po la/ dbus su baM? thabs kyis brgyan pa'i phyir yig 'bru tsam las 'byung ba bzhi'i dkyil 'khor dang/ ri rab mtshan pa'i yi ge dang bcas par bsam par bya'o/ /de'i steng du paM las sna tshogs pad+ma dang/ raM las nyi ma dang/ sna tshoD
 rdo rje dang/ de'i steng du nyi ma'o/ /de'i steng du/ a A/ i a'i(rgyud 'grel ya ra la Sha/ sha Sha sa ha k+Sha/ nyi ma'i dkyil 'khor te mnyam pa nyid kyi ye shes dang/ de gnyis kyi bar du hUM 'od kyi phreng ba 'phro ba de las rdo rje rtse lnga pa de'i lte ba la nyi ma gnas pa'i hUM dang bcas pa so sor kun tu rtog pa'i ye shes
 de las 'od zer spros pas khams gsum ba rnams kyi sgrib pa sbyangs te/ lha sum cu rtsa bdun du byas la/ slar rdo rje la thim pas bya ba grub pa'i ye shes dang/ thams cad yongs su gyur pa chos kyi dbyings dag pa las byang chub
 pa ste/ dpal he ru ka rten dang brten par bcas pa rnams sku mdog dang/ rgyan dang/ bzhugs tshul dang/ phyag mtshan rnams legs par bsam par bya'o/ /de nas de rnams byang chub kyi phyogs kyi rang bzhin du bsam par
 bya'o/ /de nas lus kyi dkyil 'khor bsdoms te/ gsang ba'i pad+mar phag mo/ /spyi gtsug la he ru ka'o/ /snying gar mkhar 'gro ma/ mgrin par lA ma/ lte bar khaN+Da ro ha/ dpral bar gzugs can ma/ mgo bo la sogs pa gnas nyi shu rtsa
 bzhir rab tu gtum mo la sogs pa bsgom par bya'o/ /kha la khwa gdong ma/ sna g.yas par 'ug pa'i gdong can/ bshad lam du khyi gdong ma/ sna g.yon par phag gdong ma/ rna ba g.yon par gshin rje brtan ma/ g.yas par pho nya ma/ mig
 g.yas par mche ba ma/ g.yon par 'joms ma bsam par bya'o/ /de nas oM ka ra ka ra la sogs pa las mchod phyir thogs pa bsam par bya'o/ /de nas khams nyi shu rtsa bzhi'i phra rab rnams dpa' bo nyi shu rtsa bzhir bsam par bya'o
 de nas oM ha la sogs pa las phyag rgya drug bskyed par bya'o/ /rdo rje phag mo'i sngags rings las mgul rgyan bskyed par bya'o/ oM sh+rI badzra he la sogs pas thod pa'i phreng ba bskyed par bya'o/ /yi ge bdun pas rna rgyan dang/ yum gyi snying
 pos klang po'i pags pa dang/ dpa' mo'i go cha'i sngags kyis ska rags dang/ mkha' 'gro ma rnams so so'i sngags kyis so so'i phyag gi thod pa dang/ yum gyi nye ba'i snying pos thod pa'i dbu rgyan dang/ de nas sku gsung thugs byin
 gyis brlab pa dang phung po la sogs pa byin gyis brlab pa dang/ go cha'i sngags kyis go cha dang/ snying ga'i 'od kyis ye shes sems dpa' spyan drangs la mchod de bsre ba dang/ oM ga shud+d+ha(rgyud 'grel de nas yang sum cu ? bdun spyan drangs la mchod de/ de nas lha de dag gis kyang bka' bsgo rnams kyi bgegs bskrad/ dpa' mo rnams kyis glu len/ dbang bskur rol mo'i bde chen po/ /mkha' 'gro dra ba'i bde chen po/ /dgyes
 chen stsol ba'i bde chen po/ /gsol mdzad bde ba chen po ste/ a la la ho/ /mchog tu gyur pa bde chen po/ /mkha' 'gro dra ba'i bde chen po/ /a la la ho/ zhes pa'i glu dang/ dpa' bo rnams kyis bkra shis brjod pa dang
 yum bzhi phag mo dang lngas nam mkha' nas ye shes kyi bdud rtsis gang pa'i bum pa blangs nas/ lag pas dbang bskur bar bsam mo/ /de nas yum bzhi phag mo la thim ste/ dpal he ru ka dang snyoms par bzhugs pa'i byang chub kyi
 sems kyis gsang ba'i dbang bskur bar bya'o/ /de nas he ru ka sa phag mo mu drar gnang ste/ snyoms par zhugs pas rlung thim/ de la brten nas lhan cig skyes pa myong bar bsam mo/ /de nas dpal he ru kas rigs kyi bu khyod kyis
 mu dra dang gnyis sprod pa la brten nas myong ba snang ba thob pa'i shes rab de 'od gsal bar bsgoms shig/ de ni rnam par shes pa gsum rnam par dag pa shes rab kyi pha rol tu phyin pa'i ngo bo nyid lus dang ngag sems med pa
 las dang/ skye ba las grol ba/ zla ba dang/ nyi ma dang/ me dang nor bu ltar shin tu gsal brtag tu snang ba'i mtshan nyid can don dam pa'i bden pa de mthong ba gzhan gyi yul las 'das pa ste/ shes rab dang ye shes
 kyi mig gis ltos shig /de ltar gang gis yang rang bzhin du ma mthong pa de 'od gsal ba mthong ba yin no/ /de ltar 'od gsal ba de'i ngo na rgyu 'bras gang yang med mod kyi/ 'on kyang kun rdzob tu rlung dang sems tsam las
 lta sum cu rtsa bdun me long gi gzugs brnyan ltar gsal la rdzogs pa/ 'ja' tshon ltar kha dog dang bcas pa/ chu zla ltar sgro skur dang bral bar ltos shig /de ni rgyu rkyen la ltos nas skyes bas kun rdzob bo /de ltar bden
 gnyis mi phyed pa zung du 'jug pa ni byang chub kyi sems chen po ste bzhi pa'o/ /de nas dbang bskur ba'i lha rnams bdag la zhugs par bsams la so sor rgyas gdab ste/ snga ma ltar mchod bya mchod byed mchod ba rnams skye med du shes par byas
 la mchod par bya'o/ /de nas bdud rtsi myang ste/ yaM raM las me rlung a las thod pa de'i nang du/ go ku da ha na/ rnams las sha lnga dang/ bi mu shu ra mar rnams las bdud rtsi lnga'o/ /de rnams kyi steng du hUM/ oM traM h+rI(rgyud 'grel a las byung pa'i zla ba'i dkyil 'khor gyis kha dgab par bya'o/ /de'i steng du eM A(rgyud 'grel de nas yi ges? yin? las 'od 'phros pas de bzhin gshegs pa thams cad kyi sku gsung thugs ye shes kyi bdud rtsi bkug pa so so la thim par bsam mo/ /de nas rlung mes bskol rdo rjes dkrugs pas sha la sogs pa dang zla ba dang yi
 ge dang rdo rje rnams bzhu ste hUM? gis sbyangs/ /a(rgyud 'grel pa dang/ 'khor lo bzhi dang gnyis la yi ge'i 'khor lo bkod de/ dga' ba bzhi myong bar bsams la nga rgyal bskyed par bya ste/ oM badzra kA mi ni sarbba badzra bak+Sha sho d+ho ya gu hyaM badzri Ni hUM/ zhes brjod do/ /de nas sgyu ma lta bu'i lha
 sum cu rtsa bdun la dmigs te/ thabs dang shes rab gnyis su med par dpyad cing bsgom par bya'o/ /de yang dpal rdo rje mkha' 'gro las shes rab thabs ni ma rtogs par/ /gang tshe sems gzhan mi g.yon/ /de tshe byang chub chen po ni/ /nges
 par ster ba nyid du bshad/ /ces gsungs pas/ shes rab kyi mig gis ji ltar mthong ba de thabs dran pa la sogs pas dbang du byas la bsgom par bya'o/ /gang gi tshe dbang po lngas dbang byas pas sems gzhan
 te/ 'jig rten pa'i sems rnams su mi g.yon/ de'i tshe rgyu 'bras phyin ci ma log pas/ byang chub chen po nges par 'thob ces bya'o/ /brtson 'grus dang ting nge 'dzin bstan pa ni rnam par mi rtog rjes 'jug la/ rnal 'byor pa ni mngon
 brtson pa/ /da ni thams cad 'byung? ba yi/ /shes rab pha rol phyin pa yin/ zhes bya ste mi rtog pa ni ting nge 'dzin no/ /rjes su 'jug pa ni dran pa dang dang pa'o/ /mngon brtson ni brtson 'grus te/ nges pa'i bya ba las brtson pa'o/ /de
 ltar shes rab kyi mig gis mthong ba'i yul de dran la sogs pas dbang du byas nas bsgoms nas 'jig rten dang 'jig rten las 'das pa'i yon tan thams cad 'byung ba'i shes rab kyi pha rol tu phyin pa la mo/ /shes rab kyi
 mig gis gang blta zhe na/ gang tshe 'dus byas tshul rnams ni/ /rnam par mi rtog sems kyis/ /me long lta bur rab shes pa/ /de ni shes rab bran pa yin/ zhes pa dang/ ji lar blta zhe na/ me long nang gi gzugs ?
 dang/ /rmi lam mig 'phrul dri za'i grong/ /mig 'phrul mtshungs par gang gis mthong/ /de ni gtso bo yin par brjod/ ce'o/ /'dir 'dus byas kyi tshul ni gnyis te/ kun nas nyon mongs pa dang/ rnam par byung ba lam la
 bzhag pa'o/ /de gnyig yang gzugs brnyan la sogs pa dpe brgyad kyi gtan la phab la bsgom pa'o/ /yang don de bstan pa ni/ rnam par mi rtog sems kyis ni/ /shes rab dang ni mtshungs gzugs la/ /dogs pa med
 pa'i kun spyod pa/ /de ni dka' thub bdag chen yin zhes bya ste/ 'dir mi rtog pa'i sems kyis 'jigs pa med par rten dang brten pa thams cad skye med du shes pa ni dka' thub chen po zhes bya'o/ /de ltar spyod cing yang dang yang du gus pa dang
 rgyun mi 'chad pa la sogs pa'i tshul gyis rgyun ma chad par bsgom par bya'o/ /des kyang skyon sems dbugs dbyung ba'i phyir bzlas pa bya ste/ oM sh+rI badzra zhes bya ba la sogs te/ 'dir snying bskul bar byed pas snying po ste/ snying rjes
 shes rab dang thabs shes rab dbyer med pa'i byang chub kyi sems/ /de la sems skul bar byed pas snying po dang/ sems nye bar bskul bas nye ba'i snying po'o/ /de nyid kyis 'jig rten pa'i sems las skyob pas gsang sngags zhes
 bya'o/ /de ltar yang dang yang du bskul bas shes rab khyad par can skye bas rig sngags so/ /byang chub kyi sems mi brjed pa'i dran pa skabs gzugs sngags zhes bya'o/ /de ltar sngags 'grub pa'i rgyu dang mi 'grub ba'i rgyu gnyis su
 slob dpon dgra las rnam rgyal gyis bshad de/ le lo'i nyes pa phan man gdams ngag dang/ /spro ba nyams dang yul la chags pa dang/ /ngad pa dang brel? dge ba'i rtsa ba nyams/ /de dag thub pa'i bka' ni 'grub mi 'gyur zheS
 so/ /'dir smad pa dang/ snyoms las kyis byang chub sems kyi dran pa shor ba dang/ 'di'i 'bras bu la dmigs pas phyi ma la phan pa'i mtshan nyid dang mi ldan pa dang/ yul byang chub kyi sems la hspro ba med pa dang/ 'jig rten pa'i
 chos la sems shor te chags po dang/ byang chub kyi sems la 'dod pa dang/ dad pa dang/ yid ches pa med pa dang/ dam tshig dang/ sdom pa nyams pa rnams so/ /bzlog pas le lo med par byang chub kyi sems ma brjed pa dang phyi 
 ma'i 'bras bu la dmigs pa dang/ spro ba dang bcas pa dang/ yul la sems ma shor ba dang/ byang chub kyi seMs la dad pa dang/ sdom pa la sogs pa dang ldan pa'o/ /de ltar 'grub pa'i rgyu dang ldan pas ji srid mi skyob
 de srid du bzlas par bya'o/ /dran pa'i rten bzlas pa'i thabs du ma ni blo dman rnams la phan pa ste go sla'o/ /des kyang skyon rkang pa brgyad pa'i gsang sngags mchod ces bya ste/ sgyu ma lta bu'i blo dang ma bral bar mchod pa dang/ glu? dang
 bstod pa la sogs pa bya ste/ dge ba'i rtsa ba rdzogs pa'i byang chub tu bsngo ba byas la gzhal yas khang tshun chad rim gyis bsdus la/ tha ma zhal gcig phyag gnyis pa'i yum dang bcas par langs pa ste/ de'i phyir de ltar
 bdag nyid rnam par bsams te zhes bya'o/ /des ci bya zhe na/ tsham rngam sngags kyis nges par bsrung zhes bya ste/ go cha'i sngags dang hUM bzhi pos bsrung bar bya'o/ /de yang le'u dgu pa las/ bsdus pa sbyong tshul khyad par gyis/ /rnal 'byor?
 sbyor dang bral mi bya/ /spyod pa'i rnal 'byor pa 'di yin zhes gsungs pa'i phyir ro// //da ni spyod lam gyi rnal 'byor bstan pa'i phyir/ tshangs par spyod pa rtag gyur na/ /zhes bya ba la/ tshangs pa'i spyod pa ni byang
 chub kyi sems so/ /rtag pa ni de la blo brtan par gyur pa'o/ /de'i spyod pa ni gnyis te/ /sngags kyis spyod pa lam dang mthun pa dang/ kun tu spyid? pa thob pa dang mthun pa'o/ /dang po ni rten gnyis kas kyang theg pa chen po las bya ba dang
 bya ba ma yin pa gnang ba dang bkag pa ji ltar bya ba dang mthun par spyod pa'o/ /ji ltar spyad pa bstan pa'i phyir/ /'jigs spa thams cad rnam spangs te/ zhes bya ba la sogs pa la/ 'jigs pa ni dung ba dang mi dung ba la
 sogs pa'i blo spangs pa'o/ /'o na ye mi spyad dam zhe na/ blo ldan seng+ge bzhin du bya bar 'brel te/ seng+ge de stsal dang ldan pa dang/ bag tshab med pa dang/ gzhan skrag par byed pa'i chos dang ldan pa ste/ de bzhin du rnal 'byor pas kyang bzod
 pa'i go cha dang/ shes rab kyi mtshon dang brtson 'grus kyi dpa' dang ldan pas spyad do/ /de'i phyir de ltar bdag nyid rnam bsams te/ 'khor lo bde mchog bde ba'i mchog /blo ldan cho ga rnam par spyod/ /cis bya ste/ chos gsum dang ldan pas spyod
 pa'o/ /rig lnga dag tu kun spyod pa/ /zhes bya ba ni tha mal pa dang/ pha rol tu phyin pa'i lam du zhugs pa'i rnal 'byor pa rnams ni rigs tha dad du 'dzin pa las ma log par spyod pa yin la/ rdo rje theg pa'i rnal 'byor pa ni rigs tha dang las blo bzlos? su?
 gsang chen rigs gcig tu shes pa'o/ /de'i phyir 'dog? yon la spyang du yang gnang ngo?/ /ji ltar spyad ce na/ rnam par mi rtag bdag nyid sems/ /shes bya ste/ 'jigs pa med de mi rtog pa'i sems kyis so/ /gang la zhe na/ 'dod yon la'o/ /ji
 ltar spyod pa'i don 'di nyid rdo rje mkha' 'gro las/ las rnams kun la thabs bcas shing/ /dogs pa med par gang spyod pa/ /rnam par mi rtog bsgoms pa ni/ /brtul zhugs rnams kyi mchog gi mchog /las rnams kun la kun tu ni//
 rnam par mi rtog sgom byed cing/ /dogs pa med par kun tu spyod/ /de ni dka' thub rnams kyi mchog /the tshom med pa'i sems kyis ni/ /skra zla la sogs rjes dngos kyi/ /yul rnams ma lus bsten byed pa dka' thub shin tu 'da' ? ?
 zhes gsungs pas/ de la 'dir las rnams ni zhi ba la sogs pa dang/ phyag dang mchod pa la sogs pa rnams skye med du shes pa'i tshul gyis spyad pa'o/ /dper na me yi mtshan nyid du skyes phan chad mtshan nyid tsha zhing byed pa bsreg
 kha dog dmar/ de bzhin du phyi nang gi dngos po la brten nas shes rab skyes phan chad mtshan nyid skye med/ byed pa nyon mongs pa mi skye ba dang/ de kho na gsal ba'o/ /de'i phyir dogs pa thams cad ces bya ba go bar
 zad do/ /de nas yang thun mtshams su snga ma ltar mi rtag pa nas byang chub kyi sems kyi bar dang/ rten dang brten pa skad cig gis bsams la dbang dang/ mchod pa dang/ bdud rtsi myang ba dang/ dga' ba brtsams pa byas la snga ma ltar bsgom par
 bya'o/ /thun tha ma la bsdu ba'i thabs kyis 'od gsal du mos pas nyal la nang par de las langs te snga ma ltar bsgom/ de ni kun rdzob dang 'dus byas dang/ sgyu ma dang bskyed pa'i rim pa ste/ dmigs pa dang bcas pa'i shes rab dang de bzhin
 gshegs pa'i dbugs dbyung bstan pa'o// //nga ni dmigs pa med pa'i shes rab kyis yul rdzogs pa'i rim pa bstan pa'i phyir/ zla ba'i zhes bya ba la sogs pa la/ 'dir pho nya'i lam ni bla ma las shes par bya'o/ /
 de las gzhan pa'i dbang du byas nas/ ting nge 'dzin sems dpa' i 'od kyi snod bcud bsdus te tshur 'dus pas bsrung ba'i 'khor lo la sogs pa gtso bo la thim/ gtso bo yab yum ye shes sems dpa' la thim nas/ de'i mtshan nyid
 bstan pa'i phyir/ zla ba'i dkyil 'khor zhes bya ba la de yang zla ba'i dkyil 'khor la bzhugs pa'o/ /yi ge'i mchog ni ting nge 'dzin sems dpa' o/ /de lta bu'i sku gsung thugs rdo rje can te ye shes sems dpa' o/ /de
 yang yum yab la thim/ yab yi ge la thim/ yi ge yang rim gyis thim par bsams shing/ sems gtang par bya'o/ /de ni gzugs las 'das pa ni sems snang ba gsum rim gyis thim par bsam mo/ /de'i mtshan
 nyid bstan pa'i phyir/ /dngos po med pa'i sems nyid yin zhes bya'o/ /de yang bsam gyis mi khyab bsam ni 'od gsal du bsgom pa'o/ /sems nyid brtag par mi bya'o zhes bya ba ni/ de la sems bzhag pa thabs dang dpe dang nyams bstan pa'o
 de/ man ngag ni 'di yin te/ rgyu kun rdzob 'bras bu'i don dam pa la gzhug pa'i phyir ting 'dzin sems dpa' las 'od zer lnga spros pas 'dus byas gyi dngos po thams cad 'od lngar bzhu ste/ de yang 'dus pa las/ bsrung ba'i 'khor lo
 la thim de gzhal yas khang la thim/ de bka' bsgo brgyad la thim/ de nas sku gsung thugs la rim gyis thim pa/ mkha' 'gro ma bzhi la thim par bsam de gtso bo'i zhal bzhi la thim/ gtso bo yab yum ye shes sems dpa' la
 thim/ de ting nge 'dzin sems dpa' la thim/ de yang rim gyis je phra je phra bsams te/ sems bsgrims la phra bar gtad de bsgom par bya'o/ /sems de yang 'od gsal ba rnam par shes pa gsum dang bral ba shes rab kyi pha rol tu
 phyin pa'i ngo bo lus dang/ ngag dang sems med pa/ las dang skye ba las grol ba/ zla ba dang nyi ma dang/ me dang nor bu'i 'od ltar shin tu gsal ba/ rtag tu gsal pa'i mtshan nyid can/ de la bzhag thabs lnga dang/ dpe dang nyams dang ldan
 par bsgom par bya ste/ zhib tu bla ma las shes par bya'o/ /de nas don dam pa dang 'dus ma byas dang/ rdzogs pa'i rim pa dang/ rdo rje 'chang gi dbugs dbyung dang/ dmigs med pa'i shes rab kyi yul bstan pa'o/ /nga ni gnyis su med
 pa'i phyag rgya chen po zung 'jug bstan pa'i phyir/ bsam gyis mi khyab de bsams nas/ zhes bya ba la sogs pa la bsam gyis mi khyab pa ni 'od gsol/ /'od gsal pa'i ngang las/ sngar gyi rgyu ma lta bu'i lha'i sku'i dran pa thob pa la
 gzungs zhes bya'o/ /gzungs thob pa ni sgyu ma lta bu'i sku langs pa'o/ /kha TwAM ga ni lha'i sku zhes bya ba la sogs pa ni spyod? pa'i man ngag bstan pa ste rgyud du shes par bya'o/ /de nyid rgyas par bstan pa ni/ mya ngan 'das byung
 dpa' ba rnams/ zhes bya bo la sogs pa la/ mya ngan las 'das pa ni 'od gsol lo/ /de las byung ba'i dpa' bo ni nyi shu rtsa lnga'o/ /brda? lag ni drug cu ste thabs shes rab kyi lha drug cu rtsa gnyis so/ /de gang la brten nas zhe na/ sems gsum
 rlung dang bcas pa las sprul pa'o/ /de yang don dam pa'i bden pa'i sprul pa phag mo'i gzugs su bstan la/ kun rdzob kyi bden pa sprul pa gtso bo la sogs pa'o/ /de gnyis med du bstan pa'i phyir/ /sh+rI ni gnyis med ye shes te/
 zhes bya ba la sogs pa la/ gnyis med ye shes ni zung 'jug go /sgyu sogs ni bdag dang gzhan dang gnyis dang rgyu med pa las skye ba rnam par spangs pa'o/ /tshogs ni gnas pa 'jig pa'i tshogs dang bral pa'o/ /gang duAng mi gnas pa ni
 mdza' gnyis la mi gnas pa ste phyag rgya chen po zung 'jug go /de la man ngag ni 'di yin te/ 'od gsal ba'i dang la sems gnas par nus tshad gtang de bsgoms la de'i ngang la skad cig gis sgyu ma lta bu'i lhar langs la/ de la
 shes rab kyis dpyad cing goms par bya'o// //da ni ting nge 'dzin de'i phan yon bstan pa'i phyir/ sems la rnam gnas rnal 'byor pa/ zhes bya ba la/ phyag rgya chen po zung 'jug gi sems la rnam par gnas pa'i rnal 'byor
 pa la/ mya ngan las 'das pa mi ston zhes bya'o/ /de la rgyu mtshan gnyis te/ mya ngan las 'das pa ste 'od gsal 'ba' zhig mi ston pa dang/ don dam par 'chi ba med mi ston pa'o/ /'od gsal 'ba' zhig mi ston pa ci zhe na/
 dpal rdo rje mkha' 'gro las/ gzhan du gal te sbyor ba ni/ /mtshad mar me lta bur 'da' / zhes gsungs pa'i phyir ro/ /de la skyon ci yong ce na/ de na mar me shi ba ltar rang bzhin gyi don gsal ba med pa'i phyir ro/ /de bas na bden pa gnyis kyi chu la
 la gnas nas gzhan don phun sum tshogs pa sgrub pa'i phyir/ ji srid 'khor ba'i gnas su ni/ /mkhas mchog 'dug bar gyur pa'i bar/ /de srid sems can mtshungs med don/ /mya ngan yi 'da' par ni mdzad/ /de ni 'jigs
 pa sna tshogs pa'i gnas yin pa'i phyir/ gnas ma yin zhe na/ gnas kyang mi gnod pa'i phyir/ de ltar sems can dam ba rnams/ /srid pa'i zhags pas 'jigs med par/ /mi skyo bar ni brtson 'grus kyis/ /rtag tu sems can rnams
 don mdzad ce'o/ /de yang ji srid du zhe na/ nam mkha' gnas pa'i mthar thug pa'o/ /ci byed cen/ smon lam rnam par sbyong byed pa'i/ /sems can don brtson sems kyis ni/ /dpa' bo srid pa sbyor bar mdzad ce'o/ /'chi ba med pa ni de kho na
 nyid mthong bas rtag chad la sogs pa'i lta ba 'gags pa'i phyir/ 'chi ba med pa ste/ de'i rgyu de yin pa'i phyir ro/ /'o na kun rdzob tu yang 'chi ba med dam zhen/ tha snyad du yod par bstan pa'i phyir/ 'pho ba'i tshe na zhes bya ba la sogs pa
 la/ phung po la sogs pa ni pha rol tu mi 'phro ste/ rtag pa'i skyon du thal ba'i phyir ro/ /pha rol 'chi ba las gzhan yang yin te/ rgyu med pa'i nyes par thal ba'i phyir ro/ /'o na ci zhe na/ de nyid dang gzhan du brjod du med pa ste/ dper na mar
 me las mar me dang zhes bya ba la sogs pa bzhin no/ /de yang gser 'od dam pa las/ /sangs rgyas mya ngan mi 'da' zhing/ /chos kyang nub par mi 'gyur te/ sems can rnams ni 'dul ba'i phyir/ /mya ngan 'da' bar bstan pa yin/ zhes
 ba dang/ lang kar gshegs pa las kyang/ 'di la gang yang rkyen rnams kyis/ /skye ba med cing 'gag pa med/ /brtags pa'i rkyen rnams kho na ni/ /skye zhing 'gag par 'gyur pa yin/ /zhes gsungs pa'i phyir/ re
 zhig 'pho rnam par dag pa brjod par bya'o/ /'dir gong ma lta bu'i rnal 'byor pa de khams gong ma gnyis su yid kyi rang bzhin gyi lus kyis 'phos nas don byed pa ste/ de yang rtag tu 'dod pas myos pa yis/ /lha yi bu 'di
 rnams dang ni zhes gsungs pa'i phyir/ ji ltar 'pho zhe na/ 'pho ba'i tshe na rnal 'byor pa zhes bya ba ni rten 'di 'dor ba'o/ /gang zhe na/ bden pa gnyis la gnas pa'i rnal 'byor pa ste/ gang gis spyan 'dran zhe na/ dpal
 ldan khrag 'thung la sogs te/ dpa' bo nyi shu rtsa lnga'o/ /rnal 'byor ni sum cu rtsa bdun no/ /de rnams kyi me tog la sogs pa'i mchod pa dang/ rol mo'i sgra dang/ rdo rje'i glu dang bcas pa'i tshig tu yang/ /'chi ba zhes pa rnam rtog
 ste/ zhes brjod cing/ mkha' spyod du spyan 'dren par byed do/ /der yid kyi lus kyis lha'i bu chags pa can rnams kyi don byas nas/ yang 'dir 'ongs nas skye bo chags pa can gyi 'dod chags dag par bya ba'i phyir yang srid pa len
 par byed do/ /bde bas na/ gzhan yang skye bo chags can phyir/ /'dod chags thams cad dag par mdzad ces pa dang/ de'i nang duAng mngon zhen dang/ /gang duAng gnas pa yang ma yin zhes bya'o// //'o na chos
 thams cad bden pa gnyis dang mi phyed pa zung 'jug tu rtogs nas/ de goms par byed pa la 'jig rten pa'i sems la sogs pa 'byung ngam mi 'byung zhe na/ de ltar yang dag 'byung mod kyi zhes bya ba la sogs? pa la/
 de ltar zhes bya ba ni 'jig rten phal pa la ji ltar 'byung ba de ltar yang dag par 'byung mod kyi 'on kyang 'dod par bya bar 'brel lo?/ /'dod par bya ba ci zhe na/ sgyu ma lta bu'i dngos dag ni zhes bya ba sgyu ma ltar skye med du shes par 'dod pas
 'dod par bya /longs spyod khyad 'phags skye 'gyur ba/ zhes bya ba ni skye med du shes pas so/ /bde ba'i yongs su 'gyur bzhin pas/ zhes bya ba ni phal pa ltar sdug bsngal gyi rgyur mi 'gyur bas so/ /'bras bu khyad 'phags thob
 'gyur bas ni zhes bya ba la/ 'bras bu la gnyis te shes rab gsum gyi 'bras bu gong nas gong gi rtogs pa yin la/ mthar thug gi 'bras bu rang gzhan gyi don phun sum tshogs pa'o/ /de'i phyir na 'dod par bya zhes bya'o/ /de'i
 phyir/ de ltar yang dag 'byung mod kyi/ /sgyu ma lta bu'i dngos dag ni/ /longs spyod khyad 'phags skye 'gyur ba/ /bde ba'i yongs su 'gyur bzhin pas/ /'bras bu khyad 'phags thob 'gyur bas/ /ci yi phyir na 'dod mi bya zhes bya'o/
 da ni lam khyad par can la gnas pa'i phan yon dang/ rgyu 'bras phyin ci ma log pa la gdams pa bstan pa'i phyir/ mkha' 'gro las/ bsgom pa khyad par can gang zhig /goms pa'i stobs ni rdzogs pa na/ /yid 'ong bde ba'i
 'bras bu ni/ /bla med gsal ba blo yi mthu/ zhes pa la/ sgom pa khyad par can ni/ mi mthun pa dang gnyen por ro gcig par shes pa'o/ /goms pa'i stobs shes rab gsum rim gyis goms pa'o/ /rdzogs pa ni khyad par du gyur
 pa'o/ /bde ba'i 'bras bu ni gnas skabs dang mthar thug gi 'bras bu'o/ /de lta bu'i bla na med pa'i 'bras bu gsal ba ni blo ste shes rab kyi mthu'o/ /de'i phyir bsam pa dang bsgom pa'i shes rab la nan tan gyis bsgrubs shig pa'o/ /
 rgyu 'bras ma nor ba la gdams pa ni/ 'bras bu don gnyer rgyu bsgrubs na/ /der ni lha mo su zhig 'gog /zhes bya ba la/ sangs rgyas don du gnyer bar rgyu/ shes rab gsum phyin ci ma log par bsgrubs na der
 'bras bu la gegs med pa'i phyir bcom ldan 'das dpal he ru kas ma rdo rje phag mo la bos nas gdams pa'o/ /de'i phyir/ de bas 'bad pa thams cad kyis/ /kun tu 'gro ma mchod par bya/ /zhes bya ste/ shes rab gsum
 la nan tan du gdams pa'o/ /mthun pa'i rkyen ma tshang ba ni mi 'grub pa'i rgyu yin pas/ de'i phyir dka' thub sdom pa mi bzad pas/ /lus ni bskams shing sdug bsngal 'gyur/ /sdug bsngal gyis ni sems g.yengs na/ /
 g.yengs pas dngos grub gzhan du 'gyur/ /lus dang sems ni brtan 'gyur na/ /bde ba thams cad brtan 'gyur ba/ /sdug bsngal gyis ni g.yo 'gyur bas/ /shin tu 'gog par 'gro bar 'gyur/ /des na lus dang ngag
 sems rnams/ /brtan par byas na byang chub 'thob/ /gzhan du dus min 'chi ba dang/ /dmyal bar nges par bsreg par 'gyur/ /zhes bcom ldan rdo rje can gyis gsungs/ /zhes bya ste tshig don ni go sla'o/ /chos kyi phung po
 brgyad khri dang/ /bzhi stong gsungs pa gang yin pa/ /nges don brjod bya bkrol ba la/ /'phags dang mkha' 'gro bzod par mdzod/ /nges don zab mo brgyud pa'i rim/ /bla ma'i lung bzhin gsal phye bas/ /mig med lam nor
 rnams kyi ni/ /mig 'byed lam rtogs rgyur gyur cig /rnal 'byor gyi dbang phyug lU yi pas rigs drug pa he ru ka'i thabs rtsa ba'i dkyil 'khor chen po mdzad pa'i don rgyud ltar bkrol ba/ /mkhas pa chen po dI paM ?
 ra sh+rI dz+nyA? nas mdzad pa rdzogs so// //paN Di ta de nyid dang/ lo tsa ba dge slong tshul khrims rgyal pa ma bsgyur cing zhus te gtan la phab pa'o// // (*/ /dpal 'khor lo sngo ba'i sgrub thabs bzhugs/) */ /rgya gar