Wylie

e-texts based on the ACIP/ALL Input

བྱིན་གྱིས་མཛད་པ་རྫོགས་སོ། (།།དགེ་སློང་གི་ལོ་དྲི་བ་བཞུགས།།)་།།རྒྱ་གར་སྐད་དུ། བྷིཀྵུ་བར་ཤ་གྲཾ་པྲིཙྪ། བོད་སྐད་དུ། དགེ་སློང་གི་དང་པོའི་ལོ་དྲི་བ། །ཐམས་ཅད་མཁྱེན་པ་ལ་ཕྱག་འཚལ་ལོ། །མཁན་པོ་དགོངས་སུ་གསོལ་ཕྱག ་འཚལ་ལོ། །དགུང་ལ་བདེ་འམ་ཞེས་དྲི། ཆག་ཆག་དང་ཕྱག་དར་དང། མཎྜལ་བགྱི་།ཀློག་པ་དང། ཁ་ཏོན་དང། དགེ་བའི་ཕྱོགས་ཀྱིས་ཀུན་ཏུ་སྤྱད་པ་ལ་ཆོས་དང་མཐུན་པར་བགྱི། གཎྜེའི་དུས་སུ་བརྗོད་པར་བྱ་བ་ནི། མཁན་པོ་དགོངས་སུ་གསོལ། ་ཕྱག་འཚལ་ལོ། །བདེ་བར་གསོལ་ལམ་ཞེས་དྲི། ཀློག་པ་དང། ཁ་ཏོན་བགྱི། ཅུང་ཞིག་ངལ་སོ་ཞེས་ཞུ། མཁན་པོ་དགོངས་སུ་གསོལ། ཕྱག་འཚལ་ལོའོ། །གདུགས་ལ་བདེ་འམ་ཞེས་དྲི། རྐང་པ་དག་བཀྲུ། མཆིས་མལ་འཆའ། སྲོང་དང་ཐོ་རངས་ལ ་མི་ཉལ་བར་དགེ་བའི་སྦྱོར་བ་བགྱི། ཅུང་ཞིག་ངལ་བསོ་ཞེས་ཞུ། སློབ་དཔོན་དགོངས་སུ་གསོལ། ཕྱག་འཚལ་ལོ། །དགུང་ལ་བདེ་འམ་ཞེས་དྲི། ཆག་ཆག་དང། ཕྱག་དར་དང། མཎྜལ་ལ་སོགས་པ་བགྱིད། ཀློག་པ་དང་ཁ་ཏོན་བགྱིད། བསམ ་གཏན་བགྱིད། ཅེས་ཞུས། གཎྜེའི་དུས་སུ་ནི། ཟས་ལ་ཀུན་ཏུ་སྤྱད་པར་བགྱིད། ཞབས་ལ་སྐུ་མཉེ་ལ་སོགས་པ་བགྱིད། མཉན་བ་དང་བསམ་པ་ལ་སོགས་པ་བགྱིད་ཅེས་ཞུ། དེ་ནི་ཁྱོད་ཀྱི་རྗེས་སུ་གནང་བས་སོ། །གློ་བུར་དུ་འོངས ་བ་ལ་དྲི་ཞིང་ལན་གདབ་པ། ལོ་དུ་ལོན་ཞེ་ན། ལོ་ལོན་པའམ་མ་ལོན་པ་ཞེས་བྱ་བ་ལ་སོགས་པ་བརྗོད། དུས་གང་ཞེ་ན། སོ་གའི་དུས་ལ་སོགས་པའོ། །ཅི་ཙམ་ཐོབ་ཅེ་ན། ཟླ་བ་གཅིག་གམ། ཟླ་བ་ཕྱེད་དམ། ཞག་བཅུ་པ་ལ་སོགས་པའོ། །ཟས་ཀྱི་སྔ ་རོལ་ལམ་ཟས་ཀྱི་འོག་རོལ་ཅེ་ན། དེ་བཞིན་དུ་ཟས་ཀྱི་སྔ་རོལ་ལམ་ཟས་ཀྱི་འོག་རོལ་ཞེས་ལན་གདབ་པོ། །སྐྱེས་བུ་དུ་དང་རྩ་བ་དུ་ཞེ་ན། སྐྱེས་བུ་གཅིག་དང་རྩ་བ་གཉིས་ཞེས་བྱ་བ་ལ་སོགས་པ་བརྗོད་དོ། །མཁན་པོ་གང་ཡིན་ཞེ་ན། དོན་གྱི་སླར ་དུ་མཚན་ནས་སྨོས་ཏེ། བླ་མ་མཁན་པོ་ཆེ་གེ་མོ་ཞེས་བྱའོ། །ལས་བྱེད་པའི་སློབ་དཔོན་གང་ཞེ་ན། སློབ་དཔོན་ཆེ་གེ་མོ་ཞེས་སོ། །གསང་སྟེ་བ་སྟོན་པའི་སློབ་དཔོན་གང་ཞེ་ན། སློབ་དཔོན་ཆེ་གེ་མོ་ཞེས་སོ། །དུས་དུ་ཡོད་ཅེ་ན་ལྔའོ། །ལྔ་པོ་དག་གང་ཞེ་ན། ་རྒུན་དང། སོག་དང། དབྱར་དང། དབྱར་ཐུང་དུ་དང། དབྱར་རིང་པོ་ཞེས་བྱ་བའོ། །དེ་ལ་རྒུན་གྱི་དུས་ཚོང་ཇི་ཙམ་ཞེ་ན། ཟླ་བ་བཞིའོ། །བཞི་པོ་དག་གང་ཞེ་ན། རྒུན་ཟླ་ར་བ་དང། རྒུན་ཟླ་འབྲིང་པོ་དང། རྒུན་ཟླ་ཐ་ཆུང་དང། དཔྱིད་ཟླ་ར་བ་ཞེས་སོ། །སོ་གའི ་དུས་ཚོད་ཇི་ཙམ་ཞེ་ན། ཟླ་བ་བཞིའོ། །དཔྱིད་ཟླ་འབྲིང་པོ་དང། དཔྱིད་ཟླ་ཐ་ཆུང་དང། དབྱར་ཟླ་ར་བ་དང། དབྱར་ཟླ་འབྲིང་པོ་དག་གོ། དབྱར་གྱིས་དུས་ཇི་ཙམ་ཞེ་ན། ཟླ་བ་གཅིག་སྟེ། དབྱར་ཟླ་ཐ་ཆུང་ངོ། །དབྱར་ཐུང་དུའི་དུས་ཇི་ཙམ་ཞེ་ན། ཉིན ་ཞག་གཅིག་སྟེ། ཉིན་ཞག་གཅིག་པོ་གང་ཡིན་ཞེ་ན། སྟོན་ཟླ་ར་བ་ཚེས་གཅིག་གི་ཉིན་ཞག་གོ། དབྱར་རིང་པོའི་ཚད་ཇི་ཙམ་ཞེ་ན། ཉིན་ཞག་དེ་ཉིད་མ་ཚང་བའི་ཟླ་བ་གསུམ་མོ། །ཟླ་བ་གསུམ་པོ་དག་གང་ཡིན་ཞེ་ན། སྟོན་ཟླ་ར་བ་དང། ་སྟོན་ཟླ་འབྲིང་པོ་དང། སྟོན་ཟླ་ཐ་ཆུང་ངོ། །ཡང་སྨྲས་པ། ཞག་གཅིག་མ་ཆེ་བ་ཟླ་གསུམ་དང། །བཞི་དང་དེ་བཞིན་བཞི་པོ་དང། །ཟླ་བ་གཅིག་ཡིན་ཞག་གཅིག་ཡིན། །ཞེས་བྱ་དུས་ཀྱི་ལྔ་པོར་བརྗོད། །སྡེ་པ་གང་ཞེ་ན། འཕགས་པ་ཐམས་ཅད་ཡོད་པར་སྨྲ ་བ་ཞེས་བྱ་བ་ལ་སོགས་པའོ།། །།དེའི་དབྱེ་བ་གང་ཞེ་ན། འཕགས་པ་གཞི་ཐམས་ཅད་ཡོད་པར་སྨྲ་བ་ཞེས་བྱ་བ་ལ་སོགས་པའོ།། །།ཡང་སྡེ་པ་དུ་ཞེ་ན། བཞིའོ། །བཞི་པོ་གང་དག་ཅེ་ན། འཕགས་པ་ཐམས་ཅད་ཡོད་པར་སྨྲ་བ ་དང། འཕགས་པ་དགེ་འདུན་ཕལ་ཆེན་པ་དང། འཕགས་པ་མང་པོས་བཀུར་པ་དང། འཕགས་པ་གནས་བརྟན་པའོ།། །།དེ་དག་ལ་དབྱེ་བ་དུ་ཡོད་ཅེ་ན། བཅོ་བརྒྱད་དོ། །བཅོ་བརྒྱད་པོ་དེ་དག། ཇི་ལྟར་ན་བཅོ་བརྒྱད་དུ་འགྱུར་ཞེ་ན། འཕགས ་པ་ཐམས་ཅད་ཡོད་པར་སྨྲ་པའི་དབྱེ་བ་བཞིའོ། །དེ་བསྟན་པར་བྱ་སྟེ། འོད་སྲུངས་ཞེས་བྱས་སྲུང་དང། ཆོས་སྲུང་བ་ཞེས་བྱ་བ་དང། གཞི་ཀུན་ཡོད་པར་སྨྲ་བ་སྟེ། ལྟ་བའི་བྱེ་བྲག་འབའ་ཞིག་གིས། །རྒྱུ་ཡིས་འདི་དག་ཐ་དད་བྱས། །སྟོན་པ་ཐ་དད་ཡོད་མ ་ཡིན། །དགེ་འདུན་ཕལ་ཆེན་དབྱེ་བ་ནི། །དྲུག་སྡེ་ཤར་གྱི་རི་བོ་དང། །དེ་བཞིན་ནུབ་རི་ཞེས་བྱ་དང། །གང་གནས་ཞེས་བྱ་དེ་ལས་གཞན། །རྣམ་པར་ཕྱེ་སྟེ་སྨྲ་བ་དང། །གཞན་ནི་དེ་བཞིན་བཏགས་པར་སྨྲ། །འཇིག་རྟེན་འདས་སྨྲ་ཞེས་བྱ་བ། །དེ་དག་དུ་ནི་ཡང ་དག་སྨྲས།། །།མང་པོས་བསྐུར་བའི་བྱེ་བྲག་ནི། །རྣམ་པ་ལྔར་ནི་མཁས་པས་བསྒྲགས། །གོས་དམར་བ་དང་སྲུང་བ་པ། །ཀུ་རུ་ཀུལླེ་དེ་ལས་གཞན། །མང་དུ་ཐོས་པ་ཞེས་བྱ་དང། །གནས་མ་བུ་ཞེས་བྱ་བའོ། །རྒྱལ་བྱེད་ཚལ་ན་གནས ་པ་དང། །འཇིགས་མེད་རི་ལ་གནས་པ་དང། །གཙུག་ལག་ཁང་ཆེན་ལ་གནས་དང། །གནས་བརྟན་དབྱེ་བ་གསུམ་དུ་འདོད།། །།ཤཱཀྱ་སེང་གེའི་བསྟན་པ་ནི། །དེ་ལྟར་བྱེ་བྲག་བཅོ་བརྒྱད་དུ། །གྱུར་ཏེ་འགྲོ་བའི་བླ་མ་དེའི། །སྔོན ་གྱི་ཕྲིན་ལས་ཉེས་བ་ཡིན།། །།རྟེན་དུ་ཞེ་ན། བཞི་སྟེ། བཞི་གང་དག་ཅེ་ན། གོས་ཕྱག་དར་ཁྲོད་ལ་བརྟེན་པ་དང། ཟས་བསོད་སྙོམས་ལ་བརྟེན་པ་དང། གནས་མལ་ཤིང་དྲུང་ལ་བརྟེན་པ་དང། སྨན་བསྐུས་ཏེ་བོར་བ་ལ་བརྟེན ་པའོ།། །།ལྟུང་བར་འགྱུར་བའི་ཆོས་དུ་ཞེ་ན། བཞི་སྟེ། བཞི་པོ་གང་དག་ཅེ་ན། མི་ཚངས་པར་སྤྱོད་པ་དང། གཞན་གྱིས་ནོར་འཕྲོག་པ་དང། མིའི་སྲོག་གཅོད་པ་དང། མིའི་ཆོས་བླ་མར་སྨྲ་པའོ།། །།དགེ་སྦྱོང་དུ་བྱེད་པའི་ཆོས་ ་དུ་ཞེ་ན། བཞི་སྟེ། བཞི་པོ་གང་དག་ཡིན་ཞེ་ན། གཤེ་བ་ལ་ཡང་སླར་མི་གཤེ་བ་དང། ཁྲོས་ཀྱང་སླར་མི་ཁྲོ་བ་དང། བརྡེག་ཀྱང་སླར་མི་རྡེག་པ་དང། མཚང་བྲུས་ཀྱང་སླར་མི་འབྲུ་བའོ།། །།ལྟུང་བ་རིས་དུ་ཡོད་ཅེ་ན། ལྔ་སྟེ། ལྔ་པོ་གང ་དག་ཅེ་ན། ཕས་ཕམ་པར་འགྱུར་བའི་རིས་དང། དགེ་འདུན་ལྷག་མའི་རིས་དང། ལྟུང་བྱེད་ཀྱི་རིས་དང། སོ་སོར་བཤགས་པའི་རིས་དང། བསླབ་པའི་རིས་ཞེས་བྱ་བའོ། །དེ་ལ་ཕས་ཕམ་པར་འགྱུར་བ་དུ་ཡོད་ཅེ་ན། བཞི་སྟེ། བཞི་པ་གང་དག་ཡིན ་ཞེ་ན། །མི་ཚངས་པར་སྤྱོད་པ་དང། མ་བྱིན་པར་ལེན་པ་དང། མི་གསོད་བ་དང། མིའི་ཆོས་བླ་མ་སྨྲ་བའོ། །དགེ་འདུན་ལྷག་མའི་ཆོས་དུ་ཡོད་ཅེ་ན། བཅུ་གསུམ་མོ། །བཅུ་གསུམ་པོ་གང་དག་ཡིན་ཞེ་ན། འབྱིན་པ་དང། ལུས་ཀྱིས་རེག་པ་དང། ་འཁྲིག་།ཚིག་སྨྲ་བ་དང། བསྙེན་བཀུར་བསྔགས་པ་དང། སྨྱན་བྱེད་པ་དང། ཁང་པ་བརྩིགས་པ་དང། གཙུག་ལག་ཁང་བརྩིགས་པ་དང། གཞི་མེད་པའི་ཆོས་ཀྱིས་སྨྲ་བ་དང། གཞན་གྱི་ཆ་དང་མཐུན་པས་རྗེས་སུ་སྨྲ་བ་དང། དགེ་འདུན་གྱི ་དབྱེན་བྱེད་པ་དང། དེའི་རྗེས་སུ་ཕྱོགས་སུ་ཕྱོགས་པ་དང་ཁྱིམ་སུན་འབྱིན་པ་དང། བཀའ་བློ་མི་བདེ་བར་བྱེད་པའོ། །ལྟུང་བྱེད་ཀྱི་ཆོས་དུ་ཡོད་ཅེ་ན། བརྒྱ་ཕྲག་གཅིག་དང་ཉི་ཤུ་ལྷག་པའོ། །སྤང་བའི་ལྟུང་བྱེད་ཀྱི་ཆོས་སུམ་ཅུ་པོ་གང་དག་ཡིན། ལྟུང་བ་འབའ་ ་ཤིག་དགུ་བཅུ་ནི་གང་དག་ཡིན། སྤང་བའི་ལྟུང་བྱེད་ཀྱི་ཆོས་སུམ་ཅུ་པོ་ནི། གོས་འཆང་བ་དང། འབྲལ་བ་དང། ཟླ་བ་གཅིག་ལས་ལྷག་པ་དང། འཁྲུར་འཇུག་པ་དང། ལེན་པ་དང། སློང་བ་དང། སྟོད་གཡོགས་སྨད་གཡོགས་མཐར ་ཐུག་བ་ལས། ལྷག་པ་དང། མ་བསྟབས་པའི་གོས་ཀྱི་རིན་དང། སོ་སོ་བ་དང། གོས་ཀྱི་རིན་བསྐུར་བ་ཞེས་བྱ་བའོ། །སྲིན་བལ་དང། ནག་པོ་འབའ་ཤིག་དང། ཆ་གཉིས་དང། ལོ་དྲུག་དང། གདིང་བ་མཐོ་གང་མ་ཀླན་པ་དང་། ་པ་ལ་ཁུར་བ་དང། བལ་གྱི་ལས་དང། གསེར་དངུལ་ལེན་པ་དང། མངོན་མཚན་ཅན་དང། ཉོ་ཚོང་ངོ། །ལྷུང་བཟེད་ལྷག་པ་འཆང་བ་དང། ལྷུང་བཟེད་གཞན་ཚོལ་བ་དང། འཐག་པ་དང། འཐག་པ་བསྐྱེད་པ་དང། བྱིན་འཕྲོག་དང། ་བརྟད་པ་ལས་བྱུང་བ་དང། ཞག་དྲུག་ལས་ལྷག་པར་འབྲལ་བ་དང། དབྱར་གྱི་གོས་རས་ཆེན་གྱི་དང། བསྔོས་པ་གཞན་དུ་བསྒྱུར་བ་དང། ཞག་བདུན་པ་ཞེས་བྱ་བ་དག་གོ་།ལྟུང་བ་འབའ་ཞིག་དགུ་བཅུ་གང་དག་ཡིན་ཞེ་ན། བརྫུན་དུ ་སྨྲ་བ་དང། དགེ་སློང་གི་སྐྱོན་སྨྲ་བ་དང། དགེ་སློང་གི་དབྱེན་དང། ལས་དཀྲུག་བ་དང། སྟོན་པ་དང། འདོན་པ་དང་གནས་ངན་ལེན་བརྗོད་པ་དང། མི་ཆོས་བླ་མ་སྒྲོགས་པ་དང། སྐུར་པ་འདེབས་པ་དང། བསླབ་པ་ལ་ཁྱད་དུ་གསོད ་པའོ། །ས་བོན་འཇོམས་པ་དང། འཕྱ་བ་དང། བསྒོ་བ་དང། མལ་ཁྲི་དང། གདིང་བ་དང། གཙུག་ལག་ཁ་ནས་སྐྲོད་པ་དང། ཕྱིས་གནོན་བྱེད་པ་དང། རྐང་པ་དབྱུང་བའི་ཁྲི་ལ་འདུག་པ་དང། སྲོག་ཆགས་དང་བཅས་པའི་ཆུ་ལ ་སྤྱོད་པ་དང། གཙུག་ལག་ཁང་ཞེས་བྱ་བའོ། །མ་བསྐོས་པར་སྟོན་པ་དང། ཉི་མ་ནུབ་ཀྱི་བར་དུ་སྟོན་པ་དང། ཟས་ཅུང་ཟད་ཙམ་གྱི་ཕྱིར་སྟོན་པ་དང། གོས་སྦྱིན་པ་དང། གོས་བྱེད་པ་དང། དགེ་སློང་མ་དང་བཅས་པའི་ལམ་དང། དགེ ་སློང་མ་དང་བཅས་པའི་ཆུ་ལ་འགྲོ་བ་དང། བུད་མེད་དེ་བསྟན་གཅིག་པ་དང། དགེ་སློང་མ་དང། གནས་གཅིག་པ་དང། དགེ་སློང་མས་ཉེ་བར་སྦྱོར་དུ་བཅུག་པའི་ཟས་སོ། །ཟས་ཡང་ཡང་ཟ་བ་དང། འདུག་གནས ་གཅིག་ཏུ་ལྷག་པར་ཟ་བ་དང། ལྷུང་བཟེད་དེ་གསུམ་ལས་ལྷག་པར་ལེན་པ་དང། སྟན་གཅིག་པའི་ཟས་དང། སྤངས་པ་ལ་སྟོབས་པ་དང། འདུས་ཤིང་ཟ་བ་དང། དུས་མ་ཡིན་པར་ཟ་བ་དང། སོགས་འཇོག་ཟ་བ་དང། བྱིན ་ལེན་མ་བྱས་པར་ཟ་བ་དང། བསོད་པ་བླངས་ནས་ཟ་བའོ། །ཡང་སྲོག་ཆག་ཡོད་པའི་ཆུ་ལ་སྤྱོད་པ་དང། ཉལ་པོ་བྱེད་པར་འདུག་པ་དང་དེར་འགྲེང་བ་དང། གཅེར་བུ་པ་ལ་སྦྱིན་པ་དང། དམག་ལ་ལྟ་བ་དང། དེར་ཞག་གཉིས་ལས་ལྷག་པར ་གནས་པ་དང། དེར་ཡང་བཤམས་པ་དཀྲུགས་པ་དང། རྡེག་པ་དང། གཟས་པ་དང། དགེ་སློང་གི་ལྟུང་བ་འཆབ་པའོ། །ཟས་གཅོད་པ་དང། མེ་ལ་རེག་པ་དང། བདུན་པ་ཕྱིར་ལེན་པ་དང། བསྙེན་པར་མ་རྫོགས་པ་དང། ནུབ་གཉིས་ལས་ལྷག ་པར་ཉམས་པ་དང། བར་ཆད་ཀྱི་ཆོས་བར་དུ་མི་གཅོད་ཅེས་ཟེར་བ་དང། དེ་དང་གནས་གཅིག་ཏུ་ཉལ་བ་དང། དགེ་ཚུལ་བསྙིལ་བསྡུད་པ་དང། ཁ་དོག་མ་བསྒྱུར་བ་དང། གཞན་གྱི་རིན་པོ་ཆེ་ལ་རེག་པ་དང། ཁྲུས་ཡང་ཡང་བྱེད་པའོ། །དུད་འགྲོ ་གསོད་པ་དང། འགྱོད་པ་བསྐྱེད་པ་དང། གཡའ་སྒོག་པ་དང། ཆུ་ལ་རྩེ་བ་དང། བུད་མེད་དང་ལྷན་ཅིག་ཉལ་བ་དང། སྡངས་པར་བྱེད་པ་དང། སྤེད་པ་དང། རྡེང་མེད་པར་སྤྱོད་པ་དང། གཞི་མེད་པར་བསྒྲུབ་བ་དང། བུད་མེད་དང་འགྲོན་ལམ་དུ ་འགྲོགས་པའོ། །རྐུན་མ་དང་འགྲོགས་མ་དང། ལོ་མ་ཚང་བར་བསྙེན་པར་རྫོགས་པ་དང། ས་རྐོ་བ་དང། ལྷག་པར་བདག་གིར་བྱེད་པ་དང། བསླབ་པ་སྟོན་པ་ལས་ཕྱིར་ཟློགས་པ་དང། ཉན་ནས་འདུག་པ་དང། མི་སྨྲ་བར་འགོ་པ་དང། མ་གུས་པ་དང། ་ཆང་འཐུང་བ་དང། དུས་མ་ཡིན་པར་སྤྱོད་པ་ཞེས་བྱའོ། །གྲོང་རྒྱུ་བ་དང། རྒྱལ་པོའི་ཁྱིམ་དུ་ནུབ་མོ་འགྲོ་བ་དང། བསླབ་པའི་གཞི་འདོན་པ་ན་རྒོད་པས་གནས་པ་དང། ཁྱབ་རལ་སྒྲུབ་པ་དང། ཁྲི་རྐང་མཐོན་པོ་བྱེད་པ་དང། ཤིང་བལ་བཏིང་པ་དང། གདིང ་བ་དང་གཡོན་པ་དགབ་བ་དང། དབྱེར་གྱི་གོས་རས་ཆེན་གྱི་དང། བདེ་བར་གཤེགས་པའི་ཆོས་གོས་ཀྱི་དག་གོ། སོ་སོར་བཤགས་པའི་ཆོས་དུ་ཡོད་ཅེ་ན། བཞི་སྟེ། དགེ་སློང་མ་ལ་བསོད་སྙོམས་ལེན་པ་དང། དེ་ཞལ་ལྟ་བྱེད་པ་ལ་མ་བསྒོ་བར་ཟ་བ ་དང། ཁྱིམ་སྡོམ་པས་བསྡོམས་པ་འདྲལ་བ་དང། དགོན་པ་འཇིགས་པ་དང་གནས་པའི་ཞེས་བྱའོ། །བསླབ་པའི་ཆོས་དུ་ཞེ་ན། བརྒྱ་རྩ་བཅུ་གཉིས་ཏེ། གང་དག་ཅེ་ན། ཤམ་ཐབས་ལ་ཡང་རྣམ་བདུན་ཏེ། ཀུན་ནས་ཟླུམ་པོར་བགོ་བ་དང། ཧ་ཅང་རྩེངས ་པ་མ་ཡིན་པ་དང། ཧ་ཅང་འཇོལ་བ་དང། གླང་པོ་ཆེའི་སྣ་ལྟ་བུ་དང། ཏ་ལའི་ལོ་མ་ལྟ་བུ་དང། འབྲུའི་ཕུར་མ་ལྟ་བུ་དང། སྤྲུལ་མགོའི་གདེངས་ཀ་ལྟ་བུར་མ་ཡིན་པར་ཅིག་ཅར་བསླབ་པར་བྱའོ། །དེ་ལ་ཆོས་གོས་ལ་ཡང་རྣམ་པ་གསུམ་སྟེ། ཆོས་གོས་ཟླུམ ་པོར་བགོ་བ་དང། ཧ་ཅང་རྩེངས་པ་དང། འཇོལ་བ་མ་ཡིན་པའི་བགོ་བའོ། །ཤིན་ཏུ་བསྡམས་པ་ལ་སོགས་པ་ནི་ལྔ་སྟེ། ཁྱིམ་དུ་འགྲོ་བའི་བསླབ་པའོ། །ཤིན་ཏུ་བསྡམས་པ་དང། ལེགས་པར་བགོས་པ་དང། སྒྲ་བསྒྱུང་བ་དང། མིག་མི་གཡེང་བ་དང། ་གཉའ་ཤིང་གང་ཙམ་དུ་བལྟ་ཞིང་འགྲོ་བའོ། །མགོ་གཡོགས་པ་ལ་སོགས་པ་ནི་ལྔ་སྟེ། ཁྱིམ་དུ་འགྲོ་བའི་བསླབ་པའོ། །མགོ་མི་གཡོགས་པ་དང། མི་བརྫི་བ་དང། མི་གཟར་བ་དང། གཉའ?་གོང་དུ་མི་བསྣོལ་བ་དང་ལྷག་པར་མི་བསྣོལ ་པའོ། །མི་མཆོང་བ་ལ་སོགས་པ་ལ་ལྔ་ཡང། ཁྱིམ་དུ་འགྲོ་བའི་བསླབ་པ་སྟེ། མི་མཆོང་བ་དང། མི་བརྐྱང་བ་དང། ཙོག་པུས་མ་ཡིན་པ་དང། བྲང་བས་མ་ཡིན་པ་དང། དཀུར་མི་བརྟེན་པའོ། ལུས་ལ་སོགས་པ་ལྔ་ཡང་། ་ཁྱིམ་དུ་འགྲོ་བའི་བསླབ་བ་སྟེ། ལུས་མི་བསྒྱུར་བ་དང། ལག་པ་མི་ཀྱོག་པ་དང། བགོ་མི་བསྒྱུར་བ་དང། ཕྲག་པ་མི་སྤྲད་པ་དང། ལག་པ་མི་སྦྲལ་པའོ། །འདུག་པར་བྱ་བའི། སྟན་ནི་དགུ་སྟེ། ཁྱིམ་དུ་འདུག ་པའི་བསླབ་པའོ། །སྟན་ལ་མ་བསྒོ་བ་དང། མ་བརྟགས་པ་དང། ལྗིད་ཀྱིས་མི་དབབ་པ་དང། རྐང་པ་མི་བསྣོལ་བ་དང། བརླ་མི་བསྣོལ་བ་དང། ལོང་བུ་མི་བརྩེག་པ་དང། རྐང་པ་མི་དགུག་པ་དང། རྐང་པ་མི་གདང་བ་དང། ་འདོམས་མི་བསྟན་པའོ། །བྱིན་ལེན་བྱ་བ་བརྒྱད་དེ། ཟས་བླང་བའི་དུས་ཀྱི་བསླབ་པའོ། །ལེགས་པར་ཟས་བླང་བ་དང། མུ་དང་མཉམ་པར་མ་ཡིན་པ་དང། ཚོད་མ་དང་མཉམ་བར་མ་ཡིན་པ་དང། མཐལ་ཆགས་དང། ལྷུང ་བཟེད་ལ་ལྟ་བ་དང། མ་འོངས་བར་ལྷུང་བཟེད་མི་བཟེད་པ་དང། འདོད་པའི་ཕྱིར་ཕན་ཚུན་མི་གདབ་པ་དང། བཟའ་བ་དང་བཅས་པའི་སྟེང་དུ་ལྷུང་བཟེད་མི་བཟུང་བར་བྱའོ། །ཟས་ལ་ལེགས་པར་ཕྱ་བ་དྲུག་ནི། ཟས་ཟ་བའི་དུས ་ཀྱི་བསླབ་པ་སྟེ། ལེགས་པར་ཟས་བཟའ་བ་དང། ཁམས་ཧ་ཅང་མི་ཆེ་བ་དང། ཆུང་བ་མ་ཡིན་པ་དང། རན་པ་དང། མ་བཟས་བར་ཁ་མི་གདང་བ་དང། ཁ་ཁམ་གྱིས་བཀང་སྟེ་མི་སྨྲ་བའོ། །ཙུག་ཙུག་ལ་སོགས་པ་ལྔ་ཡང། ་ཟས་ཟ་བའི་དུས་ཀྱི་བསླབ་བ་སྟེ། ཅུག་ཅུག་དང། ལྕག་ལྕག་དང། ཧུ་ཧུ་དང། ཕུ་ཕུ་མི་བྱ་བ་དང། ལྕེ་ཕྱུང་སྟེ་ཟས་མི་བཟའ་བའོ།། །།འབྲུ་ནས་ཐ་དད་བྱེད་པ་ལྔ་ཡང། ཟས་ཟ་བའི་དུས་ཀྱི་བསླབ་པ ་སྟེ། འབྲུ་ནས་ཐ་དད་དུ་མ་ཡིན་པ་དང། འཕྱས་མི་གདགས་པ་དང། ཁུར་བ་མི་སྤོ་བ་དང། རྐན་མི་གཏོགས་པ་དང་ཁམ་འཕྲོར་མི་བཅད་པར་ཟས་བཟའ་བའོ། །ལག་པ་ལྡག་པ་ལ་སོགས་པ་ལྔ་ཡང། ཟས་ཟ་བའི་དུས ་ཀྱི་བསླབ་པ་སྟེ། ལག་པ་མི་སྡུག་པ་དང། ལྷུང་བཟད་མི་ཕྱོགས་པ་དང། ལག་པ་མི་ལྡག་པ་དང། ལྷུང་བཟེད་མི་བསྐྱམ་པ་དང། མཆོད་རྟེན་འདྲ་བ་བཅོམ་སྟེ་མི་བཟའ་བའོ།། །།འཕྱས་ལ་སོགས་པ་རྣམ་པ་བཞི་ནི། གཞན ་གྱིས་སེམས་བསྲུང་བ་ལ་སོགས་པའི་བསླབ་པ་སྟེ། འཕྱས་ཀྱི་བསམ་པས་མི་བལྟ་བ་དང། ལག་པ་ཟས་དང་འབག་པས་ཆུ་སྣོད་ལ་མ་བཟུང་བ་དང། ཟས་དང་འབག་པས་དྲུང་ན་མོལ་མི་གཏོར་བ་དང། མ་དྲིས་པར་ཆུ་ཟས་དང ་འབགས་པ་ཁྱིམ་གཞན་དུ་མི་དབོ?་བར་བསླབ་པར་བྱའོ།། །།ལྷུང་བཟེད་ལ་ཡང་རྣམ་པ་བཅུ་སྟེ། ལྷུང་བཟེད་ཀྱི་བསླབ་བ་སྟེ་ཟས་ཀྱི་ལྷག་མ་ལྷུང་བཟེད་ཀྱིས་མི་དོར་བ་དང། གཞི་མེད་པར་ལྷུང་བཟེད་མི་གཞག་པ ་དང། གང་ཁར་མ་ཡིན་པ་དང། གཡར་སར་མ་ཡིན་པ་དང། དཀན་གཟན་པོར་ལྷུང་བཟེད་མི་གཞག་པ་དང། འགྲེང་སྟེ་མི་བཀྲུ་བ་དང། གད་ཁ་དང། གཡང་ས་དང། དཀན་གཟར་པོར་མ་ཡིན་པར་ལྷུང་བཟེད་མི་གཞག་པར ་བྱ། རྒྱུན་ལས་བཟློག་སྟེ་མི་བཅུ་བར་བསླབ་པར་བྱའོ།། །།འགྲང་བར་བྱེད་པ་ལ་སོགས་པ་ལྔ་ནི། ཆོས་བཤད་པའི་དུས་ཀྱི་བརླབ་པ་སྟེ། མིན་པར་འདུག་པ་དང། ཉལ་བ་དང། སྟན་འཐོན་པོ་ལ་འདུག་པ ་དང། མདུན་དུ་འགྲོ་བ་དང། ལམ་ནས་འགྲོ་བ་ལ་འགྲེང་བ་དང། འདུག་པ་དང། དམའ་བ་ལ་འདུག་པ་དང། ཕྱི་ནས་འགྲོ་བ་དང། འགྲམ་ནས་འགྲོ་བ་ལ་ཆོས་མི་བཤད་པའོ།། །།མགོ་གཡོགས་པ་རྣམ་པ་ལྔ་ཡང་། ་ཆོས་བཤད་པའི་དུས་ཀྱིས་བསླབ་པ་སྟེ། མི་ན་བར་མགོ་གཡོགས་པ་དང། བརྗེས་པ་དང། གཟར་བ་དང། གཉར་བསྣོལ་བ་དང། ལྟག་པར་བསྣོལ་བ་ལ་ཆོས་མི་བཤད་དེ། །དོ་ཀེར་ཅན་ལ། སོགས་པ་ལྔ་ཡང། དུས་དེའི་བསླབ ་པ་སྟེ། མིན་པར་སྐྲ་དོ་ཀེར་ཅན་དང། ཞ་གྱོན་པ་དང། མགོ་ཅོད་པན་ཅན་དང། ཕྲེང་བ་ཅན་དང། དཀྲིས་པ་ལ་ཆོས་མི་བཤད་དོ། །གླང་ཆེན་ལ་སོགས་པ་བཞིན་པ་ལྔ་ཡང། དུས་དེའི་བསླབ་པ་སྟེ། གླང་པོ་ཆེ་དང། རྟ་དང་ཁྱོགས་དང། གཞོན་པའི་སྟེང་ན་འདུག ་པ་དང། མཆིལ་ལྷམ་གྱོན་པ་རྣམས་ལ་ཆོས་མི་བཤད་དོ། །ལག་ན?་འཁར་བ་ལ་སོགས་དྲུག་འདི་ཡང། དེའི་དུས་ཀྱི་བསླབ་པ་སྟེ། མིན་བར་ལག་ན་འཁར་བ་དང། གདུགས་དང། མཚོན་ཆ་དང། རལ་གྲི་དང། དགྲ་ཆ་ཐགས་པ་དང། གོ་ཆ་གྱོན་པ་ལ་ཆོས་མི་བཤད་དོ། །ན་བ་རྣམ་པ ་བཞི་རྣམས་ཏེ། མིན་པའི་དུས་ཀྱི་བསླབ་པའོ། །མིན་པར་འགྲེང་བས་དུས་ཀྱིས་བཤད་ཅི་མི་བྱ་ཆུའི་ནང་དུ་བཤང་གཅི་དང། མཆིལ་མ་དང། སྣབས་དང། སྐྱུགས་པ་དང། རླུགས་པ་མི་དོར་རོ། །རྩ་སྔོན་པོ་ལ་དེ་དག་མི་དོར་རོ། །གནོད་པ་མ་བྱུང་བར་ཤིང་ལ་མི་གང་ལས ་འཐོར་མི་འཛེག་པར་བསླབ་པར་བྱའོ། །དེ་ལྟ་བུའི་བསླབ་པའི་གནས་ཉིས་བརྒྱ་ལྔ་བཅུ་རྩ་གསུམ་ལྷག་པ་འདི་དག་བསྲུངས་ཤིང་མ་འདས་ན་དེའི་འབྲས་བུ་ནི་གང། ཕན་ཡོན་ནི་ཅི་ཡོད། གང་གིས་མ་བསྲུངས་ཤིང་འདས་པ་དེ་དག་གི་རྣམ་པར་སྨིན་པ་ནི་གང་ཡིན་ཉེས ་དམིགས་ནི་ཅི་ཡོད་ཅེ་ན་དེ་ལ་གང་བསྲུང་བ་དེ་ནི་ཚངས་པ་མཚུངས་པར་སྤྱོད་པ་མཁན་པོ་རྣམས་ཀྱིས་རབ་ཏུ་བསྔགས་པར་འགྱུར། འཆི་བའི་དུས་བྱེད་པའི་ཚེ་འགྱོད་པ་མེད་པར་འགྱུར་རོ། །དེ་ལ་ཕས་ཕམ་པར་འགྱུར་བ་བསྲུང་ན། ལུས་ཞིག་པའི་འོག་ཏུ་གཞན་འཕྲུལ་དབང ་བྱེད་ཀྱི་ལྷ་རྣམས་དང། སྐལ་པ་མཉམ་པར་སྐྱེ་བར་འགྱུར་རོ། །དགེ་འདུན་ལྷག་མ་བསྲུངས་ནས། ལུས་ཞིག་པའི་འོག་ཏུ་འཕྲུལ་དགའ་ཨི་ལྷ་རྣམས་དང། སྐལ་པ་མཉམ་པར་སྐྱེ་བར་འགྱུར་རོ། །དེ་ལ་ལྟུང་བ་སྤོམ་པོ་བསྲུངས་ན་ལུས་ཞིག་པའི་འོག་ཏུ་དགའ་ལྡན་གྱི་ལྷ་རྣམས་དང། ་སྐལ་པ་མཉམ་པར་སྐྱེ་བར་འགྱུར་རོ། །ལྟུང་བྱེད་བསྲུང་ན་འཐབ་བྲལ་དུ་སྐྱེའོ། །སོ་སོར་བཤིགས་པ་བསྲུངས་པས་ན་སུམ་ཅུ་རྩ་གསུམ་དུའོ། །བསླབ་པའི་ཆོས་བསྲུངས་པས་ནི་རྒྱལ་ཆེན་བཞིའི་རིགས་ཀྱི་ལྷར་སྐྱེའོ། །གལ་ཏེ་ཡང་དག་པར་བསྟེན་ན་ནི་མྱ་ངན་ལས་འདས ་པའོ། །དེ་དག་མ་བསྲུངས་པས་ནི་ཚངས་པ་མཚུངས་པར་སྤྱོད་པ་རྣམས་ཀྱིས་སྨད་པར་འགྱུར། འགྱོད་པ་དང་བཅས་པས་འཆི་བའི་དུས་བྱེད་པར་འགྱུར་རོ། །ཕས་ཕམ་པར་འགྱུར་བ་ལས་འདས་པས་ནི། ཚ་བའི་དམྱལ་བ་ཆེན་པོར་སྐྱེ་བར་འགྱུར་རོ། །ལྷག་མའི་ཆོས་ལས་འདས་པས ་ནི་ངུ་འབོད་ཆེན་པོར་རོ། །ལྟུང་བ་སྤོམ་པོ་ལས་འདས་པས་ནི་ངུ་འབོད་དུའོ། །ལྟུང་བྱེད་ལས་འདས་པས་ནི་བསྡུས་འཇོམས་སུའོ། །སོ་སོར་བཤགས་པ་ལས་འདས་པས་ནི་ཐིག་ནག་ཏུའོ། །བསླབ་པའི་ཆོས་ལས་འདས་པས་ནི་ཡང་སོས་སུ་སྐྱེའོ། །མ་ངེས་བ་ནི་གཉིས་ཏེ། དབེན་པ་སྐྱབས ་ཡོད་འདུག་པའོ། །རྩོད་པ་ཞི་བར་བྱེད་པའི་ཆོས་དུ་ཡིད་ཅེ་ན། རྩོད་པ་ཞི་བར་བྱ་བའི་ཆོས་ནི་བདུན་ཏེ། མངོན་སུམ་དྲན་པ་མ་མྱོས་དང། །དེ་བཞིན་གང་མང་ངོ་བོ་ཉིད། །རྩ་རྣམས་བཀྲམ་པ་ལྟ་བུ་དང། །ཁས་བླང་བར་ཡང་བྱ་བའོ། །ཡིད་བརྟན་པར་བྱ་བ་དུ་ཡང་ཅེ་ན། ལྔ་སྟེ། ལྔ་གང ་དག་ཅེ་ན། ཆུ་ཚུགས་ཡིད་བརྟན་པ་དང། བཀང་མ་ཡིད་བརྟན་པ་དང། ཡིད་ཆེས་པས་ཡིད་བརྟན་པ་དང། དགེ་སློང་ཡིད་བརྟན་པ་དང། དགེ་འདུན་ཡིད་བརྟན་པའོ། །།ཡོངས་སུ་ལོངས་སྤྱོད་པ་དུ་ཞེ་ན། བཞི་སྟེ། བཞི་པོ་གང་དག་ཅེ་ན། བདག་པོ་ཡོངས་སུ་ལོངས ་སྤྱོད་པ་དང། བྱིན་པ་ཡོངས་སུ་ལོངས་སྤྱོད་པ་དང། རྗེས་སུ་གནང་བ་ཡོངས་སུ་ལོངས་སྤྱོད་པ་དང། སྐྱིན་པོ་ཡོངས་སུ་ལོངས་སྤྱོད་པ་དང། མི་སྤྱད་པའི་ཡོངས་སུ་ལོངས་སྤྱོད་པའི་ནི་ལྔ་པའོ།། །།ཡང་སྨྲས་པ། མི་སློབ་པ་ནི་བདག་པོར་བཤད། །སློབ ་པ་ལེན་པ་སྤྱོད་པ་ཡིན། །བསམ་གཏན་ཀློག་དང་ལྡན་པ་ནི། །གཟི་བརྗིད་ལྡན་པས་རྗེས་གནང་བརྗོད། །སྐྱིན་པོ་སྤྱོད་པ་ལྷག་མ་སྟེ། །ལེ་ལོས་ཉམས་པའི་བདག་ཉིད་ཡིན། གཙུག་ལག་ཁང་སོགས་ལོངས་སྤྱོད་ལ། ཚུལ་འཆལ་རྣམས་ཀྱི ་སྤྱོད་པ་བཀག་།གསོ་སྦྱོང་དུ་ཡོད། ཉི་ཤུ་རྩ་བཞི་སྟེ། དགུན་ཟླ་འབྲིང་པོ་དང། དཔྱིད་ཟླ་ར་བ་དང། ཐ་ཆུང་དང། དབྱར་ཟླ་འབྲིང་པོ་དང། སྟོན་ཟླ་ར་བ་དང། ཐ་ཆུང་རྣམས་ནི། མར་ངོའི་གསོ་སྦྱོང་ནི་བཅུ་བཞི་པའོ། །ལྷག་མ་རྣམས ་ནི་བཅོ་ལྔ་པའོ། །དགེ་སློང་དང་པོའི་ལོ་དྲི་བ་རྫོགས་སོ།། །།དཔལ་ར་སའི་གཙུག་ལག་ཁང་གི་།འོད་མཆོག་དངོས་གྲུབ་གཙུག་ལག་ཁང་དུ། རྒྱ ་གར་གྱི་མཁན་པོ་དཱི་པོ་ཀ་ར་ཤྲཱི་ཛྙཱ་ན་དང། ལོཙྪ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།ཤཱཀྱའི ་རྒྱལ་པོ་ལ་ན་མོ།། ་