<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4438: dge slong gi dang po'i lo dri ba<br><table><tr><td>
<input type="button" onclick="location.href='tcompletep.php?id=N4438&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4438&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4438&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">byin gyis mdzad pa rdzogs so/ (//dge slong gi lo dri ba bzhugs//) //rgya gar skad du/ b+hik+Shu bar sha graM prits+tsha/ bod skad du/ dge slong gi dang po'i lo dri ba/ /thams cad mkhyen pa la phyag 'tshal lo/ /mkhan po dgongs su gsol phyag
 'tshal lo/ /dgung la bde 'am zhes dri/ chag chag dang phyag dar dang/ maN+Dal bgyi /klog pa dang/ kha ton dang/ dge ba'i phyogs kyis kun tu spyad pa la chos dang mthun par bgyi/ gaN+De'i dus su brjod par bya ba ni/ mkhan po dgongs su gsol/
 phyag 'tshal lo/ /bde bar gsol lam zhes dri/ klog pa dang/ kha ton bgyi/ cung zhig ngal so zhes zhu/ mkhan po dgongs su gsol/ phyag 'tshal lo'o/ /gdugs la bde 'am zhes dri/ rkang pa dag bkru/ mchis mal 'cha'/ srong dang tho rangs la
 mi nyal bar dge ba'i sbyor ba bgyi/ cung zhig ngal bso zhes zhu/ slob dpon dgongs su gsol/ phyag 'tshal lo/ /dgung la bde 'am zhes dri/ chag chag dang/ phyag dar dang/ maN+Dal la sogs pa bgyid/ klog pa dang kha ton bgyid/ bsam
 gtan bgyid/ ces zhus/ gaN+De'i dus su ni/ zas la kun tu spyad par bgyid/ zhabs la sku mnye la sogs pa bgyid/ mnyan ba dang bsam pa la sogs pa bgyid ces zhu/ de ni khyod kyi rjes su gnang bas so/ /glo bur du 'ongs
 ba la dri zhing lan gdab pa/ lo du lon zhe na/ lo lon pa'am ma lon pa zhes bya ba la sogs pa brjod/ dus gang zhe na/ so ga'i dus la sogs pa'o/ /ci tsam thob ce na/ zla ba gcig gam/ zla ba phyed dam/ zhag bcu pa la sogs pa'o/ /zas kyi snga
 rol lam zas kyi 'og rol ce na/ de bzhin du zas kyi snga rol lam zas kyi 'og rol zhes lan gdab po/ /skyes bu du dang rtsa ba du zhe na/ skyes bu gcig dang rtsa ba gnyis zhes bya ba la sogs pa brjod do/ /mkhan po gang yin zhe na/ don gyi slar
 du mtshan nas smos te/ bla ma mkhan po che ge mo zhes bya'o/ /las byed pa'i slob dpon gang zhe na/ slob dpon che ge mo zhes so/ /gsang ste ba ston pa'i slob dpon gang zhe na/ slob dpon che ge mo zhes so/ /dus du yod ce na lnga'o/ /lnga po dag gang zhe na/
 rgun dang/ sog dang/ dbyar dang/ dbyar thung du dang/ dbyar ring po zhes bya ba'o/ /de la rgun gyi dus tshong ji tsam zhe na/ zla ba bzhi'o/ /bzhi po dag gang zhe na/ rgun zla ra ba dang/ rgun zla 'bring po dang/ rgun zla tha chung dang/ dpyid zla ra ba zhes so/ /so ga'i
 dus tshod ji tsam zhe na/ zla ba bzhi'o/ /dpyid zla 'bring po dang/ dpyid zla tha chung dang/ dbyar zla ra ba dang/ dbyar zla 'bring po dag go/ dbyar gyis dus ji tsam zhe na/ zla ba gcig ste/ dbyar zla tha chung ngo/ /dbyar thung du'i dus ji tsam zhe na/ nyin
 zhag gcig ste/ nyin zhag gcig po gang yin zhe na/ ston zla ra ba tshes gcig gi nyin zhag go/ dbyar ring po'i tshad ji tsam zhe na/ nyin zhag de nyid ma tshang ba'i zla ba gsum mo/ /zla ba gsum po dag gang yin zhe na/ ston zla ra ba dang/
 ston zla 'bring po dang/ ston zla tha chung ngo/ /yang smras pa/ zhag gcig ma che ba zla gsum dang/ /bzhi dang de bzhin bzhi po dang/ /zla ba gcig yin zhag gcig yin/ /zhes bya dus kyi lnga por brjod/ /sde pa gang zhe na/ 'phags pa thams cad yod par smra
 ba zhes bya ba la sogs pa'o// //de'i dbye ba gang zhe na/ 'phags pa gzhi thams cad yod par smra ba zhes bya ba la sogs pa'o// //yang sde pa du zhe na/ bzhi'o/ /bzhi po gang dag ce na/ 'phags pa thams cad yod par smra ba
 dang/ 'phags pa dge 'dun phal chen pa dang/ 'phags pa mang pos bkur pa dang/ 'phags pa gnas brtan pa'o// //de dag la dbye ba du yod ce na/ bco brgyad do/ /bco brgyad po de dag/ ji ltar na bco brgyad du 'gyur zhe na/ 'phags
 pa thams cad yod par smra pa'i dbye ba bzhi'o/ /de bstan par bya ste/ 'od srungs zhes byas srung dang/ chos srung ba zhes bya ba dang/ gzhi kun yod par smra ba ste/ lta ba'i bye brag 'ba' zhig gis/ /rgyu yis 'di dag tha dad byas/ /ston pa tha dad yod ma
 yin/ /dge 'dun phal chen dbye ba ni/ /drug sde shar gyi ri bo dang/ /de bzhin nub ri zhes bya dang/ /gang gnas zhes bya de las gzhan/ /rnam par phye ste smra ba dang/ /gzhan ni de bzhin btags par smra/ /'jig rten 'das smra zhes bya ba/ /de dag du ni yang
 dag smras// //mang pos bskur ba'i bye brag ni/ /rnam pa lngar ni mkhas pas bsgrags/ /gos dmar ba dang srung ba pa/ /ku ru kul+le de las gzhan/ /mang du thos pa zhes bya dang/ /gnas ma bu zhes bya ba'o/ /rgyal byed tshal na gnas
 pa dang/ /'jigs med ri la gnas pa dang/ /gtsug lag khang chen la gnas dang/ /gnas brtan dbye ba gsum du 'dod// //shAkya seng ge'i bstan pa ni/ /de ltar bye brag bco brgyad du/ /gyur te 'gro ba'i bla ma de'i/ /sngon
 gyi phrin las nyes ba yin// //rten du zhe na/ bzhi ste/ bzhi gang dag ce na/ gos phyag dar khrod la brten pa dang/ zas bsod snyoms la brten pa dang/ gnas mal shing drung la brten pa dang/ sman bskus te bor ba la brten
 pa'o// //ltung bar 'gyur ba'i chos du zhe na/ bzhi ste/ bzhi po gang dag ce na/ mi tshangs par spyod pa dang/ gzhan gyis nor 'phrog pa dang/ mi'i srog gcod pa dang/ mi'i chos bla mar smra pa'o// //dge sbyong du byed pa'i chos  
 du zhe na/ bzhi ste/ bzhi po gang dag yin zhe na/ gshe ba la yang slar mi gshe ba dang/ khros kyang slar mi khro ba dang/ brdeg kyang slar mi rdeg pa dang/ mtshang brus kyang slar mi 'bru ba'o// //ltung ba ris du yod ce na/ lnga ste/ lnga po gang
 dag ce na/ phas pham par 'gyur ba'i ris dang/ dge 'dun lhag ma'i ris dang/ ltung byed kyi ris dang/ so sor bshags pa'i ris dang/ bslab pa'i ris zhes bya ba'o/ /de la phas pham par 'gyur ba du yod ce na/ bzhi ste/ bzhi pa gang dag yin
 zhe na/ /mi tshangs par spyod pa dang/ ma byin par len pa dang/ mi gsod ba dang/ mi'i chos bla ma smra ba'o/ /dge 'dun lhag ma'i chos du yod ce na/ bcu gsum mo/ /bcu gsum po gang dag yin zhe na/ 'byin pa dang/ lus kyis reg pa dang/
 'khrig /tshig smra ba dang/ bsnyen bkur bsngags pa dang/ smyan byed pa dang/ khang pa brtsigs pa dang/ gtsug lag khang brtsigs pa dang/ gzhi med pa'i chos kyis smra ba dang/ gzhan gyi cha dang mthun pas rjes su smra ba dang/ dge 'dun gyi
 dbyen byed pa dang/ de'i rjes su phyogs su phyogs pa dang khyim sun 'byin pa dang/ bka' blo mi bde bar byed pa'o/ /ltung byed kyi chos du yod ce na/ brgya phrag gcig dang nyi shu lhag pa'o/ /spang ba'i ltung byed kyi chos sum cu po gang dag yin/ ltung ba 'ba' 
 shig dgu bcu ni gang dag yin/ spang ba'i ltung byed kyi chos sum cu po ni/ gos 'chang ba dang/ 'bral ba dang/ zla ba gcig las lhag pa dang/ 'khrur 'jug pa dang/ len pa dang/ slong ba dang/ stod g.yogs smad g.yogs mthar
 thug ba las/ lhag pa dang/ ma bstabs pa'i gos kyi rin dang/ so so ba dang/ gos kyi rin bskur ba zhes bya ba'o/ /srin bal dang/ nag po 'ba' shig dang/ cha gnyis dang/ lo drug dang/ gding ba mtho gang ma klan pa dang /
 pa la khur ba dang/ bal gyi las dang/ gser dngul len pa dang/ mngon mtshan can dang/ nyo tshong ngo/ /lhung bzed lhag pa 'chang ba dang/ lhung bzed gzhan tshol ba dang/ 'thag pa dang/ 'thag pa bskyed pa dang/ byin 'phrog dang/
 brtad pa las byung ba dang/ zhag drug las lhag par 'bral ba dang/ dbyar gyi gos ras chen gyi dang/ bsngos pa gzhan du bsgyur ba dang/ zhag bdun pa zhes bya ba dag go /ltung ba 'ba' zhig dgu bcu gang dag yin zhe na/ brdzun du
 smra ba dang/ dge slong gi skyon smra ba dang/ dge slong gi dbyen dang/ las dkrug ba dang/ ston pa dang/ 'don pa dang gnas ngan len brjod pa dang/ mi chos bla ma sgrogs pa dang/ skur pa 'debs pa dang/ bslab pa la khyad du gsod
 pa'o/ /sa bon 'joms pa dang/ 'phya ba dang/ bsgo ba dang/ mal khri dang/ gding ba dang/ gtsug lag kha nas skrod pa dang/ phyis gnon byed pa dang/ rkang pa dbyung ba'i khri la 'dug pa dang/ srog chags dang bcas pa'i chu la
 spyod pa dang/ gtsug lag khang zhes bya ba'o/ /ma bskos par ston pa dang/ nyi ma nub kyi bar du ston pa dang/ zas cung zad tsam gyi phyir ston pa dang/ gos sbyin pa dang/ gos byed pa dang/ dge slong ma dang bcas pa'i lam dang/ dge
 slong ma dang bcas pa'i chu la 'gro ba dang/ bud med de bstan gcig pa dang/ dge slong ma dang/ gnas gcig pa dang/ dge slong mas nye bar sbyor du bcug pa'i zas so/ /zas yang yang za ba dang/ 'dug gnas
 gcig tu lhag par za ba dang/ lhung bzed de gsum las lhag par len pa dang/ stan gcig pa'i zas dang/ spangs pa la stobs pa dang/ 'dus shing za ba dang/ dus ma yin par za ba dang/ sogs 'jog za ba dang/ byin
 len ma byas par za ba dang/ bsod pa blangs nas za ba'o/ /yang srog chag yod pa'i chu la spyod pa dang/ nyal po byed par 'dug pa dang der 'greng ba dang/ gcer bu pa la sbyin pa dang/ dmag la lta ba dang/ der zhag gnyis las lhag par
 gnas pa dang/ der yang bshams pa dkrugs pa dang/ rdeg pa dang/ gzas pa dang/ dge slong gi ltung ba 'chab pa'o/ /zas gcod pa dang/ me la reg pa dang/ bdun pa phyir len pa dang/ bsnyen par ma rdzogs pa dang/ nub gnyis las lhag
 par nyams pa dang/ bar chad kyi chos bar du mi gcod ces zer ba dang/ de dang gnas gcig tu nyal ba dang/ dge tshul bsnyil bsdud pa dang/ kha dog ma bsgyur ba dang/ gzhan gyi rin po che la reg pa dang/ khrus yang yang byed pa'o/ /dud 'gro
 gsod pa dang/ 'gyod pa bskyed pa dang/ g.ya' sgog pa dang/ chu la rtse ba dang/ bud med dang lhan cig nyal ba dang/ sdangs par byed pa dang/ sped pa dang/ rdeng med par spyod pa dang/ gzhi med par bsgrub ba dang/ bud med dang 'gron lam du
 'grogs pa'o/ /rkun ma dang 'grogs ma dang/ lo ma tshang bar bsnyen par rdzogs pa dang/ sa rko ba dang/ lhag par bdag gir byed pa dang/ bslab pa ston pa las phyir zlogs pa dang/ nyan nas 'dug pa dang/ mi smra bar 'go pa dang/ ma gus pa dang/
 chang 'thung ba dang/ dus ma yin par spyod pa zhes bya'o/ /grong rgyu ba dang/ rgyal po'i khyim du nub mo 'gro ba dang/ bslab pa'i gzhi 'don pa na rgod pas gnas pa dang/ khyab ral sgrub pa dang/ khri rkang mthon po byed pa dang/ shing bal bting pa dang/ gding
 ba dang g.yon pa dgab ba dang/ dbyer gyi gos ras chen gyi dang/ bde bar gshegs pa'i chos gos kyi dag go/ so sor bshags pa'i chos du yod ce na/ bzhi ste/ dge slong ma la bsod snyoms len pa dang/ de zhal lta byed pa la ma bsgo bar za ba
 dang/ khyim sdom pas bsdoms pa 'dral ba dang/ dgon pa 'jigs pa dang gnas pa'i zhes bya'o/ /bslab pa'i chos du zhe na/ brgya rtsa bcu gnyis te/ gang dag ce na/ sham thabs la yang rnam bdun te/ kun nas zlum por bgo ba dang/ ha cang rtsengs
 pa ma yin pa dang/ ha cang 'jol ba dang/ glang po che'i sna lta bu dang/ ta la'i lo ma lta bu dang/ 'bru'i phur ma lta bu dang/ sprul mgo'i gdengs ka lta bur ma yin par cig car bslab par bya'o/ /de la chos gos la yang rnam pa gsum ste/ chos gos zlum
 por bgo ba dang/ ha cang rtsengs pa dang/ 'jol ba ma yin pa'i bgo ba'o/ /shin tu bsdams pa la sogs pa ni lnga ste/ khyim du 'gro ba'i bslab pa'o/ /shin tu bsdams pa dang/ legs par bgos pa dang/ sgra bsgyung ba dang/ mig mi g.yeng ba dang/
 gnya' shing gang tsam du blta zhing 'gro ba'o/ /mgo g.yogs pa la sogs pa ni lnga ste/ khyim du 'gro ba'i bslab pa'o/ /mgo mi g.yogs pa dang/ mi brdzi ba dang/ mi gzar ba dang/ gnya'? gong du mi bsnol ba dang lhag par mi bsnol
 pa'o/ /mi mchong ba la sogs pa la lnga yang/ khyim du 'gro ba'i bslab pa ste/ mi mchong ba dang/ mi brkyang ba dang/ tsog pus ma yin pa dang/ brang bas ma yin pa dang/ dkur mi brten pa'o/ lus la sogs pa lnga yang /
 khyim du 'gro ba'i bslab ba ste/ lus mi bsgyur ba dang/ lag pa mi kyog pa dang/ bgo mi bsgyur ba dang/ phrag pa mi sprad pa dang/ lag pa mi sbral pa'o/ /'dug par bya ba'i/ stan ni dgu ste/ khyim du 'dug
 pa'i bslab pa'o/ /stan la ma bsgo ba dang/ ma brtags pa dang/ ljid kyis mi dbab pa dang/ rkang pa mi bsnol ba dang/ brla mi bsnol ba dang/ long bu mi brtseg pa dang/ rkang pa mi dgug pa dang/ rkang pa mi gdang ba dang/
 'doms mi bstan pa'o/ /byin len bya ba brgyad de/ zas blang ba'i dus kyi bslab pa'o/ /legs par zas blang ba dang/ mu dang mnyam par ma yin pa dang/ tshod ma dang mnyam bar ma yin pa dang/ mthal chags dang/ lhung
 bzed la lta ba dang/ ma 'ongs bar lhung bzed mi bzed pa dang/ 'dod pa'i phyir phan tshun mi gdab pa dang/ bza' ba dang bcas pa'i steng du lhung bzed mi bzung bar bya'o/ /zas la legs par phya ba drug ni/ zas za ba'i dus
 kyi bslab pa ste/ legs par zas bza' ba dang/ khams ha cang mi che ba dang/ chung ba ma yin pa dang/ ran pa dang/ ma bzas bar kha mi gdang ba dang/ kha kham gyis bkang ste mi smra ba'o/ /tsug tsug la sogs pa lnga yang/
 zas za ba'i dus kyi bslab ba ste/ cug cug dang/ lcag lcag dang/ hu hu dang/ phu phu mi bya ba dang/ lce phyung ste zas mi bza' ba'o// //'bru nas tha dad byed pa lnga yang/ zas za ba'i dus kyi bslab pa
 ste/ 'bru nas tha dad du ma yin pa dang/ 'phyas mi gdags pa dang/ khur ba mi spo ba dang/ rkan mi gtogs pa dang kham 'phror mi bcad par zas bza' ba'o/ /lag pa ldag pa la sogs pa lnga yang/ zas za ba'i dus
 kyi bslab pa ste/ lag pa mi sdug pa dang/ lhung bzad mi phyogs pa dang/ lag pa mi ldag pa dang/ lhung bzed mi bskyam pa dang/ mchod rten 'dra ba bcom ste mi bza' ba'o// //'phyas la sogs pa rnam pa bzhi ni/ gzhan
 gyis sems bsrung ba la sogs pa'i bslab pa ste/ 'phyas kyi bsam pas mi blta ba dang/ lag pa zas dang 'bag pas chu snod la ma bzung ba dang/ zas dang 'bag pas drung na mol mi gtor ba dang/ ma dris par chu zas dang
 'bags pa khyim gzhan du mi dbo? bar bslab par bya'o// //lhung bzed la yang rnam pa bcu ste/ lhung bzed kyi bslab ba ste zas kyi lhag ma lhung bzed kyis mi dor ba dang/ gzhi med par lhung bzed mi gzhag pa
 dang/ gang khar ma yin pa dang/ g.yar sar ma yin pa dang/ dkan gzan por lhung bzed mi gzhag pa dang/ 'greng ste mi bkru ba dang/ gad kha dang/ g.yang sa dang/ dkan gzar por ma yin par lhung bzed mi gzhag par
 bya/ rgyun las bzlog ste mi bcu bar bslab par bya'o// //'grang bar byed pa la sogs pa lnga ni/ chos bshad pa'i dus kyi brlab pa ste/ min par 'dug pa dang/ nyal ba dang/ stan 'thon po la 'dug pa
 dang/ mdun du 'gro ba dang/ lam nas 'gro ba la 'greng ba dang/ 'dug pa dang/ dma' ba la 'dug pa dang/ phyi nas 'gro ba dang/ 'gram nas 'gro ba la chos mi bshad pa'o// //mgo g.yogs pa rnam pa lnga yang /
 chos bshad pa'i dus kyis bslab pa ste/ mi na bar mgo g.yogs pa dang/ brjes pa dang/ gzar ba dang/ gnyar bsnol ba dang/ ltag par bsnol ba la chos mi bshad de/ /do ker can la/ sogs pa lnga yang/ dus de'i bslab
 pa ste/ min par skra do ker can dang/ zha gyon pa dang/ mgo cod pan can dang/ phreng ba can dang/ dkris pa la chos mi bshad do/ /glang chen la sogs pa bzhin pa lnga yang/ dus de'i bslab pa ste/ glang po che dang/ rta dang khyogs dang/ gzhon pa'i steng na 'dug
 pa dang/ mchil lham gyon pa rnams la chos mi bshad do/ /lag na? 'khar ba la sogs drug 'di yang/ de'i dus kyi bslab pa ste/ min bar lag na 'khar ba dang/ gdugs dang/ mtshon cha dang/ ral gri dang/ dgra cha thags pa dang/ go cha gyon pa la chos mi bshad do/ /na ba rnam pa
 bzhi rnams te/ min pa'i dus kyi bslab pa'o/ /min par 'greng bas dus kyis bshad ci mi bya chu'i nang du bshang gci dang/ mchil ma dang/ snabs dang/ skyugs pa dang/ rlugs pa mi dor ro/ /rtsa sngon po la de dag mi dor ro/ /gnod pa ma byung bar shing la mi gang las
 'thor mi 'dzeg par bslab par bya'o/ /de lta bu'i bslab pa'i gnas nyis brgya lnga bcu rtsa gsum lhag pa 'di dag bsrungs shing ma 'das na de'i 'bras bu ni gang/ phan yon ni ci yod/ gang gis ma bsrungs shing 'das pa de dag gi rnam par smin pa ni gang yin nyes
 dmigs ni ci yod ce na de la gang bsrung ba de ni tshangs pa mtshungs par spyod pa mkhan po rnams kyis rab tu bsngags par 'gyur/ 'chi ba'i dus byed pa'i tshe 'gyod pa med par 'gyur ro/ /de la phas pham par 'gyur ba bsrung na/ lus zhig pa'i 'og tu gzhan 'phrul dbang
 byed kyi lha rnams dang/ skal pa mnyam par skye bar 'gyur ro/ /dge 'dun lhag ma bsrungs nas/ lus zhig pa'i 'og tu 'phrul dga' i lha rnams dang/ skal pa mnyam par skye bar 'gyur ro/ /de la ltung ba spom po bsrungs na lus zhig pa'i 'og tu dga' ldan gyi lha rnams dang/
 skal pa mnyam par skye bar 'gyur ro/ /ltung byed bsrung na 'thab bral du skye'o/ /so sor bshigs pa bsrungs pas na sum cu rtsa gsum du'o/ /bslab pa'i chos bsrungs pas ni rgyal chen bzhi'i rigs kyi lhar skye'o/ /gal te yang dag par bsten na ni mya ngan las 'das
 pa'o/ /de dag ma bsrungs pas ni tshangs pa mtshungs par spyod pa rnams kyis smad par 'gyur/ 'gyod pa dang bcas pas 'chi ba'i dus byed par 'gyur ro/ /phas pham par 'gyur ba las 'das pas ni/ tsha ba'i dmyal ba chen por skye bar 'gyur ro/ /lhag ma'i chos las 'das pas
 ni ngu 'bod chen por ro/ /ltung ba spom po las 'das pas ni ngu 'bod du'o/ /ltung byed las 'das pas ni bsdus 'joms su'o/ /so sor bshags pa las 'das pas ni thig nag tu'o/ /bslab pa'i chos las 'das pas ni yang sos su skye'o/ /ma nges ba ni gnyis te/ dben pa skyabs
 yod 'dug pa'o/ /rtsod pa zhi bar byed pa'i chos du yid ce na/ rtsod pa zhi bar bya ba'i chos ni bdun te/ mngon sum dran pa ma myos dang/ /de bzhin gang mang ngo bo nyid/ /rtsa rnams bkram pa lta bu dang/ /khas blang bar yang bya ba'o/ /yid brtan par bya ba du yang ce na/ lnga ste/ lnga gang
 dag ce na/ chu tshugs yid brtan pa dang/ bkang ma yid brtan pa dang/ yid ches pas yid brtan pa dang/ dge slong yid brtan pa dang/ dge 'dun yid brtan pa'o/ //yongs su longs spyod pa du zhe na/ bzhi ste/ bzhi po gang dag ce na/ bdag po yongs su longs
 spyod pa dang/ byin pa yongs su longs spyod pa dang/ rjes su gnang ba yongs su longs spyod pa dang/ skyin po yongs su longs spyod pa dang/ mi spyad pa'i yongs su longs spyod pa'i ni lnga pa'o// //yang smras pa/ mi slob pa ni bdag por bshad/ /slob
 pa len pa spyod pa yin/ /bsam gtan klog dang ldan pa ni/ /gzi brjid ldan pas rjes gnang brjod/ /skyin po spyod pa lhag ma ste/ /le los nyams pa'i bdag nyid yin/ gtsug lag khang sogs longs spyod la/ tshul 'chal rnams kyi
 spyod pa bkag /gso sbyong du yod/ nyi shu rtsa bzhi ste/ dgun zla 'bring po dang/ dpyid zla ra ba dang/ tha chung dang/ dbyar zla 'bring po dang/ ston zla ra ba dang/ tha chung rnams ni/ mar ngo'i gso sbyong ni bcu bzhi pa'o/ /lhag ma rnams
 ni bco lnga pa'o/ /dge slong dang po'i lo dri ba rdzogs so// //dpal ra sa'i gtsug lag khang gi /'od mchog dngos grub gtsug lag khang du/ rgya
 gar gyi mkhan po dI po ka ra sh+rI dz+nyA na dang/ lots+tsha ba dge slong tshul khrims rgyal bas bsgyur cing zhus te gtan la phab pa// //shAkya'i
 rgyal po la na mo//